Geparin malhami (Heparin ointment) Tashqi foydalanish uchun Altaivitaminlar har biri 25 g (naycha)

Tarkib

Ta’sir etuvchi moddalar:

Geparin natriy - 10000 XB

Benzokain (anestezin) - 4,0 g

Benzilnikotinat - 0,08 g

Yordamchi moddalar: glitserol (distillangan glitserin) - 15,0 g, vazelin - 6,0 g, stearin - 5,0 g, makkajo‘xori moyi - 5,0 g, emulgator No1 - 8,0 g, metilparagidroksibenzoat - 0,15 g, propilparagidroksibenzoat - 0,05 g, tozalangan suv - 100 g gacha.

Tavsif

Oq rangli, sarg‘ish tusli bir xil maz.

Chiqarish shakli

Sirtga qo‘llash uchun surtma.

Farmakoterapevtik guruh

Mahalliy qo‘llash uchun to‘g‘ridan-to‘g‘ri ta’sir etuvchi antikoagulyant vosita + boshqa preparatlar. Geparin boshqa preparatlar bilan kombinatsiyada. ATX kodi: C05BA53.

Farmakologik xususiyatlari

Farmakodinamika

Ta’siri tarkibiga kiruvchi komponentlarning xususiyatlariga bog‘liq bo‘lgan, sirtga qo‘llash uchun mo‘ljallangan kombinatsiyalangan preparat.

Geparin bevosita ta’sir qiluvchi antikoagulyant bo‘lib, o‘rta molekulyar geparinlar guruhiga kiradi. Sirtga qo‘llanganda mahalliy antikoagulyant, ekssudativga qarshi, yallig‘lanishga qarshi o‘rtacha ta’sir ko‘rsatadi. Trombin hosil bo‘lishini bloklaydi. Geparin yallig‘lanish jarayonini kamaytiradi va antikoagulyant ta’sir ko‘rsatadi, bilvosita mikrotsirkulyatsiyani yaxshilaydi, bu gematomalar va tromblarning so‘rilish jarayoniga va to‘qimalarning shishishini kamaytirishga yordam beradi.

Benzilnikotinat - yuzaki tomirlarni kengaytirib, geparinning so‘rilishiga yordam beradi.

Benzokain - mahalliy anestetik bo‘lib, og‘riq sezgilarini kamaytiradi. Teriga surtilganda mahalliy og‘riq qoldiruvchi ta’sir ko‘rsatadi.

Farmakokinetika

- So‘rilishi: teriga surtilganda preparatning 5% ga yaqini tizimli qon oqimiga so‘riladi.

- taqsimlanishi: Preparatning qondagi ta’siri applikatsiyadan 8 soat o‘tgach kuzatiladi.

-metabolizm: T1/2 12 soatni tashkil etadi.

- chiqarilishi: organizmda to‘planmaydi va asosan sutka davomida buyraklar orqali chiqariladi.

Ta’sir etuvchi moddalar - benzokain va benzilnikotinatning mahalliy qo‘llanilishidagi farmakokinetikasi o‘rganilmagan.

Ko‘rsatmalar

Yumshoq to‘qimalarning mahalliy infiltratlari va shishlari, jarohatlar va lat yeyishlar (shu jumladan mushak to‘qimalari, paylar, bo‘g‘imlar), yuzaki venalarning tromboflebitlari, teri osti gematomalari (shu jumladan inyeksiyadan keyingi va flebektomiyadan keyingi), tashqi gemorroy.

Qarshi ko‘rsatmalar

Surtma komponentlariga yuqori sezuvchanlikning ma’lumligi, surtma qo‘llanilishi taxmin qilingan joylarda terining yarali-nekrotik o‘zgarishlari, teri butunligining travmatik buzilishi, 18 yoshgacha bo‘lgan bolalar.

Agar sizda sanab o‘tilgan kasalliklardan biri bo‘lsa, preparatni qo‘llashdan oldin albatta shifokor bilan maslahatlashing.

Ehtiyotkorlik bilan

Qon ketishiga moyillikning ortishi, trombotsitopeniya (qonda trombotsitlar sonining me’yordan kamayishi).

Agar sizda sanab o‘tilgan kasalliklardan biri bo‘lsa, preparatni qo‘llashdan oldin albatta shifokor bilan maslahatlashing.

Qo‘llash usuli va dozalari

Sirtga, surtma teri diametri 3-5 sm bo‘lgan joyga 0,5-1,0 g hisobida yupqa qatlam bilan surtiladi va ehtiyotkorlik bilan teriga surtiladi.

Tashqi gemorroidal tugunlar trombozida surtma bevosita tromblangan tugunlarga mahkamlanadigan surp yoki polotno asosga surtiladi. Xuddi shu maqsadda rektal yuborish uchun geparin malhami shimdirilgan tampondan foydalanish mumkin.

Yallig‘lanish belgilari yo‘qolguncha har kuni sutkasiga 2-3 marta, o‘rtacha 13-14 kun davomida qo‘llaniladi. Davolash muddati shifokor tomonidan belgilanadi.

Agar davolanishdan so‘ng ahvol yaxshilanmasa yoki alomatlar og‘irlashsa yoki yangi alomatlar paydo bo‘lsa, shifokor bilan maslahatlashish zarur.

Preparatni faqat ko‘rsatmalarga, qo‘llash usuliga va yo‘riqnomada ko‘rsatilgan dozalarda qo‘llang.

Nojo‘ya ta’sirlari

Mahalliy reaksiyalar: teri allergik reaksiyalari, teri giperemiyasi.

Preparat tarkibida metil- va propil-paragidroksibenzoat mavjudligi sababli sekinlashgan turdagi allergik reaksiyalarni (masalan, kontaktli dermatit) yoki (kamroq hollarda) zudlik bilan yuzaga keladigan turdagi reaksiyalarni (eshakemi, bronxospazm) keltirib chiqarishi mumkin.

Nojo‘ya ta’sirlar paydo bo‘lganda, preparatni qo‘llashni to‘xtatish va shifokorga murojaat qilish lozim.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Surtma komponentlarining past so‘rilishi tufayli dozani oshirib yuborish ehtimoli kam.

O‘zaro aloqa

- Farmatsevtika:

Sirtga qo‘llash uchun boshqa vositalar bilan aralashtirish tavsiya etilmaydi, nosteroid yallig‘lanishga qarshi preparatlar, tetratsiklinlar, antigistamin vositalar bilan bir vaqtda mahalliy buyurilmaydi.

Narkotik bo‘lmagan analgetiklar, xolinesteraza ingibitorlari bilan bir vaqtda qo‘llanganda benzokainning ta’siri kuchayadi.

- farmakodinamik:

Antikoagulyantlar bir vaqtda peroral qo‘llanganda protrombin vaqtini uzaytirishi mumkin.

Maxsus ko‘rsatmalar

Qon ketganda, shuningdek, ochiq jarohatlarda, shilliq qavatlarda va mahalliy yiringli jarayonlarda qo‘llash tavsiya etilmaydi. Tomirlar o‘tkazuvchanligi yuqori bo‘lganda, ehtiyotkorlik bilan qo‘llaniladi. Surtmani chuqur venoz trombozda qo‘llash tavsiya etilmaydi.

Preparatni mustaqil qo‘llashda maksimal muddatlar va tavsiya etilgan dozalardan oshmang.

Homiladorlik va laktatsiya

Geparin natriy yo‘ldosh orqali va ko‘krak sutiga o‘tmaydi. Preparatni faqat ona uchun potensial foyda homila va bola uchun potensial xavfdan yuqori bo‘lgan holdagina qo‘llash mumkin.

Transport vositalari va mexanizmlarini boshqarish qobiliyatiga ta’siri

Preparat diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlarini bajarish qobiliyatiga ta’sir ko‘rsatmaydi (jumladan, transport vositalarini boshqarish, harakatlanuvchi mexanizmlar bilan ishlash).

Qadoq

Alyuminiy tubalarda 25 g dan. Har bir tuba qo‘llanilishi bo‘yicha yo‘riqnoma bilan birga karton qutiga solinadi.

Saqlash shartlari

15 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan keyin qo‘llanilmasin.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

ALTAYVITAMINLAR AJ Rossiya

Ishlab chiqaruvchi

ALTAYVITAMINLAR AJ Rossiya