Katariya 5,6 g №6 og'iz eritmasi uchun klyukva ta'mi granulalari bilan (paketlar)

Tarkib

1 ta sashe (5,6 g granula) tarkibida quyidagilar mavjud:

Faol moddasi: natriy sitrat - 4 g.

Yordamchi moddalar: saxaroza, natriy saxarin, klyukva ta’m qo‘shimchasi 191121.

Tavsif

Oq yoki deyarli oq rangli, yoqimli hidli sochiluvchan donachalar.

Chiqarish shakli

Bitta sashga 5,6 g dan, karton qutiga 6 g dan granula solinadi.

Farmakoterapevtik guruh

Urologiyada ishlatiladigan vositalar. ATX kodi: G04BX.

Farmakologik xususiyatlari

Natriy sitrat bikarbonatga metabolizmga uchraydi, bu esa sistitda kuzatiladigan dizuriyaning regressiyasiga yordam beradi; siydikning kislotaliligini kamaytirib, uning ishqorlanishiga olib keladi.

Qo‘llanilishi

Ayollarda sistit belgilarini yengillashtirish.

Qo‘llash usuli va dozalari

Ayollar (kattalar)

Bitta sashe ichidagisi bir stakan suvda eritiladi.

Kuniga 3 mahal 1 sashedan 48 soat davomida ichiladi.

Tayyorlangan eritmani darhol ishlatish kerak.

Qarshi ko‘rsatmalar

Natriy sitrat va preparat komponentlariga yuqori sezuvchanlik. Qandli diabet, yurak-qon tomir kasalliklari, arterial gipertenziya, buyrak kasalliklari bilan og‘rigan, shuningdek, kam tuzli parhezda bo‘lgan bemorlarga qo‘llash mumkin emas.

Nojo‘ya ta’sirlari.

Ayrim hollarda terida toshmalar, qorinda og‘riq paydo bo‘ladi.

Boshqa dori vositalari bilan o‘zaro ta’siri va boshqa turdagi o‘zaro ta’sirlar.

Aniqlanmagan.

Maxsus ogohlantirishlar

Davolash boshlanganidan ikki kun o‘tgach, kasallik belgilari saqlanib qolsa, shifokorga murojaat qilish zarur.

Bolalar

Tavsiya etilmaydi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin iste’mol qilmaslik lozim.

Homiladorlik yoki emizish davrida qo‘llash

Homiladorlik va emizish davrida qo‘llash mumkin emas.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Aniqlanmagan.

Dozani oshirib yuborish

Preparat dozasi oshirib yuborilganda simptomatik davo o‘tkazish zarur.

Yaroqlilik muddati

2 yil.

Saqlash shartlari

25 °C dan yuqori bo‘lmagan haroratda, quruq va yorug‘lik tushmaydigan joyda saqlanadi.

Dorixonalardan berish shartlari

Retsept bo‘yicha.

Ishlab chiqaruvchi

KUSUM XELTXKER PVT.Ltd.

SP 289 (A), RIIKO Indl. Chopanki areasi, Bxivadi (Raj), Hindiston.