Papaverin gidroxloridi Borisovskiy Zmp D/in eritmasi. 2% 2 ml №10 (ampulalar)

Tarkib

Bitta ampula (2 ml) quyidagilarni o‘z ichiga oladi: ta’sir etuvchi modda: papaverin gidroxlorid - 40 mg, yordamchi moddalar: dinatriy edetat, DL-Metionin, inyeksiya uchun suv.

Tavsif

Tiniq, kuchsiz sarg‘ish tusli suyuqlik.

Chiqarish shakli

Inyeksiya uchun eritma 20 mg/ml.

Farmakoterapevtik guruh

Spazmolitik vosita. Papaverin. ATX kodi: A03AD01.

Farmakologik xususiyatlari

Farmakodinamika

Papaverin silliq mushaklar tonusini pasaytiradi va tomir kengaytiruvchi hamda spazmolitik ta’sir ko‘rsatadi. U fosfodiesteraza fermentining ingibitori bo‘lib, siklik 3,5 - adenozinmonofosfatning hujayra ichida to‘planishiga olib keladi, bu esa silliq mushaklarning qisqaruvchanligining buzilishiga va spastik holatlarda ularning bo‘shashishiga olib keladi. Papaverinning markaziy asab tizimiga ta’siri kuchsiz, lekin katta dozalarda tinchlantiruvchi ta’sir ko‘rsatadi. Preparat katta dozalarda yurak mushaklarining qo‘zg‘aluvchanligini pasaytiradi va yurak ichi o‘tkazuvchanligini sekinlashtiradi.

Farmakokinetika

Biomavjudligi - 54%. Plazma oqsillari bilan bog‘lanishi - 90%. Yaxshi taqsimlanadi, gistogematik to‘siqlar orqali o‘tadi. Jigarda metabolizmga uchraydi. Yarim chiqarilish davri (T1/2 - 0,5-2 soat (24 soatgacha uzayishi mumkin). Buyraklar orqali metabolitlar holida chiqariladi.

Gemodializda qondan butunlay chiqib ketadi.

Ko‘rsatmalar

Qorin bo‘shlig‘i a’zolarining silliq mushaklari spazmi (xoletsistit, pilorospazm, spastik kolit), bronxlar (bronxospazm), periferik tomirlar, bosh miya tomirlari, siydik yo‘llari (buyrak sanchig‘i). Premedikatsiya uchun yordamchi vosita sifatida.

Qarshi ko‘rsatmalar

Preparat komponentlariga yuqori sezuvchanlik, atrioventrikulyar (AV) o‘tkazuvchanlikning buzilishi, glaukoma, og‘ir jigar yetishmovchiligi, komatoz holat, nafas olishning pasayishi, keksa yosh (gipertermiya rivojlanish xavfi), bolalik davri (6 oygacha).

Ehtiyotkorlik bilan

Preparatni zaiflashgan bemorlarga, shuningdek, bosh miya jarohati, buyrak faoliyati buzilishi, gipotireoz, buyrak usti bezi faoliyati yetishmovchiligi, prostata bezi gipertrofiyasi bo‘lgan bemorlarga, shuningdek, qorincha usti taxikardiyasi bo‘lgan va shok holatidagi bemorlarga ehtiyotkorlik bilan va kichik dozalarda buyurish lozim.

Qo‘llash usuli va dozalari

Mushak ichiga, teri ostiga yoki vena ichiga.

Kattalar uchun bir martalik doza 20-40 mg (1-2 ml 20 mg/ml eritma); inyeksiyalar orasidagi interval - kamida 4 soat. Preparatni 10-20 ml natriy xloridning izotonik eritmasi bilan suyultirib, vena ichiga yuboriladi.

6 oylikdan 12 yoshgacha bo‘lgan bolalar uchun maksimal bir martalik doza tana vazniga nisbatan 0,3 mg/kg ni tashkil etadi.

12 yoshdan 18 yoshgacha bo‘lgan bolalarda dozalash tartibi kattalardagi dozalash tartibiga mos keladi.

Nojo‘ya ta’sirlari

Nojo‘ya ta’sirlarning chastotasi Jahon sog‘liqni saqlash tashkilotining (JSST) quyidagi tasnifi bo‘yicha taqdim etilgan: tez-tez - 1-10%; tez-tez emas - 0,1-1%; kamdan-kam hollarda 0,01-0,1%; juda kam hollarda - 0,001% dan kam, shu jumladan alohida holatlar.

Teri qoplamlari tomonidan: tez-tez - teri toshmasi (odatda eritematoz, eshakemi), kamdan-kam - teri qichishi, kamdan-kam - ko‘p terlash.

Ovqat hazm qilish tizimi tomonidan: ko‘pincha - ko‘ngil aynishi, qabziyat, kam hollarda - "jigar" transaminazalari faolligining oshishi.

Asab tizimi tomonidan: ko‘pincha uyquchanlik.

Yurak-qon tomir tizimi tomonidan: ko‘pincha - arterial bosimning pasayishi, kamdan-kam hollarda - qorincha ekstrasistoliyasi.

Qon tizimi tomonidan: juda kam hollarda - eozinofiliya.

Vena ichiga tez yuborilganda, shuningdek, yuqori dozalarda qo‘llanilganda, atrioventrikulyar blokada rivojlanishi, yurak ritmining buzilishi mumkin.

Dozani oshirib yuborish

Belgilari: diplopiya, holsizlik, qon bosimining pasayishi, uyquchanlik.

Davolash: simptomatik (qon bosimini ushlab turish).

O‘zaro aloqa

Papaverin levodopaning parkinsonizmga qarshi ta’sirini kamaytiradi. Barbituratlar bilan kombinatsiyada papaverinning spazmolitik ta’siri kuchayadi. Tritsiklik antidepressantlar, novokainamid, rezerpin, xinidin bilan birga qo‘llanganda gipotenziv ta’sir kuchayishi mumkin. Antixolinergik vositalar bilan bir vaqtda qo‘llanganda antixolinergik ta’sirlar kuchayishi mumkin. Alprostadil bilan bir vaqtda intrakavernoz yuborish uchun qo‘llanganda priapizm rivojlanish xavfi mavjud. Metildopaning gipotenziv ta’sirini kamaytiradi.

Maxsus ko‘rsatmalar

Preparatni vena ichiga sekin va shifokor nazorati ostida yuborish kerak.

Davolash davrida alkogol iste’mol qilish istisno qilinishi kerak.

Preparatning samaradorligi tamaki chekishda pasayadi.

Homiladorlik va laktatsiya

Homiladorlik va emizish davrida preparatning xavfsizligi va samaradorligi aniqlanmagan. Homiladorlik va laktatsiya davrida preparatni qo‘llash faqat shifokor ko‘rsatmasi bo‘yicha, agar ona uchun kutilayotgan foyda homila yoki bola uchun potensial xavfdan yuqori bo‘lsa, mumkin.

Transport vositalari va mexanizmlarini boshqarish qobiliyatiga ta’siri

Preparatni qo‘llashda avtotransportni boshqarishda va diqqatning yuqori konsentratsiyasini hamda psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishda ehtiyot bo‘lish kerak, chunki quyidagi nojo‘ya ta’sirlar kuzatilishi mumkin: qon bosimining pasayishi, uyquchanlik, yurak ritmining buzilishi.

Qadoq

USP-1, XT-1, FIOLAX®, NK markali shisha ampulalarga 2 ml dan.

10 tadan ampula ampulalarni ochish uchun pichoq yoki skarifikator va tibbiy qo‘llash bo‘yicha yo‘riqnoma bilan birga gofrlangan qog‘oz vkladishli karton qutiga joylashtiriladi. Qutiga qog‘ozdan yasalgan etiketka-banderol yopishtiriladi.

10 ta ampula ampulalarni ochish uchun pichoq yoki skarifikator va tibbiy qo‘llash bo‘yicha yo‘riqnoma bilan birga karton ampulalarni mahkamlash uchun vkladishli karton qutiga joylashtiriladi.

Pachka va qutilar guruhli o‘ramga joylanadi.

Sinish halqasi yoki kesik va sinish nuqtasi bo‘lgan ampulalardan foydalanilganda, ampulalarni ochish uchun pichoq va skarifikator qo‘yish ko‘zda tutilmaydi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugaganidan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

BORISOV TIBBIYOT PREPARATLARI ZAVODI OAJ Belarus.

Ishlab chiqaruvchi

BORISOV TIBBIYOT PREPARATLARI ZAVODI OAJ Belarus.