Papaverin (Papaverinum) Nizhpharm rektal suppozitorlari20 mg №10 (2 blister х 5 sham)

Tarkib

Bitta shamcha uchun:

ta’sir etuvchi modda: papaverin gidroxlorid - 20 mg;

yordamchi moddalar: qattiq yog‘ (Vitepsol (H 15, W 35 markalari), supposir (NA 15, NAS 50 markalari)) - og‘irligi 1,25 g bo‘lgan shamcha hosil bo‘lguncha.

Dori shakli

Rektal shamchalar.

Farmakoterapevtik guruh

Spazmolitiklar. ATX kodi: A03AD01.

Farmakologik ta’siri

Papaverin gidroxlorid miotrop spazmolitik vosita hisoblanadi. Fosfodiesterazani ingibirlaydi, hujayrada siklik 3,5-adenozinmonofosfat (AMF) to‘planishiga va kalsiy miqdorining kamayishiga sabab bo‘ladi.

Ichki a’zolar (oshqozon-ichak, nafas yo‘llari, siydik-tanosil tizimi) va tomirlarning silliq mushaklarini bo‘shashtiradi.

Katta dozalarda yurak mushaklarining qo‘zg‘aluvchanligini pasaytiradi va yurak ichi o‘tkazuvchanligini sekinlashtiradi.

Papaverinning markaziy asab tizimiga ta’siri kuchsiz, lekin katta dozalarda sedativ ta’sir ko‘rsatadi.

Farmakokinetika

Rektal yuborilgandan so‘ng papaverinning biosinguvchanligi (klinikagacha bo‘lgan tadqiqotlar ma’lumotlariga ko‘ra) taxminan 25% ni tashkil etadi. Plazma oqsillari bilan bog‘lanishi 90%. Yaxshi taqsimlanadi, gistogematik to‘siqlar orqali o‘tadi.

Jigarda metabolizmga uchraydi. Yarim chiqarilish davri (T1/2) - 0,5-2 soat (24 soatgacha uzayishi mumkin). Buyraklar orqali metabolitlar holida chiqariladi.

Ko‘rsatmalar

bosh miya tomirlarining spazmlari (teshiklarining keskin torayishi);

stenokardiya;

endarteriit (arteriyalar ichki pardasining yallig‘lanishi);

xoletsistit (o‘t pufagining yallig‘lanishi);

pilorospazm (oshqozon darvozasi mushaklarining spazmi);

spastik kolitlar;

siydik yo‘llari spazmi;

bronxospazm (bronxlar yo‘lining torayishi).

Homiladorlik va emizish davrida qo‘llash

Homiladorlik va laktatsiya davrida preparatning xavfsizligi aniqlanmagan. Homiladorlik davrida preparatni qo‘llash faqat shifokor ko‘rsatmasiga ko‘ra, agar ona uchun kutilayotgan foyda homila va bola uchun potensial xavfdan yuqori bo‘lsa, mumkin. Preparat bilan davolash davrida emizishni to‘xtatish tavsiya etiladi.

Qarshi ko‘rsatmalar

Preparat komponentlariga yuqori sezuvchanlik, atrioventrikulyar blokada, glaukoma, og‘ir jigar yetishmovchiligi, keksa yosh (gipertermiya rivojlanish xavfi), bolalik yoshi, chunki bolalarda dozalash tartibi ko‘rsatilmagan.

Ehtiyotkorlik bilan

Bosh miya jarohatidan keyingi holatlarda, surunkali buyrak yetishmovchiligida, buyrak usti bezi faoliyati yetishmovchiligida, gipotireozda, prostata bezining giperplaziyasida, qorincha usti taxikardiyasida, shok holatlarida ehtiyotkorlik bilan va kichik dozalarda qo‘llaniladi.

Nojo‘ya ta’sirlari

Allergik reaksiyalar bo‘lishi mumkin: atrioventrikulyar blokada, qorincha ekstrasistoliyasi, "jigar" transaminazalari faolligining oshishi, arterial bosimning pasayishi, uyquchanlik, qabziyat, eozinofiliya.

Boshqa dorilar bilan o‘zaro ta’siri

Dopegit ta’sirini kamaytiradi.

Chekilganda samaradorlik pasayadi.

Qo‘llash usullari va dozalari

Rektal.

Shamcha konturli o‘ramdan bo‘shatilib, orqa chiqaruv yo‘liga kiritiladi.

Ichaklar o‘z-o‘zidan bo‘shagandan yoki tozalovchi huqna qilingandan keyin 1 shamchadan kuniga 2-3 marta qo‘llaniladi.

Dozani oshirib yuborish

Belgilari: diplopiya, holsizlik, qon bosimining pasayishi, uyquchanlik.

Davolash: simptomatik (qon bosimini ushlab turish).

Maxsus ko‘rsatmalar

Ehtiyotkorlik bilan va kichik dozalarda keksa va zaiflashgan bemorlarda, shuningdek, bosh miya jarohati, jigar va buyrak faoliyati buzilgan, gipotireoz, buyrak usti bezi faoliyati yetishmovchiligi, prostata bezi gipertrofiyasi, qorincha usti taxikardiyasi va shok holatidagi bemorlarda qo‘llash lozim.

Davolanish davrida spirtli ichimliklarni iste’mol qilmaslik kerak.

Chiqarish shakli

Rektal shamchalar.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi

Yaroqlilik muddati

2 yil.

Preparat qadog‘ida ko‘rsatilgan yaroqlilik muddati tugagandan keyin qo‘llanilmasin.

Ishlab chiqaruvchi

Nijfarm, AJ, Rossiya.