Reklin tabletkalari 15 mg №20 (2 blister x 10 tabletka)

Реклин 7,5 мг: ҳар бир таблетка қуйидагиларни сақлайди:

фаол модда: Мелоксикам BP 7,5 мг.

Ёрдамчи моддалар: лактоза моногидрати, микрокристалл целлюлоза, натрий цитрати, повидон, кросповидон, коллоид сувсиз кремний, магний стеарати.

Реклин 15 мг: ҳар бир таблетка қуйидагиларни сақлайди:

фаол модда: Мелоксикам BP 15 мг.

Ёрдамчи моддалар: лактоза моногидрати, микрокристалл целлюлоза, натрий цитрати, повидон, кросповидон, коллоид сувсиз кремний, магний стеарати.

Ичга қабул қилиш учун таблеткалар.

НЯҚП - Оксикамлар. АТХ коди: М01АС06.

Фармакодинамикаси

Мелоксикам - оғриқ қолдирувчи, яллиғланишга қарши ва иситмани туширувчи таъсирга эга НЯҚП. Таъсир механизми - яллиғланиш соҳасида ПГ биосинетезида иштирок этувчи ЦОГ-2 нинг ферментатив фаоллигини селектив тормозлашидир. Меъда шиллиқ қаватини ҳимояловчи ва буйракдаги қон оқимини бошқаришда иштирок этувчи ЦОГ1 фаоллигини кам аҳамиятли даражада камайтиради. Юқори дозаларда буюрилганда, узоқ муддат қўлланганда ва организмнинг индивидуал хусусиятларига қараб селективлиги пасайиши мумкин.

Фармакокинетикаси

Ичга қабул қилинганда меъда-ичак йўлларидан (МИЙ) яхши сўрилади, мелоксикамнинг мутлоқ биокираолишлиги бир марталик 30 мг дозасидан кейин - 89% ни ташкил қилади. Овқат билан бир вақтда қабул қилиш препаратнинг сўрилишига таъсир қилмайди. Кўп маротаба 7,5 мг дозаларда қабул қилинганда, плазма концентрацияси дозалар билан пропорционалдир. Tmax - 4 соатни ташкил қилади.

Мелоксикамнинг иккинчи чўққи концентрацияси, препарат қабул қилингандан кейин 12 соат ўтгач кузатилади, бу энтерогепатит рециркуляция тўғрисида далолат беради. Мувозанат концентрацияси 3 кун давомида эришилади.

Плазма оқсиллари билан (асосан альбумин билан) боғланиши тахминан 99,4% ни ташкил қилади. Оқсиллар билан боғланган фракциясининг юқорилиги, дозанинг терапевтик диапазондаги концентрациясига боғлиқ эмас.

Перорал қабул қилинганда мелоксикамнинг камида 10% эритроцитларга ўтади. Мелоксикамнинг тақсимланиш ҳажми ўртача 10 л.

Гистогематик тўсиқ орқали ўтади. Бир марталик дозасидан кейин синовиал суюқликдаги концентрацияси 40% ни ташкил қилади; синовиал суюқлигидаги эркин фракцияларнинг миқдори плазмадагига нисбатан 2,5 марта юқори, бу синовиал суюқликда альбумин миқдорини камлиги билан боғлиқ. 4 та фармакологик нофаол ҳосилалар ҳосил қилиб, жигарда деярли тўлиқ метаболизмга учрайди.

Асосий метаболити - 5'- карбоксимелоксикам (доза миқдорининг 60%) оралиқ метаболити - 5'-гидроксиметилмелоксикамни оксидланиши йўли билан ҳосил бўлади, бу шунингдек камроқ даражада (дозанинг 9%) чиқарилади.

Бошқа иккита метаболитини ҳосил бўлишида (мувофиқ равишда ташкил қилувчи доза миқдорининг 16% ва 4%) пероксидаза иштирок этади, фаоллиги, эҳтимол, индивидуал равишда ўзгаради.

Тенг миқдорда ахлат ва сийдик, асосан метаболитлари кўринишида чиқарилади. Ахалат билан ўзгармаган ҳолда суткалик доза миқдорининг 5% дан камроғи чиқарилади.

Сийдикда ўзгармаган ҳолда фақат изларини миқдорида аниқланади.

Мелоксикамнинг T - 15 1/2 соатни ташкил этади.

Плазма клиренси минутига ўртача 8 мл ни ташкил қилади, кекса ёшдаги шахсларда камаяди. Ўртача оғирлик даражадаги жигар ва буйрак етишмовчилигида фармакокинетик кўрсаткичларни сезиларли тарзда ўзгариши кузатилмаган.

• ревматоид артрит;
• остеоартритлар;
• анкилозловчи спондилит;
• Бехтерева касаллиги;
• юмшоқ тўқималар ревматизми;
• подагранинг ўткир хуружлари;
• ревматик бўлмаган яллиғланиш;
• жарроҳлик операцияси, жароҳатлар, тишларни даволаш аралашувларидан кейин оғриқли ҳолатларда қўлланади.

• препаратнинг таркибига, шу жумладан бошқа НЯҚП, жумладан ацетилсалицил кислотага нисбатан юқори сезувчанлик;
• ҳар қандай НЯҚП қабул қилгандан кейин ангионевротик шиш, бурун бўшлиғида полиплар, бронхиал астманинг ёки эшакемининг белгилари пайдо бўлган беморларга қўллаш умуман мумкин эмас;
• овқат ҳазм қилиш тизимидаги яралар (ҳаётий анамнези маълумотларини ёки кундалик зўрайишларни инобатга олиб);
• меъда-ичак қон кетишлари;
• ҳомиладорлик ва эмизиш даври;
• цереброваскуляр қон кетишлар;
• оғир даражадаги буйрак ёки жигар етишмовчилиги;
• бошқа аъзолардан қон кетиши;
• 16 ёшгача бўлган ёш гуруҳи;
• Тузатиб бўлмайдиган яққол юрак етишмовчилигида қўллаш мумкин эмас.

Эҳтиёткорлик билан: кексалик ёши, юракнинг ишемик касаллиги, сурункали юрак етишмовчилиги, цереброваскуляр касалликлар, дислипидемия/гиперлипидемия, қандли диабет, периферик артерияларнинг касалликлари, чекиш, сурункали буйрак етишмовчилиги (КК 30-60 мл/мин), анамнезидаги МИЙ ярали шикастланиши, Н. Pylori инфекциясини бўлиши, НЯҚП узоқ муддат ишлатиш, алкоголизм, оғир соматик касалликлар, перорал глюкокортикостероидларни (шу жумладан преднизолонни), антикоагулянтлар (шу жумладан варфаринни), антиагрегантларни (шу жумладан клопидогрелни), сератонинни қайта қамраб олувчи селектив ингибитор (шу жумладан циталопрам, флуоксетин, пароксетин, сертралинни) бир вақтда қўллаш.

Таблеткалар суткада 1 марта, овқатланиш вақтида қабул қилинади.

Реклин таблеткани сув билан қабул қилиш керак.

Мушак ичига инъекциялари даволашнинг биринчи кунларида ишлатилади. Кейинчалик препаратни таблетка шаклида ичга ишлатишга ўтилади.

Артрозни зўриқишида 7,5 мг дан кунига 1 марта буюрилади.

Агар терапевтик самара етарли бўлмаса, дозани 15 мг гача ошириш мумкин. Бехтерева касаллиги ва ревматоид артритда - 15 мг дан кунига 1 марта.

Агар терапевтик самара етарли даражада бўлса, у ҳолда суткалик дозани кунига бир марта 7,5 мг гача камайтирилади.

Реклиннинг дозасини суткада 15 мг дан ошириш тавсия этилмайди.

Ножўя реакциялар хавфи юқори ва гемодиализдаги яққол буйрак етишмовчилиги бўлган пациентларда дозани кунига 7,5 мг дан ошириш керак эмас.

Максимал тавсия этилган суткалик доза - 15 мг.

Овқат ҳазм қилиш тизими томонидан:

• тез-тез - диспепсия, шу жумладан кўнгил айниши, қусиш, абдоминал оғриқлар, қабзият, метеоризм, диарея;
• тез-тез эмас - “жигар” трансаминазалари фаоллигини ўтувчан ошиши, гипербилирубинемия, кекириш, эзофагит, гастродуоденал яра, МИЙ дан қон кетиш (жумладан яширин), стоматит;
• кам ҳолларда - МИЙ перфорацияси, колит, гепатит, гастрит.

Қон яратиш тизими томонидан:

• қон формуласини ўзгариши: анемия, лейкопения ва тромбоцитопения;
• МНТ томонидан: бош айланиши, бош оғриғи, қулоқларда жиринглаш, уйқучанлик.

Юрак-қон томир тизими томонидан: АБ ошиши, «қон қуйилишлар», юракни тез уриб кетиши, шишлар.

Сийдик ажратиш тизими томонидан: буйрак функциясининг кўрсаткичларини ўзгариши (қон зардобининг креатинини ва/ёки мочевинани ошиши).

Аллергик реакциялар: бронхоспазм, фотосенсибилизация, тери қичиши, тошма, эшакеми.

Дориларнинг ўзаро таъсири НЯҚП дори воситаларини дозасини ўткир ошириб юборилиши кўнгил айниши ва қусиш, уйқучанлик, қоринда оғриқни пайдо бўлиши билан характерланади.

Бу симптомлар одатда симптоматик воситалар билан бартараф қилинади.

Кам ҳолларда меъда-ичак йўлларидан қон кетиши ривожланиши мумкин. Препаратнинг катта дозалари билан заҳарланиш артериал босимни ошиши, жигар функциясини бузилиши, нафасни сусайиши, ўткир буйрак етишмовчилиги, тиришишлар, коллапсни ривожланиши билан характерланади.

Кома ҳолати ёки юракни тўхташи бошланиши мумкин.

Препаратнинг дозаси ошириб юборилгандан кейин беморлар симптоматик ва самарани бир маромда ушлаб турувчи даволашга эҳтиёж сезадилар.

Даволаш интоксикациянинг симптомлари ва доза ошириб юборилишини яққоллик даражасига мувофиқ ўтказилади. 4000 мг колестираминни уч марта ичга қабул қилиш Реклин препаратини элиминацияси (чиқарилиши) тезлигини оширганлиги аниқланган.

Бошқа дори воситалари билан ўзаро таъсири

Фармакодинамик асосланган ўзаро таъсирлар: Мелоксикам диуретиклар билан мажмуада қўлланганда бемор етарли миқдорда суюқлик қабул қилиши лозим.

Антитромботик ва тромболитик воситалар: мелоксикам билан мажмуада қон кетишни пайдо бўлиш хавфини сезиларли даражада оширади.

Агар ностероид яллиғланишга қарши препаратларнинг бошқа гуруҳлари (жумладан салицил кислота ҳосилалари) бир вақтда қабул қилинса, овқат ҳазм қилиш тизимининг яра-эрозия касалликларини хавфи кескин ошади.

Ангиотензинни айлантирувчи ферментлар (ААФ) ингибиторлари ва бошқа антигипертензив препаратлар: мелоксикам билан бир вақтда қўллаш дегидратация билан хасталанган кекса ёшдаги шахсларда буйрак функциясининг ўткир етишмовчилигини юзага чиқишини қўзғатиши мумкин.

Мелоксикам ва перорал антикоагулянтларни бирга қўллаш ичак ва меъда шиллиқ қаватларини шикастлаши ва тромбоцитлар функциясини сусайтириши туфайли ҳар қандай аъзодан қон кетишини ривожланиш хавфини оширади.

Мелоксикамни қўллаш фонида циклоспориннинг нефротоксик таъсирини кучайтиради.

Фармакокинетик асосланган ўзаро таъсирлар: НЯҚП, жумладан мелоксикам литий билан мажмуада қўлланганда литийни буйрак ёрдамида чиқарилишини пасайиши ҳисобига унинг қон зардобидаги концентрациясини токсик даражагача ошириши мумкин.

Шунинг учун мелоксикамни литий препаратлари билан бир вақтда қўллаш тавсия этилмайди. Колестирамин мелоксикамнинг элиминациясини тезлаштиради, бунда мелоксикамнинг клиренсини 2 мартага ошиши ва унинг ярим чиқарилиш даврини тахминан 13(±3) соатга камайиши кузатилади.

Метотрексат мелоксикамнинг қон тизимига нисбатан салбий таъсирини оширади (лейкопения ва анемия пайдо бўлишига хавфни ошиши).

Ностероид яллиғланишга қарши препаратлар бачадон ички контрацепциясининг таъсирчанлигини камайтиради.

Циметидин, дигоксин ва антацид билан бир вақтда қабул қилинганда препаратларнинг клиник аҳамиятли ўзаро таъсири кузатилмайди.

Анамнезида меъда-ичак йўллари касалликлари бўлган пациентларни даволашда (шунингдек, бошқа НЯҚП ишлатилганда ҳам) эҳтиёткорликка риоя қилиш керак. МИЙ томонидан ноҳуш ҳолатларни ривожланиш хавфини камайтириш учун кам самарали дозасини иложи борича қисқа курс давомида ишлатиш керак.

Алоҳида эътиборни тери ва шиллиқ қаватлар томонидан ноҳуш ҳолатларни ривожланганлиги ҳақида хабар берган пациентларга қаратиш керак.

Буйрак қон оқимини пасайиши ёки айланаётган қон ҳажмини камайиши бўлган пациентларда НЯҚП ни қўллаш яширин ўтувчи буйрак етишмовчилигини декомпенсациясига олиб келиши мумкин.

Простагландинлар синтези циклооксигеназани блокловчи бошқа препаратлар каби Реклин препаратини қўллаш фертилликка таъсир қилиши мумкин, шунинг учун ҳомиладор бўлишни ҳоҳловчи аёлларга тавсия этилмайди.

Автотранспорт ва механизмларни бошқариш қобилиятига препаратнинг таъсири юзасидан махсус тадқиқотлар ўтказилмаган

Кўришни бузилиши бўлган пациентлар, уйқучанлик ёки марказий нерв тизими томонидан бошқа бузилишлар кузатилаётган пациентлар ушбу фаолият турларидан сақланишлари керак.

Реклин 7,5 ёки 15 мг: ичга қабул қилиш учун 10 таблетка ҳар бир блистерда. 2 блистердан қўллаш бўйича йўриқномаси билан бирга картон ўрамда.

Қуруқ, ёруқликдан ҳимояланган жойда, 25 °С дан юқори бўлмаган ҳароратда сақлансин. Болалар ололмайдиган жойда сақлансин!

Ўрамида кўрсатилган. Яроқлилик муддати ўтганидан кейин ишлатилмасин.

Шифокор рецепти бўйича.

РЕПЛЕК ФАРМ Лтд. Скопье Скопье, Республика Македония