Zeralgo

Tarkib

Har bir tabletka tarkibiga quyidagilar kiradi:

Faol moddasi: Flurbiprofen - 100 mg.

Yordamchi moddalar: mikrokristallik sellyuloza PH 200, magniy stearati, talk, laktoza monogidrati (Tablettose), suvsiz kolloid kremniy dioksidi (Aerosil 200), natriy krosskarmellozasi (Ac-Di-Sol), Opadry II 85G 34747 pushti.

Tavsif

Plyonkali qobiq bilan qoplangan, pushti rangli, ikki tomonlama qavariq yuzali tabletkalar.

Dori shakli

Plyonkali qobiq bilan qoplangan tabletkalar.

Farmakoterapevtik guruh

Nosteroid yallig‘lanishga qarshi va revmatizmga qarshi vositalar. Propion kislota hosilalari. ATX kodi: M01AE09.

Farmakologik xususiyatlari

Preparat og‘riq qoldiruvchi, yallig‘lanishga qarshi, isitmani tushiruvchi ta’sir ko‘rsatadi. Revmatoid artritda yallig‘lanish reaksiyasining asosan ekssudativ va qisman proliferativ komponentlariga ta’sir qiladi, tez va yaqqol og‘riq qoldiruvchi ta’sir ko‘rsatadi, shishishni, ertalabki qotib qolishni va bo‘g‘imlarda harakat cheklanishini kamaytiradi. Birlamchi dismenoreyada bachadon ichi bosimini va bachadon qisqarishlari chastotasini kamaytiradi. Bir marta qabul qilinganda ta’siri 8 soatgacha davom etadi.

Qo‘llanilishi

Flurbiprofenen revmatoid artritni (shu jumladan, yuvenil revmatoid artrit yoki Still kasalligini), ankilozlovchi spondilit, osteoartroz va boshqa norevmatoid (seronegativ) artropatiyalarni davolashda og‘riq qoldiruvchi va yallig‘lanishga qarshi vosita sifatida qo‘llaniladi. Flurbiprofenen "muzlagan" yelka (bo‘g‘im pardasining yallig‘lanishi), bursit, tendinit, tendovaginit va bel og‘rig‘i kabi periartikulyar to‘qimalarning revmatik bo‘lmagan yallig‘lanish jarayonlarini davolash uchun ko‘rsatilgan. Flyurbiprofenen, shuningdek, boylamlarning cho‘zilishi kabi yumshoq to‘qimalarning shikastlanishida og‘riq sindromini yengillashtirish uchun ishlatilishi mumkin. Flurbiprofenen, shuningdek, dismenoreya, tish yoki operatsiyadan keyingi og‘riq kabi holatlarda kuchsiz va o‘rtacha og‘riq sindromini bartaraf etish, bosh og‘rig‘ini, shu jumladan migrenni simptomatik yengillashtirish uchun og‘riq qoldiruvchi vosita sifatida ko‘rsatilgan.

Qo‘llash usuli va dozalari

Ichishga, ovqatdan keyin. Dozalash tartibi ko‘rsatmalarga qarab individual ravishda belgilanadi. Birinchi kunlik dozasi ovqatdan oldin, preparatning tez so‘rilishi maqsadida yetarli miqdorda suv bilan ichiladi. Qolgan dozalar kun davomida ovqatdan keyin (asta-sekin so‘rilish) qabul qilinadi.

Kattalarga: osteoartroz, psoriatik artrit va ankilozlovchi spondiloartritda - 2-3 tabletkadan (400-600 mg) kuniga 3-4 marta. Revmatoid artritda - 4 tabletkadan (800 mg) sutkasiga 3 marta; yumshoq to‘qimalar jarohatlarida, cho‘zilishlarda sutkasiga 8 tabletkagacha (1600 mg/sut), bir necha marta.

Algodismenoreyada - 2 tabletkadan (400 mg) sutkasiga 3-4 marta; o‘rtacha og‘riq sindromida - 6 tabletkagacha (1200 mg/sut), bir necha marta.

12 yoshdan oshgan bolalar uchun boshlang‘ich doza - 1 tabletkadan kuniga 3 marta, maksimal doza - 6 tabletka (1200 mg), keyin - kuniga 1-2 tabletka.

6-12 yoshdagi bolalarga (tana vazni 20 kg dan ortiq), faqat shifokor ko‘rsatmasi bo‘yicha - 1 tabletkadan (200 mg) kuniga 4 martadan ko‘p emas.

Tana haroratini pasaytirish uchun: kattalar uchun 1-2 tabletka (200-400 mg), bolalar uchun 1 tabletka (200 mg).

Kattalar uchun maksimal bir martalik doza - 4 tabletka (800 mg), maksimal kunlik doza - 1800 mg.

12 yoshdan oshgan bolalar uchun maksimal bir martalik doza - 3 tabletka (600 mg), maksimal kunlik doza - 1200 mg.

6-12 yoshli bolalar (tana vazni 20 kg dan ortiq) uchun maksimal bir martalik doza - 1 tabletka (200 mg), maksimal kunlik doza - 800 mg.

Nojo‘ya ta’sirlari

Oshqozon-ichak trakti tomonidan: Peptik yara, teshilish yoki oshqozon-ichakdan qon ketishi, ba’zan o‘limga olib kelishi mumkin, ayniqsa keksa yoshda. Flurbiprofenenni qo‘llashdan so‘ng ko‘ngil aynishi, qusish, diareya, meteorizm, qabziyat, dispepsiya, qorin og‘rig‘i, melena, qonli qusish, yarali stomatit, kolitning kuchayishi va Kron kasalligi qayd etildi. Gastrit kamroq rivojlangan. Kamdan kam hollarda - oshqozon-ichak yo‘li devorining teshilishi. Juda kam hollarda - pankreatit.

Immun tizimi tomonidan: nospetsifik allergik reaksiyalar va anafilaksiya kabi yuqori sezuvchanlik reaksiyalari, nafas yo‘llari reaktivligining buzilishi (astma, bronxospazm yoki hansirash), teridagi turli xil ko‘rinishlar (turli xil toshmalar, qichishish, eshakemi, purpura, Kvinke shishi va kamroq hollarda eksfoliativ va bullyoz dermatozlar (jumladan, Stivens-Jonson sindromi, toksik epidermal nekroliz va ko‘p shaklli eritema).

Yurak-qon tomir tizimi tomonidan: Flurbiprofenen bilan davolashda suyuqlik tutilishi, shishlar, gipertenziya va yurak yetishmovchiligi belgilari qayd etilgan. Epidemiologik ma’lumotlar shuni ko‘rsatadiki, flurbiprofenenni qo‘llash, ayniqsa yuqori dozalarda (2400 mg/sut), uzoq muddatli davolashda miokard infarkti yoki insultni keltirib chiqaradigan arterial tromboz xavfini biroz oshirishi mumkin.

Qon va limfa tizimi tomonidan: leykopeniya, trombotsitopeniya, neytropeniya, agranulotsitoz, aplastik anemiya va gemolitik anemiya.

MNT tomonidan: Ruhiy buzilishlar: uyqusizlik, xavotir, depressiya, ongning chalkashishi, gallyutsinatsiyalar, ko‘ruv nervi nevriti, bosh og‘rig‘i, paresteziyalar, bosh aylanishi, uyquchanlik.

Infeksiyalar va invaziyalar: rinit va aseptik meningit (ayniqsa tizimli qizil yuguruk va biriktiruvchi to‘qimaning aralash kasalliklari kabi mavjud autoimmun kasalliklari bo‘lgan bemorlarda) ensa mushaklarining rigidligi, bosh og‘rig‘i, ko‘ngil aynishi, qusish, isitma yoki mo‘ljalni yo‘qotish belgilari bilan.

Sezgi a’zolari tomonidan: ko‘rishning buzilishi va ko‘ruv nervining toksik neyropatiyasi, eshitishning buzilishi, quloqlarda shovqin va bosh aylanishi.

Gepato-biliar tizim tomonidan: jigar faoliyatining buzilishi, jigar yetishmovchiligi, gepatit va sariqlik.

Teri va teri osti kletchatkasi tomonidan: Stivens-Jonson sindromi va toksik epidermal nekroliz (juda kam hollarda) hamda yorug‘likka sezuvchanlik reaksiyalari.

Buyrak va siydik yo‘llari tomonidan: buyrak faoliyatining buzilishi va turli shakllardagi toksik nefropatiya, shu jumladan interstitsial nefrit, nefrotik sindrom va buyrak yetishmovchiligi.

Umumiy buzilishlar: umumiy darmonsizlik, charchoq.

Qarshi ko‘rsatmalar

Preparatning faol yoki yordamchi moddalariga yuqori sezuvchanlik, oshqozon-ichak trakti a’zolarining eroziv-yarali kasalliklari (shu jumladan, oshqozon va o‘n ikki barmoqli ichakning qo‘zg‘alish bosqichidagi yara kasalligi, yarali kolit, peptik yara, Kron kasalligi - yarali kolit), anamnezda mavjud bo‘lgan YAKNDV qabul qilish bilan bog‘liq perforatsiya, bronxial astmaning to‘liq yoki to‘liq bo‘lmagan kombinatsiyasi, burun va burun yondosh bo‘shliqlarining qaytalanuvchi polipozi va atsetilsalitsil kislotasi yoki boshqa nosteroid yallig‘lanishga qarshi preparatlarni ko‘tara olmaslik (shu jumladan, anamnezda), qon ivishining buzilishi (shu jumladan, gemofiliya, qon ketish vaqtining uzayishi, qon ketishga moyillik, gemorragik diatez), faol oshqozon-ichak qon ketishi; og‘ir buyrak yetishmovchiligi (kreatinin klirensi 30 ml/daqiqadan kam), progressiv buyrak kasalliklari, og‘ir jigar yetishmovchiligi yoki faol jigar kasalligi, aortakoronar shuntlashdan keyingi holat, tasdiqlangan giperkaliyemiya, ichak yallig‘lanish kasalliklari

Ehtiyot bo‘ling. Portal gipertenziya bilan kechuvchi jigar sirrozi, giperbilirubinemiya, oshqozon va 12 barmoqli ichak yara kasalligi (anamnezda), gastrit, enterit, kolit; jigar va/yoki buyrak yetishmovchiligi, nefrotik sindrom; surunkali yurak yetishmovchiligi, arterial gipertenziya; yurak ishemik kasalligi, serebrovaskulyar kasalliklar, dislipidemiya/giperlipidemiya, qandli diabet, periferik arteriya kasalliklari, chekish, surunkali buyrak yetishmovchiligi (kreatinin klirensi 30-60 ml/min), N. pulori infeksiyasining mavjudligi, nosteroid yallig‘lanishga qarshi dori vositalarini uzoq vaqt qo‘llash, alkogolizm, og‘ir somatik kasalliklar, bir vaqtning o‘zida peroral glyukokortikosteroidlar (shu jumladan prednizolon), antikoagulyantlar (shu jumladan varfarin), antiagregantlar (shu jumladan klopidogrel), serotoninni qayta qamrab olishning selektiv ingibitorlari (shu jumladan sitalopram, fluoksetin, paroksetin, sertralin), noma’lum etiologiyali qon kasalliklari (leykopeniya va anemiya), Preparatni ilgari flurbiprofenen, aspirin va boshqa NYAQVlarni qabul qilgandan so‘ng yuqori sezuvchanlik (masalan, astma, eshakemi, Kvinke shishi yoki rinit) kuzatilgan bemorlarda qo‘llash mumkin emas.

Dorilarning o‘zaro ta’siri

Antigipertenziv, beta-blokatorlar va siydik haydovchi vositalar

YAQNDV APF ingibitorlari, beta-blokatorlar va siydik haydovchi vositalar kabi antigipertenziv vositalarning ta’sirini kamaytirishi mumkin. Diuretiklar ham YAQNDVning nefrotoksiklik xavfini oshirishi mumkin. Yurak glikozidlari: YAQNDV yurak yetishmovchiligini kuchaytirishi, KFT pasayishi va yurak glikozidlarining plazma konsentratsiyasini oshirishi mumkin.

Xolestiramin flurbiprofenen bilan bir vaqtda buyurilganda, oshqozon-ichak traktida flurbiprofenenning so‘rilishini kamaytirishi mumkin.

Litiy tuzlari bilan bir vaqtda qo‘llash litiy ekskretsiyasining pasayishiga olib keladi.

Metotreksat

YAQNDV metotreksatning kanalchalar sekretsiyasini ingibirlashi va metotreksat klirensini kamaytirishi mumkin.

Siklosporin

Nefrotoksiklik xavfining oshishi.

Mifepriston

Dori vositasining samaradorligini pasayishi nazariy jihatdan NYAQVning antiprostaglandin ta’siri tufayli sodir bo‘lishi mumkin. Cheklangan ma’lumotlar shuni ko‘rsatadiki, prostaglandin yuborilgan kuni YAQNDVni birgalikda yuborish mifepriston yoki prostaglandinlarning bachadon bo‘yni yetilishiga ta’siriga salbiy ta’sir ko‘rsatmaydi va homiladorlikni dori vositalari bilan to‘xtatishning klinik samaradorligini pasaytirmaydi.

Boshqa analgetiklar va selektiv siklooksigenaza-2 ingibitorlari

Ikki yoki undan ortiq YAQNDV, shu jumladan SOG-2 ingibitorlarini bir vaqtda qo‘llashdan saqlanish tavsiya etiladi, chunki bu nojo‘ya ta’sirlar rivojlanish xavfini oshirishi mumkin.

Aspirin

Flurbiprofenen va aspirinni bir vaqtning o‘zida qo‘llash tavsiya etilmaydi, chunki nojo‘ya ta’sirlar, jumladan, oshqozon-ichak yaralari yoki qon ketish xavfi ortishi mumkin. Eksperimental ma’lumotlar shuni ko‘rsatadiki, flurbiprofenen bir vaqtning o‘zida dozalanganda aspirinning past dozalarining trombotsitlar agregatsiyasiga tasir qiladi.

Antikoagulyantlar

YAQNDVlar varfarin kabi antikoagulyantlarning ta’sirini kuchaytirishi mumkin. Ftorxinolonlar: YAQNDV va xinolonlarni bir vaqtda qabul qilayotgan bemorlarda tutqanoq rivojlanish xavfi ortishi mumkin.

Sulfonilmochevina hosilalari

Flurbiprofenen sulfonilmochevina preparatlarining gipoglikemik ta’sirini kuchaytirishi mumkin.

Antiagregantlar va serotoninni qayta qamrab olishning selektiv ingibitorlari (SSQSI): YAQNDV bilan birgalikda buyurilganda oshqozon-ichakdan qon ketish xavfining oshishi.

Takrolimus

Takrolimus bilan bir vaqtda qo‘llanilganda flurbiprofenenning nefrotoksiklik xavfi oshishi mumkin.

Zidovudin

Zidovudin bilan bir vaqtda qo‘llanganda gematologik toksiklik xavfining oshishi.

Aminoglikozidlar

NYAQVlar aminoglikozidlar chiqarilishini kamaytirishi mumkin.

O‘simlik ekstraktlari

Ginkgo biloba NYAQV bilan bir vaqtda qo‘llanganda qon ketish xavfini kuchaytirishi mumkin.

CYP2C9 ingibitorlari: Flurbiprofenni CYP2C9 ingibitorlari bilan bir vaqtda qo‘llash flurbiprofenning (CYP2C9 substrati) ta’sir qilish vaqtini oshirishi mumkin. Flurbiprofenenni vorikonazol va flukonazol (CYP2C9 ingibitorlari) bilan bir vaqtda buyurish flurbiprofenenning ta’sir qilish vaqtini taxminan 80-100% ga uzaytirishi ko‘rsatilgan. Kuchli CYP2C9 ingibitorlari bilan bir vaqtda buyurilganda, ayniqsa florbiprofenning yuqori dozalari vorikonazol yoki flukonazol bilan birga qo‘llanganda, florbiprofenning dozasini kamaytirish lozim.

Maxsus ko‘rsatmalar

YAQNDV-gastropatiya rivojlanishining oldini olish uchun PgE (mizoprostol) preparatlari bilan kombinatsiya qilish tavsiya etiladi. Agar 17-ketosteroidlarni aniqlash zarur bo‘lsa, preparatni tekshirishdan 48 soat oldin to‘xtatish kerak.

Jigar va buyrak faoliyatining og‘ir buzilishlari (bilirubin, transaminazalar, kreatinin, buyraklarning konsentratsion qobiliyati darajasini muntazam nazorat qilish shart), arterial gipertenziya va surunkali yurak yetishmovchiligi (diurez, tana vazni, arterial bosimni har kuni nazorat qilish) bo‘lgan bemorlarga.

Davolash davrida etanol qabul qilish tavsiya etilmaydi.

Oshqozon-ichak trakti tomonidan nojo‘ya ta’sirlar rivojlanish xavfini kamaytirish uchun minimal samarali dozani iloji boricha qisqa kurs bilan qo‘llash kerak.

Ehtiyot choralari

Davolash vaqtida periferik qon manzarasini hamda jigar va buyraklarning funksional holatini nazorat qilish zarur.

Gastropatiya belgilari paydo bo‘lganda, ezofagogastroduodenoskopiya, gemoglobin, gematokritni aniqlash bilan qon tahlili, yashirin qon uchun najas tahlili kabi sinchkovlik bilan nazorat qilish ko‘rsatilgan. Qon ketishi yoki yara paydo bo‘lgan taqdirda preparatni qabul qilish mumkin emas. Dori vositasi anamnezida yarali kolit yoki Kron kasalligi bo‘lgan bemorlarga ehtiyotkorlik bilan buyuriladi.

Preparat tarkibida laktoza mavjud, shuning uchun laktozani ko‘tara olmaslik, galaktozemiya yoki glyukoza/galaktoza so‘rilishining buzilishi sindromi bo‘lgan bemorlarga qo‘llash mumkin emas.

Yara yoki qon ketish xavfini oshiradigan dori terapiyasi (og‘iz orqali qabul qilinadigan kortikosteroidlar, varfarin, serotonin kabi antikoagulyantlar, orqaga qaytish ingibitorlari yoki aspirin kabi antitrombotsitar dorilar) bilan og‘rigan bemorlarda preparatni ehtiyotkorlik bilan qabul qilish kerak.

Preparatni yuqori dozalarda yoki uzoq vaqt davomida qo‘llash arterial tromboz va miokard infarkti xavfini oshirishi mumkin. Preparat periferik arteriyalar kasalliklari va/yoki serebrovaskulyar kasalliklari bo‘lgan bemorlarga, shuningdek, yurak-qon tomir kasalliklari rivojlanishi uchun xavf omillari (gipertoniya, giperlipidemiya, qandli diabet, chekish) bo‘lgan bemorlarga ehtiyotkorlik bilan buyuriladi.

Tizimli qizil yuguruk va biriktiruvchi to‘qimaning aralash kasalliklari bilan og‘rigan bemorlarda preparatni qabul qilishda aseptik meningit xavfi ortishi mumkin.

Teri toshmalari paydo bo‘lganda, shilliq qavat shikastlanganda yoki yuqori sezuvchanlik belgilari paydo bo‘lganda preparatni qabul qilishni to‘xtatish kerak.

Preparat trombotsitlar agregatsiyasiga ta’sir qiladi va qon ketish vaqtini oshiradi.

Preparat ayollar fertilligining buzilishiga olib kelishi mumkin, buni homilador bo‘lishda qiynalayotgan ayollar hisobga olishlari kerak.

Keksalik davri. Keksalarda nosteroid yallig‘lanishga qarshi dorilarga nojo‘ya ta’sirlar, ayniqsa o‘limga olib kelishi mumkin bo‘lgan oshqozon-ichak qon ketishi va teshilish holatlari ko‘p uchraydi. Bunday bemorlarga davolanishni preparatning pastroq dozalaridan boshlash va bir vaqtning o‘zida ularga himoya preparatlarini (masalan, mizoprostol yoki proton nasosi ingibitorlari) buyurish lozim.

Homiladorlik va laktatsiya davrida qo‘llash

Homiladorlik davrida tavsiya etilmaydi. Homiladorlikning 2-trimestridan keyin qo‘llanilmaydi.

Laktatsiya davrida bir marta qo‘llash mumkin, yuqori dozalarda (800 mg dan ortiq) uzoq vaqt qo‘llash zarur bo‘lganda, emizishni to‘xtatish masalasini hal qilish kerak.

Avtotransport va boshqa potensial xavfli mexanizmlarni boshqarish qobiliyatiga ta’siri

Bemorlar yuqori diqqat, tez ruhiy va harakat reaksiyasini talab qiladigan barcha faoliyat turlaridan o‘zlarini tiyishlari kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: qorinda og‘riq, ko‘ngil aynishi, qusish, tormozlanish, uyquchanlik, depressiya, bosh og‘rig‘i, quloqda shovqin, metabolik atsidoz, koma, o‘tkir buyrak yetishmovchiligi, qon bosimining pasayishi, bradikardiya, taxikardiya, bo‘lmachalar fibrillyatsiyasi, nafas to‘xtashi.

Davolash: oshqozonni yuvish (faqat qabul qilingandan keyin bir soat ichida), faollashtirilgan ko‘mir, ishqoriy ichimlik, kuchaytirilgan diurez, simptomatik terapiya (kislota-asos holatini, arterial bosimni tuzatish).

Chiqarish shakli

Plyonkali qobiq bilan qoplangan 100 mg li No15 (1x15) tabletkalar (blisterlar).

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Drogsan Ilaçlari Sanayi ve Ticaret A.Ş.," Turkiya