Синтомицина линимент д/наруж. прим. 5% по 25 г (флакон)

100 мл линимент таркиби:

фаол модда: синтомицин (D,L - хлорамфеникол) 5 г, 10 г;

ёрдамчи моддалар: канакунжут мойи, эмульгатор №1 ёки цетостеарил спирти, натрий лаурилсульфати, сорбин кислотаси, натрий-карбоксиметилцеллюлоза ёки аэросиль, тозаланган сув 100 г гача.

Линимент.

Антибиотик ( хлорамфеникол гуруҳи).

Синтомицин - синтетик хлорамфеникол бўлиб, таркибида ҳам чапга ва ҳам ўнга айланувчи изомерларни сақлайди. Кўпчилик грамманфий ва граммусбат бактерияларга, шу жумладан ичак таёқчаси, инфлюэнца таёқчаси, риккетсиялар, спирохеталар ва айрим йирик вирусларга (трахома, пситтакоз вируслари), яра инфекцияларини қўзғатувчиларига ва йирингли-яллиғланиш жараёнларининг турли шаклларига нисбатан юқори антибактериал фаолликка эга; пенициллин, стрептомицин, сульфаниламидларга чидамли бактерияларнинг ҳаёт фаолиятини сусайтиради.

Фармакокинетикаси

Препаратни терига, яраларга ёки шиллиқ қаватларга қўллагандан кейин, тизимли қон оқимига сўрилиш даражаси маълум эмас.

Йирингли яралар, тери ва шиллиқ қаватларининг йирингли-яллиғланиш касалликлари, сикоз, фурункулёз, карбункул, узоқ вақт битмайдиган трофик яралар, II ва III даражали инфекцияланган куйишлар, ётоқ яралар, эмизикли аёлларда кўкрак сўрғичлари ёрилганда, пиодермияда қўлланади.

Сиртга. Қўллашдан аввал линимент аралаштирилади. Шикастланган жойга бевосита суртилади ёки линимент шимдирилган дока тампон кўринишида қўйилади. Устидан оддий боғлам қўйилади, компресс ёки пергамент қоғоз билан қўйиш мумкин. Кўрсатмаларга қараб, балғам алмаштиришларни ҳар 1-3 кундан кейин баъзан 4-5 кундан сўнг ўтказилади. Оғир инфекцияланган яраларни, куйишларни ва узоқ вақт тузалмайдиган яраларни даволаш учун 5% ёки 10% линимент ишлатиш тавсия этилади.

Кўкрак сўрғичларнинг ёриқларида 2-5 кун давомида болани ҳар сафар эмизгандан сўнг, сўрғичлар учи 0,25% ли нашатир спирти билан артилади, сўнг ёриққа қуюқ линимент билан қопланган стерил салфетка қўйилади.

Узоқ муддат ташқи қўллаш контактли сенсибилизацияга олиб келиши мумкин.

Аллергик реакциялар: тери тошмаси, ангионевротик шиш.

Қон яратиш аъзолари томонидан: кам - ретикулоцитопения, тромбоцитопения, эритропения, апластик анемия, гранулоцитоз, лейкопения, гранулоцитопения.

Хлорамфеникол ва препаратнинг бошқа компонентларига юқори сезувчанлик, янги туғилганлик даври (4 ҳафтагача), суяк кўмигида қон яратилишини сусайиши, ўткир интермиттирловчи порфирия, глюкоза-6-фосфатдегидрогеназанинг танқислиги, жигар, буйрак етишмовчилиги, тери касалликлари (замбуруғли касалликлар, псориаз, экзема).

Эҳтиёткорлик билан: ҳомиладорлик, лактация даври ва илк болалик ёши, илгари цитостатик препаратлар билан даволаш ёки нур билан даволаш олган пациентлар.

Эритромицин, клиндамицин, линкомицин билан бир вақтда қўлланганида, хлорамфеникол бу препаратларни боғланган ҳолатидан сиқиб чиқариши мумкинлиги ёки уларни бактериал рибосомаларнинг 50S суббирлиги билан боғланишига тўсқинлик қилиши ҳисобига, таъсирини ўзаро сусайиши аниқланади.

Пенициллин ва цефалоспоринларни бактерияларга қарши самарасини пасайтиради.

Даволаш жараёнида периферик қон манзарасини мунтазам назорат қилиш керак. Этанолни бир вақтда қабул қилиш билан катта юзаларга қўйилганида дисульфирамли реакция (тери қопламаларининг гиперемияси, тахикардия, кўнгил айниши, қусиш, рефлектор йўтал, тиришишлар) кузатилиши мумкин.

Транспорт воситаларини бошқариш ва механизмлар билан ишлаш қобилиятига нохуш таъсири тўғрисида маълумотлар қайд қилинмаган.

Препарат болалар ололмайдиган жойда сақлансин ва ўрамида кўрсатилган яроқлилик муддати ўтганидан кейин ишлатилмасин.

5%, 10% ли линимент 10 г, 25 г дан тубаларда ва 10 г, 15 г, 25 г дан флаконларда.

Қуруқ, ёруғликдан ҳимояланган жойда, 25 °С дан юқори бўлмаган ҳароратда.

2 йил.

Рецептсиз.

ИИЧК “RADIKS”,

Ўзбекистон Республикаси, Тошкент ш., 100054, Лутфий кўч, 50 тел: 273-92-31,

факс: 273-80-58