Sintomitsin

Tarkib

1 shamchada quyidagilar mavjud:

ta’sir etuvchi modda: sintomitsin (xloramfenikol) - 250 mg;

yordamchi moddalar: qattiq yog‘.

Tavsif

Shamchalar oq yoki oq, sarg‘ish yoki krem tusli, torpedasimon rangda.

Dori shakli

Vaginal shamchalar.

Farmakologik guruh

Ginekologiyada qo‘llaniladigan mikroblarga qarshi va antiseptik vositalar.

Farmakologik xususiyatlari

Farmakodinamika

Preparatning ta’sir etuvchi moddasi xloramfenikol - keng ta’sir doirasiga ega antibiotik bo‘lib, u yiringli-yallig‘lanish jarayonlarining turli shakllari qo‘zg‘atuvchilariga nisbatan yuqori antibakterial faollikka ega. Xloramfenikol - bakteriostatik antibiotik, u mikrob hujayrasida oqsil sintezi jarayonini buzadi (yaxshi lipofillikka ega bo‘lib, bakteriyalarning hujayra membranasi orqali o‘tadi va bakteriya ribosomalarining 50S subbirligi bilan qaytar bog‘lanadi, natijada aminokislotalarning peptid zanjirlariga o‘tishi kechikadi, ular o‘sadi, bu esa oqsil sintezining buzilishiga olib keladi). Gram-musbat va grammanfiy mikroorganizmlarning ko‘pchilik shtammlariga, yiringli, ichak infeksiyalari, meningokokk infeksiyasi qo‘zg‘atuvchilariga nisbatan faol: Escherichia coli, Shigella dysenteria, Shigella flexneri, Shigella boydii spp., Shigella sonnei, Salmonella spp. (jumladan, Salmonella typhi, Salmonella paratyphi), Staphylococcus spp., Streptococcus spp., (jumladan, Streptococcus pneumoniae), Neisseria meningitidis, Neuseria gonorrhoeae Proteus spp., Burkholderia pseudomallei, Rickettsia spp., Treponema spp., Leptospira spp., Chlamydia spp., (jumladan, Chlamydia trachomatis), Coxiella burntii, Ehrlichia canis, Bacteroides fragilis, Klebsiella pneumoniae, Hemophilus influenzae . Kislotaga chidamli bakteriyalar (shu jumladan Micobacterium tuberculosis), anaeroblar, metitsillinga chidamli stafilokokk shtammlari, Acinetobacter, Enterobacter, Serratia marcescens, Proteus shh., Preudomonas aeruginosa spp., Sodda hayvonlar, zamburug‘larning indol musbat shtammlariga ta’sir qilmaydi. Mikroorganizmlarning xloramfenikolga chidamliligi sekin rivojlanadi.

Farmakokinetika

Sintomitsin preparati, vaginal shamchalar farmakokinetikasi bo‘yicha tadqiqotlar o‘tkazilmagan.

Ko‘rsatmalar

Sintomitsinga sezgir mikroorganizmlar keltirib chiqaradigan bakterial ginekologik infeksiyalar (vaginit, servitsit). Ginekologiyada yiringli-yallig‘lanish kasalliklarining oldini olish; invaziv muolajalardan oldin: abortlar, ginekologik operatsiyalar (bachadon bo‘yni diatermokoagulyatsiyasi, gisterografiya), bachadon ichi spiralini o‘rnatishdan oldin va keyin.

Qo‘llash usuli va dozalari

Katta yoshdagi ayollarga qo‘llanadi. Shamcha kontur qobig‘idan bo‘shatilib, qinga iloji boricha chuqurroq kiritiladi. Bunda bemor chalqancha yotishi kerak. 1 shamchadan sutkada 2-3 marta. Maksimal sutkalik doza - 4 shamcha. Davolash kursi - 5-7 kun.

Salbiy ta’sirlar

Leykopeniya, trombotsitopeniya, retikulotsitopeniya, qonda gemoglobin miqdorining kamayishi. Allergik reaksiyalar, mahalliy ta’sirlanish yoki qichishish, dispeptik holatlar (ko‘ngil aynishi, qusish, suyuq ich kelishi) kuzatilishi mumkin. Bunday hollarda preparatni qo‘llashni to‘xtatish kerak.

Qarshi ko‘rsatmalar

Preparat komponentlariga yuqori sezuvchanlik psoriaz, ekzema, qinning zamburug‘li kasalliklari, suyak ko‘migida qon yaratilishining susayishi; homiladorlik va emizish davri.

Qo‘llash xususiyatlari

Uzoq muddat qo‘llanganda jinsiy a’zolar kandidozi rivojlanadi. Davolash jarayonida periferik qon tarkibini muntazam nazorat qilish zarur, leykopeniya paydo bo‘lganda preparatni bekor qilish kerak.

Homiladorlik yoki emizish davrida qo‘llash

Qo‘llanilmaydi.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Ta’sir qilmaydi.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Qon yaratilishini susaytiruvchi preparatlar (sulfanilamidlar, pirazolon hosilalari, sitostatiklar) bilan bir vaqtda buyurmaslik kerak.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin qo‘llanilmasin.

Saqlash shartlari

Bolalar qo‘li yetmaydigan joyda, 25 °C dan yuqori bo‘lmagan haroratda saqlanadi.

Chiqarish shakli

Karton qutida 5 ta shamchadan 2 ta blister.

Ishlab chiqaruvchi

Merrymed Farm, O‘zbekiston.