Siprinol infuzion eritma uchun konsentrat 100 mg / 10 ml №5 (ampulalar)

Ципринол препарати таркибида нима сақлайди:

фаол модда: ципрофлоксацин;

ёрдамчи моддалар: сут кислотаси, динатрий эдетати, хлорид кислотаси, инъекция учун сув.

Инфузия учун эритма тайёрлаш учун концентрат:

10 мл инфузия учун эритма тайёрлаш учун концентрат (бир ампула) 100 мг ципрофлоксацин сақлайди. 1 мл инфузия учун эритма тайёрлаш учун концентрат 10 мг ципрофлоксацин сақлайди.

Ципринол® - фторхинолонлар гуруҳига мансуб бўлган антибактериал восита. Таъсир этувчи модда ципрофлоксацин. Ципрофлоксацин инфекцияларни келтириб чиқарган бактерияларни нобуд қилиб, бактерицид таъсир кўрсатади.

Катталар

Ципринол® препарати катталарда қуйидаги бактериал инфекцияларни даволаш учун қўлланади:

• нафас йўлларининг инфекциялари;
• қулоқ ёки ёндош бўшлиқларнинг давомли ёки қайталанувчи инфекциялари;
• сийдик чиқариш йўлларининг инфекциялари;
• тухумдонларнинг инфекциялари;
• аёлларда жинсий аъзоларнинг инфекциялари;
• меъда-ичак йўлларининг инфекциялари ва интраабдоминал инфекциялар;
• тери ва юмшоқ тўқималарнинг инфекциялари;
• суяк ва бўғимларнинг инфекциялари;
• лейкоцитларнинг сони жуда паст (нейтропения) бўлган пациентларда инфекцияларни даволаш учун;
• лейкоцитларнинг сони жуда паст (нейтропения) бўлган пациентларда инфекцияларни олдини олиш учун;
• куйдурги ингаляцион таъсир кўрсатганида қўлланади.

Агар Сизда оғир инфекция ёки биттадан ортиқ турдаги бактериялар чақирган инфекция бўлса, сизга Ципринол® препаратига қўшимча равишда антибиотиклар билан даволаш буюрилиши мумкин.

Болалар ва ўсмирларда қўлланиши

Ципринол® препарати болалар ва ўсмирларда қуйидаги бактериал инфекцияларни даволаш учун шифокорнинг алоҳида назорати остида қўлланади: муковисцидоз билан хасталанган болалар ва ўсмирларда ўпка ва бронхларнинг инфекциялари; сийдик чиқариш йўлларининг асоратланган инфекциялари, шу жумладан буйракларгача етиб борган инфекциялар (пиелонефрит); куйдурги билан ингаляцион зарарланишни даволаш учун қўлланади.

Ципринол® препаратини, шифокор зарур деб ҳисоблаган ҳолатларда, болалар ва ўсмирларда оғир инфекцияларни даволаш учун қўлланиши мумкин.

Кўллашдан олдин Сиз нималарни билишингиз керак

Сиз Ципринол® препаратини қабул қилишингиз мумкин эмас: агар сизда фаол моддага, бошқа хинолонларга ёки ушбу препаратнинг бошқа компонентларига аллергия бўлса (6-бўлимга қаранг), агар сиз тизанидин қабул қилаётган бўлсангиз Ципринолни қабул қилманг (2-бўлимга қаранг: Бошқа дори препаратлари ва Ципринол® препарати).

Агар сиз бошқа препаратларни қабул қилаётган, яқинда қабул қилган ёки қабул қилишни режалаштираётган бўлсангиз, шифокор ёки фармацевтга хабар беринг.

Ципринол® препаратини тизанидин билан бирга қабул қилманг, чунки бу артериал босимни пасайиши ва уйқучанлик каби ножўя самараларни чақириши мумкин (2-бўлимга қаранг: Сиз Ципринол® препаратини қабул қилишингиз мумкин эмас). Қуйидаги дори воситалари организмда Ципринол® препарати билан ўзаро таъсир қилиши мумкин. Ципринол® препаратини ушбу дори воситалари билан бирга қабул қилиш ушбу дори воситаларнинг терапевтик самарасига таъсир қилиши мумкин. У шунингдек ножўя самараларни ривожланиш эҳтимолини ошириши мумкин.

Агар сиз қуйидагиларни:

• варфарин ёки бошқа коагулянтлар (қонни суюлтириш учун);
• пробенецид (подаграни даволаш учун);
• метоклопрамид (меъда ярасини даволаш учун);
• омепразол (меъда ярасини даволаш учун);
• метотрексат (ракнинг маълум турлари, псориаз, ревматоид артритни даволаш учун);
• теофиллин (нафас касалликларини даволаш учун);
• тизанидин (кўп сонли склерозда мушак спазмларини бартараф қилиш учун);
• клозапин, оланзапин (нейролептиклар);
• ропиринол (Паркинсон касаллигини даволаш учун);
• фенитоин (тутқаноқни даволаш учун);
• циклоспорин (иммун тизимини бостириш учун);
• глибенкламид (қандли диабетни даволаш учун);
• дулоксетин (антидепрессант);
• лидокаин (маҳаллий оғриқсизлантириш);
• силденафил (эректил дисфункцияни даволаш учун)ни қабул қилаётган бўлсангиз, шифокорга хабар беринг.

Ципринол® препарати сизнинг қонингизда қуйидаги дори воситаларнинг: пентоксифиллин (қон айланишини бузилишини даволаш учун); кофеиннинг даражасини ошириши мумкин.

Агар сиз юрак ритмини ўзгартириши мумкин бўлган бошқа дори воситалар: аритмияга қарши препаратлар гуруҳига мансуб бўлган дори воситалари (масалан, хинидин, гидрохинидин, дизопирамид, амиодарон, соталол, дофетилид, ибутилид); трициклик антидепрессантлар; айрим микробларга қарши воситалар (макролидлар гуруҳига мансуб); айрим нейролептикларни қабул қилаётган бўлсангиз, сиз шифокорга хабар беришингиз керак.

Ципринол® препаратини овқат ва ичимликлар билан қабул қилиш

Овқат ва ичимликларни қабул қилиш Ципринол® препарати билан даволашга таъсир қилмайди.

Ушбу препаратни ҳамиша вақт, қўллаш тезлиги ва даволаш давомийлигига нисбатан шифокорнинг аниқ тавсияларига мувофиқ равишда қўллансин. Бу сиздаги инфекциянинг тури ва мураккаблик даражасига боғлиқ.

Агар сизда шубҳа туғилса, шифокор билан маслаҳатлашинг.

Агар сиз буйрак муаммолари билан боғлиқ касаллик билан хасталанган бўлсангиз, шифокорга хабар беринг, чунки дозага тузатиш киритиш талаб этилиши мумкин.

Одатда, даволаш даври 5 кундан 21 кунгача давом этади, оғир даражадаги инфекцияларда янада узоқроқ давом этиши мумкин.

Шифокор препаратнинг ҳар бир дозасини венага секин инфузия ҳолида юборади, у ердан қон оқимига тушади. Болаларда инфузиянинг давомийлиги 60 минутни ташкил этади. Катта ёшдаги пациентларда инфузиянинг давомийлиги 60 минутни ташкил этади.

Секин инфузия зудлик билан ривожланадиган ножўя самаралардан сақланиш имконини беради. Ципринол® препарати билан даволаниш вақтида албатта катта миқдорда суюқлик ичинг.

Агар сиз Ципринол® препарати билан даволаш курсини тугатган бўлсангиз

Агар бир неча кундан кейин сиз ўзингизни яхши ҳис қилаётган бўлсангиз ҳам, даволаш курсини тугатиш муҳимдир. Агар сиз ушбу дори воситасини қўллашни ҳаддан ташқари эрта тўхтатсангиз, сиздаги инфекцион жараён бутунлай даволанмаслиги мумкин, симптомлар эса қайтадан бошланиши ёки оғирлашиши мумкин. Шунингдек сизда антибиотикка чидамлилик ривожланиши мумкин. Агар сизда Ципринол® препаратини қўллаш юзасидан қўшимча саволлар туғилса, шифокорингиз, фармацевт, ёки ҳамшира билан маслаҳатлашинг.

Ципринол® препаратини қўллашдан олдин шифокор, фармацевт ёки ҳамшира билан маслаҳатлашинг.

Ципринол® препарати билан даволашни бошлашдан олдин

Агар:

• сизда буйрак билан боғлиқ биронта муаммолар бўлса, чунки даволашга тузатиш киритиш талаб этилиши мумкин;
• тутқаноқ ёки бошқа неврологик касалликлар билан хасталанган бўлсангиз;
• илгари Ципринол® каби антибиотиклар билан даволанган вақтида пайлар билан муаммолар бўлган бўлса, сизда миастения гравис (мушакларни кучсизлигининг бир тури) бўлса;
• сизнинг анамнезингизда юрак ритмини бузилиши (аритмия) бўлган бўлса, ўз шифокорингизга хабар беринг.

Ципринол® препаратини қўллаш вақтида

Агар Ципринол® препаратини қўллаш вақтида сизда қуйидаги ҳолатлар ривожланса, зудлик билан шифокорга мурожаат қилинг. Шифокор Ципринол® препарати билан даволашни бекор қилиш зарурати тўғрисидаги масалани ҳал қилади.

Оғир тўсатдан авж олувчи аллергик реакция (анафилактик реакция/шок, ангионевротик шиш). Ҳатто бир марталик дозаси қабул қилингандан кейин ҳам кўкракда эзилиш ҳисси, бош айланиши, кўнгил айниши ёки хушдан кетиш, тик турганда бош айланиши билан кечувчи оғир даражадаги аллергик реакциялар симптомлари ривожланиш эҳтимоли юқори бўлади. Бундай ҳолатда зудлик билан шифокорга ҳабар беринг, чунки Ципринол® препарати билан даволаш Айрим ҳолларда, айниқса агар кекса ёшда бўлсангиз ёки бир вақтда кортикостероидлар билан даволанаётган бўлсангиз, бўғимларда оғриқ ва шиш, шунингдек бўғимларни яллиғланиши юз бериши мумкин. Ушбу симптомлар, ҳатто ципрофлоксацин билан даволаш тўхтатилганидан сўнг бир неча ой ўтгач ҳам юз бериши мумкин. Оғриқ ёки яллиғланишнинг биринчи белгилари пайдо бўлганида Ципринол® препарати билан даволанишни тўхтатиш керак. Оғриқли соҳанинг тинчлигини таъминлаш керак. Ҳар қандай жисмоний ҳаракатларни бажаришдан сақланинг, чунки бу пайларни узилиш ҳавфини ошириши мумкин.

Агар сиз тутқаноқ ёки бош мия ишемияси (бош мияга қонни етарли даражада келмаслиги) ёки инсульт каби бошқа неврологик касалликлар билан хасталанган бўлсангиз, сизда марказий нерв тизими патологияси билан боғлиқ бўлган ножўя самаралар юз бериши мумкин. Бундай ҳолатда зудлик билан шифокорга хабар беринг, чунки Ципринол® препарати билан даволаш тўхтатилиши керак.

Ципринол® препарати биринчи марта қўлланганидан сўнг сизда рухий реакциялар ривожланиши мумкин. Агар сиз депрессия ёки психоз билан хасталанган бўлсангиз, Ципринол® препарати билан даволанганда сиздаги симптомлар оғирлашиши мумкин. Кам ҳолларда депрессия ва психоз ўз жонига суиқасдлик фикрлари, ўз жонига суиқасдлик ҳаракатларигача зўрайиши ва ўз жонига суиқасд қилиш билан тугаши мумкин. Бундай ҳолатда зудлик билан шифокорга хабар беринг, чунки Ципринол® препарати билан даволаш тўхтатилиши керак.

Сизда оғриқ, ачишиш ҳисси, санчиқ ҳисси, увишиш ва/ёки ҳолсизлик каби нейропатия симптомлари ривожланиши мумкин. Бундай ҳолатда зудлик билан шифокорга мурожаат қилинг, чунки Ципринол® препарати билан даволаш тўхтатилиши керак.

Антибиотиклар, шу жумладан Ципринол® препаратини қабул қилганда, ҳатто қўллангандан сўнг бир неча ҳафтадан кейин диарея ривожланиши мумкин. Агар диарея оғирлашса ёки доимий характерга эга бўлса, ёки агар сиз ахлатингизда қон ёки шиллиқ борлигини сезсангиз, зудлик билан шифокорга хабар беринг. Ципринол® препарати билан даволашни зудлик билан тўхтатиш керак, чунки бундай ҳолат ҳаётга ҳавф туғдириши мумкин. Ичак моторикасини тўхтатадиган ёки секинлаштирадиган дори воситаларни қабул қилманг.

Агар сиз таҳлил учун қон ёки сийдик топширмоқчи бўлсангиз, лаборатория ходимига ёки шифокорга Ципринол® препаратини қабул қилаётганингиз хақида хабар беринг.

Ципринол® препарати жигарни шикастланишини чақириши мумкин. Агар сиз иштаҳани пасайиши, сариқлик (терини сарғайиши), сийдикни тўқ рангга бўялиши, қичишиш, пальпацияда қоринда оғриқ каби симптомларни сезсангиз, Ципринол® препаратини қўллашни тўхтатинг ва зудлик билан шифокор билан боғланинг.

Ципринол® препарати лейкоцитлар сонини пасайтириши мумкин ва Сизда инфекцияга нисбатан қаршилик пасайиши мумкин. Агар сиз инфекциядан иситма ёки ҳолатингизни жиддий ёмонлашиши, ёки иситма ва томоқ/ҳалқум/оғиз бўшлиғида оғриқ каби маҳаллий инфекция симптомлари ёки сийдик чиқариш йўлларида муаммолар бўлса, зудлик билан шифокор билан боғланиш керак. Лейкоцитлар сонини пасайиши (агранулоцитоз) эҳтимолини текшириш учун қон таҳлили ўтказилади. Сиз қабул қилаётган дори воситалари хақида ўз шифокорингизга хабар бериш муҳимдир.

Агар сизда ёки оила аъзоларида глюкоза-6-фосфат дегидрогеназа (G6PD) танқислиги маълум бўлса, шифокорга хабар беринг, чунки сизда ципрофлоксацин қўлланганида анемияни ривожланиш ҳавфи бўлиши мумкин.

Кўриш фаолияти бузилганида ёки кўзларни бошқа шикастланишларида, зудлик билан окулистга мурожаат қилинг.

Ципринол® препарати қўлланганида, терингиз қуёш ёки ультрабинафша (УБ) нурларига сезувчан бўлиши мумкин. Кучли қуёш нурлари ёки солярий каби сунъий УБ нурларини таъсиридан сақланинг.

Агар сизда QT интервални туғма узайиши ёки оилавий анамнезда QT интервали узайиши (ЭКГ да кузатиладиган юракнинг электрик фаолиятини ёзилиши), организмда туз алмашинувини бузилиши (айниқса, қонда калий ёки магний даражасини паст бўлиши), юрак ритмини жуда секинлашиши (“брадикардия” деб номланган), кучсиз юракни кучсизланиши (юрак етишмовчилиги), анамнезида юрак ҳуружи (миокард инфаркти) бўлса, агар сиз аёл киши бўлсангиз ёки кекса ёшда бўлсангиз ёки ЭКГ кўрсаткичларини бузилишига олиб келувчи бошқа дори воситаларни қабул қилаётган бўлсангиз, ушбу дори воситаси қўлланганида эҳтиёткорликка риоя қилиш керак (2-бўлимга қаранг: бошқа дори воситалари, Ципринол® препаратига қаранг).

Ҳомиладорлик ва эмизиш даври

Ҳомиладорлик вақтида Ципринол® препаратини қўллашдан сақлаган афзал.

Агар сиз ҳомиладорликни ражалаштираётган бўлсангиз, шифокорга хабар беринг.

Эмизиш вақида Ципринол® препаратини қабул қилманг, чунки ципрофлоксацин кўкрак сути билан ажралиб чиқади ва болага зарар етказиши мумкин.

Транспорт воситаларини бошқариш ва механизмлар билан ишлаш

Ципринол® препарати онгнинг равшанлигини пасайтириши мумкин. Айрим неврологик нохуш кўринишлар ривожланиши мумкин. Шунинг учун транспорт воситаларини бошқариш ёки механизмлар билан ишлашдан олдин Ципринол® препаратига қандай реакция кўрсатишингиз маълумлигига ишонч ҳосил қилинг. Агар сизда гумон туғилса, шифокор билан маслаҳатлашинг.

Ципринол® препарати таркибида натрий сақлайди

Инфузия учун эритма тайёрлаш учун концентрат таркибида дозасига 1 ммоль (23 мг) дан камроқ натрий сақлайди, яъни деярли “натрий сақламайди”.

Барча дори воситалари каби, ушбу препарат ҳам гарчи улар ҳаммада ҳам ривожланмасада ножўя самараларни чақириши мумкин,

Тез-тез: 10 одамдан 1 нафарида ривожланиши мумкин: кўнгил айниши, диарея, қусиш, болаларда бўғимларда оғриқ, тошма.

Тез-тез мас: 100 одамдан 1 нафарида ривожланиши мумкин, замбуруғли суперинфекция, эозонофиллар (лейкоцитларнинг тури) ни юқори концентрацияси, тромбоцитлар сонини ошиши ёки камайиши (2-бўлим: Махсус кўрсатмаларга қаранг), иштаҳани йўқолиши (анорексия), бузилиши, галлюцинациялар, бош оғриғи, бош айланиши, уйқуни бузилиши, таъм билишни бузилиши, санчиқ ҳисси, сезги аъзоларини таъсирловчи омилларга ғайриоддий сезувчанлиги, ҳуружлар (2-бўлим: Махсус кўрсатмаларга қаранг), бош айланиши, жигар фаолиятини бузилиши (холестатик сариқлик, жигар фаолиятини бузилиши), тошма, қичишиш ёки эшакеми.

Кам ҳолларда: 1000 одамдан 1 нафарида ривожланиши мумкин: ичакни антибиотикни қўллаш билан боғлиқ яллиғланиши (колит) (жуда кам ҳолларда ўлим билан тугаши мумкин) (2-бўлим: Махсус кўрсатмаларга қаранг), қоннинг кўрсаткичларини ўзгариши (лейкопения, лейкоцитоз, нейртропения, анемия, панцитопения), суяк кўмигида қон яратилишини сусайиши, бу ўлимга олиб келиши мумкин (2-бўлим: Махсус кўрсатмаларга қаранг), хушдан кетиш (хушни йўқолиши), амилаза ферменти даражасини ошиши.

Учраш тезлиги номаълум: мавжуд маълумотлар асосида учраш тезлиги аниқланиши мумкин эмас: каби нерв тизими билан боғлиқ бўлган муаммолар, препаратларни қўллаш билан боғлиқ бўлган кам учрайдиган, оғир тери тошмалари (ўткир тарқоқ экзантематоз пустулёз ЎТЭП), ҳаёт учун ҳавф туғдирувчи патологик тезлашган юрак ритми, номунтазам юрак ритми (ЭКГда “QT интервали узайиши” деб номланган, юракнинг электрик фаоллигини ёзуви), қон кетишини юқори ҳавфи (қонни суюлтириш учун препаратларни қабул қилаётган пациентларда).

Агар сизда ножўя самаралар ривожланса, шифокор, фармацевт ёки ҳамшира билан маслаҳатлашинг. Бу ушбу илова-варақада кўрсатилмаган ножўя самараларга ҳам тегишли.

Болалар ололмайдиган жойда сақлансин.

Ўрамида кўрсатилган яроқлилик муддати тугаганидан сўнг ушбу препарат қўлланмасин. Яроқлилик муддати кўрсатилган ойнинг охирги кунига тўғри келади.

Ёруғликдан ҳимояланган жойда, 30 °С дан юқори бўлмаган ҳароратда сақлансин.

Дори препаратларни канализацияга ёки маиший чиқиндиларга ташлаш мумкин эмас. Сиз бошқа ишлатилмайдиган дори воситаларни қандай йўқотиш кераклигини фармацевтдан сўранг. Ушбу чоралар атроф-муҳитни ҳимоя қилишга ёрдам беради.

Ципринол® препарати қандай кўринишга эга ва ўрамининг ичидагиси

Инфузия учун эритма тайёрлаш учун концентрат: сарғиш-яшил рангли, заррачалардан деярли ҳоли бўлган, тиниқ эритма.

10 мл дан нейтрал тиниқ шиша ампулада (Ph.Eur. бўйича 1 тип). 5 ампула блистерда. 1 блистер илова-варақа билан бирга картон қутига жойланган.

Фақат шифокор рецепти бўйича.

КРКА, д.д., Ново место, Шмарьешка цеста 6, 8501 Ново место, Словения.