Andipal IRBITSKIY HFZ 10-sonli tabletkalar (blister)

Tarkib

1 ta tabletka tarkibida quyidagilar mavjud:

ta’sir etuvchi moddalar: metamizol natriy (analgin) - 250,0 mg, fenobarbital - 20,0 mg, bandazol (dibazol) - 20,0 mg, papaverin gidroxlorid - 20,0 mg.

yordamchi moddalar: kartoshka kraxmali - 47,0 mg, talk - 5,9 mg, polisorbat-80 - 3,4 mg, kalsiy stearati - 1,8 mg, stearin kislotasi - 1,9 mg.

Tavsif

Dumaloq, yassi silindr shaklidagi, oq yoki oq rangli, kuchsiz sariq tusli, ikki tomonlama faskali va bir tomonida chiziqli tabletkalar.

Chiqarish shakli

Tabletkalar.

Preparatning tavsifi

Kombinatsiyalangan preparat. Preparatning farmakologik xususiyatlari uning tarkibidagi komponentlarning ta’siri bilan bog‘liq.

Farmakoterapevtik guruh

Kombinatsiyalangan og‘riq qoldiruvchi vosita (narkotik bo‘lmagan og‘riq qoldiruvchi vosita + spazmolitik vositalar + barbiturat). Metamizol natriy psixoleptiklar bilan birgalikda. ATX kodi: N02BB72.

Farmakologik xususiyatlari

Farmakodinamika

Metamizol natriy - pirazolon hosilasi bo‘lib, og‘riq qoldiruvchi, isitma tushiruvchi va spazmolitik ta’sir ko‘rsatadi. Tadqiqot natijalariga ko‘ra, metamizol natriy va uning faol metaboliti (4N-metilaminoantipirin) markaziy va periferik ta’sir mexanizmiga ega. Siklooksigenazani noselektiv ingibirlaydi va araxidon kislotasidan prostaglandinlar hosil bo‘lishini kamaytiradi.

Fenobarbital - barbitur kislotasining hosilasi. Benzodiazepin-u-aminomoy kislota (GAMK) -retseptor kompleksining barbituratli qismi bilan o‘zaro ta’sirlashadi, bu esa GAMK-retseptorlarning mediatorga (GAMK) sezgirligini oshiradi, xlor kanallarining ochilishiga olib keladi, bu esa hujayraga xlor ionlarining kirishini oshiradi va giperpolyarizatsiyaga olib keladi. Bosh miya po‘stlog‘ining sezgi sohalarini susaytiradi, harakat faolligini kamaytiradi, serebral funksiyalarni, shu jumladan nafas olish markazini susaytiradi. Oshqozon-ichak trakti (OIT) silliq mushaklari tonusini pasaytiradi. Fenobarbital kichik dozalarda sedativ ta’sir ko‘rsatadi.

Bendazol - tomirlarni kengaytiruvchi vosita; tomirlarni kengaytiruvchi ta’sirga ega, orqa miya funksiyasini rag‘batlantiradi. Qon tomirlari va ichki a’zolarning silliq mushaklariga bevosita spazmolitik ta’sir ko‘rsatadi. Orqa miyada sinaptik uzatishni osonlashtiradi.

Papaverin gidroxlorid spazmolitik vosita bo‘lib, gipotenziv ta’sir ko‘rsatadi, tonusni pasaytiradi va ichki a’zolar va tomirlarning silliq mushaklarini bo‘shashtiradi.

Farmakokinetika

Metamizol natriy: MIY yaxshi va tez so‘riladi. Ichak devorida gidrolizlanib, faol metabolit hosil qiladi, qonda o‘zgarmagan natriy metamizol bo‘lmaydi (faqat vena ichiga yuborilgandan keyingina uning ozgina miqdori plazmada aniqlanadi). Faol metabolitning plazma oqsillari bilan bog‘lanishi 50-60% ni tashkil etadi. Jigarda metabolizmga uchraydi, buyraklar orqali chiqariladi. Terapevtik dozalarda ko‘krak sutiga o‘tadi.

Fenobarbital: Ichilganda to‘liq, lekin nisbatan sekin so‘riladi. Qondagi maksimal konsentratsiyasi qabul qilingandan 1-2 soat o‘tgach kuzatiladi. 50% ga yaqini qon plazmasi oqsillari bilan bog‘lanadi. Preparat turli organ va to‘qimalarda bir tekis taqsimlanadi; uning kamroq konsentratsiyasi miya to‘qimalarida aniqlanadi. Kattalarda yarim chiqarilish davri (T1/2) 2-4 kunni tashkil etadi. Organizmdan sekin ajraladi, bu esa kumulyatsiya uchun sharoit yaratadi. Jigarning mikrosomal fermentlari tomonidan metabolizmga uchraydi. Buyraklar orqali faol bo‘lmagan metabolitlar ko‘rinishida, 25-50% o‘zgarmagan holda chiqariladi.

Bendazol: biosinguvchanligi taxminan 80%, qondagi bendazol biotransformatsiyasi mahsulotlari bendazol imidazol halqasidagi iminoguruhining metillanishi va karboetoksillanishi natijasida hosil bo‘ladigan ikkita kon’yugat hisoblanadi: 1-metil-2-benzilbenzimidazol va 1-karboetoksi-2-benzilbenzimidazol. Bendazol metabolitlari siydik bilan chiqariladi.

Papaverin gidroxlorid: biosinguvchanligi o‘rtacha 54%. Plazma oqsillari bilan bog‘lanishi - 90%. Yaxshi taqsimlanadi, gistogematik to‘siqlar orqali o‘tadi. Jigarda metabolizmga uchraydi. Yarim chiqarilish davri (T1/2) - 0,5-2 soat (24 soatgacha uzayishi mumkin). Buyraklar orqali metabolitlar holida chiqariladi. Gemodializda qondan butunlay chiqib ketadi.

Ko‘rsatmalar

Qon bosimi ko‘tarilganda periferik arteriyalar, oshqozon-ichak trakti silliq mushaklari, miya tomirlari spazmi bilan bog‘liq og‘riq sindromi (kuchsiz yoki o‘rtacha ifodalangan).

Qarshi ko‘rsatmalar

Yuqori sezuvchanlik (shu jumladan pirazolon hosilalariga); suyak ko‘migi qon yaratilishining susayishi; yaqqol jigar va/yoki buyrak yetishmovchiligi; glyukoza-6-fosfatdegidrogenaza tanqisligi; taxiaritmiyalar, funksional sinfdagi stabil zo‘riqish stenokardiyasi, nostabil stenokardiya, vazospastik stenokardiya, kollaps, dekompensatsiyalangan surunkali yurak yetishmovchiligi; yopiq burchakli glaukoma; prostata bezining giperplaziyasi; ichak tutilishi, megakolon; obstruktiv sindrom bilan kechuvchi respirator kasalliklar; atsetilsalitsil kislotasi, salitsilatlar va boshqa nosteroid yallig‘lanishga qarshi preparatlarni qabul qilish natijasida kelib chiqqan bronxial astma; atrioventrikulyar o‘tkazuvchanlikning buzilishi; komatoz holat; nafas olishning susayishi; mushaklar tonusining oshishi bilan kechuvchi kasalliklar, tutqanoq sindromi, porfiriya (shu jumladan anamnezda), miasteniya; alkogol yoki giyohvand moddalarga qaramlik; keksa yosh

Ehtiyotkorlik bilan

Arterial gipotenziya, periferik qon kasalliklari, jigar yetishmovchiligi.

Qo‘llash usuli va dozalari

Tabletkalarni yetarli miqdorda suyuqlik bilan birga yutib yuborish lozim. Dastlab eng kam samarali dozani qo‘llash lozim.

Kattalar va 8 yoshdan oshgan bolalarga 1 tabletkadan kuniga 2-3 mahal ichiladi. Maksimal sutkalik doza 3 tabletkani tashkil etadi.

Davolash kursi kasallikning xarakteri va kechishiga, erishilgan samaraga, kompleks farmakoterapiya xarakteriga bog‘liq. Davolash davomiyligi 3 sutkadan oshmasligi kerak.

Og‘ir umumiy holat va kreatinin klirensining buzilishi: og‘ir umumiy holat va kreatinin klirensining buzilishi bo‘lgan bemorlarda dozani kamaytirish zarur, chunki ularda metamizol natriy metabolitlarining chiqarilishi pasayishi mumkin.

Buyrak yoki jigar yetishmovchiligi: buyrak yoki jigar faoliyati buzilgan bemorlarda preparatning chiqarilish tezligi pasayganligi sababli, yuqori dozalarni ko‘p marta qabul qilishdan saqlanish kerak. Qisqa muddat qo‘llanganda dozani kamaytirish talab etilmaydi. Uzoq muddat qo‘llash tajribasi yo‘q.

Nojo‘ya ta’sirlari

Keltirilgan nojo‘ya ta’sirlarning chastotasi JSST tasnifiga muvofiq ko‘rsatilgan: juda tez-tez - 10% dan ortiq; tez-tez - 1% dan ortiq va 10% dan kam; tez-tez emas - 0,1% dan ortiq va 1% dan kam; kamdan-kam - 0,01% dan ortiq va 0,1% dan kam; juda kam - 0,01% dan kam, shu jumladan alohida holatlar; chastotasi noma’lum - mavjud ma’lumotlarga ko‘ra paydo bo‘lish chastotasini aniqlash imkoni bo‘lmadi.

Andipal

Oshqozon-ichak buzilishlari: chastotasi noma’lum - ko‘ngil aynishi, qabziyat.

Immun tizimi tomonidan buzilishlar: chastotasi noma’lum - allergik reaksiyalar.

Qon va limfa tizimi tomonidan buzilishlar: chastotasi noma’lum - uzoq vaqt qo‘llanilganda leykopeniya, agranulotsitoz.

Asab tizimi tomonidan buzilishlar: chastotasi noma’lum - uyquchanlik.

Jigar va o‘t yo‘llari tomonidan buzilishlar: chastotasi noma’lum - uzoq muddat qo‘llanganda jigar funksiyasining buzilishi.

Buyraklar va siydik yo‘llari tomonidan buzilishlar: chastotasi noma’lum - uzoq vaqt qo‘llanganda buyrak funksiyasining buzilishi.

Tomirlar tomonidan buzilishlar: chastotasi noma’lum - arterial gipotenziya.

Ruhiy buzilishlar: chastotasi noma’lum - psixomotor tormozlanish.

Metamizol natriy

Laborator va instrumental ma’lumotlar: kamdan-kam hollarda - arterial bosimning pasayishi (farmakologik jihatdan bog‘liq bo‘lishi mumkin va anafilaktik/anafilaktoid reaksiyalarning boshqa ko‘rinishlari bilan kechmaydi). Arterial bosimning pasayishi keskin bo‘lishi mumkin. Isitma paytida, shuningdek, gipersensitivlik reaksiyasining boshqa belgilarisiz dozaga bog‘liq bo‘lgan arterial bosimning keskin pasayishi mumkin.

Nafas olish tizimi, ko‘krak qafasi a’zolari va ko‘ks oralig‘idagi buzilishlar: juda kam hollarda - analgetik-astma sindromi (analgetiklar keltirib chiqargan astma bilan og‘rigan bemorlarda ko‘tara olmaslik, odatda, bronxial astma xurujlari bilan namoyon bo‘ladi).

Immun tizimi tomonidan buzilishlar: kamdan kam hollarda - anafilaktoid yoki anafilaktik reaksiyalar*; chastotasi noma’lum - anafilaktik shok*.

*Ushbu reaksiyalar, ayniqsa, metamizol natriyni parenteral yuborilganda xos bo‘lib, og‘ir va hayotga xavf tug‘dirishi, ba’zi hollarda o‘limga olib kelishi mumkin. Ushbu reaksiyalar metamizol natriy ilgari asoratlar keltirib chiqarmagan bo‘lsa ham yuzaga kelishi mumkin. Bu reaksiyalar preparat yuborilganda yoki bevosita yutib yuborilgandan so‘ng paydo bo‘lishi yoki bir necha soatdan keyin rivojlanishi mumkin. Biroq, ular asosan qo‘llanilgandan keyin birinchi soat ichida paydo bo‘ladi. Yengilroq hollarda ular teri va shilliq qavatlarda toshmalar (masalan, qichishish, achishish, qizarish, pufakchalar va shish), nafas qisilishi va kamroq hollarda oshqozon-ichak buzilishlari bilan namoyon bo‘ladi. Og‘ir hollarda bu reaksiyalar tarqalgan eshakem, og‘ir angionevrotik shish (shu jumladan hiqildoq), og‘ir bronxospazm, yurak ritmining buzilishi, arterial gipotenziya (ba’zi hollarda undan oldin arterial bosim ko‘tariladi), shokka o‘tishi mumkin. Shu munosabat bilan, teri reaksiyalarining birinchi belgilarida preparatni bekor qilish kerak.

Teri va teri osti kletchatkasi tomonidan buzilishlar: kamdan-kam hollarda - dori toshmasi; kamdan-kam hollarda - toshma (masalan, makulopapulyoz); juda kam hollarda - Stivens-Jonson sindromi, toksik epidermal nekroliz.

Qon va limfa tizimi tomonidan buzilishlar: kamdan kam hollarda - leykopeniya; juda kam hollarda - agranulotsitoz, shu jumladan o‘lim bilan tugaydigan holatlar, trombotsitopeniya; chastotasi noma’lum - aplastik anemiya, pansitopeniya, shu jumladan o‘lim bilan tugaydigan holatlar**.

**Ushbu reaksiyalar hatto metamizol natriy ilgari asoratlarni keltirib chiqarmagan bo‘lsa ham yuzaga kelishi mumkin. Agar metamizol natriy bir haftadan ortiq qo‘llanilsa, agranulotsitoz xavfi ortishining bir qator belgilari mavjud. Bu reaksiya dozaga bog‘liq bo‘lmagan xarakterga ega bo‘lib, davolashning istalgan paytida yuzaga kelishi mumkin. U yuqori isitma, qaltirash, tomoq og‘rig‘i, yutinganda og‘riq, og‘iz bo‘shlig‘i, burun, tomoq, genital va anal soha shilliq qavatlarining yallig‘lanishi bilan namoyon bo‘ladi. Biroq, antibiotiklar qo‘llanganda bu hodisalar kuchsiz ifodalangan bo‘lishi mumkin. Limfa tugunlari va taloq biroz kattalashgan yoki umuman kattalashmagan bo‘ladi. Eritrotsitlarning cho‘kish tezligi sezilarli darajada oshadi, granulotsitlar miqdori keskin kamayadi yoki ular aniqlanmaydi. Odatda, lekin har doim ham gemoglobin, eritrotsitlar va trombotsitlarning normal ko‘rsatkichlari saqlanib qolmaydi. Agar umumiy ahvolning kutilmaganda yomonlashuvi kuzatilsa, isitma tushmasa yoki shilliq qavatlarda, ayniqsa og‘iz, burun yoki tomoqda yangi yoki og‘riqli yaralar paydo bo‘lsa, preparat laboratoriya tekshiruvlari natijalarini kutmasdan darhol bekor qilinishi kerak. Pantsitopeniya kuzatilganda, preparatni darhol to‘xtatish va qonning umumiy tahlili me’yorga kelguncha nazorat qilish lozim.

Buyrak va siydik yo‘llari tomonidan buzilishlar: juda kam hollarda - buyrak funksiyasining o‘tkir buzilishi, bu juda kam hollarda proteinuriya, oligo- yoki anuriya va o‘tkir buyrak yetishmovchiligi, o‘tkir interstitsial nefritga olib kelishi mumkin; chastotasi noma’lum - siydikning qizil rangga bo‘yalishi haqida xabar berilgan, bu rubason kislotasining past konsentratsiyasi (natriy metamizol metaboliti) mavjudligi bilan bog‘liq bo‘lishi mumkin.

Fenobarbital

Oshqozon-ichak buzilishlari: chastotasi noma’lum - qusish.

Nafas olish tizimi, ko‘krak qafasi a’zolari va ko‘ks oralig‘idagi buzilishlar: chastotasi noma’lum - nafas olish qiyinlashishi.

Teri va teri osti kletchatkasi tomonidan buzilishlar: kamdan kam hollarda - eksfoliativ dermatit, ekssudativ eritema (Stivens-Jonson sindromi); chastotasi noma’lum - teri toshmasi, eshakemi, nafas olishning qiyinlashuvi.

Qon va limfa tizimi tomonidan buzilishlar: chastotasi noma’lum agranulotsitoz, megaloblastik anemiya, trombotsitopeniya.

Asab tizimi tomonidan buzilishlar: chastotasi noma’lum - bosh aylanishi, ataksiya, nistagm, sinkope.

Ko‘rish a’zosi tomonidan buzilishlar: chastotasi noma’lum - qovoqlarning shishishi.

Jigar va o‘t yo‘llari tomonidan buzilishlar: chastotasi noma’lum - uzoq muddat qo‘llanganda jigar funksiyasining buzilishi.

Yuborish joyidagi umumiy buzilishlar va reaksiyalar: chastotasi noma’lum - asteniya, umumiy holsizlik, lab va yuz shishi, dorilarga qaramlik (uzoq muddat qo‘llanganda).

Ruhiy buzilishlar: chastotasi noma’lum - gallyutsinatsiyalar, depressiya, tungi qo‘rqinchli tushlar, preparatga paradoksal reaksiya (ayniqsa keksa va zaif bemorlarda - qo‘zg‘alish).

Bendazol

Oshqozon-ichak buzilishlari: chastotasi noma’lum - ko‘ngil aynishi.

Teri va teri osti kletchatkasi tomonidan buzilishlar: chastotasi noma’lum - ko‘p terlash.

Asab tizimi tomonidan buzilishlar: chastotasi noma’lum - bosh aylanishi, bosh og‘rig‘i. Sanab o‘tilgan ta’sirlar katta dozalarda qo‘llanganda namoyon bo‘ladi. Doza kamaytirilganda yoki preparat bekor qilinganda aytib o‘tilgan nojo‘ya ta’sirlar tezda o‘tib ketadi.

Papaverin gidroxlorid

Oshqozon-ichak buzilishlari: ko‘pincha - ko‘ngil aynishi, qabziyat.

Laborator va instrumental ma’lumotlar: ko‘pincha - arterial bosimning pasayishi; kam hollarda - transaminazalar darajasining oshishi.

Qon va limfa tizimi tomonidan buzilishlar: juda kam hollarda - eozinofiliya.

Teri va teri osti kletchatkasi tomonidan buzilishlar: tez-tez - teri toshmasi (odatda eritematoz, eshakemi); kamdan-kam - teri qichishi, kamdan-kam - ko‘p terlash.

Asab tizimi tomonidan buzilishlar: ko‘pincha - uyquchanlik.

Yurak tomonidan buzilishlar: kam hollarda - qorincha ekstrasistoliyalari.

Dozani oshirib yuborish

Andipal

Dozani oshirib yuborish alomatlari: preparatning dozasini oshirib yuborish uning tarkibiga kiruvchi komponentlarning xususiyatlariga bog‘liq. Doza oshirib yuborilganda kuchli uyquchanlik, bosh aylanishi, tomirlar kollapsi yuzaga keladi.

Davolash: birinchi yordam ko‘rsatish - oshqozonni yuvish, faollashtirilgan ko‘mir qabul qilish. Hayotiy muhim funksiyalarni qo‘llab-quvvatlashga qaratilgan simptomatik terapiya. Intoksikatsiyani davolash, jiddiy asoratlarning oldini olish kabi, intensiv tibbiy kuzatuv va davolashni talab qiladi.

Metamizol natriy

Dozani oshirib yuborish belgilari: o‘tkir dozani oshirib yuborish ko‘ngil aynishi, qusish, qorin og‘rig‘i, buyrak funksiyasining buzilishi/o‘tkir buyrak yetishmovchiligi (masalan, interstitsial nefritning namoyon bo‘lishi) va kamdan-kam hollarda markaziy asab tizimi belgilari (koma, tutqanoqlar) hamda taxikardiya va shokga olib keladigan qon bosimining pasayishi bilan namoyon bo‘ladi. Doza oshirib yuborilganda rubazon kislotasining ekskretsiyasi siydikni qizil rangga bo‘yaydi.

Davolash: spetsifik antidot ma’lum emas. Yaqinda dozani oshirib yuborishda preparatning organizmga tushishini cheklash maqsadida birlamchi detoksikatsiya (masalan, oshqozonni yuvish) yoki sorbsion terapiya (masalan, faollashtirilgan ko‘mir) o‘tkaziladi. Asosiy metabolit (4N-metilaminoantipirin) gemodializ, gemofiltratsiya, gemoperfuziya va plazmafiltratsiyada yo‘qotiladi. Dozaning oshib ketishini davolash, shuningdek, jiddiy asoratlarning oldini olish umumiy va maxsus intensiv tibbiy kuzatuv hamda davolashni talab qilishi mumkin.

Fenobarbital

Dozani oshirib yuborish alomatlari: nistagm, ataksiya, bosh og‘rig‘i, tormozlanish, noaniq nutq, kuchli holsizlik, reflekslarning pasayishi yoki yo‘qolishi, qo‘zg‘alish, tana haroratining ko‘tarilishi yoki pasayishi, nafas olishning pasayishi, nafas qisilishi, arterial bosimning pasayishi, ko‘z qorachiqlarining torayishi (kengayishi bilan almashinadi), oliguriya, taxi- yoki bradikardiya, sianoz, ongning chalkashishi, EEG ma’lumotlariga ko‘ra miya bioelektrik faolligining buzilishi, o‘pka shishi, koma, keyinroq - pnevmoniya, aritmiyalar, yurak yetishmovchiligi; 2-10 g qabul qilinganda - o‘lim bilan yakunlanadi; surunkali toksiklikda - asabiylashish, fikrlashning buzilishi, uyqu buzilishi, ongning chalkashishi.

Davolash: spetsifik antidot yo‘q. Oshqozonni yuvish, faollashtirilgan ko‘mir qabul qilish, dezintoksikatsion terapiya o‘tkazish, simptomatik davolash, organizmning hayotiy muhim funksiyalarini qo‘llab-quvvatlash.

Bendazol

Dozani oshirib yuborish belgilari: dozani oshirib yuborish holatlari haqida ma’lumotlar yo‘q. Arterial bosimning sezilarli darajada pasayishi eng ehtimoliy noxush hodisa bo‘lishi mumkin.

Davolash: qon bosimi yaqqol pasayganda bemorga oyoqlarini ko‘tarib "yotish" holatini berish, simptomatik terapiya o‘tkazish.

Papaverin gidroxlorid

Dozani oshirib yuborish alomatlari: diplopiya (ko‘zda ikkilanish), holsizlik, qon bosimining pasayishi.

Davolash: simptomatik (qon bosimini ushlab turish).

O‘zaro aloqa

Andipal

Preparatni nitratlar (shu jumladan nitroglitserin, izosorbid dinitrat), sekin kalsiy kanallari blokatorlari (nifedipin va boshqalar), beta-adrenoblokatorlar (shu jumladan propranolol, metoprolol), ganglioblokatorlar (shu jumladan azametoniy bromid), diuretiklar (furosemid, gipotiazid va boshqalar), vazodilatatsiyalovchi vositalar (shu jumladan dipiridamol), aminofillin bilan kombinatsiyasi Andipal preparatining gipotenziv ta’sirini kuchaytiradi. Bevosita (shu jumladan, epinefrin, norepinefrin) va bilvosita (efedrin) ta’sir etuvchi alfa-adrenomimetiklar, N-xolinomimetiklar (shu jumladan, nikotin, atsetilxolin), analeptiklar (shu jumladan, kamfora, sulfokamfokain [prokain+sulfokamfora kislotasi], niketamid, bemegrid, lobeliya, sitizin), tonusni oshiruvchi vositalar (shu jumladan, jenshen ildizi, eleuterokokk tikanli ildizpoyalari va ildizlari ekstrakti, rodiola ekstrakti) bilan birga qo‘llash Andipal preparatining gipotenziv ta’sirini kamaytiradi. Bir vaqtning o‘zida adsorbentlar (aktivlangan ko‘mir), bog‘lovchi va o‘rab oluvchi vositalarni qo‘llash preparatning MIY so‘rilishini kamaytiradi.

Metamizol natriy

Siklosporin bilan: metamizol natriy siklosporinning plazma konsentratsiyasini pasaytirishi mumkin, shuning uchun ularni bir vaqtda qo‘llashda siklosporin konsentratsiyasini nazorat qilish kerak.

Xlorpromazin bilan: metamizol natriy va xlorpromazin bir vaqtda qo‘llanganda og‘ir gipotermiya rivojlanishi mumkin.

Smetotreksat bilan: metamizol natriy va metotreksat yoki boshqa miyelotoksik vositalarni bir vaqtda qo‘llash, ayniqsa keksa yoshdagi bemorlarda, ikkinchisining gematotoksikligini kuchaytirishi mumkin. Shuning uchun bunday kombinatsiyadan qochish kerak.

Boshqa narkotik bo‘lmagan og‘riq qoldiruvchi vositalar bilan: metamizol natriyni boshqa narkotik bo‘lmagan og‘riq qoldiruvchi vositalar bilan bir vaqtda qo‘llash toksik ta’sirlarning o‘zaro kuchayishiga olib kelishi mumkin.

Tritsiklik antidepressantlar, peroral kontratseptivlar, allopurinol bilan: tritsiklik antidepressantlar, allopurinol, peroral kontratseptivlar jigarda metamizol natriy metabolizmini buzadi va uning toksikligini oshiradi.

Barbituratlar, fenilbutazon va jigar mikrosomal fermentlarining boshqa induktorlari bilan: barbituratlar, fenilbutazon va jigar mikrosomal fermentlarining boshqa induktorlari metamizol natriy ta’sirini susaytiradi.

Sedativ vositalar va trankvilizatorlar bilan: sedativ vositalar va trankvilizatorlar metamizol natriyning og‘riq qoldiruvchi ta’sirini kuchaytiradi.

Plazma oqsillari bilan yuqori bog‘lanishga ega bo‘lgan dori vositalari (peroral gipoglikemik vositalar, bilvosita antikoagulyantlar, glyukokortikosteroidlar va indometatsin) bilan: metamizol natriy peroral gipoglikemik vositalar, bilvosita antikoagulyantlar, glyukokortikosteroidlar va indometatsinni plazma oqsillari bilan bog‘lanishdan siqib chiqarib, ularning faolligini oshiradi.

Tiamazol bilan: tiamazol leykopeniya rivojlanish xavfini oshiradi.

Kodein, N2-gistamin retseptorlari blokatorlari va propranolol bilan: Kodein, N2-gistamin retseptorlari blokatorlari va propranolol metamizol natriy ta’sirini kuchaytiradi.

Atsetilsalitsil kislotasi (ASK) bilan: Metamizol natriy bir vaqtda qo‘llanganda ASKning trombotsitlar agregatsiyasiga ta’siri kamayadi. Shuning uchun ushbu kombinatsiyani antiagregant vosita sifatida ASK qabul qilayotgan bemorlarni davolashda ehtiyotkorlik bilan qo‘llash lozim.

Bupropion bilan: metamizol natriy qondagi bupropion konsentratsiyasini pasaytirishi mumkin, buni ularni bir vaqtda qo‘llashda hisobga olish kerak.

Boshqa dori vositalari bilan: pirazolon hosilalari bilvosita antikoagulyantlar, kaptopril, litiy va triamteren bilan o‘zaro ta’sirlashishi, shuningdek, gipotenziv vositalar va diuretiklarning samaradorligiga ta’sir qilishi mumkinligi yaxshi ma’lum. Metamizol natriyning ushbu dori vositalari bilan o‘zaro ta’siri hozircha o‘rganilmagan.

Metamizol natriy bilan davolash paytida anafilaktik/anafilaktoid reaksiyalarning rivojlanish xavfi yuqori bo‘lganligi sababli, rentgenokontrast moddalar, kolloid qon o‘rnini bosuvchilar va penitsillinni qo‘llash mumkin emas.

Fenobarbital antibiotiklar va sulfanilamidlarning antibakterial faolligini, grizeofulvinning zamburug‘larga qarshi ta’sirini kamaytiradi. Bevosita bo‘lmagan antikoagulyantlar, glyukokortikosteroidlar, doksitsiklin, estrogenlar va jigarda oksidlanish yo‘li bilan metabolizmga uchraydigan boshqa dori vositalarining samaradorligini pasaytiradi (ularning parchalanishini tezlashtiradi). Atropin, belladonna ekstrakti, dekstroza, tiamin, nikotin kislotasi, analeptiklar va psixostimullovchi dori vositalari bir vaqtda qabul qilinganda uyqu keltiruvchi ta’siri pasayadi. Rezerpin bilan birga qo‘llanganda tutqanoqqa qarshi ta’siri kamayadi; amitriptilin, nilamid, diazepam, xlodiazepoksid ta’sirida kuchayadi. Atsetazolamid siydikni ishqorlab, buyrakda fenobarbital reabsorbsiyasini kamaytiradi va uning ta’sirini susaytiradi.

Bendazol beta-adrenoblokatorlar tufayli umumiy periferik qon tomir qarshiligining oshishini oldini oladi. Fentolamin bendazolning gipotenziv ta’sirini kuchaytiradi.

Papaverin gidroxlorid levodopaning parkinsonizmga qarshi va metildopaning gipotenziv ta’sirini kamaytiradi. Barbituratlar bilan birgalikda papaverin gidroxloridning spazmolitik ta’siri kuchayadi. Tritsiklik antidepressantlar, prokainamid, rezerpin, xinidin bilan birga qo‘llanganda papaverin gidroxloridning gipotenziv ta’siri kuchayishi mumkin. Alprostadil bilan birgalikda qabul qilinganda priapizm rivojlanish xavfi kuchayadi.

Maxsus ko‘rsatmalar

3 kun davomida samara bo‘lmasa, preparatni qabul qilishni to‘xtatish va shifokorga murojaat qilish kerak.

Metamizol natriyni qo‘llashga javoban anafilaktik yoki boshqa immun vositachiligidagi reaksiyalar (masalan, agranulotsitoz) yuzaga keladigan bemorlar, shuningdek, boshqa pirazolonlar va pirazolidonlarni qo‘llashga javoban ularning rivojlanish xavfi ostida bo‘ladilar.

Keksa va zaiflashgan bemorlar: keksa bemorlarda dozani kamaytirish zarur, chunki ularda metamizol natriy metabolitlarining chiqarilishi kamayishi mumkin.

Pansitopeniya, agranulotsitoz

Pansitopeniya va agranulotsitoz rivojlanganda, preparatni zudlik bilan bekor qilish va uning ko‘rsatkichlari me’yorga qaytgunga qadar umumiy qon tahlilini nazorat qilish lozim. Barcha bemorlarga davolash davomida qon tomonidan buzilishlarni eslatuvchi belgi va alomatlar paydo bo‘lganda (masalan, umumiy holsizlik, infeksiyalar, turg‘un isitma, gematomalar paydo bo‘lishi, qon ketishi, rangparlik) zudlik bilan tibbiy yordamga murojaat qilish tavsiya etilishi lozim.

Anafilaktik/anafilaktoid reaksiyalar

Metamizol natriyga nisbatan yuqori sezuvchanlik reaksiyalari rivojlanish xavfining oshishiga quyidagi holatlar sabab bo‘ladi: analgetik bronxial astma yoki analgetiklarni ko‘tara olmaslik (eshakemi-angionevrotik shish turi bo‘yicha); bronxial astma, ayniqsa rinosinusit va burun polipozi bilan kechadigan; surunkali eshakemi; bo‘yoqlarni (masalan, tartrazin), konservantlarni (masalan, benzoatlar) ko‘tara olmaslik; alkogolni ko‘tara olmaslik, buning fonida alkogolli ichimliklarni oz miqdorda qabul qilganda ham bemorlarda aksirish, ko‘z yoshi oqishi va yuzning kuchli qizarishi yuzaga keladi. Alkogolni ko‘tara olmaslik ilgari aniqlanmagan analgetik bronxial astmadan dalolat berishi mumkin. Ta’sirchan bemorlarda anafilaktik shok yuzaga kelishi mumkin, shuning uchun bronxial astma yoki atopiya bilan og‘rigan bemorlarda alohida ehtiyotkorlik talab etiladi.

Og‘ir teri reaksiyalari

Stivens-Jonson sindromi (SSD) va toksik epidermal nekroliz (TEN). SSD yoki TEN belgilari paydo bo‘lganda (masalan, tez-tez pufakchalar yoki shilliq qavatning yaralanishi bilan kechadigan progressiv teri toshmasi) Andipal bilan davolashni darhol to‘xtatish va hech qachon qayta boshlamaslik kerak.

Teri reaksiyalarini, ayniqsa davolashning boshida, diqqat bilan nazorat qilish kerak.

Alohida gipotenziv reaksiyalar

Bu reaksiyalar dozaga bog‘liq bo‘lishi mumkin. Bunday reaksiyalar xavfi oldingi arterial gipotenziya, aylanib yuruvchi qon hajmining kamayishi yoki degidratatsiya, beqaror gemodinamika yoki qon aylanishining o‘tkir buzilishi (masalan, miokard infarkti yoki jarohat olgan bemorlarda), yuqori isitmali bemorlarda yuqori bo‘ladi. Bunday bemorlarda batafsil tashxis qo‘yish va ularni sinchkovlik bilan kuzatish lozim.

Qon bosimi pasayishidan saqlanish kerak bo‘lgan bemorlarda Andipalni faqat gemodinamik ko‘rsatkichlarni sinchkovlik bilan kuzatib borgan holda qo‘llashga ruxsat beriladi.

Qorin og‘rig‘i

Preparatni o‘tkir qorin og‘rig‘ini qoldirish uchun (uning sababi aniqlanmaguncha) qo‘llash mumkin emas.

Buyrak va jigar faoliyatining buzilishi

Buyrak yoki jigar faoliyati buzilgan bemorlarda Andipalni faqat foyda va xavflarni qat’iy baholagan holda, barcha zarur ehtiyot choralarini ko‘rgan holda qo‘llashga ruxsat beriladi.

Homiladorlik va laktatsiya

Homiladorlik va emizish davrida preparat qo‘llash mumkin emas.

Homiladorlik

Homiladorlik davrida Andipal kombinatsiyalangan preparatini qo‘llash bo‘yicha ma’lumotlar cheklangan. Preparat tarkibidagi metamizol natriy yo‘ldosh orqali o‘tadi. Klinikagacha bo‘lgan tadqiqotlar natijalariga ko‘ra, metamizol natriyning teratogen ta’siri aniqlanmadi. Metamizol natriy prostaglandinlar sintezini kuchsiz ingibirlashiga qaramay, arterial yo‘lning muddatidan oldin (homila ichi) yopilishini, shuningdek, ona yoki chaqaloqda trombotsitlar agregatsiyasining buzilishi bilan bog‘liq perinatal asoratlarni istisno qilib bo‘lmaydi.

Emizish

Metamizol natriy metabolitlari ko‘krak sutiga o‘tadi, shuning uchun Andipal preparatini qo‘llashda, shuningdek, oxirgi dozani qabul qilgandan keyin 48 soat davomida emizishdan voz kechish kerak.

Transport vositalari va mexanizmlarini boshqarish qobiliyatiga ta’siri

Davolash davrida transport vositalarini boshqarishdan, diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishdan voz kechish kerak.

Qadoq

Polivinilxlorid plyonkasi va laklangan alyuminiy bosma folgasidan yasalgan konturli katakli o‘ramga 10 tadan tabletka solinadi.

Qog‘oz asosidagi kombinatsiyalangan qadoqlash materialidan tayyorlangan konturli yacheykasiz o‘ramga 10 tadan tabletka.

2 tadan konturli yacheykali o‘ramlar tibbiy qo‘llash bo‘yicha yo‘riqnoma bilan birga karton qutiga joylashtiriladi.

Tibbiy qo‘llash bo‘yicha yo‘riqnomalar soni teng bo‘lgan konturli yacheykasiz o‘ramlar yoki karton qutilar guruhli o‘ramga joylashtiriladi.

Saqlash shartlari

Yorug‘lik tushmaydigan joyda, 25 °S dan yuqori bo‘lmagan haroratda saqlang.

Bolalar qo‘li yetmaydigan joyda saqlang.

Yaroqlilik muddati

2 yil 6 oy.

Yaroqlilik muddati tugagach, preparat qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

IRBITSKIY XFZ OAJ Rossiya

Ishlab chiqaruvchi

IRBITSKIY XFZ OAJ Rossiya