Kaliy xlorid

Tarkib

Ta’sir etuvchi modda: kaliy xlorid - 30, 40, 75 yoki 150 mg

Yordamchi moddalar:

xlorid kislotasining 1 M eritmasi - pH 3,0-4,0 gacha, inyeksiya uchun suv - 1 ml gacha

nazariy osmolyarlik:

805 mOsm/l (30 mg/ml konsentrat)

1074 mOsm/l (40 mg/ml konsentrat)

2013 mOsm/l (75 mg/ml konsentrat)

4026 mOsm/l (150 mg/ml konsentrat)

Tavsif

Shaffof rangsiz eritma.

Chiqarish shakli

Infuziya uchun eritma tayyorlash uchun konsentrat, 30 mg/ml, 40 mg/ml, 75 mg/ml va 150 mg/ml.

Farmakoterapevtik guruh

Kaliy preparat. Kaliy xlorid. ATX kodi: B05XA01.

Ta’sir mexanizmi

Ta’sir mexanizmi

Kaliy hujayra ichi bo‘shlig‘ining eng muhim kationi bo‘lib, organizmdagi umumiy kaliyning 98% ga yaqini hujayra ichi suyuqligida bo‘ladi.

Kaliy hujayraning elektrokimyoviy jarayonlarida, uglevod va oqsil almashinuvida ishtirok etadi. Glikogen va oqsillar sintezi vaqtida kaliy hujayralar tomonidan iste’mol qilinadi, bu substratlarning parchalanishi jarayonida esa kaliy ajralib chiqadi (taxminan 0,4-1 mmol kaliy/g glikogen va taxminan 2-3 mmol kaliy/g chiqariladigan azot).

Farmakologik xususiyatlari

Farmakodinamika

Terapevtik samara

Vena ichiga yuborish uchun kaliy xlorid eritmalarining terapevtik ta’siri kaliy tanqisligining oldini olish yoki davolashdir, bunda og‘iz orqali qabul qilish (yoki enteral yuborish) imkonsiz yoki yetarli emas.

Kaliyga bo‘lgan kunlik ehtiyoj tana vazniga 1-1,5 mmol/kg atrofida bo‘ladi.

Kaliy yetishmovchiligi buyrak ekskretsiyasining ko‘payishi, oshqozon-ichak yo‘li orqali yo‘qotilishining ko‘payishi, masalan, qusish, diareya yoki oqmalar orqali, hujayra ichidagi iste’molning ko‘payishi, masalan, atsidozni davolash yoki dekstroza va insulin yuborish, shuningdek, kaliy iste’molining yetishmasligi natijasida yuzaga kelishi mumkin.

Gipokaliyemiya mushaklar kuchsizligi, oshqozon-ichak silliq mushaklari atoniyasi (qabziyatdan ichak tutilishigacha), buyraklarning siydikni konsentratsiyalash qobiliyatining yo‘qolishi, EKG o‘zgarishlari va yurak aritmiyasi bilan kechadi.

Farmakokinetika

So‘rilishi: dori preparati vena ichiga yuborilgani uchun uning biosinguvchanligi 100% ni tashkil etadi.

Taqsimlanishi: kaliy va xlor ionlari organizmning umumiy ionlar puliga kiritiladi. Kaliy konsentratsiyasi va qon plazmasining kislota-asosli holati bir-biri bilan chambarchas bog‘liq. Alkaloz ko‘pincha gipokaliyemiya, atsidoz esa giperkaliyemiya bilan birga davom etib boradi. Qon plazmasidagi kaliy konsentratsiyasining atsidozda me’yorda bo‘lishi kaliy yetishmovchiligini ko‘rsatadi.

Kaliyning hujayra ichidagi konsentratsiyasi 140-150 mmol/l atrofida bo‘ladi. Kaliyning qon plazmasidagi konsentratsiyasi me’yorda 3,5 dan 5 mmol/l gacha bo‘ladi.

Biotransformatsiya. Qo‘llanilmaydi.

Chiqarilishi: Kaliy asosan buyraklar orqali chiqariladi (90% ga yaqin), 10% ga yaqini oshqozon-ichak yo‘li orqali organizmdan chiqariladi. Kaliy tanqisligi sharoitida ham sutkasiga 10-50 mmol kaliy buyraklar orqali chiqariladi.

Ko‘rsatmalar

Turli genezli gipokaliyemiya, shu jumladan gipokaliyemiya tufayli kelib chiqqan aritmiyalar.

Qarshi ko‘rsatmalar

- Preparat komponentlariga yuqori sezuvchanlik;

- har qanday etiologiyali giperkaliyemiya yoki giperxloremiya, to‘liq atrioventrikulyar yoki qorincha ichi blokadasi;

- oliguriya yoki azotemiya bilan kechadigan buyrak yetishmovchiligi;

- qorinchalar fibrillyatsiyasi;

Addison kasalligi;

- adrenogenital sindrom bilan bog‘liq giperadrenalizm;

- to‘qimalarning keng tarqalgan parchalanishi (shu jumladan og‘ir kuyishlarda);

- o‘tkir suvsizlanish;

- issiqlik talvasalari;

- kaliy yuborishga yuqori sezuvchanlik holatlari (shu jumladan irsiy epizodik adinamiya yoki tug‘ma paramiotoniya);

- kaliy tuzlari va kaliy tejovchi diuretiklar bilan qo‘shimcha davolash;

- 18 yoshgacha bo‘lgan shaxslar.

Ehtiyotkorlik bilan

- I-II darajali atrioventrikulyar blokada, yurak yetishmovchiligi;

- o‘roqsimon hujayrali kamqonlik;

- kaliy ekskretsiyasining buzilishi bilan kechadigan kasalliklar va holatlar, shu jumladan surunkali buyrak yetishmovchiligi;

- buyrak usti bezi yetishmovchiligi;

- Yurak glikozidlari, aldosteron antagonistlari, AAF ingibitorlari, takrolimus, siklosporin, uzoq ta’sir etuvchi geparin, suksametoniy yoki potensial nefrotoksik dori vositalari (nosteroid yallig‘lanishga qarshi preparatlar, periferik ta’sir etuvchi analgetiklar) qabul qilayotgan bemorlarda.

Qo‘llash usuli va dozalari

Preparat venaga tomchilab, faqat konsentrat 10 marta suyultirilgandan so‘ng yuboriladi.

10 ml kaliy xlorid konsentrati 40 mg/ml inyeksiya uchun suv bilan 10 marta (100 ml gacha) suyultirilib, izotonik eritma olinadi (kaliy xlorid konsentratsiyasi 4 mg/ml yoki 0,4% ni tashkil etadi) va vena ichiga tomchilab (daqiqasiga 20-30 tomchi tezlikda) yuboriladi.

Bir vaqtning o‘zida bir infuziyada tayyorlangan eritmadan ko‘pi bilan 100 ml yuboriladi. Zarur bo‘lsa, quyishni takrorlash mumkin, lekin umumiy sutkalik doza kaliy xloridning 4 mg/ml (0,4%) konsentratsiyali tayyorlangan eritmasidan 300-500 ml dan oshmasligi kerak.

Tomir ichiga tomchilab yuborish uchun 2,5 g gacha kaliy xloridni 500 ml 0,9% li izotonik natriy xlorid eritmasida yoki 5% li dekstroza (glyukoza) eritmasida tayyorlash mumkin.

Miokard infarktida ektopik aritmiyalarning oldini olish va davolash uchun qutblantiruvchi aralashma qo‘llaniladi: 500 ml 5-10% dekstroza (glyukoza) da 2-2,5 g kaliy xlorid eritmasi, unga 3-4 g quruq dekstroza (glyukoza) ga 1 TB hisobidan qisqa ta’sir qiluvchi insulin qo‘shiladi.

Dozalar

Kaliy tanqisligini davolash uchun doza qon plazmasidagi elektrolitlarning haqiqiy konsentratsiyasi va kislota-asos holati ko‘rsatkichlariga muvofiq tanlanishi kerak.

1 mmol kaliy (K+) 75 mg kaliy xlorid (KS1) ga to‘g‘ri keladi.

Kattalar va keksa bemorlar:

O‘rtacha, simptomsiz kaliy yetishmovchiligini davolash va qo‘llab-quvvatlovchi davolash uchun doza:

O‘rtacha kaliy tanqisligini tuzatish va qo‘llab-quvvatlovchi davolash uchun zarur bo‘lgan kaliy miqdorini quyidagi formula orqali hisoblash mumkin:

talab etilgan mmol K+= (MT* [kg] x 0,2) ** x 2 x (qon plazmasidagi K+ ning maqsadli konsentratsiyasi*** - qon plazmasidagi K+ ning haqiqiy konsentratsiyasi [mmol/l])

bunda:

*TM= tana massasi;

** qiymat hujayradan tashqaridagi suyuqlik hajmini ifodalaydi;

*** Qon plazmasida K+ ning maqsadli konsentratsiyasi 4,5 mmol/l kaliy bo‘lishi kerak.

Maksimal kunlik doza (masalan, og‘ir simptomatik gipokaliyemiya yoki sezilarli yo‘qotishlar holatida):

2-3 mmol kaliy/kg tana vaznigacha.

Maksimal kiritish tezligi:

Kattalarda 20 mmol/soatgacha (tana vazniga 0,3 mmol/kg/soat to‘g‘ri keladi). Agar qon plazmasida kaliy konsentratsiyasi 2 mmol kaliy/l dan kam bo‘lsa, infuziya tezligi 40 mmol kaliy/soatgacha yetishi mumkin.

Qandli diabet bilan kasallangan bemorlar:

Kislota-asos holatining o‘zgarishi qon plazmasidagi kaliy konsentratsiyasiga ta’sir ko‘rsatadi. Kaliyga bo‘lgan ehtiyoj qandli diabet bilan og‘rigan bemorlarda ketoatsidoz kompensatsiyasida, shuningdek, dekstroza/qisqa ta’sir qiluvchi insulin yuborilganda ortadi.

Nojo‘ya ta’sirlari

Noxush nojo‘ya reaksiyalar faqat mutlaq yoki nisbiy dozani oshirib yuborish va/yoki infuziya tezligi juda yuqori bo‘lgandagina giperkaliyemiya belgilari ko‘rinishida rivojlanishi mumkin.

Noxush nojo‘ya reaksiyalarning rivojlanish chastotasi dozaga bog‘liq.

Immun tizimi tomonidan buzilishlar: allergik reaksiyalar.

Moddalar almashinuvi va ovqatlanishdagi buzilishlar: atsidoz, giperxloremiya, giperkaliyemiya.

Asab tizimi tomonidan buzilishlar: charchash, mushaklar kuchsizligi, ongning chalkashishi, oyoq-qo‘llarda og‘irlik, mushaklar tortishishi, paresteziyalar, ko‘tariluvchi falajlik.

Yurak tomonidan buzilishlar: bradikardiya, AV blokada, qorinchalar fibrillyatsiyasi, yurak to‘xtashi.

Infuziya tezligining juda yuqori bo‘lishi yurak aritmiyasini keltirib chiqarishi mumkin.

Tomirlar tomonidan buzilishlar: qon bosimining pasayishi, qon aylanishining markazlashuvi.

Oshqozon-ichak tizimi tomonidan buzilishlar: ko‘ngil aynishi.

Dozani oshirib yuborish

Belgilari: ekskretor mexanizmning buzilishi yoki kaliyning vena ichiga juda tez yuborilishi halokatli giperkaliyemiyaga (qon zardobida kaliy ionlari miqdorining 5,5 mekv/l dan oshishi) olib kelishi mumkin, uning ko‘rinishlari: mushaklar gipotonusi, oyoq-qo‘llar paresteziyasi, atrioventrikulyar o‘tkazuvchanlikning sekinlashishi, aritmiyalar, yurak to‘xtashi.

Elektrokardiogrammadagi erta o‘zgarishlar - o‘tkir uchli va tor asosga ega bo‘lgan baland T tishchasi, V2-V4 ko‘krak tarmoqlarida eng yaqqol ifodalangan qon zardobida kaliy ionlari konsentratsiyasining 5,5-6,5 mekv/l gacha oshishida namoyon bo‘ladi. O‘rtacha giperkaliyemiyada (qon zardobida kaliy ionlarining miqdori 6,5-8,0 mekv/l) elektrokardiografik belgilar quyidagilardir: R tishchasi amplitudasining kamayishi, QT intervalining uzayishi, QRS kompleksining kengayishi, R tishchasi amplitudasining pasayishi, qorincha ekstrasistoliyasi.

Giperkaliyemiyaning og‘irroq simptomlari - mushaklarning falajlanishi va yurakning to‘xtab qolishi (elektrokardiogrammadagi o‘zgarish - sekin yoki tezlashgan idioventrikulyar ritm, qorinchalar fibrillyatsiyasi, asistoliya) qon zardobida kaliy ionlari miqdori 9-14 mekv/l bo‘lganda rivojlanadi.

Davolash: Kaliy xlorid infuziyasini to‘xtatish. Ichga yoki vena ichiga - natriy xlorid eritmasi; vena ichiga 300-500 ml 5% dekstroza eritmasi (1 l ga 10-20 TB qisqa ta’sir qiluvchi insulin bilan); atsidozni korreksiyalash (agar mavjud bo‘lsa) natriy gidrokarbonatni vena ichiga yuborish yordamida, zarurat bo‘lganda - gemodializ va peritoneal dializ.

Aritmiya yoki zardobdagi kaliy konsentratsiyasi 6,5 mmol/l dan yuqori bo‘lsa, zudlik bilan 10-20 ml 10% li kalsiy glyukonat eritmasini 1-5 daqiqa davomida vena ichiga yuborish orqali davolashni talab qiladi. Yurak glikozidlari bilan davolanayotgan bemorlarda giperkaliyemiyani davolashda qon zardobidagi kaliy konsentratsiyasining tez pasayishi digitalis intoksikatsiyasiga olib kelishi mumkin. Dozaning oshib ketishini davolashda uzluksiz EKG-monitoring o‘tkazish, vaqti-vaqti bilan qon plazmasida mochevina, elektrolitlar va kreatininni aniqlash, kaliy konsentratsiyasini nazorat qilish (zarur bo‘lsa, har 2-3 soatda), simptomsiz bemorlarni 6 soat davomida kuzatish zarur.

O‘zaro aloqa

Kaliy saqlovchi diuretiklar (shu jumladan triamteren, spironolakton, amilorid) bilan bir vaqtda yuborish kaliy ionlarining buyrak orqali ekskretsiyasining pasayishi hisobiga og‘ir giperkaliyemiyaga olib kelishi mumkin.

AAF ingibitorlari giperkaliyemiya rivojlanish xavfini tug‘diradi, chunki AAF ingibitorlari aldosteron sekretsiyasini kamaytiradi, bu esa organizmda kaliyning ushlanib qolishiga olib keladi.

Beta-adrenoblokatorlar qon zardobidagi kaliyning maksimal konsentratsiyasini ham, kaliy zo‘riqish dozasini zudlik bilan vena ichiga yuborilgan bemorlarda uning dastlabki darajasiga qaytishi uchun zarur bo‘lgan vaqtni ham oshirdi.

Nosteroid yallig‘lanishga qarshi preparatlar - buyraklarda prostaglandinlar sintezini ingibirlashdan keyin ikkilamchi giperaldosteronizm rivojlanishi natijasida giperkaliyemiya rivojlanish xavfi.

Geparin aldosteron sintezini pasaytiradi, bu esa giperkaliyemiya rivojlanishiga olib kelishi mumkin, ayniqsa mavjud buyrak yetishmovchiligi yoki organizmdan kaliy chiqarilishini yomonlashtiradigan boshqa holatlarda.

Yurakning og‘ir va to‘liq blokadasi bo‘lgan, bir vaqtning o‘zida yurak glikozidlarini qo‘llovchi bemorlarda kaliy preparatlarini yuborish tavsiya etilmaydi. Bunday bemorlarda gipokaliyemiyani korreksiya qilish uchun kaliy preparatlari qo‘llanilganda, sinchkovlik bilan nazorat qilish talab etiladi.

Insulin, natriy gidrokarbonat bilan bir vaqtda qo‘llanganda qon zardobidagi kaliy miqdori kamayadi.

Kaliy saqlovchi yoki giperkaliyemiya rivojlanishiga moyillik tug‘diruvchi quyidagi dori vositalari kaliy preparatlari bilan bir vaqtda qo‘llanganda kaliy kumulyatsiyasiga olib kelishi mumkin: aliskiren, angiotenzin II retseptorlari antagonistlari, siklosporin, takrolimus.

Farmatsevtik jihatdan vena ichiga yuborish uchun quyidagi eritmalar bilan mos keladi: inyeksiya uchun glyukoza (dekstroza) bilan kombinatsiyalangan Ringer eritmasi, inyeksiya uchun glyukoza (dekstroza) bilan kombinatsiyalangan Ringer laktat eritmasi, inyeksiya uchun Ringer laktat eritmasidagi 5% glyukoza (dekstroza) eritmasi, natriy xlorid bilan kombinatsiyalangan glyukoza (dekstroza) eritmasi, 0,9% natriy xlorid eritmasidagi 5% glyukoza (dekstroza) eritmasi, inyeksiya uchun suvdagi 2,5%, 5%, 10%, 20% glyukoza (dekstroza) eritmalari, inyeksiya uchun Ringer eritmasi, inyeksiya uchun Ringer laktat eritmasi, 0,45%, 0,9%, 3% natriy xlorid eritmalari.

Tarkibida: amikatsin sulfat, amfoteritsin V, amoksitsillin natriy, benzilpenitsillin, diazepam, dobutamin gidroxlorid, ergotamin tartrat, sisplantin va mannitol bilan etopozid, metilprednizolon natriy suksinat, natriy fenitoin, prometazin gidroxlorid, natriy nitroprussid, streptomitsin sulfat, mannitol, tarkibida soya moyi va letsitin bo‘lgan steril yog‘li emulsiya bo‘lgan eritmalar bilan suyultirilganda farmatsevtik jihatdan mos kelmaydi (ushbu ro‘yxat to‘liq emas).

Maxsus ko‘rsatmalar

Davolash davrida yuborish vaqtida qon zardobidagi kaliy konsentratsiyasini nazorat qilish va dozani o‘z vaqtida o‘zgartirish zarur. Bundan tashqari (ayniqsa, yurak, buyrak kasalligi yoki atsidoz mavjud bo‘lganda), kislota-ishqor muvozanati, zardob elektrolitlari, EKG va bemorning klinik holatini nazorat qilish tavsiya etiladi.

Giperkaliyemiya tez rivojlanadi va belgilarsiz kechadi hamda yurak ichi o‘tkazuvchanligining blokadasiga va o‘limga olib kelishi mumkin. Giperkaliyemiyaning dastlabki belgilari gipotonus va oyoq-qo‘llar paresteziyasidir.

Gipokaliyemiyani davolash og‘ir giperkaliyemiyaning oldini olish uchun kaliy tuzlari va kaliy saqlovchi diuretiklarni bir vaqtning o‘zida yuborish bilan olib borilmasligi kerak.

Kaliy preparatlari bilan davolash yurak blokadasi bilan kechadigan kasalliklarda o‘tkazilmasligi kerak, chunki bu blokada darajasini oshirishi mumkin.

Davolashning dastlabki bosqichida glyukoza bilan bir vaqtda yuborishdan saqlanish kerak, chunki bu kaliy konsentratsiyasining yanada pasayishiga olib kelishi mumkin.

Preparatni faqat vena ichiga yuborishni ta’minlash zarur, chunki vena atrofiga yuborish to‘qimalar nekrozini keltirib chiqarishi mumkin.

Kichik diametrli venalarga kaliy xlorid yuborilsa, yuborilgan joyda og‘riq bo‘lishi mumkin.

Eritma faqat shaffof va flakon shikastlanmagan bo‘lsagina ishlatilishi kerak.

Preparat faqat infuziya uchun mos eritmada suyultirilgan holda qo‘llaniladi. Preparatni bevosita flakonni ochgandan so‘ng suyultiring. Preparatni suyultirish jarayonida aseptika qoidalariga qat’iy rioya qilish talab etiladi.

Eritma faqat shaffof va ampula shikastlanmagan bo‘lsa ishlatiladi.

Preparatni bevosita ampulani ochgandan so‘ng suyultiring. Preparatni suyultirish jarayonida aseptika qoidalariga qat’iy rioya qilish talab etiladi.

Faqat bir marta ishlatiladigan ampula. Nazorat qilinadigan va aseptik sharoitlarda tayyorlangan suyultirishlar bundan mustasno.

Mikrobiologik xavfsizlik nuqtayi nazaridan suyultirilgan preparat darhol ishlatilishi kerak.

Homiladorlik va laktatsiya

Preparatni homilador ayollarga buyurishda ehtiyot bo‘lish kerak. Preparatni faqat uni qo‘llashga aniq ko‘rsatmalar bo‘lgandagina, agar ona uchun kutilayotgan foyda homila uchun potensial xavfdan yuqori bo‘lsa, qo‘llash kerak (iloji bo‘lsa, ichish uchun kaliy preparatlari buyuriladi).

Kaliy ko‘krak suti bilan chiqariladi. Emizikli ayollarga preparatni buyurishda ehtiyot bo‘lish kerak (iloji bo‘lsa, ichish uchun kaliy preparatlari buyuriladi).

Transport vositalari va mexanizmlarini boshqarish qobiliyatiga ta’siri

Preparat bilan davolash davrida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlarini bajarishda (transport vositalarini boshqarish, harakatlanuvchi mexanizmlar bilan ishlash, dispetcher va operator ishi) ehtiyot bo‘lish kerak.

Qadoq

100 ml, 200 ml dan 100 ml yoki 250 ml sig‘imli qon, transfuzion va infuzion preparatlar uchun shisha butilkalarga yoki farmatsevtik va infuzion preparatlar uchun rezina tiqinlar bilan berkitilgan va alyuminiy qalpoqchalar bilan qisilgan shisha butilkalarga.

Butilka qo‘llanilishi bo‘yicha yo‘riqnoma bilan birga karton qutiga solinadi.

Statsionarlar uchun:

- 100 ml li 35 ta butilka, qo‘llash bo‘yicha teng miqdordagi yo‘riqnomalar bilan birga, oldindan pachkalarga joylashtirilmasdan, qistirmali, to‘siqli yoki panjarali ("uyali") gofrirlangan karton qutilarga joylashtiriladi.

- 100 ml dan 1 tadan 35 tagacha butilkalar qo‘llash bo‘yicha teng miqdordagi yo‘riqnomalar bilan birgalikda oldindan pachkalarga joylashtirilmasdan, qistirmali, to‘siqli yoki panjarali ("uyali") gofrirlangan karton qutilarga joylashtiriladi.

200 ml li 28 ta butilka qo‘llanilishi bo‘yicha teng miqdordagi yo‘riqnomalar bilan birgalikda oldindan pachkalarga joylashtirmasdan, qistirmali, to‘siqli yoki panjarali ("uyali") gofrirlangan karton yashiklarga joylashtiriladi.

- 200 ml dan 1 tadan 28 tagacha butilkalar qo‘llash bo‘yicha teng miqdordagi yo‘riqnomalar bilan birgalikda oldindan pachkalarga joylashtirilmasdan, qistirmali, to‘siqli yoki panjarali ("uyali") gofrirlangan karton qutilarga joylashtiriladi.

5 ml yoki 10 ml dan neytral shisha yoki sinish nuqtalari yoki halqalari bo‘lgan birinchi gidrolitik sinfdagi rangsiz shisha ampulalarga.

10 ta ampula qo‘llash bo‘yicha yo‘riqnoma bilan birga karton qutiga solinadi.

5 ta ampula polivinilxlorid plyonkasidan yasalgan konturli yacheykali o‘ramga joylashtiriladi.

2 tadan konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylanadi.

Saqlash shartlari

30 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

4 yil (ampulalarda).

3 yil (shishalarda)

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

DALXIMFARM OAJ Rossiya

Ishlab chiqaruvchi

DALXIMFARM OAJ Rossiya