yordamchi moddalar: kartoshka kraxmali - 16 mg, talk - 2,7 mg, polisorbat-80 (tvin-80) - 6 mg, kalsiy stearat monogidrati (kalsiy stearat 1-suvli) - 5,3 mg.

Tavsif
Tabletkalar yassi silindr shaklida, oq rangli, hidsiz, bir tomoni chiziqli.

Dori shakli
Tabletkalar.

Farmakoterapevtik guruh
Mineral preparatlar, mikroelementlar. Kalsiy preparatlari. ATX kodi: A12AA03.

Farmakologik xususiyatlari
Kalsiy glyukonat - organizmda kalsiy tanqisligini to‘ldiradi, tomirlar o‘tkazuvchanligini kamaytiradi, allergiyaga qarshi, yallig‘lanishga qarshi, qon to‘xtatuvchi, o‘rtacha diuretik ta’sir ko‘rsatadi.

Bundan tashqari, kalsiy ionlari nerv impulslarini uzatishda, silliq va skelet mushaklarining qisqarishida, miokard faoliyatida, qon ivishida ishtirok etadi; ular suyak to‘qimasining shakllanishi, boshqa tizim va a’zolar faoliyati uchun zarurdir.

Farmakokinetika
Og‘iz orqali yuborilgan preparatning taxminan 1/5-1/3 qismi ingichka ichakda so‘riladi; bu jarayon D vitamini, pH, parhez xususiyatlari va kalsiy ionlarini bog‘lay oladigan omillarning mavjudligiga bog‘liq.

Kalsiy ionlarining so‘rilishi - u yetishmaganda va kalsiy ionlari miqdori kamaytirilgan parhezdan foydalanilganda ortadi.

20% ga yaqini buyraklar orqali, qolgan qismi (80%) ichaklar orqali chiqariladi.

Ko‘rsatmalar
gipokalsiyemiya, hujayra membranalari (shu jumladan tomirlar) o‘tkazuvchanligining oshishi, mushak to‘qimasida nerv impulslari o‘tkazilishining buzilishi bilan kechadigan kasalliklar;
gipoparatireoz (yashirin tetaniya, osteoporoz), D vitamini almashinuvining buzilishi: raxit (spazmofiliya, osteomalyatsiya), surunkali buyrak yetishmovchiligi bo‘lgan bemorlarda giperfosfatemiya;
kalsiy ionlariga bo‘lgan ehtiyojning ortishi (homiladorlik, laktatsiya davri, organizmning jadal o‘sish davri), ovqatda kalsiy ionlarining yetishmasligi, uning almashinuvining buzilishi (menopauzadan keyingi davrda);
kalsiy ionlarining kuchli chiqarilishi (uzoq vaqt yotoq rejimi, surunkali diareya, diuretiklar va tutqanoqqa qarshi dori vositalarini, glyukokortikosteroidlarni uzoq vaqt qabul qilish fonida ikkilamchi gipokalsiyemiya);
magniy tuzlari, oksalat va ftor kislotalari hamda ularning eruvchan tuzlari bilan zaharlanish (kalsiy glyukonat bilan o‘zaro ta’sirlashganda erimaydigan va zaharli bo‘lmagan kalsiy oksalat va kalsiy ftorid hosil bo‘ladi);
paroksizmal mioplegiyaning giperkaliyemik shakli.
Qo‘llash usuli va dozalari
Ichga, qabul qilishdan oldin yoki ovqatdan 1-1,5 soat o‘tgach (sut bilan ichiladi).

Ishlatishdan oldin maydalanadi.

Kattalar: 1 - 3 g (2 - 6 tabletka) sutkada 2-3 marta.

Bolalarga: 3-4 yoshda 2 tabletkadan (1,0 g); 5-6 yoshda 2-3 tabletkadan (1,0 -1,5 g), 7-9 yoshda 3-4 tabletkadan (1,5 - 2,0 g), 9-14 yoshda 4-6 tabletkadan (2,0 - 3,0 g).

Kuniga 2-3 mahal ichiladi.

Nojo‘ya ta’sirlari
Allergik reaksiyalar, qabziyat, oshqozon-ichak yo‘li shilliq qavatining ta’sirlanishi.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qarshi ko‘rsatmalar
preparatning tarkibiy qismlariga yuqori individual sezuvchanlik;
giperkalsiyemiya (kalsiy konsentratsiyasi 12 mg % yoki 6 mEkv/l dan oshmasligi kerak);
giperkalsiuriya, og‘ir buyrak yetishmovchiligi, trombozlarga moyillik, nefrourolitiaz (kalsiyli), sarkoidoz, bir vaqtning o‘zida yurak glikozidlarini qabul qilish (aritmiya xavfi);
3 yoshgacha bo‘lgan bolalar yoshi.
Ehtiyotkorlik bilan:

Elektrolit buzilishlar (giperkalsiyemiya rivojlanish xavfi), degidratatsiya, diareya, malabsorbsiya sindromi, oshqozon-ichak traktining surunkali kasalliklari, anamnezda kalsiyli nefrourolitiaz, surunkali yurak yetishmovchiligi, qorinchalar fibrillyatsiyasi, tarqalgan ateroskleroz, giperkoagulyatsiya.

Dozani oshirib yuborish
Belgilari: giperkalsiyemiya (zardobdagi umumiy kalsiy konsentratsiyasi 3 mmol/l dan yuqori).

Davolash: uni yo‘qotish uchun 5-10 XB/kg/sutka kalsitonin yuboriladi (u 0,5 l 0,9% li natriy xlorid eritmasida suyultiriladi). Yuborish davomiyligi 6 soat.

Ehtiyot choralari va qo‘llash xususiyatlari
Uncha katta bo‘lmagan giperkalsiyemiya (zardobdagi umumiy kalsiy darajasi 3 mmol/l gacha), buyrak funksiyasining uncha katta bo‘lmagan buzilishlari (kreatinin klirensi >45 ml/min) yoki anamnezida siydik-tosh kasalligi bo‘lgan bemorlarga preparatni ehtiyotkorlik bilan buyurish va siydik bilan kalsiy ekskretsiyasi darajasini muntazam nazorat qilib borish lozim.

Siydikda toshlar hosil bo‘lishiga moyilligi bo‘lgan bemorlarga iste’mol qilinadigan suyuqlik miqdorini oshirish tavsiya etiladi.

Boshqa dori vositalari bilan bir vaqtda qo‘llash zarur bo‘lganda, shifokor nazorati zarur.

Homiladorlik va laktatsiya davrida preparatni qo‘llash
Shifokor tavsiyasiga ko‘ra.

Dori vositasining transport vositasini yoki potensial xavfli mexanizmlarni boshqarish qobiliyatiga ta’siri
Ta’sir qilmaydi.

Boshqa dori vositalari bilan o‘zaro ta’siri
Xinidin bilan bir vaqtda qo‘llanganda qorincha ichi o‘tkazuvchanligi sekinlashishi va xinidinning zaharliligi oshishi mumkin.

Tetratsiklin qatori antibiotiklari bilan erimaydigan komplekslar hosil qiladi (antibakterial ta’sirini pasaytiradi).