Ornizol

Tarkib

Plyonkali qobiq bilan qoplangan 1 ta tabletka quyidagilarni o‘z ichiga oladi:

faol modda: ornidazol - 500 mg;

yordamchi moddalar: makkajo‘xori kraxmali, kalsiy gidrofosfat digidrati, povidon (K-30), magniy stearati, talk, mikrokristall sellyuloza (RN 102), natriy krosskarmellozasi. Plyonkali qoplama: Opadray II 85 F28751 oq rangli 20,0 mg (polivinil spirti, qisman gidrolizlangan, talk, titan dioksidi, makrogol 3000).

Dori shakli

Plyonkali qobiq bilan qoplangan 500 mg N10 (1x10) li tabletkalar (blisterlar).

Farmakoterapevtik guruh

Boshqa antibakterial preparatlar.

Farmakologik xususiyatlari

Farmakodinamika

Protozoylarga va mikroblarga qarshi preparat, 5 - nitroimidazol hosilasi. Ta’sir mexanizmi ornidazolning 5-nitroguruhini anaerob bakteriyalar va sodda hayvonlarning hujayra ichidagi transport oqsillari bilan biokimyoviy tiklashdan iborat. Ornidazolning qaytarilgan 5-nitroguruhi mikroorganizmlarning DNK hujayralari bilan o‘zaro ta’sirlashib, ularning nuklein kislotalari sintezini ingibirlaydi, bu esa bakteriyalarning nobud bo‘lishiga olib keladi. Trichomonas vaginalis, Giardia lamblia, Entamoeba histolytica hamda Bacteroides spp. anaeroblariga nisbatan faol. (jumladan, Bacteroides fragilis, Bacteroides distasonis, Bacteroides | | | | | | | | | | | | | | | | | | | | | | | | | | | | | | | | | | | | | | | | | Bacteroides thetaiotaomicron, Bacteroides vulgatus), Fusobacterium spp, Clostridium spp. Ornidazolga aerob mikroorganizmlar sezgir emas.

Farmakokinetika

Oshqozon-ichak yo‘llarida tez so‘riladi. Biologik o‘zlashtirilishi 90% ni tashkil etadi. Ornidazolning qon plazmasidagi maksimal konsentratsiyasi (TSmax) preparat qabul qilingandan 1-2 soat o‘tgach qayd etiladi. Ornidazol ko‘krak sutiga va ko‘pchilik to‘qimalarga o‘tadi, gematoensefalik to‘siq va yo‘ldosh orqali o‘tadi. Yarim chiqarilish davri (T1/2) 12-14 s. Qon plazmasi oqsillari bilan bog‘lanishi 15% dan kam. Jigarda gidroksillanish, oksidlanish va glyukuronlanish yo‘li bilan metabolizmga uchraydi. Metabolitlar holida buyraklar orqali (60- 80%) va axlat massasi bilan (20- 25%) chiqariladi, 5% ga yaqini o‘zgarmagan holda chiqariladi.

Ko‘rsatmalar

Trixomoniaz, ichak va ichakdan tashqari amyobiaz (shu jumladan jigar amyobiazi), lyamblioz; yo‘g‘on ichak operatsiyalarida va ginekologiyada anaerob bakteriyalar keltirib chiqaradigan infeksiyalarning oldini olish.

Qo‘llash usuli va dozalari

Ornizol ichga, ovqatdan keyin, oz miqdorda suv bilan ichiladi. Trixomoniaz. Preparatning tavsiya etilgan dozalash rejimlari: a) Davolash kursi - 1 kun: tana vazni 35 kg dan ortiq bo‘lgan kattalar va bolalarga - 3 tabletka kechqurun; tana vazni 20 kg dan ortiq bo‘lgan bolalar uchun sutkalik doza tana vazniga nisbatan 25 mg/kg ni tashkil etadi va bir qabulda buyuriladi; b) Davolash kursi - 5 kun: tana vazni 35 kg dan ortiq bo‘lgan kattalar va bolalarga - 2 tabletka (ertalab va kechqurun 1 tabletkadan); Tana vazni 35 kg dan kam bo‘lgan bolalarga tavsiya etilmaydi. Qayta yuqish ehtimolini bartaraf etish uchun jinsiy sherik barcha hollarda bir xil davolash kursini o‘tishi kerak. Amyobiaz. Terapiyaning mumkin bo‘lgan sxemalari: a) amyobali dizenteriya bilan og‘rigan bemorlar uchun 3 kunlik davolash kursi; b) amyobiazning barcha shakllarida 10 kunlik davolash kursi. Lyamblioz Tana vazni 35 kg dan ortiq bo‘lgan kattalar va bolalarga - kuniga 1,5 g (3 tabletka) dan kechqurun bir marta, tana vazni 20-35 kg bo‘lgan bolalarga - kuniga tana vazniga 40 mg/kg hisobidan. Davolash kursi 1-2 kunni tashkil etadi. Anaerob bakteriyalar keltirib chiqaradigan infeksiyalarning oldini olish. Operatsiyadan keyingi tiklanish davri, qoida tariqasida, 5-10 kunni tashkil etadi, biroq uning davomiyligini operatsiya qilingan bemorning klinik ma’lumotlaridan kelib chiqqan holda belgilash lozim. Ornidazol tabletkalarini operatsiya qilingan bemorning ahvoli barqarorlashgandan so‘ng va mustaqil qabul qilish imkoniyati bo‘lganda buyurish lozim. Har 12 soatda 1 tabletkadan ichish buyuriladi. Bolalar uchun sutkalik doza tana vazniga nisbatan 20 mg/kg ni tashkil etib, 5-10 kun davomida 2 marta qabul qilinadi. Aralash infeksiyaning oldini olish uchun Ornizolni aminoglikozidlar, penitsillin va sefalosporin antibiotiklari bilan birgalikda qabul qilish kerak. Preparatlarni bir-biridan alohida qabul qilish kerak.

Nojo‘ya ta’sirlari

Nojo‘ya ta’sirlari dozaga bog‘liq.

Qon va limfa tizimi tomonidan buzilishlar: kamdan-kam hollarda - ko‘mik qon yaratilishiga ta’sir va neytropeniya.

Immun tizimi tomonidan buzilishlar: kam hollarda - teri reaksiyalari va yuqori sezuvchanlik reaksiyalari.

Asab tizimi tomonidan buzilishlar: kamdan-kam hollarda - titroq, mushaklar rigidligi, harakat disfunksiyasi, talvasalar, hushni yo‘qotish, sensor yoki aralash periferik neyropatiya belgilari, bosh aylanishi, uyquchanlik.

Oshqozon-ichak tizimi tomonidan buzilishlar: ko‘ngil aynishi, qusish, og‘izda metall ta’mi.

Qarshi ko‘rsatmalar

Preparatga yoki nitroimidazolning boshqa hosilalariga yuqori sezuvchanlik; MNT buzilishlari (epilepsiya, bosh miya shikastlanishi, tarqoq skleroz) bo‘lgan bemorlar; Qonning patologik o‘zgarishlari yoki boshqa gematologik anomaliyalar; Homiladorlikning I trimestri; Laktatsiya (ko‘krak suti bilan boqish) davri; Bolalar yoshi 3 yoshgacha, tana vazni 20 kg dan kam.

Dozani oshirib yuborish

Belgilari: tutqanoq, depressiya, periferik nevrit va boshqa noxush reaksiyalarning kuchayishi. Davolash: Davolash simptomatik, spetsifik antidot noma’lum. Ornidazolni organizmdan chiqarib tashlash uchun oshqozonni yuvish yoki gemodializ tavsiya etiladi. Talvasalar rivojlanganda - vena ichiga diazepam yuborish.

Maxsus shartlar

Trixomoniazni davolashda bir vaqtning o‘zida jinsiy sheriklarni ham davolash kerak. Trixomoniazni davolash kursi davomida jinsiy aloqadan saqlanish kerak. Tavsiya etilgan dozalar oshib ketgan taqdirda, bolalarda, jigar, bosh miya shikastlangan bemorlarda hamda spirtli ichimliklarni suiiste’mol qiluvchilarda nojo‘ya ta’sirlar rivojlanish xavfi ortadi.

Homiladorlik va emizish davrida

Preparat homiladorlikning I trimestrida qo‘llanilishi mumkin emas. Homiladorlikning II va III trimestrlarida preparat faqat mutlaq ko‘rsatmalarda va uni qo‘llashning ona uchun mumkin bo‘lgan afzalliklari homila uchun potensial xavfdan yuqori bo‘lganda qo‘llaniladi. Emizish davri Laktatsiya davrida preparatni qo‘llash zarur bo‘lsa, emizishni vaqtincha to‘xtatish lozim. Ko‘krak suti bilan emizishni preparatning oxirgi dozasi qabul qilingandan keyin kamida 48 soatdan keyin tiklash mumkin.

Dorilarning o‘zaro ta’siri

Alkogol bilan mos keladi (atsetaldegiddegidrogenazani ingibirlamaydi). Ornidazol kumarin qatoridagi oral antikoagulyantlarning ta’sirini kuchaytiradi, bu esa ularning dozasini tegishlicha tuzatishni talab qiladi. Ornidazol vekeroniy bromidning miorelaksant ta’sirini uzaytiradi. Fenobarbital va boshqa ferment induktorlari bilan birga qabul qilinganda ornidazolning qon plazmasidagi sirkulyatsiya davri kamayadi, ferment ingibitorlari (masalan, simetidin) bilan birga qabul qilinganda esa ortadi.

Chiqarish shakli

10 ta tabletka blisterda AL/AL. 1 ta blister tibbiy qo‘llash bo‘yicha yo‘riqnoma bilan birga karton qutiga solinadi.

Ishlab chiqaruvchi

Unique Pharmaceutical Laboratories (A.Divizion of J.B. Chemicals & Pharmaceuticals Limited), Hindiston.