Rinazolin

Tarkib

1 ml eritma tarkibiga quyidagilar kiradi:

Ta’sir etuvchi modda: oksimetazolin gidroxlorid 100% moddaga hisoblaganda 0,5 mg.

Yordamchi moddalar: benzalkoniy xlorid, polietilenglikol, natriy digidrofosfat digidrat, dinatriy fosfat dodekagidrat, propilenglikol, povidon, inyeksiya uchun suv.

Tavsif

Shaffof, rangsiz yoki biroz sarg‘ish suyuqlik.

Dori shakli

Burun spreyi.

Farmakoterapevtik guruh

LOR a’zolari kasalliklarini davolash uchun vosita (oksimetazolin). ATX kodi: R01AA05.

Farmakologik xususiyatlari

Rinazolin mahalliy tomir toraytiruvchi vositalar (dekongensantlar) guruhiga kiradi. Alfa-adrenomimetik ta’sir ko‘rsatadi.

Qo‘llanilgan joydagi tomirlarni toraytiradi, burun shilliq qavati va yuqori nafas yo‘llarining shishini kamaytiradi, burundan ajralmalarni kamaytiradi. Burun orqali nafas olishni tiklaydi. Qo‘shimcha bo‘shliqlar, o‘rta quloq bo‘shlig‘i aeratsiyasini tiklashga yordam beradi, bu esa bakterial asoratlar (gaymorit, sinusit, o‘rta otit) rivojlanishining oldini oladi.

Oksimetazolin virusga qarshi, yallig‘lanishga qarshi, immunomodullovchi va antioksidant ta’sir ko‘rsatadi. Ushbu kombinatsiyalangan ta’sir mexanizmi tufayli klinik tadqiqotlar o‘tkazish vaqtida o‘tkir rinit belgilarining (burun bitishi, rinoreya, aksirish, o‘zini yomon his qilish) tezroq va samaraliroq bartaraf etilishi isbotlandi.

Mahalliy burun orqali qo‘llanilganda terapevtik konsentratsiyalarda burun shilliq qavatini ta’sirlamaydi, giperemiyani keltirib chiqarmaydi. Preparatning ta’siri tezda (qo‘llanilganidan bir necha daqiqa o‘tgach) boshlanadi. Yarim chiqarilish davri preparat qo‘llangandan keyin taxminan 35 soatni tashkil etadi. Preparatning 2,1% buyraklar orqali, 1,1% ga yaqini najas bilan chiqariladi. Ta’sir davomiyligi - 12 soatgacha.

Mahalliy intranazal qo‘llanganda tizimli ta’sir ko‘rsatmaydi.

Qo‘llanilishi

Burun bitishi bilan kechuvchi o‘tkir respirator kasalliklar.

Allergik rinit.

Vazomotor rinit.

Burun bo‘shlig‘ining qo‘shimcha bo‘shliqlari, yevstaxiit, o‘rta otit kasalliklarida drenaj va burun orqali nafas olishni tiklash uchun.

Burun yo‘llaridagi diagnostik muolajalardan oldin shishni bartaraf etish uchun.

Qo‘llash usuli va dozalari

Bevosita qo‘llashdan oldin preparat solingan flakonni kaftda ushlab, tana haroratigacha isitish kerak. Preparatni yuborishdan oldin burunni yaxshilab tozalash kerak. Preparatni qo‘llash vaqtida flakonni vertikal holatda, purkagichni yuqoriga qaratib ushlang. Qo‘llashdan oldin flakonning himoya qopqog‘ini yechib oling, nasadkaning uchini burun yo‘liga joylashtiring, qisqa keskin harakat bilan flakonni siqing va uchini burundan chiqarib, oching. Inyeksiya vaqtida burun orqali yengil nafas olish tavsiya etiladi.

Kattalar va 6 yoshdan oshgan bolalarga - har bir burun yo‘liga sutkasiga 2-3 marta 1 tadan inyeksiya qilinadi. Preparatni ko‘pi bilan 5-7 kun qo‘llash kerak. Preparatni bir necha kundan keyingina qayta qo‘llash mumkin. Tavsiya etilganidan yuqori dozalarni faqat shifokor nazorati ostida qo‘llash lozim.

Nojo‘ya ta’sirlari

Nafas olish tizimi tomonidan: burundagi noqulaylik, burun shilliq qavatining achishishi yoki qurishi, aksirish, burundan qon ketishi.

Rinazolinni qo‘llash ta’siri tugagandan so‘ng, burunda kuchli bitish hissi (reaktiv giperemiya) kuzatilishi mumkin. Chaqaloqlar va kichik yoshdagi bolalarda apnoe (ayniqsa, dozani oshirib yuborish holatlarida).

Asab tizimi tomonidan: bosh og‘rig‘i, uyquchanlik, charchoq, talvasalar, gallyutsinatsiyalar (ayniqsa bolalarda).

Yurak-qon tomir tizimi tomonidan: mahalliy burun orqali qo‘llash palpitatsiya, taxikardiya, arterial gipertenziya kabi tizimli ta’sirlarni keltirib chiqarishi mumkin.

Immun tizimi tomonidan: allergik reaksiyalar, jumladan toshmalar, qichishish, angionevrotik shish paydo bo‘lishi mumkin.

Qarshi ko‘rsatmalar

Preparat komponentlariga yuqori sezuvchanlik, atrofik rinit. Monoaminoksidaza ingibitorlari qo‘llanganda va MAO ingibitorlari bilan davolash to‘xtatilgandan keyin 2 hafta davomida, shuningdek, qon bosimini oshirishga yordam beradigan boshqa dorilar qo‘llanganda. Ko‘z ichi bosimi ko‘tarilganda, ayniqsa yopiq burchakli glaukomada. Yurak-qon tomir kasalliklarining og‘ir shakllarida (masalan, yurak ishemik kasalligi, arterial gipertenziya). Feoxromotsitoma. Metabolik buzilishlar (gipertireoz, qandli diabet, porfiriya). Prostata bezi gipertrofiyasi. 6 yoshgacha bo‘lgan bolalar yoshi.

Dorilarning o‘zaro ta’siri

MAO ingibitorlari va qon bosimining ko‘tarilishi xavfi tufayli qon bosimining ko‘tarilishiga olib keladigan boshqa preparatlarni qo‘llamaslik. Tomirlarni toraytiruvchi boshqa dori vositalarini birgalikda qo‘llash nojo‘ya ta’sirlar rivojlanish xavfini oshiradi.

Maxsus ko‘rsatmalar

Preparatni uzoq vaqt qo‘llash va dozasini oshirib yuborishdan saqlanish kerak. Burun shishiga qarshi vositani uzoq vaqt qo‘llash preparat ta’sirining susayishiga olib kelishi mumkin. Ushbu vositani suiiste’mol qilish shilliq qavat atrofiyasi va dori-darmonli rinit bilan reaktiv giperemiyani keltirib chiqarishi mumkin.

Preparat qo‘llangandan so‘ng surunkali rinit bilan og‘rigan bemorlarni alohida kuzatib borish zarur. Tavsiya etilganidan yuqori dozalarni faqat shifokor nazorati ostida qo‘llash lozim.

Homiladorlik yoki emizish davrida qo‘llash

Homiladorlik va emizish davrida preparat juda ehtiyotkorlik bilan qo‘llaniladi. Tavsiya etilgan dozani oshirib yuborishga yo‘l qo‘yilmaydi.

Bolalar

Preparatni 6 yoshgacha bo‘lgan bolalarga qo‘llash mumkin emas.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Preparat tavsiya etilgan dozadan ortiq miqdorda uzoq muddat qo‘llangandan so‘ng, yurak-qon tomir tizimiga umumiy ta’sirini istisno qilib bo‘lmaydi. Bunday hollarda transportni boshqarish qobiliyati pasayishi mumkin.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Doza sezilarli darajada oshirib yuborilganda yoki tasodifan ichilganda quyidagi alomatlar paydo bo‘lishi mumkin: midriaz, ko‘ngil aynishi, qusish, sianoz, tana haroratining ko‘tarilishi, spazmlar, taxikardiya, palpitatsiya, aritmiya, yurak-qon tomir yetishmovchiligi, yurak to‘xtashi, ko‘p terlash, hayajonlanish, konvulsiyalar, arterial gipertenziya, o‘pka shishi, nafas olishning buzilishi, rangparlik, mioz, giposmiya, ruhiy buzilishlar.

Bundan tashqari, markaziy asab tizimi faoliyatining susayishi, uyquchanlik, tana haroratining pasayishi, bradikardiya, arterial gipotenziya, apnoe va koma rivojlanishi mumkin.

Doza oshib ketganda terapevtik choralar: oshqozonni yuvish, faollashtirilgan ko‘mir qabul qilish, o‘pkani ventilyatsiya qilish. Qon bosimi pasayganda fentolamin qo‘llaniladi. Vazopressor dorilarni qabul qilmaslik kerak. Zarur hollarda tutqanoqqa qarshi davolash ko‘rsatilgan.

Chiqarish shakli

15 ml dan, paket ichiga joylashtirilgan dozatorli nasadka va himoya qopqog‘i bilan jihozlangan polietilen flakonda.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

"Farmak" OAJ.

Ukraina, 04080, Kiyev sh., Frunze ko‘chasi, 63.