Dro-shpa in'ektsiyasi 2%, 2 ml №5 (ampulalar)

Tarkib

1 ampula quyidagilarni o‘z ichiga oladi: drotaverin - 2%, inyeksiya uchun suv.

Dori shakli

Inyeksiya uchun eritma.

Farmakologik xususiyatlari

Miotrop spazmolitik. Silliq mushak hujayralariga kalsiy ionlarining kirishini kamaytiradi (fosfodiesterazani ingibirlaydi, hujayra ichidagi SAMF to‘planishiga olib keladi). Ichki a’zolar silliq mushaklari tonusini va ichak peristaltikasini pasaytiradi, qon tomirlarini kengaytiradi. Vegetativ nerv sistemasiga ta’sir etmaydi, markaziy nerv sistemasiga o‘tmaydi. Silliq mushaklarga bevosita ta’sirining mavjudligi Mxolinoblokatorlar guruhiga mansub preparatlarni qo‘llash mumkin bo‘lmagan hollarda (yopiq burchakli glaukoma, glaukoma, prostata bezi giperplaziyasi) spazmolitik sifatida qo‘llash imkonini beradi.

Ko‘rsatmalar

Surunkali gastroduodenit, surunkali xoletsistit, o‘t-tosh kasalligi, xoletsistektomiyadan keyingi sindrom, oshqozon va 12 barmoqli ichak yara kasalligi, kardio- va pilorospazm, spastik kolitda silliq mushaklar spazmi bilan bog‘liq funksional holatlar va og‘riq sindromining oldini olish va davolash. Periferik arterial tomirlar, bosh miya tomirlari spazmi, buyrak-tosh kasalligi, algodismenoreya, bachadon qisqarishlarini susaytirish va tug‘ruq paytida bachadon bo‘yni spazmini bartaraf etish uchun, instrumental tekshiruvlar o‘tkazishda.

Qo‘llash usuli va dozalari

Kattalarga mushak orasiga, vena ichiga yoki teri ostiga - 40-80 mg dan kuniga 1-3 marta. Jigar va buyrak sanchig‘ida 40-80 mg dozada vena ichiga sekin yuborish tavsiya etiladi.

Periferik arteriyalar spazmida drotaverinni arteriya ichiga yuborish mumkin.

6 yoshgacha bo‘lgan bolalar uchun ichishga bir martalik doza 10-20 mg, 6-12 yosh - 20 mg, qo‘llash chastotasi kuniga 1-2 marta.

Nojo‘ya ta’siri

Bosh og‘rig‘i, bosh aylanishi, uyqusizlik, yurak urishi, qon bosimining pasayishi, yurak urishining tezlashishi, issiqlik hissi, terlash, allergik teri reaksiyalari, oshqozon-ichak buzilishlari, ko‘ngil aynishi, qabziyat.

Qarshi ko‘rsatmalar

Preparat komponentlariga yuqori sezuvchanlik, yaqqol jigar, buyrak, yurak yetishmovchiligi; II-III darajali atrioventrikulyar blokada, kardiogen shok, arterial gipotenziya, 1 yoshgacha bo‘lgan bolalar. Koronar arteriyalarning yaqqol aterosklerozi, prostata bezining giperplaziyasi, glaukomasi bo‘lgan bemorlarga, homiladorlik va laktatsiya davrida ehtiyotkorlik bilan buyuriladi.

Maxsus ko‘rsatmalar

Preparat tarkibida laktoza mavjud. Bu laktozani ko‘tara olmaydigan odamlarda oshqozon-ichak shikoyatlarini keltirib chiqarishi mumkin. Ushbu shakl laktoza yetishmovchiligi, galaktozemiya yoki glyukoza/galaktoza so‘rilishining buzilishi sindromi bilan og‘rigan bemorlar uchun maqbul emas. Ichga terapevtik dozalarda qabul qilinganda, drotaverin avtomobilni boshqarish va yuqori diqqat talab qiladigan ishlarni bajarish qobiliyatiga ta’sir ko‘rsatmaydi. Har qanday nojo‘ya ta’sirlar namoyon bo‘lganda, transport vositasini boshqarish va dastgohlarda ishlash masalasi alohida ko‘rib chiqishni talab etadi. Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dorilarning o‘zaro ta’siri

Bir vaqtda qo‘llanganda levodopaning parkinsonizmga qarshi ta’sirini susaytirishi mumkin. Papaverin, bandazol va boshqa spazmolitiklar (shu jumladan M-xolinoblokatorlar) ta’sirini kuchaytiradi, tritsiklik antidepressantlar, xinidin va prokainamid keltirib chiqaradigan qon bosimining pasayishini kuchaytiradi. Morfinning spazmogen faolligini kamaytiradi. Fenobarbital drotaverin gidroxloridning spazmolitik ta’sirini kuchaytiradi.

Saqlash shartlari

Preparatni yorug‘lik tushmaydigan va bolalar qo‘li yetmaydigan joyda, +15 dan +25 °C gacha bo‘lgan haroratda saqlash lozim.

Yaroqlilik muddati

3 yil.

Flakon ochilgandan keyin saqlash muddati - 4 hafta.

Chiqarish shakli

Inyeksiya uchun 2% li eritma 2 ml N10 (1x10), N10 (2x5), N20 (2x10), N20 (4x5), N25 (5x5), N30 (3x10), N30 (6x5), N5 (1x5), N50 (10x5), N50 (5x10) (ampulalar).

Ishlab chiqaruvchi

Dentafill Plyus, O‘zbekiston.