Nosh Bra 40 mg tabletkalar №20 (2 blister х 10 tabletka)

Tarkib

Bitta tabletka uchun:

Ta’sir etuvchi moddasi: drotaverin gidroxlorid (100% modda hisobida) - 40,0 mg.

Yordamchi moddalar: kartoshka kraxmali - 37,98 mg, sut shakari (laktoza monogidrati) - 56,00 mg, quyi molekulyar polivinilpirrolidon (povidon) - 3,36 mg, talk - 1,40 mg, magniy stearati - 1,26 mg.

Tavsif

Yassi silindrsimon sariq yoki yashil tusli sariq rangli, faskali va chiziqli tabletkalar. "Marmarsimon" bo‘lishiga ruxsat etiladi.

Dori shakli

Tabletkalar.

Farmakoterapevtik guruh

Spazmolitik vosita. ATX kodi: A03AD02.

Farmakologik xususiyatlari

Drotaverin - miotrop spazmolitik, izoxinolin hosilasi. Kimyoviy tuzilishi va farmakologik xususiyatlari bo‘yicha papaveringa yaqin, ammo ta’siri kuchliroq va uzoqroq davom etadi. Drotaverin silliq mushaklarning ham neyrogen, ham mushak kelib chiqishiga ega bo‘lgan spazmlarida samarali hisoblanadi.

Silliq mushaklarga spazmolitik ta’sir 4-turdagi fosfodiesteraza (FDE-4) ingibirlanishi hisobiga yuzaga keladi. FDE-4 siklik adenozinmonofosfat (sAMF) ni AMF gacha gidrolizlaydi. FDE-4 ning ingibirlanishi sAMF konsentratsiyasining oshishiga olib keladi, bu esa sAMFga bog‘liq bo‘lgan miozin yengil zanjirlari kinazasining (KLSM) fosforillanishini faollashtiradi. KLSMning fosforlanishi uning Sa2+-kalmodulin kompleksiga affinligining pasayishiga olib keladi, natijada KLSMning inaktivlangan shakli SAMFning mushak bo‘shashishini qo‘llab-quvvatlaydi, bundan tashqari, hujayradan tashqari bo‘shliqqa va sarkoplazmatik retikulumga Sa2+ transportini rag‘batlantirish tufayli Sa2+ ning sitozol konsentratsiyasiga ta’sir qiladi.

In vitro sharoitida drotaverin FDE-4 izofermentini FDE-3 va FDE-5 izofermentlarini ingibirlamasdan ingibirlaydi, shuning uchun drotaverinning samaradorligi turli to‘qimalarda miqdori turlicha bo‘lgan FDE-4 faolligiga bog‘liq. FDE-4 ning yuqori miqdori o‘t va siydik yo‘llarida, bachadonda, oshqozon-ichak traktida kuzatiladi. Miokard va qon tomirlari silliq mushaklarida sAMF gidrolizi asosan FDE-3 yordamida sodir bo‘ladi, shuning uchun drotaverin yurak-qon tomir tizimiga kamroq ta’sir ko‘rsatadi.

Farmakokinetika

Og‘iz orqali qabul qilinganda oshqozon-ichak yo‘llarida tez va to‘liq so‘riladi. Jigar orqali "birinchi o‘tish" ta’siriga uchraydi (tizimli qon oqimida aniqlanadigan miqdori qabul qilingan dozaning 65% ini tashkil etadi). Maksimal konsentratsiyaga erishish vaqti (TSmax) - 45-60 daqiqa.

Plazma oqsillari bilan bog‘lanishi - 95-97%, asosan albumin, gamma va beta-globulinlar, shuningdek yuqori zichlikdagi lipoproteidlar bilan. To‘qimalarga bir tekis tarqaladi, silliq mushak hujayralariga kiradi. Gematoensefalik to‘siqdan o‘tmaydi. Drotaverin va/yoki uning metabolitlari yo‘ldosh to‘sig‘i orqali biroz o‘tishi mumkin.

Jigarda deyarli to‘liq O-dezetillanish yo‘li bilan metabolizmga uchraydi. Metabolitlar glyukuron kislotasi bilan tezda konyugatsiyalanadi. Asosiy metaboliti - 4’-dezetildrotaverin, boshqa metabolitlari - 6-dezetildrotaverin va 4’-dezetildrotaveraldin.

Yarim chiqarilish davri (T1/2) - 8-10 soat. 72 soat ichida amalda organizmdan chiqariladi, 50% dan ortig‘i buyraklar orqali (asosan metabolitlar ko‘rinishida) va taxminan 30% ichak orqali chiqariladi. Siydikda o‘zgarmagan drotaverin aniqlanmaydi.

Qo‘llanilishi

O‘t yo‘llari kasalliklarida silliq mushaklar spazmi: xoletsistolitiaz, xolangiolitiaz, xoletsistit, perixoletsistit, xolangit, 12 barmoqli ichak so‘rg‘ichi yallig‘lanishi. Siydik yo‘llari kasalliklarida silliq mushaklar spazmi: nefrourolitiaz, uretrolitiaz, pielit, sistit, qovuq spazmi. Yordamchi terapiya sifatida: MIY silliq mushaklari spazmida: oshqozon va 12 barmoqli ichak yara kasalligi, gastrit, kardial va portal spazm, enterit, kolit, qabziyat bilan kechuvchi spastik kolit va meteorizm bilan kechuvchi ichak ta’sirlanishi sindromi; tenzorli bosh og‘rig‘i; dismenoreya. Ba’zi instrumental tekshiruvlar, shu jumladan xoletsistografiya o‘tkazilganda.

Qo‘llash usuli va dozalari

Ichga, ovqatlanishdan qat’i nazar.

Kattalarga 40-80 mg dan kuniga 3 martagacha, maksimal sutkalik doza - 240 mg.

3-6 yoshli bolalar uchun maksimal sutkalik doza 40 mg bo‘lib, 2 marta qabul qilinadi; 6 yoshdan 12 yoshgacha bo‘lgan bolalar uchun - 80 mg bo‘lib, ikki marta qabul qilinadi; 12 yoshdan katta bolalar uchun - 160 mg bo‘lib, 2-4 marta qabul qilinadi.

Nojo‘ya ta’sirlari

Bosh aylanishi, yurak urishi, qon bosimining pasayishi, issiqlik hissi, terlash, allergik teri reaksiyalari.

Qarshi ko‘rsatmalar

Ta’sir etuvchi moddaga yoki preparatning har qanday yordamchi moddalariga yuqori sezuvchanlik. Og‘ir jigar yoki buyrak yetishmovchiligi. Og‘ir surunkali yurak yetishmovchiligi. 3 yoshgacha bo‘lgan bolalar yoshi. Emizish davri.

Ehtiyot bo‘ling. Koronar arteriyalarning yaqqol aterosklerozi, prostata bezining giperplaziyasi, glaukomasi bo‘lgan bemorlarga, homiladorlik davrida ehtiyotkorlik bilan buyuriladi.

Dorilarning o‘zaro ta’siri

Bir vaqtda qo‘llanganda levodopaning parkinsonizmga qarshi ta’sirini susaytiradi (rigidlik va tremorning kuchayishi).

Papaverin, bandazol va boshqa spazmolitiklarning (shu jumladan m-xolinoblokatorlarning) spazmolitik ta’sirini kuchaytiradi.

Morfinning spazmogen faolligini kamaytiradi.

Fenobarbital drotaverinning spazmolitik ta’sirini kuchaytiradi.

Maxsus ko‘rsatmalar

Past va beqaror AB bilan og‘rigan bemorlarda davolashni AB nazorati ostida olib borish kerak.

Davolanish davrida transport vositalarini boshqarishdan va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishdan tiyilish zarur.

Homiladorlik va emizish davrida qo‘llash

Homiladorlik davrida preparatni qo‘llash faqat ona uchun kutilayotgan foyda homila uchun potensial xavfdan yuqori bo‘lgandagina tavsiya etiladi.

Zarur klinik ma’lumotlar yo‘qligi sababli, drotaverinni emizish davrida buyurish tavsiya etilmaydi.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: katta dozalarda bo‘lmacha-qorincha o‘tkazuvchanligini buzadi, yurak mushagining qo‘zg‘aluvchanligini pasaytiradi, yurak to‘xtab qolishiga va nafas markazi falajiga sabab bo‘lishi mumkin.

Doza oshirib yuborilganda yordam ko‘rsatish choralari: preparatni bekor qilish, oshqozonni yuvish, faollashtirilgan ko‘mir qabul qilish, bemorga gorizontal holatda oyoqlarini ko‘tarish, simptomatik davolash (ABni ushlab turishga qaratilgan choralar).

Chiqarish shakli

40 mg li tabletkalar. Dori preparatlari uchun polivinilxlorid plyonkali konturli katakli o‘ramda va alyuminiy folga asosidagi egiluvchan o‘ramda yoki dori preparatlari uchun alyuminiy folga asosidagi egiluvchan o‘ramdagi konturli katakli o‘ramda 10 yoki 20 tadan tabletka.

10, 20, 30, 40, 50, 100 tadan tabletkalar burama qopqoqli polimer bankalarda.

Banka yoki 1, 2, 3, 4, 5, 10 ta konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Harorati 30 °C dan yuqori bo‘lmagan, quruq, yorug‘likdan himoyalangan joyda.

Yaroqlilik muddati

3 yil.

Dorixonalardan berish shartlari

Retseptsiz beriladi.

Ishlab chiqaruvchi

"BRINSALOV-A" YoAJ

Yuridik manzil:

Rossiya, 117105, Moskva shahri, Nagatinskaya ko‘chasi, 1-uy.

tel. 8 (499) 611-54-91; tel/faks 8 (499) 611-13-55

http://www.ferain.ru

e-mail: [email protected]

Ishlab chiqarish manzili:

Rossiya, 142530, Moskva viloyati,

elektrogorsk shahri, Mechnikov tor ko‘chasi, 1-uy.