Flukonazol Sharch darmon 150 mg kapsulalar (blister)

Tarkib

1 l eritmada quyidagilar mavjud:

96% tibbiy etil spirti - 665,5 g; tozalangan suv - 334,5 g.

Dori shakli

Sirtga qo‘llash uchun suyuqlik.

Farmakoterapevtik guruh

Antiseptik vosita.

Farmakologik xususiyatlari

Etil spirti sirtga qo‘llanganda antiseptik va ta’sirlovchi ta’sir ko‘rsatadi. Bunda 40% li eritma ko‘payishni to‘xtatadi, 70% li eritma esa mikroorganizmlarning hayot faoliyatini butunlay to‘xtatadi. Bundan tashqari, bu konsentratsiyada etil spirti ko‘pincha patogen mikroflora to‘planadigan epidermisning chuqur qatlamlariga kirishi mumkin. Shuning uchun terini zararsizlantirish uchun 70% li etil spirti eritmasi qo‘llaniladi.

Etil spirtining qo‘zg‘atuvchi ta’siri teri retseptorlaridan ta’sirlanuvchi refleksogen zona bilan bog‘liq a’zolarning normal qon bilan to‘lishini tiklashga olib keladigan reflekslar paydo bo‘lishiga sabab bo‘ladi.

Katta teri yuzalari ta’sirlanganda nafasning reflektor qo‘zg‘alishi va qon bosimining ko‘tarilishi, shuningdek, yurak qisqarishlari ritmining tezlashishi yuzaga keladi. Ta’sirlovchi ta’sirga ega bo‘lish uchun odatda etil spirtining 40% li eritmasi ishlatiladi.

Qo‘llanilishi

Terini antiseptik ishlov berish uchun (jarroh qo‘li, operatsiya maydoni, inyeksiya joylari, kichik teri yaralari va shilinmalari, o‘smirlar va boshqa teri husnbuzarlari va boshqalar), lat yeyish, shamollash kasalliklari, migren va boshqalarda yumshoq to‘qimalar va ichki a’zolarning qon bilan to‘lishini me’yorlashtirish uchun; damlamalar tayyorlash uchun.

Qo‘llash usuli va dozalari

Teriga antiseptik ishlov berish suyultirilmagan preparat bilan amalga oshiriladi.

Ta’sirlovchi ta’sir ko‘rsatish uchun preparat 4 hajm preparat va 3 hajm suv nisbatida distillangan yoki qaynatilgan suv bilan suyultiriladi. Hosil bo‘lgan 40% li eritma bilan ishqalanadi yoki kompress qilinadi.

Bronxit va o‘pka yallig‘lanishida kompress orqa va ko‘krakka, migren va tumovda; oyoq kaftlariga, lat yegan joyga qo‘yiladi.

Nojo‘ya ta’sirlari

Teri qoplami shikastlanganda, dori surtilgan joyda achishish seziladi va u bir necha daqiqadan so‘ng o‘z-o‘zidan o‘tib ketadi.

Qarshi ko‘rsatmalar

Terining keng shikastlangan joylariga kompress qo‘ymaslik kerak.

Maxsus ko‘rsatmalar

Preparatni bolalar qo‘li yetmaydigan joyda saqlash lozim.

Chiqarish shakli

Suyuqlik 25 ml va 50 ml li flakonlarda.

Saqlash shartlari

25 °C dan yuqori bo‘lmagan haroratda, olovdan uzoqda saqlanadi.

Yaroqlilik muddati

Cheklanmagan.

Dorixonalardan berish shartlari

 Retseptsiz.

Ishlab chiqaruvchi

Golden Medikal Farm, XK, O‘zbekiston.