Flukonazol

1 мл эритма қуйидагиларни сақлайди:

фаол модда: флуконазол - 2 мг;

ёрдамчи моддалар: натрий хлориди 9 мг, инъекция учун сув - 1 мл гача.

Тиниқ, рангсиз эритма.

Замбуруғларга қарши восита. Код АТХ: J02AC01.

Замбуруғларга қарши препарат, триазол ҳосиласи. Таъсир механизми замбуруғ ҳужайрасининг цитохром Р 450 га қарам 14α-деметилаза ферментини яққол ингибиция қилиниши ва буни оқибатида замбуруғни ҳужайра деворини асосий компоненти- эргостеролни синтезини бостирилиши билан боғлиқ.. Candida spp., Miсrosporum spp., Trichoptyton spp., Cryptococcus neoformans, Blastomyces dermatitidis, Coccidioides immitis, Histoplasma capsulatum ларга нисбатан юқори фаол.

Фармакокинетикаси

Флуконазолнинг қон зардобидаги чўққи концентрацияга вена ичига (в/и) юборилганидан кейин дарҳол эришилади. Препаратнинг яримчиқарилиш даври (Т1/2) тахминан 30 соатни ташкил қилади. Плазмадаги концентрацияси юборилган дозаси билан тўғри пропорционал боғлиқликда бўлади. Препарат суткада бир марта юборилганида даволашнинг 4-5 кунига келиб мувозанат концентрациянинг 90% даражасига эришилади. Плазма оқсиллари билан боғланиши 11-12%. Флуконазол барча биологик суюқликларга, организмнинг тўқималари ва аъзоларига яхши киради. Препаратнинг сўлак ва балғамдаги концентрацияси унинг плазмадаги даражаси билан бир хилдир.

Замбуруғли менингити бўлган беморларда орқа мия суюқлигидаги флуконазолнинг миқдори унинг плазмадаги даражасининг 80% ини ташкил қилади. Шох қаватида, эпидермисда, дермада, ажралиб чиқувчи тер суюқлигида препаратнинг концентрацияси зардобдагидан ошиқ бўлган юқори концентрациясига эришилади. Флуконазол терининг шох қаватида тўпланади ва узоқ муддат сақланади. Флуконазол асосан буйраклар орқали чиқарилади; юборилган дозанинг тахминан 80% ўзгармаган кўринишда сийдик билан чиқарилади. Флуконазолнинг клиренси креатинин клиренсига (КК) пропорционалдир.

Флуконазол инфузия учун кўпчилик замбуруғли инфекцияларни даволаш учун кўрсатилган:

• криптококкоз, шу жумладан криптококкли менингит;
• тизимли кандидоз, шу жумладан кандидемия, тарқалган кандидоз ва бошқа инвазив кандидоз инфекцияларини (корин парда, кўз, эндокард, нафас ва сийдик йўлларининг инфекциялари);
• шиллиқ пардаларнинг кандидозлари (оғиз бўшлиғи, халқум, қизилўнгач, ноинвазив бўлмаган бронхўпка кандидозлари, кандидурия, тиш протезларининг тақиб юрилиши билан боғлиқ бўлган оғиз бўшлиғининг атрофик кандидози);
• жинсий аъзоларнинг кандидози: қин кандидози, ўткир ва сурункали қайталанувчи баланит;
• тери микозлари, шу жумладан, товон, тана, чов соҳанинг микозлари, кепаксимон темиратки, онихомикоз;
• чуқур эндемик микозлар;
• хавфли ўсмалари бўлган беморларда цитостатик воситалар билан даволашда ёки нур билан даволаш ўтказишда ва ОИТС ли беморларда аъзоларни кўчириб ўтказишида ва иммунитетнинг бостирилиши билан боғлиқ бўлган бошқа ҳолатларда замбуруғли инфекцияларнинг олдини олишда қўлланади.

Флуконазол в/и, томчилаб суткада соатига 200 мг дан ортиқ бўлмаган тезликда томчилаб юборилади.

Қин кандидозида, кандидозли баланитда суткада 100-200 мг дан буюрилади; кўпинча препарат бир марта қуйилганидан кейин тузалиш юз беради. Шиллиқ пардалар кандидозининг бошқа шаклларида 14-30 кун давомида суткада бир марта 50-100 мг тавсия қилинади.

Тизимли кандидозда ва криптококкли инфекцияларда, шу жумладан менингитда, биринчи куни 400 мг, сўнгра инфекциянинг оғирлигига қараб суткада бир марта 200-400 мг; даволашнинг муддати клиник самарасига боғлик; одатда криптококкли менингитда даволаш курси 6-8 ҳафта давом этади.

Тери микозларида тавсия этиладиган доза ҳафтада бир марта 150-200 мг ёки суткада бир марта 50 мг ташкил қилади, даволаш курсининг давомийлиги одатда 2-4 ҳафта. Аммо, товон микозларида 6 ҳафтагача даволаш талаб қилиниши мумкин. Онихомикозда тавсия этиладиган доза ҳафтада бир марта 150-200 мг ни ташкил қилади; даволаш зарарланган тирноқнинг соғлом тирноқ билан тўлиқ алмашгунича давом этирилиши керак.

Хавфли ўсмалари бўлган беморларда замбуруғларли инфекцияларининг олдини олиш - кунора 100 мг, то бемор нурланиш билан ёки кимевий усулда даволаниши сабабли юқори хавф гуруҳида бўлган вақти давомида.

Кекса ёшдаги, буйраклар фаолиятининг бузилиши бўлмаган беморларда препаратнинг одатдаги дозалаш тартибига риоя қилиш лозим.

Буйраклар фаолиятининг бузилишида бир марта қабул қилишда флуконазолнинг дозаси ўзгармайди. Буйраклар фаолиятини бузилиши бўлган беморларга препарат такрорий буюрилганида аввал 50 мг дан 400 мг гача бўлган зарб дозасини юбориш керак. Агарда КК минутига 50 мл дан ортиқроқ бўлса, препаратнинг одатдаги дозаси қўлланади (тавсия қилинган дозанинг 100%). КК минутига 11 дан 50 мл гача бўлса, тавсия қилинган дозанинг 50% қўлланади. Мунтазам гемодиализ қабул қилувчи беморларга гемодиализнинг ҳар бир сеансидан кейин бир доза препарат қўлланади.

Бир ёшдан ошган болаларга буйракларнинг нормал фаолиятида флуконазол ҳар куни суткада 1 марта 1-3 мг/кг/сутка ҳисобидан (шиллиқ пардалар кандидозида) ва 3-12 мг/кг/сутка ҳисобидан (тизимли кандидозларда ёки криптококкозларда) касалликнинг оғирлигига қараб юборилади. Буйраклар фаолиятини бузилиши бўлган болаларга препаратнинг суткалик дозасини (катталардаги каби пропорционал боғлиқликда), буйрак етишмовчилигининг яққоллик даражасига қараб камайтириш лозим.

Янги туғилган чақалоқларда флуконазол секин чиқарилади. Ҳаётининг биринчи икки хафтасида препарат ўша микдорда (мг/кг), каттароқ ёшдаги болаларга буюрилган дозада (мг/кг да) буюрилади, лекин 72 соатлик интервал билан, 2-4 ҳафталик болаларга ўша доза 48 соатлик интервал билан юборилади.

Меъда-ичак йўллари томонидан: кўнгил айниши, метеоризм, қусиш, қорин оғриклари ва ич кетиши, иштаҳани пасайиши, таъмни ўзгариши, қабзият, бош оғриғи, бош айланиши, чарчоқлик, кам ҳолларда - тиришиш ва алопеция.

Тери реакциялари: тери тошмаси, анафилаксия, ангионевротик шиш (препаратни қабул қилишни дарҳол тўхтатишни талаб қилувчи), кам ҳолларда - кўп шаклли эритема (Стивенс-Джонсон синдроми), токсик эпидермал некролиз (Лайелл синдроми).

Юрак-қон томир тизими томонидан: Q-Т интервалини давомийлигини ошиши, қоринчаларни липиллаши/титраши.

Қон яратиш аъзолари томонидан: кам ҳолларда - агранулоцитоз. Оғир замбуруғли инфекциялари бўлган пациентларда гематологик ўзгаришлар (лейкопения ва тромбоцитопения), жигар ферментлари фаоллигини ошиши ва жигар фаолиятини яққол бузилишлари аниқланиши мумкин.

Бошқалар: кам ҳолларда - буйраклар фаолиятини бузилиши, гиперхолестеринемия, гипертриглицеридемия, гипокалиемия.

Флуконазолга, азол бирикмаларига ва препаратнинг таркибига кирувчи бошқа ингредиентларга юқори сезувчанлик, ҳомиладорлик ва лактация даври, 1 ёшгача бўлган болалар, флуконазолни (суткада 400 мг ва ундан кўпроқ дозада) цизаприд, терфенадин ва астемизол билан бир вақтда буюриш.

Эҳтиёткорлик билан - алкоголизм, ахлоргидрия, гипохлоргидрия, жигар етишмовчилиги, юзаки ва инвазив/тизимли замбуруғ инфекциялари, флуконазол ва терфенадинни бир вақтда қабул қилиш ва флуконазолни (суткада 400 мг дан камроқ дозада) проаритмоген ҳолатлар (кўплаб хавф омиллари бўлган пациентларда: юракнинг органик касалликлари, электролит мувозанатини бузилиши, аритмияни чақирувчи дори воситаларини бир вақтда қабул қилиш).

Препаратни ҳомиладорлик вақтида қўллаш тавсия қилинмайди. Ҳаётга хавф туғдирувчи инфекцияларда она учун даволашдан бўлган фойда, ҳомила учун бўлган хавфдан устун бўлганидагина қўллаш мумкин. Препаратни лактация даврида қўллашнинг зарурати бўлганда эмизишни тўхтатиш тавсия қилинади.

Флуконазолни (суткада 200 мг дозада) терфенадин, цизаприд ва астемизол билан ўзаро таъсири, бу препаратларни плазмадаги концентрацияларини ошишига олиб келиши мумкин, бу ўз навбатида QT интервалини узайшини сабабчиси бўлиши ва юрак ритмини жиддий бузилишларига олиб келиши мумкин. Флуконазол жигарда Р450 тизими ферментларини ингибиция қилади, шундай қилиб терфенадин, цизаприд ва астемизолни метаболизмини пасайтиради. Флуконозол ва бу препаратларни бир вақтда буюриш мумкин эмас. Варфарин ва флуконазол бирга буюрилганида протромбин вақтини узайшини аниқланади. Шу сабабни флуконозол ва кумарин тури антикоагулянтларни бир вақтда қабул қилаётган пациентларда протромбин вақтини назорат қилиш керак. Флуконазол перорал қандни туширувчи препаратларнинг (сульфонилмочевина ҳосилалари) Т_1/2узайтиради. Қандли диабети бўлган беморларда флуконазол ва қандли туширувчи препаратларнинг шу турини бир вақтда буюриш мумкин, аммо гипогликемияни ривожланиши мумкин бўлган хавфини эътиборга олиш керак.

Гидрохлортиазид ва флуконазол бир вақтда қайта буюрилганида плазмада флуконазолнинг концентрациясини ошишини эътиборга олиш керак.

Рифампицин флуконазолнинг метаболизмини тезлаштиради. Флуконазолнинг дозасини, улар бир вақтда ишлатилганида мувофиқ ошириш керак.

Буйраклар кўчириб ўтказилган пациентларда флуконозол циклоспориннинг плазмадаги концентрациясини ошириши мумкин. Шу сабабли, циклоспорин ва флуконазолни бир вақтда қабул қилаётган пациентларда циклоспориннинг концентрациясини мониторингини ўтказиш тавсия қилинади.

Флуконазол теофиллиннинг плазмадаги концентрациясини оширади. Шу сабабли теофиллин ва флуконазолни бир вақтда қабул қилаётган пациентларда теофиллиннинг концентрациясини мониторингини ўтказиш тавсия қилинади.

Флуконазол плазмада индинавир ва мидазоламнинг концентрациясини ошириши мумкин. Бу препаратлар флуконазол билан бир вақтда буюрилганида, уларнинг дозалари мувофиқ камайтирилиши керак.

Клиник тадқиқотлар зидовудиннинг метаболизмини секинлашиши натижасида флуконазол билан бир вақтда буюрилганида, унинг плазмадаги концентрацияси ошиши мумкин. Бу иккала препаратни бир вақтда қабул қилаётган пациентларни кузатиш керак, чунки бу ҳолатда зидовудиннинг ножўя самараларини тез-тезлиги ошиши мумкин.

Рифабутин ва фенитоиннинг (бир вақтда қўлланганида увеит ҳоллари таърифланган) клиник аҳамиятли даражада самарадорлигини (бирга қўлланганида фенитоиннинг плазмадаги концентрациясини назорати керак) оширади.

Такролимуснинг концентрациясини оширади - нефротоксиклик хавфи.

Флуконазол асосан сийдик билан чиқарилганлиги туфайли, буйраклар фаолиятининг бузилиши бўлган пациентларда эҳтиёткорликка риоя қилиш лозим. Флуконазолнинг кўп марталик дозалари билан даволанишда дозалашни КК ҳисобга олган ҳолда амалга ошириш керак. Флуконазол жигар фаолиятининг бузилишлари бўлган беморларга буюрилганида эҳтиёткорликка риоя қилиш лозим. Даволаш вақтида жигар ферментлари даражасини мунтазам мониторинг қилиш ва мумкин бўлган токсик самараларни аниқлаш мақсадида пациентларни кузатишни ўтказиш керак. Жигар ферментларининг даражасини ошишида шифокор даволашдан кутиладиган фойдани ва жигарнинг янада оғирроқ шикастланишини ривожланиш хавфини баҳолаши керак. Флуконазолни болаларда қўллашнинг етарли даражадаги тажрибаси йўқ. Бу гуруҳ беморларда шифокор бундай даволашни зарурлиги тўғрисидаги қарорни мустақил қабул қилиши керак. Автомобилни бошқариш ва бошқа механизмлар билан ишлаш қобилиятга салбий таъсири номаълум.

Препаратни болалар ололмайдиган жойда сақлансин ва яроқлилик муддати ўтгач қўлланилмасин.

Симптомлари: кўнгил айниши, қусиш, ич кетиши, янада оғирроқ ҳолатларда тиришишлар аниқланиши мумкин.

Даволаш: Симптоматик даволаш тавсия қилинади. Флуконазол асосан сийдик билан чиқарилади, кучайтирилган диурез унинг чиқарилишини оширади. Уч соатлик гемодиализ муолажаси флуконазолнинг плазмадаги концетрациясини ярмига камайтиради.

Инфузия учун эритма 2 мг/мл, 100 мл дан шиша бутилкаларда ёки полипропилен флаконларда.

Ёруғликдан ҳимояланган жойда, 25 °С дан юқори бўлмаган ҳароратда сақлансин.

2 йил.

Рецепт бўйича.

“RADIKS” ХИИЧК

Ўзбекистон Республикаси, Тошкент ш., 100054, Лутфий кўч, 50.

тел: 273-92-31, факс: 273-80-58.