Касторовое масло Радикс по 25 мл (флакон)

Tarkib

Kanakunjut moyi. Sutlamadoshlar oilasiga mansub, madaniylashtirilgan kanakunjut o‘simligi urug‘idan olinadigan yog‘li moy.

Tavsif

Shaffof, quyuq, yopishqoq va rangsiz yoki biroz sarg‘ish suyuqlik.

Dori shakli

Moy.

Farmakoterapevtik guruh

Surgi dorilar.

Farmakologik xususiyatlari

Sutlamadoshlar (Euphorbiaceae) oilasiga mansub kanakunjut (Ricinus communis L.) o‘simligining urug‘laridan olingan yog‘li moy. Ichak retseptorlarini (butun uzunligi bo‘ylab) ta’sirlantiradi va peristaltikani reflektor kuchaytiradi. Bachadon muskullarining reflektor qisqarishi ham kuzatiladi.

Farmakokinetika

"Prolekarstvo." Ichga qabul qilinganda ingichka ichakda lipaza ta’sirida parchalanib, asosiy ta’sir ko‘rsatuvchi ritsinol kislotasi hosil bo‘ladi. Surgi ta’siri odatda 5-6 soatdan keyin boshlanadi.

Qo‘llanilishi

O‘tkir va surunkali qabziyat. Tug‘ruq faoliyatini rag‘batlantirish uchun (kombinatsiyalangan terapiya tarkibida) qo‘llash mumkin. Surtmalar va balzamlar tarkibida - kuyish, yaralar, yaralarni davolash, terini yumshatish, qazg‘oqni yo‘qotish va boshqalar uchun ishlatiladi.

Qo‘llash usuli va dozalari

Surgi dori sifatida kanakunjut moyi kattalarga 15-30 g dan, bolalarga esa 5-10-15 g dan ichishga buyuriladi (1 choy, desert yoki osh qoshiq). Tug‘ruq faoliyatini kuchaytirish uchun odatda boshqa vositalar bilan birgalikda 40-50 g dan ichishga buyuriladi.

Nojo‘ya ta’sirlari

Uzoq muddat buyurilganda ichak funksiyasining buzilishi mumkin (metabolik buzilishlar bilan diareya rivojlanishi; ichak fermentlari funksiyasining pasayishi, yo‘g‘on ichak atoniyasi va boshqalar).

Qarshi ko‘rsatmalar

Ichish uchun - yog‘da eriydigan moddalar (fosfor, benzol va boshqalar), shuningdek, erkak paporotnik ekstrakti bilan zaharlanish, homiladorlik (muddatidan oldin tug‘ruqning oldini olish uchun), spastik qabziyat, ichak tutilishi, o‘tkir qorin sindromi, appenditsit va qorin bo‘shlig‘idagi boshqa yallig‘lanish jarayonlari, o‘tkir isitma holatlari. Nevrogen va endokrin genezli qabziyatlarda buyurish tavsiya etilmaydi.

Maxsus ko‘rsatmalar

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

5 yil.

Chiqarish shakli

Yog‘ 25 ml, 50 ml, 100 ml li flakonlarda.

Dorixonalardan berish shartlari

Retseptsiz.

Ishlab chiqaruvchi

"RADIKS" MTP, Toshkent sh., 100054, Lutfiy ko‘chasi, 50.