Omez ichak kapsulalari 20 mg №30 (3 blister х 10 kapsula)

Tarkib

Bir kapsula quyidagilarni o‘z ichiga oladi:

Faol moddasi: omeprazol 20 mg.

Yordamchi moddalar: mannitol, laktoza, natriy laurilsulfat, dinatriy gidrofosfat suvsiz, saxaroza, saxaroza (25/30), gidromelloza (6cps).

Asosiy qobiq: gipromelloz (6 cps).

Ichakda eriydigan qobiq: kislotalar metakril kopolimeri (C turi) (eudragit L 100-55), natriy gidroksid, makrogol 6000, tozalangan talk, titan dioksidi E171.

Kapsula tarkibi:

korpus: jelatin, metilparaben, propilparaben, natriy laurilsulfat, karmuazin E122;

qopqoqcha: jelatin, metilparaben, propilparaben, natriy laurilsulfat, karmuazin E122.

Tavsif

Rangsiz shaffof korpusli va shaffof pushti qopqoqli No2 qattiq jelatinli kapsulalar, korpusda "OMEZ" yozuvi va qopqoqda ikki tomonlama blokirovka tizimi mavjud. Kapsula tarkibi - oq yoki deyarli oq rangli sferik pelletlar.

Chiqarish shakli

Ichakda eriydigan kapsulalar 20 mg. Alyuminiy folgadan yasalgan konturli yacheykasiz o‘ramda 10 tadan kapsula. 3 tadan konturli yacheykasiz o‘ramlar davlat va rus tillarida qo‘llanilishi bo‘yicha yo‘riqnoma bilan birga karton qutiga solinadi. Karton qutiga 5 pachkadan solinadi.

Farmakoterapevtik guruh

Yaraga qarshi vosita (N+-K+-ATF-aza ingibitori). ATX kodi: A02BC01.

Farmakologik xususiyatlari

Omez benzimidazol hosilalariga kiradi. Oshqozon pariyetal hujayralarining kislotali muhitida omeprazol faol metabolit - sulfenamidga aylanadi, u N+-K+-ATF-azaning sistein guruhlaridan biri bilan qaytmas bog‘lanadi va ferment faolligini (proton pompasi) ingibirlaydi. Shunday qilib, omeprazol xlorid kislota sintezining yakuniy bosqichi darajasida kislota hosil bo‘lish jarayoniga aralashadi, bu esa qo‘zg‘atuvchining tabiatidan qat’i nazar, bazal va rag‘batlantirilgan sekretsiya darajasining pasayishiga olib keladi.

Ferment faolligini ingibirlash dozaga bog‘liq xarakterga ega.

Farmakokinetika

Omeprazol faqat ichakda eriydigan kislotaga chidamli pelletlar tarkibiga kiradi. Ichga qabul qilinganda oshqozon-ichak yo‘llaridan tez so‘riladi. Ovqat qabul qilish preparatning biosinguvchanligiga ta’sir ko‘rsatmaydi. 20-40 mg omeprazol qabul qilinganda biosinguvchanligi taxminan 40% ni tashkil etadi. Qon plazmasida omeprazol konsentratsiyasining cho‘qqisiga 0,5-3,5 soat ichida erishiladi. Plazma oqsillari bilan bog‘lanish - taxminan 95%. Omeprazol jigarda metabolizmga uchraydi. Metabolizm sitoxrom R450 tizimi (CYR2C19 - S-mefenitoin gidroksilaza izoformasi) orqali amalga oshiriladi. Omeprazolning plazmadagi konsentratsiyasi xlorid kislota sekretsiyasini bostirish darajasi va davomiyligi bilan bog‘liq emas (t1⁄2 - 0,5-1 soat, antisekretor ta’siri esa 2-3 kungacha davom etadi).

Preparatning ko‘p qismi metabolitlar ko‘rinishida buyraklar orqali chiqariladi. Yarim chiqarilish davri 0,5-1 soatni tashkil etadi.

Qo‘llanilishi

oshqozon va o‘n ikki barmoqli ichak yara kasalligi;

eroziv bo‘lmagan va eroziv ezofagit;

gastroezofageal reflyuks kasalligi, reflyuks-ezofagit;

Zollinger-Ellison sindromi;

Kompleks terapiya tarkibida Nelicobacter pylori bilan bog‘liq bo‘lmagan oshqozon kasalliklari;

nosteroid yallig‘lanishga qarshi vositalarni qabul qilish bilan bog‘liq oshqozon-ichak traktining eroziv-yarali shikastlanishlari.

Qo‘llash usuli va dozalari

Kattalar va 18 yoshdan oshgan bolalar uchun.

Preparatni ovqatdan oldin, kapsulasiga zarar yetkazmasdan, oz miqdordagi suyuqlik bilan ichish tavsiya etiladi.

O‘n ikki barmoqli ichak yara kasalligini davolash uchun Omezning tavsiya etilgan dozasi - 4 hafta davomida kuniga bir marta 20 mg. Davolashni yana 4 haftaga uzaytirish mumkin.

Oshqozon yara kasalligini davolash uchun Omezning tavsiya etilgan dozasi 4-8 hafta davomida kuniga bir marta 40 mg ni tashkil qiladi.

Gastroezofageal reflyuks kasalligi (GERK), noeroziv ezofagitni davolashning qisqa kursi uchun Omezning tavsiya etilgan dozasi - 4 hafta davomida kuniga bir marta 20 mg.

Eroziv ezofagit va GERKning asoratlangan shakllari bilan og‘rigan bemorlarga Omez 20 mg dozada 4-8 hafta davomida buyuriladi.

GERKning I-IV bosqichlari bilan og‘rigan bemorlarda yuqoridagi terapiya yetarli darajada natija bermagan taqdirda, 4-8 hafta davomida kuniga bir marta 40 mg dan qabul qilish tavsiya etiladi. Uzoqroq davolanganda 20 mg miqdorida sutkada bir marta, ertalab ichish buyuriladi.

Zollinger-Ellison sindromi bilan og‘rigan bemorlar uchun Omezning tavsiya etilgan boshlang‘ich dozasi - 60 mg. Zarurat tug‘ilganda doza kuniga 120 mg gacha oshirilib, 2 mahal qabul qilinadi.

Kompleks terapiya tarkibida Nelicobacter pylori bilan bog‘liq bo‘lmagan oshqozon kasalliklari: tavsiya etilgan doza 20 mg sutkada 2 marta (qat’iy ravishda 12 soatdan keyin, ertalab va kechqurun) 7-14 kun davomida antimikrob terapiya bilan birgalikda.

Nosteroid yallig‘lanishga qarshi vositalarni qabul qilish bilan bog‘liq oshqozon-ichak traktining eroziv-yarali shikastlanishlari.

Tavsiya etilgan doza - 4-8 hafta davomida kuniga bir marta 20 mg. Nosteroid yallig‘lanishga qarshi vositalarni qo‘llashda yangi yaralar paydo bo‘lishining oldini olish maqsadida preparatni sutkada bir marta, ertalab 20 mg dan uzoq muddat qo‘llash tavsiya etiladi.

Nojo‘ya ta’sirlari

ko‘krak qafasidagi og‘riqlar, taxikardiya yoki bradikardiya, yurak urishi, gipertenziya, periferik shishlar;

ishtahaning yo‘qolishi, ta’m bilishning buzilishi, til shilliq qavatining atrofiyasi, tilning qurishi, qizilo‘ngach kandidozi, meteorizm, ichak ta’sirlanishi;

transaminazalar faolligining o‘rtacha vaqtinchalik oshishi, pankreatit;

giponatriyemiya, gipoglikemiya, tana vaznining ortishi;

tutqanoqlar, mushaklar kuchsizligi, bo‘g‘imlardagi og‘riqlar, oyoqlardagi og‘riqlar;

depressiya, tajovuzkorlik, gallyutsinatsiyalar, uyquchanlik yoki uyqusizlik, ongning chalkashligi, asabiylik, titroq, befarqlik, xavotir hissi, bosh aylanishi, paresteziyalar;

ko‘rishning buzilishi, quloqlarda shovqin, burundan qon ketishi, tomoqda og‘riq;

gemorragik toshmalar va/yoki petexiyalar, yallig‘lanish, qichishish, teri quruqligi, gipergidroz, alopetsiya;

eshakem, qichishish, angionevrotik shish;

interstitsial nefrit, siydik yo‘llari infeksiyalari, proteinuriya, gematuriya, glyukozuriya;

moyaklardagi og‘riq, ginekomastiya.

Kamdan-kam:

neytropeniya, leykopeniya, agranulotsitoz, leykotsitoz, trombotsitopeniya, anemiya, shu jumladan gemolitik anemiya, pansitopeniya;

gepatotsellyulyar, xolestatik yoki aralash gepatit.

Juda kam uchraydi:

Layell sindromi, Stivens-Jonson sindromi, ko‘p shaklli eritema;

umurtqa pog‘onasi, son bo‘yni, bilak sinishlari rivojlanish xavfi;

Qarshi ko‘rsatmalar

preparatning har qanday tarkibiy qismiga yuqori sezuvchanlik;

homiladorlik va laktatsiya davri;

18 yoshgacha bo‘lgan bolalar va o‘smirlar.

Dorilarning o‘zaro ta’siri

Omezning boshqa dori vositalari bilan o‘zaro ta’sir imkoniyatlari cheklangan. Omez jigarda sitoxrom P450 tizimi orqali metabolizmga uchraydi, shuning uchun jigarda ushbu tizim ishtirokida metabolizmga uchraydigan dorilar bilan bir vaqtda qo‘llanganda, Omez ularning chiqarilishini kamaytirishi mumkin. Omez diazepam, fenitoin va varfarin kabi antikoagulyantlarning chiqarilishini sekinlashtiradi. Antikoagulyantlar bilan birga qo‘llanganda qon tahlili, protrombin vaqtini nazorat qilish, Omez dozasini to‘g‘rilash zarur.

Omez me’da shirasining kislotaliligini pasaytirib, itrakonazol, ketokonazolning so‘rilishini kamaytirishi mumkin.

Maxsus ko‘rsatmalar

Davolashni boshlashdan oldin va tugatgandan so‘ng, xavfli o‘smani istisno qilish uchun endoskopik nazorat majburiy hisoblanadi, chunki Omez bilan davolash alomatlarni yashirishi va to‘g‘ri tashxis qo‘yishni kechiktirishi mumkin. Omez bilan uzoq vaqt davolanganda atrofik gastritlar paydo bo‘lishi mumkin.

Jigar faoliyati buzilgan bemorlarda qo‘llash

Omez jigarda metabolizmga uchraydi va jigar faoliyati buzilgan bemorlarda preparatning yarim chiqarilish davri uzayadi, shuning uchun bunday bemorlarda preparat dozasi kamaytirilishi kerak.

Pediatriyada qo‘llanishi

18 yoshgacha bo‘lgan bolalarda Omezni qo‘llash samaradorligi va xavfsizligi o‘rganilmagan.

Transport vositasi yoki potensial xavfli mexanizmlarni boshqarish qobiliyatiga ta’sir qilish xususiyatlari

Preparatning nojo‘ya ta’sirlarini hisobga olgan holda, transportni boshqarishda yoki psixomotor reaksiyalarning yuqori tezligini va diqqatni jamlashni talab qiladigan boshqa faoliyat turlarida ehtiyot bo‘lish kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: hushning chalkashishi, uyquchanlik, bosh og‘rig‘i, ko‘rishning buzilishi, taxikardiya, og‘iz qurishi, ko‘ngil aynishi, ko‘p terlash.

Davolash: oshqozonni yuvish, faollashtirilgan ko‘mir qabul qilish, simptomatik terapiya.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Dr. Reddy’s Laboratories Ltd"

42, 45 va 46-uchastkalar

Bachupalli-500 072

Andxra Pradesh, Hindiston.