Pankeratin (Pancreatinum) ichak plyonkasi bilan qoplangan tabletkalar 25 dona №60 (6 blister х 10 tabletka)

Tarkib

1 ta tabletka tarkibida quyidagilar mavjud:

Faol moddasi: pankreatin - 0,1 g (25 TB).

Yordamchi moddalar: sut shakari (laktoza), jelatin, kartoshka kraxmali, kalsiy stearati, sellasefat (atsetilftalilsellyuloza), titan dioksidi (titan ikki oksidi), suyuq parafin (vazelin moyi), tvin-80 (polisorbat), azorubin bo‘yog‘i (kislotali qizil 2S).

Tavsif

Pushti yoki to‘q pushti rangli qobiq bilan qoplangan, o‘ziga xos hidli, ikki tomonlama qabariq shakldagi tabletkalar. Ko‘ndalang kesimda ikkita qatlam ko‘rinadi, ichki qatlamda xol-xol bo‘lishiga yo‘l qo‘yiladi.

Dori shakli

Ichakda eruvchan qobiq bilan qoplangan tabletkalar.

Farmakoterapevtik guruh

Hazm qiluvchi ferment vositasi. ATX kodi: A09AA02.

Farmakologik xususiyatlari

Oshqozon osti bezining tashqi sekretor funksiyasi yetishmovchiligini kompensatsiyalaydi, proteolitik, amilolitik va lipolitik ta’sir ko‘rsatadi.

Pankreatin tarkibiga kiruvchi fermentlar (lipaza, amilaza, tripsin, ximotripsin) oqsillarning aminokislotalargacha, yog‘larning glitserin va yog‘ kislotalarigacha, kraxmalning dekstrin va monosaxaridlargacha parchalanishiga yordam beradi.

Oshqozon-ichak tizimining funksional holatini yaxshilaydi, ovqat hazm qilish jarayonlarini me’yorlashtiradi.

Tripsin me’da osti bezining stimulyatsiyalangan sekretsiyasini ingibirlab, og‘riq qoldiruvchi ta’sir ko‘rsatadi.

Pankreatik fermentlar dori shaklidan ingichka ichakning ishqoriy muhitida ajralib chiqadi, chunki ular oshqozon shirasining ta’siridan qobiq bilan himoyalangan.

Qo‘llanilishi

Oshqozon osti bezining tashqi sekretor yetishmovchiligida o‘rinbosar terapiya: surunkali pankreatit, pankreatektomiya, nurlanishdan keyingi holat, dispepsiya, mukovissidoz.

Meteorizm, noinfeksion genezli diareya, Remxeld sindromi (gastrokardial sindrom).

Ovqat hazm bo‘lishining buzilishi (oshqozon va ingichka ichak rezeksiyasidan keyingi holat); ovqatlanishdagi xatoliklar (yog‘li ovqat iste’mol qilish, ko‘p miqdordagi ovqat, nomuntazam ovqatlanish) va chaynash funksiyasining buzilishi, kam harakatli hayot tarzi, uzoq muddatli immobilizatsiya holatida oshqozon-ichak trakti faoliyati normal bo‘lgan shaxslarda ovqat hazm bo‘lishini yaxshilash uchun.

Qorin bo‘shlig‘i a’zolarini rentgen va ultratovush tekshiruviga tayyorlash.

Qo‘llash usuli va dozalari

Ichkariga. Preparat ovqat vaqtida yoki ovqatdan keyin chaynamay, ishqoriy bo‘lmagan suyuqlik (suv, meva sharbatlari) bilan ichiladi.

Doza ovqat hazm qilishning buzilish darajasiga qarab individual belgilanadi. Kattalar: odatda 2-4 tabletkadan kuniga 3-6 marta. Maksimal sutkalik doza - 16 tabletka.

6 yoshdan oshgan bolalarda preparat shifokor ko‘rsatmasi bo‘yicha qo‘llaniladi. Doza individual belgilanadi. Odatda 1 tabletkadan kuniga 3 mahal buyuriladi.

Davolash davomiyligi bir necha kundan (parhezdagi xatolar tufayli ovqat hazm qilish jarayoni buzilganda) bir necha oy yoki yilgacha (doimiy o‘rinbosar terapiya zarur bo‘lganda) bo‘lishi mumkin.

Nojo‘ya ta’sirlari

Allergik reaksiyalar. Kamdan kam hollarda - diareya, qabziyat, oshqozon sohasida noqulaylik hissi, ko‘ngil aynishi (ushbu reaksiyalar rivojlanishining pankreatin ta’siri bilan sababiy bog‘liqligi aniqlanmagan, chunki ko‘rsatilgan hodisalar oshqozon osti bezining tashqi sekretor yetishmovchiligi alomatlariga kiradi). Uzoq vaqt yuqori dozalarda qo‘llanganda giperurikozuriya, giperurikemiya rivojlanishi mumkin. Mukovissidozda Pankreatinning zarur dozasi oshib ketgan taqdirda, ko‘tariluvchi chambar ichakning ileotsekal qismida strikturalar (fibroz kolonopatiya) rivojlanishi mumkin.

Bolalarda Pankreatin yuqori dozalarda qo‘llanilganda perianal ta’sirlanish va og‘iz bo‘shlig‘i shilliq qavatining ta’sirlanishi yuzaga kelishi mumkin.

Qarshi ko‘rsatmalar

Preparat komponentlariga yuqori sezuvchanlik, o‘tkir pankreatit, surunkali pankreatitning kuchayishi, 6 yoshgacha bo‘lgan bolalar.

Dorilarning o‘zaro ta’siri

Pankreatin qo‘llanilganda temir va folat kislotasining so‘rilishi pasayishi mumkin. Tarkibida kalsiy karbonat va/yoki magniy gidroksid bo‘lgan antatsid vositalarni bir vaqtning o‘zida qo‘llash pankreatin samaradorligining pasayishiga olib kelishi mumkin.

Maxsus ko‘rsatmalar

Mukovissidozda strikturalar (fibroz kolonopatiya) rivojlanish xavfining ortishi oqibatida Pankreatinni yuqori dozalarda qo‘llash tavsiya etilmaydi.

Doza iste’mol qilinadigan ovqatning sifati va miqdorini hisobga olgan holda yog‘larning so‘rilishi uchun zarur bo‘lgan fermentlar miqdoriga mos kelishi kerak.

Homiladorlik va laktatsiyada qo‘llanilishi.

Pankreatinni homiladorlikda qo‘llashning xavfsizligi yetarli darajada o‘rganilmagan. Ona uchun kutilayotgan foyda homila uchun potensial xavfdan yuqori bo‘lgan hollarda qo‘llash mumkin. Laktatsiya davrida pankreatin qo‘llashga qarshi ko‘rsatma yo‘q.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: giperurikozuriya, giperurikemiya. Bolalarda qabziyat.

Davolash: preparatni bekor qilish, simptomatik terapiya.

Chiqarish shakli

Ichakda eriydigan qobiq bilan qoplangan tabletkalar, 25 TB.

Polimer bankalarda 60 tadan tabletka.

Polivinilxlorid plyonkasi va alyuminiy folga yoki polietilen qoplamali qog‘ozdan tayyorlangan konturli katakli o‘ramda 10 tadan tabletka.

Har bir banka yoki 6 ta kontur yacheykali o‘ramlar preparatni qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Harorati 20 °C dan yuqori bo‘lmagan quruq joyda.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

"Biosintez" OAJ, Rossiya, Penza shahri

Yuridik manzil va da’volarni qabul qilish manzili

"Biosintez" OAJ, Rossiya, 440033, Penza shahri, Do‘stlik ko‘chasi, 4, tel/faks (8412) 57-72-49.