Rotadon Advance eritma D / in. 200 mg / 2 ml 2 ml №10 (ampulalar)

1 мл препарат қуйидагиларни сақлайди:

фаол модда: хондроитин сульфат натрий 100 мг;

ёрдамчи моддалар: бензил спирти, натрий гидроксиди ёки хлорид кислотаси, инъекция учун сув.

Тиниқ оч сариқ рангли эритма.

Ностероид яллиғланишга қарши ва ревматизмга қарши воситалар. Код АТХ: М01АХ25.

Фармакодинамикаси

Препаратнинг асосий таъсир этувчи моддалари - хондроитин сульфати А ва С нинг натрийли тузлари (ўртача молекуляр массаси 11000 дальтон) ҳисобланади. Ҳондроитин сульфат - юқори молекуляр мукополисахариддир. Коллаген толалари билан бирга тоғай матриксини ташкил этувчи протеогликанларнинг асосий компоненти ҳисобланади. Препарат яллиғланишга қарши ва оғриқ қолдирувчи таъсир кўрсатади. Бўғим тоғайи деградациясини чақирувчи энзимларнинг фаоллигини бостиради: металлопротеиназалар, хусусан, лейкоцитар эластазани ингибиция қилади. Гиалуронидазанинг фаоллигини пасайтиради.

Эркин кислород радикалларини ажралиб чиқишини қисман блоклайди; хемотаксисни блокланишига ёрдам беради.

Хондроцитлар томонидан протеогликанларни ишлаб чиқарилишини рағбатлантиради. Синовиал суюқликка яллиғланиш ва оғриқ медиаторларини ажралиб чиқишини пасайиши туфайли, шунингдек лейкотриен В4 ва простагландин Е2 ларни секрециясини бостирилиши оқибатида яллиғланишга қарши ва оғриқ қолдирувчи самараларига эришади.

Хондроитин сульфат тоғай тўқимасини эзилишига тўсқинлик қилади, бўғим юзаларида мойловчи вазифасини бажаради, бўғим суюқлигини ишлаб чиқишини нормаллаштиради, оғриқнинг жадаллигини камайишига ёрдам беради.

Фармакокинетикаси

Мушак ичига юборилганидан сўнг хондроитин сульфати синовиал суюқликка ўтади. Синовиал суюқликда максимал концентрациясига инъекциядан сўнг 4-5 соатдан кейин эришади. Организмдан 24 соат давомида чиқарилади.

Адекват равишда ташхис қўйилган тизза, чаноқ-сон бўғимлари остеоартритида, умуртқа остеохондрозида кузатиладиган симптомлар (енгилдан ўртача даражагача бўлган) ни, аста-секин самарани ривожланиши билан, енгиллаштириш учун қўлланади.

Препарат мушак ичига юбориш учун мўлжалланган. Вена ичига юбориш мумкин эмас. Препаратнинг ишлатилмаган қолдиғини сақлаш мумкин эмас.

Катталар ва кекса ёшдаги пациентлар: препарат мушак ичига 1 мл (хондроитин сульфати 100 мг) дан кунора юборилади.

Препарат яхши ўзлаштирилганида дозаси, тўртинчи инъекциядан бошлаб, 2 мл (хондроитин сульфати 200 мг) гача оширилади.

Даволаш курси - 25-35 инъекциядан иборат. Зарурат бўлганида 6 ойдан кейин такрорий даволаш курсини ўтказиш мумкин.

Болалар

Препарат болаларда қўлланилмайди.

Тери ва тери ости тўқималари томонидан: қичишиш ва/ёки шиш билан кечадиган ёки кечмайдиган макулопапулёз тошма, экземалар, эшакеми, эритемани ривожланиш ҳолатлари хақида хабарлар мавжуд.

Меъда-ичак йўллари томонидан: кам ҳолатларда кўнгил айниши, қусиш ривожланганлиги хақида хабар берилган.

Иммун тизими томонидан: жуда кам ҳолатларда ангионевротик шиш хақида хабар берилган.

Инъекция қилинган жойда қон кетиши ҳолатлари кузатилади.

Шубҳа қилинган нохуш реакциялар бўйича хабарлар

Дори воситаси рўйхатдан ўтказилгандан кейин шубҳа қилинган нохуш реакциялар бўйича хабарлар муҳим ҳисобланадилар.

Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакологик назорат тизимига мувофиқ хабар беришингизни сўраймиз.

• препаратнинг компонентларига юқори сезувчанлик;
• қон оқишига мойиллик;
• тромбофлебитлар;
• ҳомиладорлик ва лактация даврида (даволаниш вақтида эмизишни тўхтатиш керак);
• 15 ёшгача бўлган болаларда (қўллаш самарадорлиги ва ҳавфсизлиги аниқланмаган) препаратни қўллаш мумкин эмас.

Эҳтиёткорлик билан: қон ичишини бузилишларида, қандли диабет, тана вазни юқори бўлган шахсларда, тузнинг миқдори паст бўлган парҳезга риоя қилувчи пациентларда, 18 ёшгача бўлган болаларда, буйрак функциясини бузилишларида, ҳомиладорликни режалаштираётган аёлларда эҳтиёткорлик билан қўллаш керак.

Ротадон Адванс препаратини ностероид яллиғланишга қарши воситалар билан бирга қўллаш уларнинг дозасини пасайтиришни талаб этади.

Бевосита антикоагулянтлар, антиагрегантлар, фибринолитикларнинг таъсири кучайиши мумкин, бу ҳолат улар бирга қўлланганида қон ивиши кўрсаткичларини янада тез-тез назорат қилишни талаб этади.

Аллергик реакцияларда ёки геморрагияларда даволашни тўхтатиш керак.

Барқарор клиник самарага эришиш учун Ротадон Адванс препаратининг камида 25 инъекциясини ўтказиш керак, бироқ самараси даволаш курси тугаганидан сўнг кўп ойлар давомида сақланиб қолади.

Препаратнинг таркибида бензил спирти сақланади, у кўкрак ёшидаги болаларда ва 3 ёшгача бўлган болаларда заҳарланиш ва сохта анафилактик реакцияларни чақириши мумкин.

Ҳомиладорлик ва лактация даврида қўлланиши

Ҳомиладорлик вақтида ва лактация даврида препаратни қўллаш мумкин эмас.

Автотранспортни ҳайдаш ва механизмларни бошқариш қобилиятига таъсири

Ротадон Адванс автотранспортни бошқариш ва диққатни юқорида даражада жамлашни талаб этувчи потенциал ҳавфли фаолият турларини бажариш қобилиятига таъсир кўрсатмайди.

Дори препаратининг дозаси ҳатта аҳамиятли даражада ошириб юборилганида ҳам заҳарланиш кузатилмайди.

Симптомлари: аллергик реакциялар, инъекция қилинган жойда геморрагиялар.

Препаратнинг дозаси бехосдан ўткир ошириб юборилганида - симптоматик даволаш ўтказилади. Барча даволаш чоралари Ротадон Адванс препаратини бекор қилиш фонида ўтказилади.

Инъекция учун эритма 2 мл дан сариқ рангли ампулаларда. 5 ампула контур уяли ўрамларда. 1 ёки 2 контур уяли ўрам тиббиётда қўлланилишига доир йўриқномаси билан бирга картон қутига жойланади.

25 °С дан юқори бўлмаган хароратда сақлансин.

Болалар ололмайдиган жойда сақлансин.

Ишлаб чиқарилган санадан бошлаб 3 йил.

Яроқлилик муддати тугаганидан сўнг қўлланилмасин.

Рецепт бўйича.

“Уорлд Медицин Илач Сан. ве Тидж. А.Ш.”, Туркия

("World Medicine Ilaç San. ve Tic. А.Ş.", Turkey).

Ишлаб чиқарилган

“Ромфарм Илач Сан. ве Тидж. Лтд. Шти.”, Туркия

(Гази Осман Паша Махаллеси Черкезкёй Организе Санайи Бельгеси 5.

Джадде № 17, Черкезкёй/Текирдаг)

“Rompharm İlaç San. ve Tic. Ltd. Şti.”, Turkey

(Gazi Osman Paşa Mahallesi Ҫerkezköy Organize Sanayi Bölgesi 5.

Cadde No:17, Çerkezköy/Tekirdağ).