Sirimol siropi 200 ml (shisha)

Tarkib

Har 15 ml quyidagilarni o‘z ichiga oladi: L-leysin USP - 18,3 mg, L-izoleysin USP - 5,9 mg, L-lizin HCl USP - 25 mg, L-fenilalanin USP - 5 mg, L-treonin USP - 4,2 mg, L-metionin USP - 9,2 mg, L-triptofan USP - 5 mg, L-valin USP - 6,7 mg, Tiamin gidroxlorid BP - 5 mg, Riboflavin BP - 3 mg, Piridoksin gidroxlorid BP - 1,5 mg, Nikotinamid BP - 25 mg, Kalsiy pantotenat BP - 5 mg, Sianokobalamin BP - 2,5 mkg, Folat kislotasi BP - 0,75 mg, Askorbin kislotasi BP - 40 mg, Vitamin A (Sintetik retinol konsentrati) BP - 2500 XB, Xolekalsiferol BP - 200 XB, Alfa tokoferol atsetat BP - 7,5 XB.

Tavsif

Och jigarrang suyuqlik.

Dori shakli

200 ml li qiyom (flakonlar o‘lchov stakani bilan birga).

Farmakologik ta’siri

Aminokislotalar energiya manbai bo‘lib, suyaklar, teri va mushaklarning tiklanishiga yordam beradi.

Leysin qondagi glyukoza miqdorini biroz pasaytiradi va o‘sish gormoni ajralishini rag‘batlantiradi.

Izoleysin - mushak hujayralari uchun energiya manbai hisoblanadi, shuningdek, triptofanning kirishini cheklash orqali bosh miyada serotonin ko‘payishining oldini oladi.

Fenilalanin - markaziy asab tizimining neyrotransmitter tizimining aminokislotasi bo‘lib, bosh miyada asab impulslarini uzatishga yordam beradi. Organizmda u boshqa aminokislota - tirozinga aylanishi mumkin, u o‘z navbatida ikkita asosiy neyromediator: noradrenalin va dopamin sintezida ishlatiladi.

Treonin - organizmda normal oqsil almashinuvini ta’minlashga yordam beradi. Kollagen va elastin sintezida, aspartat kislota va metionin bilan birgalikda yog‘lar almashinuvida ishtirok etadi. Shuningdek, immunitetni rag‘batlantiradi, chunki u antitanalar ishlab chiqarilishiga yordam beradi.

Metionin lipotrop ta’sirga ega (jigardan ortiqcha yog‘larning mobilizatsiyasi), fosfolipidlar sintezi buzilganda xolin hosil bo‘lishiga yordam beradi. Kreatinin, adrenalin va boshqa birikmalar sintezida ishtirok etadi, gormonlar, vitaminlar, fermentlarning organizmga ta’sirini faollashtiradi. Triptofan serotonin hosil bo‘lishida, PP vitamini sintezida ishtirok etadi, shuningdek, tabiiy antidepressant sifatida ham tanilgan.

B guruhi vitaminlari past konsentratsiyalarda biologik faollikka ega bo‘lib, hujayralar funksiyasiga boshqaruvchi ta’sir ko‘rsatadi. Ular ferment tizimlari tarkibida uglevodlar, oqsillar va lipidlar metabolizmini boshqarishda ishtirok etadi. Vitamin B1 pirofosfatining ham uglevodlar va oqsillar metabolizmida, ham ko-enzim sifatida nuklein kislotalar sintezida ishtirok etishi tasdiqlandi. U sinapsda nerv impulsining o‘tkazuvchanligiga ta’sir qiladi.

B2 vitamini uglevodlar va oqsillar metabolizmini yaxshilaydi va aminokislotalar metabolizmiga aloqador. U temir va porfirin almashinuvida, gemoglobin sintezida va to‘qima nafas olishida ishtirok etadi.

Vitamin B6 quyidagi fermentlar tarkibiga kiradi: dekarboksilazalar va transaminazalar. U gistamin, erkin yog‘ kislotalari va aminokislotalar metabolizmida ishtirok etadi. Vitaminlar markaziy va periferik asab tizimi, teri va oshqozon-ichak trakti faoliyatining me’yorida bo‘lishida katta rol o‘ynaydi.

Nikotin kislota va uning amidi vodorod tashishda va to‘qima nafas olishi uchun zarur bo‘lgan oksidlanish-qaytarilish jarayonlarida ishtirok etuvchi kodigidraza tarkibiga kiradi.

Ko‘rsatmalar

Sirimol siropi organizmda vitaminlar va aminokislotalar yetishmovchiligini davolash uchun mo‘ljallangan. Shuningdek, Sirimol og‘ir infeksiyalarda, oshqozon-ichak tizimining surunkali kasalliklarida, endokrin buzilishlarda, jarrohlik aralashuvlarida, jarohatlarda, kuyishlarda, keksalarda, beri-beri sindromida, pellagrada qo‘llaniladi.

Qo‘llash usuli va dozalari

Bolalar dozasi (2 yoshdan 11 yoshgacha): 5 ml dan kuniga 3 mahal ichiladi. Kattalar uchun dozasi: 15 ml dan kuniga 2 marta ichiladi. Iste’mol qilishdan oldin chayqatish kerak.

Nojo‘ya ta’siri

Suvda eriydigan vitaminlar buyrak faoliyati normal bo‘lgan bemorlarda juda kamdan-kam hollarda intoksikatsiya chaqiradi. Tiaminga yuqori sezuvchanlik reaksiyasi kamdan-kam va ko‘pincha, faqat parenteral qo‘llanilganda yuzaga keladi. Piridoksinga ham reaksiyalar bo‘lishi mumkin.

Boshqa a’zolar va tizimlar tomonidan: gepatomegaliya, leykopeniya, favvora bo‘lib qusish. D gipervitaminozida plazmada kalsiy ko‘payishi va to‘qimalar kalsinozi kuzatilishi mumkin.

Qarshi ko‘rsatmalar

Sirimol siropi preparatning har qanday tarkibiy qismiga yuqori sezuvchanligi bo‘lgan bemorlarda, shuningdek, gipervitaminozi bo‘lgan bemorlarda qo‘llash mumkin emas.

Dozani oshirib yuborish

Gipervitaminoz A: terining quruqligi va qizarishi, terining po‘st tashlashi, eritematoz dermatit, soch o‘sishining buzilishi, lablarning yorilishi, suyaklarning og‘rishi va mo‘rtligi, giperostoz, bosh og‘rig‘i, papiloedema, anoreksiya, shishlar, charchash, ta’sirchanlik, gemorragiya, fibroz, markaziy venalar sklerozi va sirroz.

Shuningdek, kalla ichi bosimi oshishi mumkin. Shuningdek, ishqoriy fosfatlarning ko‘payishi va giperkalsiyemiya qayd etiladi.

D gipervitaminozi: holsizlik, charchash, toliqish, bosh og‘rig‘i, ko‘ngil aynishi, qusish, ich ketishi. Giperkalsemiya, u poliuriya, nekturiya, proteinuriya, nefrolitiaz, diffuz nefrokalsinoz ko‘rinishida namoyon bo‘ladi. Og‘ir giperkalsiyemiya suyaklarning o‘sishini kechiktirishi mumkin.

Maxsus ko‘rsatmalar

Tavsiya etilgan dozani oshirish tavsiya etilmaydi. Preparat qo‘llanganda siydikning intensiv sariq rangga bo‘yalishi mumkin, bu preparat tarkibida riboflavin mavjudligi bilan bog‘liq va klinik ahamiyatga ega emas.

Homiladorlik va emizish davrida

Preparat homiladorlik va laktatsiya davrida tavsiya etilmaydi. Preparatni bolalar qo‘li yetmaydigan joyda saqlash va yaroqlilik muddati tugaganidan keyin iste’mol qilmaslik kerak.

Dorilarning o‘zaro ta’siri

A va E vitaminlari, B guruhi vitaminlarini o‘z ichiga olgan boshqa polivitamin komplekslari bilan bir vaqtda qabul qilish tavsiya etilmaydi.

Saqlash shartlari

Salqin, quruq joyda.

Yaroqlilik muddati

2 yil.