Тайлол суспензия д/внут. прим. 24 мг/мл по 100 мл (флакон)

5 мл суспензия қуйидагиларни сақлайди:

фаол модда: парацетамол - 120 мг;

ёрдамчи моддалар: алюмин магний силикат (тальк), авицел RS 591, натрий карбоксиметилцеллюлоза 7 HOF, рафинатланган қанд, глицерин, 70%ли сорбитол, лимон моногидрат кислотаси, натрий метилпарабени, натрий пропилпарабени, малинали ароматизатор, тозаланган сув.

Оч кул рангдан оч сариқ рангтача бўлган малина хидли гомоген суспензия.

Ичга қабул килиш учун суспензия.

Анальгетик-антипиретиклар. АТХ коди: N02BE01.

Фармакодинамикаси

Парацетамол анальгетик-антипиретик восита хисобланади. У оғриқ қолдирувчи ва иситмани туширувчи таъсир кўрсатади, таъсир қилиш механизми простагландинлар синтезини ингибиция қилиши, гипоталамусдаги терморегуляция марказига кучли таъсир килиши билан боглик.

Фармакокинетикаси

Перорал қабул қилинганда, таъсир этувчи модда меъда-ичак йўлларидан тез ва тўлиқ сўрилади. Қон плазмасида препаратнинг максимал концентрацияси 10-60 минутдан сўнг кузатилади. Парацетамол тўқималарда ва асосан организм суюқликларида (ёғ тўқималари ва орка мия суюқлиги бундан мустасно) кенг тарқалади. Оқсиллар билан боғланиши 10% дан камроқ ва доза ошириб юборилган ҳолларда бироз ошади. Ярим чиқарилиш даври 1,25 3 соатни ташкил килади, жигар циррози бўлган пациентларда чиқарилиш даври бироз узоқроқ бўлади. Жигарда микросомал-ферментлар тизими томонидан метаболизмга учрайди. Парацетамолнинг оғиз орқали буюрилган дозасининг тахминан 85% 24 соатдан кейин сийдик билан эркин ва боғланган ҳолда чиқарилади.

• енгил ва ўрта даражадаги оғриқ синдроми, грипп ва шамоллаш билан боғлиқ иситма;
• бош огриги;
• тиш огриги;
• бурситлар, невралгиялар, пай чўзилишлари ва мушаклар оғриғи;
• артралгиялар;
• эмлашдан кейинги иситма кўтарилиши ва оғриқларда қўлланилади.

Препарат ичга қабул килинади. Овқатланишдан кейин 1-2 соат ўтгач, кўп миқдордаги суюқлик билан ичиш тавсия этилади. Ишлатишдан олдин флаконни яхшилаб силкитиш лозим. Қадоқ ичидаги ўлчов стаканчаси (ёки қошиғи) препаратни тўгри ва оқилона дозалаш имконини беради. Препаратнинг дозаси боланинг ёши ва тана вазнига боглик бўлади. 3 ойликдан катта болалар учун препарат тана вазнига нисбатан 10-15 мг/кг ҳисобида суткасига 3-4 марта буюрилади, максимал суткалик доза тана вазнига нисбатан 60 мг/кг дан ошмаслиги керак. Зарурат бўлганда, препарат ҳар 4-6 соатда бир марталик дозада (10-15 мг/кг), лекин 24 соат ичида 4 мартадан кўп бўлмаган ҳолда қабул килиниши мумкин.

3 ойликкача бўлган болалар учун бир марталик доза боланинг тана вазнига нисбатан 10 мг/кг миқдорда белгиланади (фақат шифокор кўрсатмаси бўйича).

Шифокор маслаҳатисиз қабул қилиш муддати:

• ҳароратни тушириш учун 3 кундан ортиқ эмас;
• огрик колдириш учун 5 кундан ортиқ эмас.

Тавсия этилган дозани ошириб юборилмасин.

ЖССТ маълумотларига кўра, ножўя таъсирлар, уларнинг юзага келиш тез-тезлигига кўра қуйидагича таснифланади: жуда тез-тез (21/10); тез-тез (≥1/100 дан <1/10 гача); кам ҳолларда (≥1/1000 дан <1/100 гача); камдан-кам ҳолларда (≥1/10000 дан <1/1000 гача); жуда кам ҳолларда (<1/10000); номаълум мавжуд маълумотлар бўйича юзага келиш тез- тезлигини аниклаш имкони йўқ).

Қон яратиш тизими ва лимфа тизими томонидан: камдан-кам ҳолларда тромбоцитопения, лейкопения ва панцитопения; жуда кам ҳолларда нейтропения, агранулоцитоз.

Иммун тизими томонидан: камдан-кам ҳолларда анафилаксия, аллергик реакциялар, шу жумладан анафилактик шок, Квинке шиши, Стивенс-Джонсон синдроми (токсикодермал некролиз.

Нафас олиш тизими, кўкрак қафаси органлари ва кўкс оралиги томонидан: жуда кам ҳолларда аспирин ва бошка НЯКВ га нисбатан юқори сезувчанлиги бўлганда бронхоспазм кузатилиши мумкин.

Меъда-ичак йўллари томонидан: камдан кам ҳолларда диспептик ҳолатлар.

Жигар ва ўт йўллари томонидан: камдан кам ҳолларда жигар функциясининг бузилиши

Тери ва тери ости тўқималари томонидан бузилишлар: камдан кам ҳолларда - эшакеми ва кичишиш.

• парацетамолга ва препаратнинг бошқа таркибий қисмларига нисбатан юқори сезувчанлик;
• жигар ва буйрак функциясининг оғир бузилишлари;
• қон касалликлари (оғир анемия, лейкопения, тромбоцитопения);
• глюкозо-6-фосфатдегидрогеназа ферменти танқислиги;
• қандли диабет;
• 2 ойликкача бўлган болаларда қўллаш мумкин эмас.

Препаратни жигар ва буйрак етишмовчилиги, туғма гипербилирубинемия (Жилбер, Дубин-Джонсон, Ротор синдромлари), вирусли гепатит, алкоголли жигар зарарланиши бўлган пациентлар ва кекса ёшдаги шахслар эҳтиёткорлик билан қабул қилишлари керак.

Препаратни бир вақтда:

• барбитуратлар, тутканокқа қарши воситалар, рифампицин, алкоголь билан қўлланганда гепатотоксик таъсир хавфи сезиларли даражада ошади;
• метоклопрамид билан қўлланганда парацетамол абсорбцияси ошиши мумкин;
• пробенецид билан қўлланганда парацетамолнинг экскрецияси ва қон плазмасидаги концентрацияси ўзгариши мумкин;
• кумарин ҳосилалари билан қўлланганда енгил гипопротромбинемия ривожланиши мумкин.

Парацетамол кабул килингандан кейин 1 соатдан камроқ вакт ичида холестирамин кабул килинганда, парацетамолнинг сўрилиши камайиши мумкин.

Препаратни бошқа, таркибида парацетамол сақлаган препаратлар билан бир вақтда қабул қилмаслик керак. Жигар, буйрак, юрак ва ўпка патологиялари бўлган пациентлар препаратни қўллашда шифокор назорати остида бўлиши керак. Сийдик 5- гидроксинндолацетил кислотага текширилганда парацетамол сохта мусбат натижаларга олиб келиши мумкин.

Ҳомиладорлик ва лактация даврида қўлланилиши

Препаратнинг хомиладорлик даврида қўлланилиши бўйича FDA таснифига биноан Тайлол (парацетамол) ҳомилага таъсири бўйича "В" тоифага киради.

Экспериментал тадқиқотларда парацетамолнинг эмбриотоксик, тератоген ва мутаген таъсири аниқланмаган.

Парацетамол Йўлдаш тўсиғи оркали ўтади, аммо хозиргача одамларда парацетамолнинг ҳомилага салбий таъсири қайд этилмаган.

Парацетамол кўкрак сути билан ажралади, сут таркибидаги миқдори эса она томонидан қабул қилинган дозанинг 0,04-0,23% ни ташкил қилади.

Агар ҳомиладорлик ва лактация (эмизиш) даврида парацетамолни қўллаш зарурати туғилса, терапиянинг она учун кутилаётган фойдаси ва ҳомила ёки бола учун потенциал хавфи диққат билан солиштирилиши керак.

Симптомлар: кўнгил айниши, қусиш, қориндаги огриклар, метгемоглобинемия, терининг ва тирноқ пластинкаларининг цианози; огир ҳолатларда қўзғалувчанлик, кейин эса марказий нерв тизимининг сусайиши, ступор, гипотермия, тахипноэ; юрак уришининг тезлашиши, қон босимининг пасайиши, қон айланишининг етишмовчилиги, кома, гепатит, сариқ касал, вақтинчалик азотемия, буйрак каналчаларининг некрози, гипогликемия, метаболик ацидоз ва мия шиши.

Даволаш: доза ошириб юборилганига шубҳа бўлганда, пациент дарҳол касалхонага ётқизилиши ва симптоматик давони олиши керак.

Агар дори яқинда қабул қилинган бўлса (4 соатдан ортиқ вақт ўтмаган бўлса), қусишни қўзғатиш, ошқозонни ювиш керак. Дастлабки 10-16 соат ичида антидот сифатида ацетилцистеинни қўллаш тавсия этилади (перорал, 140 мг/кг дозада, кейин 70 мг/кг дозадан ҳар 4 соатда 72 соат давомида, жами 17-18 доза). Бир вақтнинг ўзида, фаоллаштирилган кўмир ва ични юмшатувчи препаратларни қўлламаслик керак, чунки улар перорал қабул қилинган ацетилцистеиннинг сўрилишини камайтиради. Протромбин вакти, колдик мочевина азоти, қанд миқдори, АЛТ, АСТ, билирубин, креатинин, шунингдек қондаги электролитлар концентрацияси аниқланади. Сув-электролитлар мувозанатини тиклаш ва агар мавжуд бўлса, гипогликемияни коррекциялаш керак. Буйрак ва жигар етишмовчилиги ривожланганда терапевтик тадбирларни лаборатор кўрсаткичлар меъёрлашгунча давом эттириш керак. Гемодиализ ўтказиш керак.

100 мл препарат биринчи марта очилишини назорат қилувчи бураладиган копқоқли тўқ шиша идишга (флаконга) солинади. Флаконга ўзи ёпишувчи ёрлиқ ёпиштирилади. 1 та флакон ўлчов қошиғи ёки ўлчов стакани ва давлат ва рус тилларидаги тиббиётда қўлланилишга доир Йўриқномаси билан бирга картон қутига солинади.

Курук, ёруғликдан ҳимояланган жойда, 25 °С юқори бўлмаган ҳароратда.

Болалар ололмайдиган жойда сақлансин.

3 йил.

Яроқлилик муддати ўтгач қўлланилмасин. Флакон илк очилгандан кейин сақлаш муддати 1 ой

Рецептсиз.

«Нобел Алматы Фармацевтикалық Фабрикасы» АЖ

Қозоғистон Республикаси, Алматы шаҳри, Шевченко кўчаси, 162 "E".