Zitmak 500 qoplangan tabletkalar 500 mg №3 (1 blister)

Фаол модда: азитромицин дигидрат (250 мг ёки 500 мг азитромицинга эквивалент);

ёрдамчи моддалар: прежелатинланган крахмал, гидроксипропилцеллюлозаси, натрий лаурилсульфати, натрий кроскармеллозаси, икки асосли кальций фосфат дегидрати, аэросил, с увсиз лактоза, магния стеарати.

Қобиғи: Sepifilm 752 (метилгидроксипропилцеллюлоза, микрокристаллическая целлюлоза, макроголь-40 ОЕ стеарати, титана диоксиди).

Оқ рангли, овал шаклли, бир томони чизиқли, қобиқ билан қопланган таблеткалар.

Антибиотиклар (макролидлар гуруҳи).

Кенг таъсир доирасига эга антибиотик. Янги макролид антибиотиклари - азалидлар гуруҳини биринчи вакили ҳисобланади. Яллиғланиш ўчоғида юқори концентрацияси ҳосил бўлганида бактерицид таъсир кўрсатади.

Препаратга граммусбат кокклар: Streptococcus pheumoniae, St. pyogenes, St.agalactiae, C, F ва G гуруҳи стрептококклари, St. viridans; Staphylococcus aureus, грамманфий бактериялар: Haemophilus influenzae, Moraxella catarrhalis, Bordetella pertussis, B.рarapertussis, Legionella pneumophila, H.ducrei, Campylobacter jejuni, Neisseria gonorrhoeae ва Gardnerella vaginalis; айрим анаэроб микроорганизмлар: Bacteroides bivius, Clostridimperfringens, Peptostreptococcus spp; хамда Chlamydia trachomatis, Mycoplasma pneumoniae, Ureaplasma urealyticum,Treponema pallidum, Borrelia burgdoferi сезгир. Эритромицинга чидамли граммусбат бактерияларга нисбатан фаол эмас.

Фармакокинетикаси

Препарат меъда-ичак йўлларидан тез сўрилади, бу уни кислотали муҳитга чидамлилиги ва липофиллиги билан боғлиқ. Ичга 500 мг қабул қилинганидан кейин, азитромициннинг қон плазмасидаги максимал концентрациясига 2,5-2,96 соатда эришилади ва у 0,4 мг/л ни ташкил қилади. Биокиришаолишлиги 37% ташкил қилади. Азитромицин нафас йўлларига, урогенитал йўлларининг аъзо ва тўқималарига (хусусан простата безига), тери ва юмшоқ тўқималарга яхши киради. Тўқималардаги юқори концентрацияси (қон плазмасидагига нисбатан 10-50 марта юқори) ва ярим чиқарилиш даврининг узоқлиги азитромициннинг қон плазмаси оқсиллари билан паст даражада боғланиши, ҳамда уни эукариотик ҳужайраларга кираолиш қобилияти ва рН паст бўлган, лизосомалар атрофидаги муҳитда кўпроқ тўпланиши билан боғлиқ. Бу ўз навбатида, катта эҳтимолий тақсимланиш ҳажмини (31,1 л/кг) ва юқори плазма клиренсини белгилайди. Азитромицинни кўпроқ лизосомаларда тўпланиш қобилияти, айниқса ҳужайра ички қўзғатувчиларини элиминацияси учун муҳим. Фагоцитлар азитромицинни инфекция жойига етказиб бериши, у ерда унинг фагоцитоз жараёнида ажралиб чиқиши исботланган. Азитромициннинг концентрацияси инфекция ўчоғида, соғлом тўқималарга нисбатан (ўртача 24-34% га) ишонарли юқори ва яллиғланиш шиши даражаси билан тўғри қилади. Фагоцитлардаги юқори концентрациясига қарамай, азитромицин уларнинг фаолиятига сезиларли таъсир кўрсатмайди. Азитромицин яллиғланиш ўчоқларида бактерицид концентрацияларда, охирги қабул қилинган дозадан кейин 5-7 кун давомида сақланади, бу қисқа (3-кунлик ва 5-кунлик) даволаш курсларини ишлаб чиқиш имконини беради. Асосан жигарда нофаол метаболитларни ҳосил қилиб метаболизмга учрайди. Азитромицин қон плазмасидан 2 босқичда чиқарилади: ярим чиқарилиш даври қабул қилингандан кейин 8 дан 24 соат оралиғида 14-20 соатни ва 24 дан 72 соат оралиғида - 41 соатни ташкил қилади, бу препаратни суткада 1 марта қўллаш имконини беради.

Препаратга сезгир бўлган қўзғатувчилар чақирган инфекцион-яллиғланиш касалликлари:

• нафас йўлларининг юқори бўлимлари ва ЛОР-аъзоларининг (ангина, синусит, тонзиллит, ўрта отит) инфекциялари;
• скарлатина;
• нафас йўлларининг пастки бўлимларининг (бактериал ва типик пневмониялар, бронхит) инфекциялари;
• тери ва юмшоқ тўқималарнинг (ҳуснбузар (Acne Vulgaris) тошмасини ўртача оғирлиги, сарамас, импетиго, иккиламчи инфекцияланган дерматозлар) инфекциялари;
• урогенитал йўлларининг инфекциялари (асоратланмаган уретрит ва/ёки цервицит);
• Лайма касаллиги (боррелиоз), бошланғич босқичини даволаш учун (erythеma migrans);
• Helicobacter Pylori билан ассоциацияланган меъда ва ўникки бармоқ ичак касалликларида қўлланади.

Препарат овқатланишдан 1 соат олдин ёки овқатлангандан 2 соатдан кейин, суткада 1 марта қабул қилинади.

Катталарга: нафас йўлларининг юқори ва пастки бўлимларининг инфекцияларида, тери ва юмшоқ тўқималарнинг инфекцияларида суткада 500 мг дан 3 кун давомида (курс дозаси - 1,5 г) буюрилади.

Асоратланмаган уретрит ва/ёки цервицитда бир марта 1 г дан (500 мг ли 2 таблетка) буюрилади.

Лайма касаллигида (боррелиозда) бошланғич босқични даволаш учун (erythema migrans) 1 г дан (500 мг ли 2 таблетка) биринчи куни ва 500 мг дан ҳар куни 2 дан 5 кунгача (курс дозаси 3 г) буюрилади.

Меъда ва ўникки бармоқли ичакнинг Helicobacter Pylori билан ассоциацияланган касалликларида суткада 1 г дан (500 мг ли 2 таблетка) 3 кун давомида мажмуавий даволаш таркибида буюрилади.

Болаларга: препарат 10 мг/кг тана вазнига ҳисобидан суткада 1 марта 3 кун давомида буюрилади. Курс дозаси - 30 мг/кг тана вазнига.

Болалардаги erythеma migrans ни даволашда биринчи куни 20 мг/кг тана вазнига ва 2 чидан 5 кунигача 10 мг/кг дозада буюрилади.

Препаратнинг 1 дозасини қабул қилиш ўтказиб юборилган ҳолда, ўтказиб юборилган дозани мумкин қадар эртароқ, кейинчалик - 24 соат танаффус билан қабул қилиш керак.

Кам учрайди (0,7% ва ундан кам ҳолларда):

Овқат-ҳазм қилиш тизими томонидан: мелена, холестатик сариқлик, кўнгил айниши, қусиш, диарея, қабзият, иштаҳани пасайиши, гастрит, жигар ферментларини фаоллигини ўртача қайтувчан ошиши.

Сийдик-чиқариш тизими томонидан: нефрит.

Жинсий тизими томонидан: қин кандидози.

Юрак-томир тизими томонидан: юрак уриши, кўкрак қафасида оғриқ.

МНТ ва периферик нерв тизими томонидан: бош айланиши, бош оғриғи, вертиго, уйқучанлик, юқори толиқиш, болаларда - бош оғриғи (ўрта отитни даволашда), гиперкинезия, хавотирлик, невроз, уйқуни бузилиши.

Аллергик реакциялар: жуда кам тери тошмалари, Квинке шиши, эшакеми, фотосенсибилизация, қичишиш, конъюнктивит, Стивенс-Джонсон синдроми.

Лаборатория кўрсаткичлари томонидан: айрим холларда - нейтрофилия, эозинофилия (ўзгарган кўрсаткичлар даволаш тўхтатилганидан кейин 2-3 ҳафта ўтгач меъёрга қайтади).

• жигар ва буйрак фаолиятининг оғир бузилишлари;
• макролид гуруҳи антибиотикларига юқори сезувчанлик;
• азитромицин ва препаратнинг бошқа компонентларига юқори сезувчанлик.

Ҳомиладорлик ва лактация даврида препаратни фақат она учун кутиладиган фойда ҳомила ёки чақалоқ учун бўлган потенциал хавфдан устун бўлганида қўлланади.

Антацид воситалар (алюминий, магний сақловчи), этанол ва овқат қабул қилиш азитромициннинг сўрилишини сезиларли даражада камайтиради, шунинг учун препаратни бу препаратлар ва овқат қабул қилишдан камида 1 соат олдин ёки 2 соатдан кейин қабул қилиш керак.

Азитромицин бошқа макролид антибиотикларидан фарқли равишда цитохром Р450 тизимини изоферментлари билан боғланмайди. Хозирги кунда теофиллин, терфенадин, карбамазепин, триазолам, дигоксин билан ўзаро таъсири аниқланмаган.

Макролидлар циклосерин, билвосита антикоагулянтлар, метилпреднизолон, фелодипин ва микросомал оксидланишга учрайдиган препаратлар (циклоспорин, гексорбитал, шохкуя алкалоидлари, вальпроат кислотаси, дизопирамид, бромкриптин, фенитоин, перорал гипогликемик воситалари) билан бир вақтда қўлланганида, кўрсатилган препаратларнинг чиқарилишини секинлаштиради, концентрацияси ва заҳарлилигини оширади, шу билан) бир вақтда азалидлар қўлланганида бундай ўзаро таъсирлар ҳозирги вақтда аниқланмаган.

Варфарин билан бирга қўллаш зарур бўлганида протромбин вақтини синчиклаб назорат қилиш тавсия этилади. Макролидларни эрготамин ва дигидроэрготамин билан бир вақтда қабул қилишда, уларнинг захарли таъсирларини (томирларнинг спазми, дизестезия) намоён бўлиши мумкин.

Линзозаминлар азитромицимннинг самарасини пасайтиради, тетрациклин ва хлорамфеникол эса - оширади.

Азитромицин гепарин билан фармацевтик тўғри келмайди.

Эҳтиёткорлик билан: ҳомиладорлик ва лактация даврида, жигар ва буйрак фаолиятининг бузилишларида, аритмияга ва QT интервалини узайишига мойиллиги бўлган беморларда.

Азитромицин ва антацид препаратларини қабул қилиш орасида камида 2 соатлик танаффусга риоя қилиш тавсия этилади.

Препаратнинг бир дозасини қабул қилиш ўтказиб юборилганида ўтказиб юборилган дозани иложи борича тезроқ, кейингиларини эса 24 - соатлик танаффус билан қабул қилиш керак.

Препаратни болалар олаолмайдиган жойда сақлаш ва уни яроқлилик муддати ўтгач ишлатмаслик лозим.

Симптомлари: кўнгил айниши, қусиш, ич кетиши.

Даволаш: меъдани ювиш, симптоматик даволаш.

“Зитмак^® 250”, қобиқ билан қопланган таблеткалар, №3, №6 ва №12.

“Зитмак^® 500”, қобиқ билан қопланган таблеткалар, №3.

Қуруқ, ёруғликдан ҳимояланган жойда, 25 °С дан юқори бўлмаган ҳароратда сақлансин.

2 йил.

Рецепт бўйича.

"NOBEL PHARMSANOAT" ЧЭК

Истеъмолчилар дори воситаси сифати бўйича фикр-мулоҳазалари, шикоятлари ва ножўя таъсирлари ёки дори воситасининг самарадорлиги мавжуд эмаслиги ҳақидаги хабарларни қуйидаги манзил бўйича юборишлари мумкин

Ўзбекистон Республикаси, Тошкент ш, Мирзо Улуғбек тумани, Қорасувбўйи кўчаси, 5"А"

Тел: (99871) 265 90 99; Факс: (99871) 265 91 99.