Deavit

Tarkib

1 ml eritma (40 tomchi) tarkibiga quyidagilar kiradi:

Faol modda - kolekalsiferol 0,5 mg, vitamin D3 ekvivalenti 20 000 XB.

1 tomchi tarkibida D3 vitaminiga ekvivalent bo‘lgan 12,5 mikrogramm kolekalsiferol mavjud.

Yordamchi moddalar - o‘rta zanjirli triglitseridlar.

Tavsif

Tiniq, moysimon suyuqlik, rangsizdan och sariq ranggacha, hidsiz.

Dori shakli

Ichish uchun tomchilar 0,5 mg/ml, 10 ml.

Farmakoterapevtik guruh

Ovqat hazm qilish trakti va moddalar almashinuvi. Vitaminlar. A va D vitaminlari va ularning kombinatsiyasi. D vitamini va uning hosilalari. Kolekalsiferol. ATX kodi: A11CC05.

Farmakologik xususiyatlari

Farmakokinetika

So‘rish

Oziq-ovqat dozalarida D3 vitamini deyarli to‘liq so‘riladi. D3 vitamini yog‘lar bilan birgalikda so‘riladi va shu tariqa uni kunduzi asosiy ovqatlanish vaqtida qabul qilish rezorbsiyani osonlashtiradi. Og‘iz orqali qabul qilingandan so‘ng yog‘larning normal so‘rilishida D vitamini oshqozon-ichak tizimidan deyarli to‘liq (80%) so‘riladi.

Taqsimlash

D3 vitamini yog‘ to‘qimalarida to‘planadi va uning biologik yarim chiqarilish davri taxminan 50 kunni tashkil etadi. Vitamin D3 bir marta qo‘llangandan so‘ng, faol metabolit 25-gidroksikolekalsiferol (kalsifediol) ning plazmadagi maksimal konsentratsiyasiga taxminan bir haftadan so‘ng erishiladi. Aylanib yuruvchi kalsiferol konsentratsiyasi D vitamini holatining ko‘rsatkichi hisoblanadi.

Biotransformatsiya

25-Gidroksikolekalsiferol faol metabolit 1,25-digidroksikolekalsiferol (kalsitriol) gacha metabolizmga uchraydi.

Chiqarish

25-Gidroksikolekalsiferol sekin chiqariladi, taxminan zardobdagi yarim chiqarilish davri taxminan 50 kun, bu dastlabki birikmaning sekin chiqarilishi bilan bog‘liq. Kalsitriol chiqarilishidan oldin qo‘shimcha gidrolizlanadi. D vitamini va uning gidroksillangan va sulfatli hosilalari asosan o‘t orqali va 2% gacha siydik orqali chiqariladi.

Farmakokinetika va farmakodinamika o‘rtasidagi bog‘liqlik

D3 vitaminining yuqori dozalari qo‘llanilgandan so‘ng, qondagi 25-gidroksikolekalsiferol konsentratsiyasi bir-ikki oyga oshishi mumkin. Giperkalsiyemiya dozani oshirib yuborish natijasida bir necha hafta davom etishi mumkin.

Bolalar populyatsiyasida farmakokinetik xususiyatlar

Bolalarda kolekalsiferolning farmakokinetik xususiyatlari haqida ma’lumotlar yo‘q.

Farmakodinamika

Kolekalsiferol (D3 vitamini) terida UB yorug‘lik ta’sirida hosil bo‘ladi va ikkita gidroksillovchi reaksiya natijasida biologik faol 1,25-digidroksikolekalsiferol shakliga aylanadi: birinchisi - jigarda va undan keyin ikkinchisi - buyrak to‘qimasida.

Vitamin D3 ning biologik faol shakli kalsiyning ichakda so‘rilishini, uning osteoidlarda to‘planishini va suyak to‘qimasidan kalsiyning ajralib chiqishini rag‘batlantiradi. Ingichka ichakda kalsiyning tez va sekin so‘rilishiga yordam beradi. Fosfatlarning passiv va aktiv transportini ham rag‘batlantiradi. Buyraklarda kalsiy va fosfatlar ekskretsiyasini susaytiradi, buyrak kanalchalarida rezorbsiyani qo‘llab-quvvatlaydi.

Vitamin D3 ning biologik faol shakli paratireoid gormon (PTG) ishlab chiqarilishini to‘g‘ridan-to‘g‘ri va bilvosita ingichka ichakda kalsiy so‘rilishini ko‘paytirish orqali to‘xtatadi.

Teridagi fiziologik mahsulotlarga qo‘shimcha ravishda, kolekalsiferolni oziq-ovqat yoki dori vositalari bilan ham yetkazib berish mumkin. Oxirgi holatda intoksikatsiya xavfi mavjud, chunki dori vositalari terida D3 vitamini sintezini izdan chiqarishi mumkin.

Qo‘llanilishi

bolalar va kattalarda raxit va osteomalyatsiyaning oldini olish;

muddatidan oldin tug‘ilgan emizikli bolalarda raxit kasalligining oldini olish;

bolalar va kattalarda D vitamini yetishmovchiligini (shu jumladan raxit va osteomalyatsiyani) davolash;

yuqori xavf guruhidagi bemorlarda (shu jumladan semizlik, malabsorbsiya sindromi bo‘lgan bemorlarda, D vitamini metabolizmiga ta’sir ko‘rsatadigan dori vositalari bilan davolanganda) D vitamini tanqisligining oldini olish;

D vitamini tanqisligi yoki D vitamini tanqisligi xavfi bo‘lgan bemorlarda osteoporozning o‘ziga xos terapiyasiga qo‘shimcha sifatida.

Qo‘llash usuli va dozalari

Dozalar

Doza individual ravishda davolovchi shifokor tomonidan bemorning tana vazni, holati xarakteri va og‘irligiga qarab belgilanadi. Hozirgi vaqtda D vitaminining holati qon zardobidagi 25-gidroksi- lekalsiferol [25 (OH) D; kalsifediol] miqdorini o‘lchash orqali eng yaxshi aniqlanadi. Qonda aylanib yuruvchi 25-gidroksikolekalsiferol [25 (OH) D] darajasi mos usul bilan aniqlangan bo‘lib, D vitamini tanqisligi xavfi bo‘lgan bemorlarda D vitamini holatini baholash uchun tavsiya etilgan biomarker hisoblanadi.

Bolalar va kattalarda raxit va osteomalyatsiyaning oldini olish:

Chaqaloqlar: kuniga 1 tomchidan (500 XB D3 vitamini).

Emizikli bolalar, yosh bolalar (28 kundan 23 oygacha), bolalar va kattalar: kuniga 1 tomchidan (500 XB D3 vitamini).

Muddatidan oldin tug‘ilgan emizikli bolalarda raxitning oldini olish:

Muddatidan oldin tug‘ilgan emizikli bolalar: kuniga 1 tomchidan (500 XB D3 vitamini).

Bolalar va kattalarda 25 (OH) D konsentratsiyasi 20 ng/ml (50 nmol/l) dan past bo‘lgan D vitamini yetishmovchiligini (shu jumladan raxit va osteomalyatsiyani) davolash:

Bolalar populyatsiyasi

1 oygacha bo‘lgan emizikli bolalar: kuniga 2 tomchidan (1000 XB vitamin D3).

Emizikli bolalar va 1 oydan 12 oygacha bo‘lgan kichik yoshdagi bolalar: kuniga 2-6 tomchi (1000-3000 XB D3 vitamini).

1 yoshdan 18 yoshgacha bo‘lgan bolalar va o‘smirlar: kuniga 6-10 tomchi (3000-5000 XB D3 vitamini).

Kattalar va 65 yoshdan oshgan bemorlar: kuniga 14-20 tomchi (7000-10000 XB D3 vitamini).

0 yoshdan 18 yoshgacha bo‘lgan bolalar va o‘smirlarda davolash davomiyligi qondagi 25 (OH) D konsentratsiyasi 30 ng/ml (75 nmol/l) dan oshgunga qadar 6 haftani tashkil etadi. Qo‘llab-quvvatlovchi davolash kuniga 500-1000 XB dozada davom ettiriladi.

Kattalar uchun davolashning davomiyligi - qondagi 25 (OH) D konsentratsiyasi 30 ng/ml (75 nmol/l) dan oshguncha 6 hafta. Qo‘llab-quvvatlovchi davolash kuniga 1500-2000 XB dozada davom ettiriladi.

Yuqori xavf guruhidagi bemorlarda (shu jumladan semizlik, malabsorbsiya sindromi bo‘lgan bemorlarda, D vitamini metabolizmiga ta’sir ko‘rsatadigan dori vositalari bilan davolanganda) D vitamini yetishmovchiligining oldini olish:

Bolalar va kattalar

Semizlik, malabsorbsiya sindromi bo‘lgan bemorlarda va D vitamini metabolizmiga ta’sir ko‘rsatuvchi dorilar (talvasaga qarshi dorilar, glyukokortikoidlar, zamburug‘larga qarshi dorilar, OITSni davolash uchun dorilar) bilan davolangan bemorlarda D vitamini tanqisligining oldini olish uchun yuqori dozalar (2-3 marta yuqori) zarur.

D vitamini yetishmovchiligi yoki D vitamini tanqisligi xavfi bo‘lgan bemorlarda osteoporozni maxsus davolashga qo‘shimcha ravishda:

Kattalar

Kuniga 1-2 tomchidan (500-1000 XB D3 vitamini).

Jigar faoliyati buzilgan bemorlar

Jigar faoliyati buzilgan bemorlarda dozani tuzatish talab etilmaydi.

Buyrak faoliyati buzilgan bemorlar

Buyrak faoliyati buzilgan bemorlarda qondagi kalsiy miqdoriga muvofiq dozani korreksiyalash zarur.

D3 vitamini buyrak faoliyatining og‘ir buzilishlari bo‘lgan bemorlarga qarshi ko‘rsatma hisoblanadi.

Qo‘llash usuli

D3 vitaminini kunduzgi asosiy ovqatlanish vaqtida qabul qilish tavsiya etiladi. Tomchi qabul qilish uchun qoshiqdan foydalangan ma’qul. Butun dozani qabul qilishda ehtiyot bo‘lish kerak.

Emizikli va kichik yoshdagi bolalarda - agar tomchilar sut yoki ovqat solingan shishaga qo‘shilsa, ovqatning to‘liq iste’mol qilinganiga ishonch hosil qilish kerak.

Nojo‘ya ta’sirlari

Nojo‘ya ta’sirlar tizimli-a’zo sinfiga va chastotasiga ko‘ra keltirilgan. Chastota toifalari quyidagi konvensiyadan foydalangan holda aniqlangan: juda tez-tez (>1/10), tez-tez (≥1/100 dan <1/10 gacha), tez-tez bo‘lmagan (≥1/1 000 dan <1/100 gacha), kam uchraydigan (≥1/10 000 dan <1/1 000 gacha), juda kam uchraydigan (<1/10 000), noma’lum chastotali (mavjud ma’lumotlar asosida baho berish imkonsiz).

Nojo‘ya ta’sirlar noma’lum chastotaga ega, chunki ma’lumotlari chastota toifalarini aniqlashga imkon beradigan yirik klinik tadqiqotlar o‘tkazilmagan. Quyidagi nojo‘ya ta’sirlar haqida xabar berilgan:

Metabolizm va ovqatlanishdagi buzilishlar:

giperkalsiyemiya, giperkalsiuriya.

Oshqozon-ichak tizimidagi buzilishlar:

qabziyat, meteorizm, ko‘ngil aynishi, qorin og‘rig‘i, ich ketishi.

Teri va teri osti to‘qimalaridagi buzilishlar:

qichishish, teri toshmasi, eshakem kabi yuqori sezuvchanlik reaksiyalari.

Qarshi ko‘rsatmalar

faol moddaga yoki yordamchi moddalarning istalganiga yuqori sezuvchanlik;

og‘ir buyrak buzilishlari;

gipervitaminoz D vitamini;

giperkalsiemiya va/yoki giperkalsiuriya.

Dozani oshirib yuborish

Belgilari: D vitaminining o‘tkir yoki surunkali dozasini oshirib yuborish giperkalsiyemiyaga olib kelishi mumkin - qondagi kalsiy darajasining simptomsiz oshishidan tortib hayot uchun xavfli sindromgacha. Giperkalsiyemiya belgilari xarakterli emas va quyidagilar bo‘lishi mumkin: adinamiya, mushaklar kuchsizligi, charchoq, psixiatrik alomatlar (masalan, eyforiya, bosh aylanishi, ong buzilishi), ko‘ngil aynishi, qusish, qabziyat, anoreksiya, vazn yo‘qotish, bosh og‘rig‘i, chanqoq, poliuriya, suvsizlanish, giperkalsiuriya, buyraklarda toshlar hosil bo‘lishi, nefrokalsinoz, ekstraossal kalsifikatsiya va buyrak yetishmovchiligi, EKGdagi o‘zgarishlar, aritmiyalar, pankreatit.

Davolash: Doza oshirib yuborilgan hollarda, D vitamini bilan davolashni to‘xtatish va adekvat regidratatsiyani ta’minlash lozim. Giperkalsiyemiya darajasiga qarab, tegishli tartibda quyidagi choralar ko‘rilishi lozim:

kalsiyga kambag‘al yoki kalsiyni istisno qiluvchi parhez;

glyukokortikosteroidlar;

adekvat regidratatsiya;

qovuzloqli diuretiklar yordamida tezlashtirilgan diurez;

kalsitonin;

bisfosfonatlar.

Maxsus antidot yo‘q.

Maxsus ko‘rsatmalar

D3 vitamini tarkibida D vitamini bo‘lgan boshqa preparatlar bilan bir vaqtda qo‘llanilganda, D vitaminining umumiy dozasini hisobga olish lozim. D vitamini yog‘da eriydi va organizmda to‘planishi mumkin. Doza oshirib yuborilganda va yuqori dozalar bilan uzoq vaqt davolanganda toksik ta’sir ko‘rsatishi mumkin, shuning uchun D vitaminining tavsiya etilgan dozasini oshirmaslik kerak.

D vitaminining 1 000 IU dan ortiq sutkalik dozasi bilan uzoq vaqt davolanganda, qondagi kalsiy miqdorini nazorat qilish zarur.

Og‘ir buyrak yetishmovchiligi bo‘lgan bemorlarda D vitamini kolekalsiferol ko‘rinishida me’yorda metabolizmga uchramaydi. Davolash zarur bo‘lgan taqdirda, bunday bemorlarga D vitaminining boshqa shakli tavsiya etiladi.

Quyidagi bemorlarda D vitamini bilan davolashda alohida ehtiyotkorlik talab etiladi:

buyrak funksiyasining buzilishi (yumshoq to‘qimalarning kalsifikatsiyasi xavfini hisobga olish zarur);

anamnezida nefrolitiaz bo‘lsa;

sarkoidoz (D vitaminining faol shakligacha metabolizmi oshishi xavfi);

benzotiadiazin hosilalarini bir vaqtning o‘zida qo‘llash;

immobilizatsiya qilingan bemorlarda.

Bu bemorlarda giperkalsiyemiya xavfi yuqori bo‘lganligi sababli, qon va siydikdagi kalsiy miqdorini muntazam nazorat qilib borish zarur.

Ayniqsa, homiladorlarni davolashda ehtiyot bo‘lish kerak.

Psevdogipoparatireoidizmda kasallik davomida D vitaminiga nisbatan normal sezuvchanlik fazalari bo‘lishi mumkin, bu davrda unga bo‘lgan ehtiyoj pasaygan bo‘ladi. Bunday bemorlarda dozani oshirib yuborish ehtimoli bor va ular intoksikatsiya belgilarining paydo bo‘lishiga alohida e’tibor berishlari kerak.

Homiladorlik va laktatsiya davri

Homilador ayollar uchun tavsiya etilgan kunlik qabul miqdori 400 XB ni tashkil etadi, biroq D vitamini yetishmovchiligi bo‘lgan homilador ayollar uchun yuqoriroq dozalar zarur bo‘lishi mumkin. Homiladorlik davrida davolovchi shifokor tavsiyalariga qat’iy rioya qilish lozim, chunki D vitaminiga bo‘lgan ehtiyoj o‘zgarib turishi mumkin va bu kasallikning jiddiyligiga hamda davolanishga bo‘lgan individual javobga bog‘liq.

D3 vitaminini homiladorlik davrida ehtiyotkorlik bilan qo‘llash lozim, chunki dozani oshirib yuborish teratogen xavfga olib kelishi mumkin.

Shunga qaramay, D3 vitamini tavsiya etilgan dozalarda qo‘llanilganda homilador ayollarda fetal/neonatal toksiklik kuzatilmasligi haqida ko‘plab ma’lumotlar mavjud.

Homiladorlik davrida dozani oshirib yuborish

Homiladorlik davrida D vitaminining katta dozalarini qo‘llash chaqaloqlarda aorta stenozi sindromi va idiopatik kalsiemiya paydo bo‘lishi bilan bog‘liq. Bundan tashqari, emizikli o‘g‘il bolalarda yuz anomaliyalari, jismoniy va aqliy rivojlanishning kechikishi, g‘ilaylik, tish emalining nuqsonlari, kraniosinostoz, klapan usti aorta stenozi, o‘pka stenozi, inguinal churra, kriptorxizm, shuningdek, emizikli qiz bolalarda ikkilamchi jinsiy belgilarning rivojlanishi haqida xabar beriladi.

Emizish

D vitamini va uning metabolitlari ona suti bilan ajralib chiqadi. Bola qo‘shimcha ravishda D vitamini olayotganda buni hisobga olish kerak.

Faqatgina ko‘krak suti bilan dozani oshirib yuborish kuzatilmadi.

Dori vositasining transport vositasi yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Transport vositalarini boshqarish va mashinalar bilan ishlash qobiliyatiga ta’siri bo‘yicha tadqiqotlar o‘tkazilmagan. Deavit Neo transport vositalarini boshqarish va mashinalar bilan ishlash qobiliyatiga ta’sir ko‘rsatadigan ma’lum nojo‘ya ta’sirlarni ko‘rsatmaydi.

Boshqa dorilar bilan o‘zaro ta’siri, boshqa o‘zaro ta’sirlar

Fenitoin va barbituratlar jigar fermentlari induksiyasi tufayli D3 vitaminining ta’sirini susaytirishi mumkin.

Rifampitsin va antiretrovirus dori vositalari D vitaminining jigar katabolizmini tezlashtirishi mumkin, bu esa qondagi kolekalsiferol konsentratsiyasining pasayishiga va osteomalyatsiyaga olib kelishi mumkin.

Izoniazid D vitaminining metabolik faollashuvini susaytirish natijasida D3 vitaminining samaradorligini pasaytirishi mumkin.

Yurak glikozidlari bilan davolangan bemorlar qondagi yuqori kalsiy miqdoriga sezgir bo‘lishi mumkin. Bunday bemorlarda elektrokardiogramma, qon zardobidagi kalsiy darajasi va ehtimol yurak glikozidlari darajasini nazorat qilish lozim.

Benzotiadiazin hosilalari (tiazidli diuretiklar) bilan bir vaqtda qo‘llash giperkalsiyemiya xavfini oshirishi mumkin, chunki ular kalsiyning siydik bilan chiqarilishini kamaytiradi.

D3 vitamini alyuminiyning ichakda so‘rilishini oshirishi mumkin.

D3 vitamini metabolitlari yoki D vitamini analoglari bilan kombinatsiyalanganda, qondagi kalsiy darajasini ehtiyotkorlik bilan nazorat qilish tavsiya etiladi.

Orlistat va xolestiramin kabi yog‘lar rezorbsiyasiga ta’sir ko‘rsatuvchi dori vositalari D vitaminining so‘rilishini buzishi mumkin.

Glyukokortikoidlar bilan bir vaqtda qo‘llash D3 vitaminining ta’sirini susaytirishi mumkin, anabolik steroidlar va danazol esa D vitaminining giperkalsemik ta’sirini oshirishi mumkin.

Chiqarilish shakli va qadoqlash

Preparat 10 ml dan jigarrang shishadan yasalgan (III tip) past zichlikdagi polietilendan tayyorlangan tiqin-tomizgichli, yuqori zichlikdagi polietilendan tayyorlangan himoya halqali qopqoq bilan berkitilgan flakonlarga joylashtiriladi.

1 flakon davlat va rus tillarida tibbiy qo‘llash bo‘yicha yo‘riqnoma bilan birga bir tomoni pigment bilan qoplangan karton qutiga joylashtiriladi.

Saqlash shartlari

Asl qadoqda, yorug‘likdan himoyalangan joyda, 25 °S dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang!

Yaroqlilik muddati

2 yil.

Qadoq ochilgandan keyin qo‘llash muddati: 6 oy.

Yaroqlilik muddati o‘tgandan keyin qabul qilinmasin.

Dorixonalardan berish shartlari

Retsept bo‘yicha.

Ishlab chiqaruvchi

"Sofarma" AJ

str. Trayko Stanoyev 3, 1797 Sofiya, Bolgariya.

Ro‘yxatdan o‘tkazish guvohnomasi egasi

"Sofarma" AJ

Iliyen shossesi ko‘chasi, 16-uy

Sofiya, Bolgariya.