Kidflame

Tarkib

Har bir tabletka tarkibiga quyidagilar kiradi:

faol moddalar: oddiy zirk (Berbris vulgaris) - 75,0 mg, kantaris (Cantharis) - 75,0 mg, tukli Dioskoreya (Dioscorea villosa) - 25,0 mg, petrushka (Petroselinum crispum) - 25,0 mg, makkajo‘xori popuklari (Stigmata maydis) - 40,0 mg, g‘arbiy tuya (Thaja occidentalis) - 20,0 mg, oddiy toloknyanka (Uva Ursi) - 20,0 mg, versikariya kommunis (Vesicaria communalis) - 20,0 mg;

yordamchi moddalar: sut-shakar asosi (laktoza) yetarli miqdorda.

Tavsif

Krem-oq rangli, dumaloq, yassi, qobiqsiz, o‘rtasida ajratish chizig‘i va bir tomonida BP belgisi bo‘lgan tabletkalar.

Dori shakli

Tabletkalar.

Farmakoterapevtik guruh

Asosan nefrologiya va urologiyada qo‘llaniladigan vosita. ATX kodi: GO4BX.

Farmakologik xususiyatlari

Oddiy zirk: buyrak va qovuq sohasidagi og‘riqlarda, buyrak va qovuqdagi toshlarda ko‘rsatiladi.

Kantaris: buyrak va qovuqning og‘riqli yallig‘lanishi, siydikning qon bilan ajralishi, buyrak sohasida achishish, siyganda og‘riq bilan ko‘rsatildi.

Tukli Dioskoreya: buyrak va siydik pufagi sohasida toshlar tufayli paydo bo‘lgan og‘riqlarda ko‘rsatiladi.

Petrushka: so‘zakda, oq ajralmalarda, siydik chiqarish kanalida kuchli qichishishda, to‘satdan siydik chiqarish istagi paydo bo‘lganda ko‘rsatiladi.

Makkajo‘xori og‘izchalari: buyrak va o‘t toshlarida, buyrakning og‘riqli yallig‘lanishida, siydikda qon va qizil qum bo‘lganda ko‘rsatiladi.

G‘arbiy tuya: so‘zak va siydik yo‘llari infeksiyalarida bakteriyalarga qarshi xususiyatlari tufayli samarali hisoblanadi.

Oddiy toloknyanka: tez-tez siyish, qonli siydik ajralishi, buyrak va qovuq sohasida kuchli og‘riq, siydik yo‘llari infeksiyasida ko‘rsatiladi.

Versikariya kommunis: so‘zakda, buyrak va qovuq sohasida tosh borligi sababli yallig‘lanish og‘riqlarida hamda qonli siydik ajralganda ko‘rsatiladi.

Qo‘llanilishi

Buyrak, qovuq yallig‘lanish kasalliklarini (sistit), buyrak-tosh va o‘t-tosh kasalliklarini kompleks davolashda qo‘llaniladi.

Qo‘llash usuli va dozalari

Kattalar va 12 yoshdan oshgan bolalarga: 1 tabletkadan kuniga 3 mahal.

6 yoshdan 12 yoshgacha bo‘lgan bolalarga: 1/2 tabletkadan kuniga 3 mahal.

Suv bilan ichiladi. Simptomlarning yengillashishi 5-10 kun ichida sodir bo‘ladi, ammo simptomlarni to‘liq bartaraf etish uchun davolash kursini 3 oy davomida davom ettirish tavsiya etiladi.

Nojo‘ya ta’sirlari

Hozirgacha bunday holatlar haqida xabar berilmagan.

Qarshi ko‘rsatmalar

Hozirgacha bunday holatlar haqida xabar berilmagan.

Dorilarning o‘zaro ta’siri

Hozirgacha bunday holatlar haqida xabar berilmagan.

Maxsus ko‘rsatmalar

Preparatni qabul qilishda bunday holatlar kuzatilmaydi.

Homiladorlik va laktatsiya davrida qo‘llash

Homiladorlik va laktatsiya davrida ushbu preparatning samaradorligi va xavfsizligini tasdiqlovchi ma’lumotlar yetarli emas. Shifokor bilan maslahatlashish tavsiya etiladi.

Avtotransport va mexanizmlarni boshqarish qobiliyatiga ta’siri

Aniqlanmagan.

Preparatni bolalar qo‘li yetmaydigan joyda saqlash va qadoqda ko‘rsatilgan yaroqlilik muddati tugagandan so‘ng ishlatmaslik lozim.

Dozani oshirib yuborish

Hozirgacha bunday holatlar haqida xabar berilmagan.

Chiqarish shakli

15 ta tabletkadan iborat 2 ta blister qo‘llanilishi bo‘yicha yo‘riqnoma bilan birga karton qadoqqa joylangan.

Saqlash shartlari

Salqin, quruq va yorug‘likdan himoyalangan joyda, 25 ̊C dan yuqori bo‘lmagan haroratda saqlang.

Yaroqlilik muddati

5 yil.

Dorixonalardan berish shartlari

Retseptsiz.

Ishlab chiqaruvchi

Bxargava Fitolab Pvt. Ltd.

E-1216, Feyz-1, Ekstenshin, Gxatal,

Bhuvadi Industrial Eria, Bhuvadi (Raj.) Hindiston

E-mail: export@ Samargavaphytolab.com

Veb-sayt: www.ghargavaphytolab.com