Oflodeks

Tarkib

Har bir flakon (100 ml) tarkibida quyidagilar mavjud:

faol modda: ofloksatsin 200 mg;

yordamchi moddalar: natriy xlorid, konsentrlangan xlorid kislota, dinatriy edetat digidrat, inyeksiya uchun suv.

Tavsif

Och sarg‘ish-yashil tusli tiniq eritma.

Dori shakli

Infuziya uchun eritma 2 mg/ml 100 ml (flakonlar).

Farmakoterapevtik guruh

Antibakterial preparatlar - xinolon hosilalari.

Farmakologik ta’siri

Ftorxinolonlar guruhiga mansub keng ta’sir doirasiga ega bo‘lgan mikroblarga qarshi vosita bakteriya DNK-gidrazasi fermentiga ta’sir qiladi, bu ferment bakteriya DNKsining o‘ta spirallashishini va shu tariqa bakteriya DNKsining barqarorligini ta’minlaydi (DNK zanjirlarining beqarorlashuvi ularning nobud bo‘lishiga olib keladi). Bakteritsid ta’sir ko‘rsatadi.

Beta-laktamaza ishlab chiqaruvchi mikroorganizmlarga va tez o‘suvchi atipik mikobakteriyalarga nisbatan faol.

Sezgir: Staphylococcus aureus, Staphylococcus epidermidis, Neisseria gonorrhoeae, Neisseria meningitidis, Escherichia coli, Citrobacter, Klebsiella spp. (jumladan Klebsiella pneumonia), Enterobacter spp., Hafhia, Proteus spp. (shu jumladan Proteus mirabilis, Proteus vulgaris - indol-musbat va indol-manfiy), Salmonella spp., Shigella spp. (shu jumladan Shigella sonnei), Yersinia enterocolitica, Campcobacter jejuni, Aeromonas hydrophila, Plesiomonas aeruginosa, Vibrio cholerae, Vibrio parahaemolyticus, Haemophilus influenzae, Chlamydia spp., Legionella spp., Serratia spp., Providencia spp., Haemophilus ducreyi, Bordetella parapertussis, Bordetella pertussis, Moraxella catarrhalis, Propionibacterium acnes, Staphylococcus spp., Brucella spp.

Preparatga nisbatan turlicha sezuvchanlikka ega: Enterococcus faecalis, Streptococcus pyogenes, pneumoniae va viridans, Serratio marcescens, Pseudomonas aeruginosa, Acinetobacter, Mycoplasma hominis va pneumoniae, Mycobacterium tuberculosis hamda Mycobacterium fortuim, Ureaplasma urealyticum, Clostridium perfringens, Corynebacterium spp., Helicobacter pylori, Listeria monocytogenes, Gardnerella vaginalis.

Ko‘p hollarda sezuvchan emas: Nocardia asteroides, anaerob bakteriyalar (masalan, Bacteroides spp., Peptococcus spp., Peptostreptococcus spp., Eubacterium spp., Fusobacterium spp., Clostridium difficile). Treponema pallidum ga ta’sir qilmaydi.

Farmakokinetika

200 mg ofloksatsinning vena ichiga bir martalik 60 daqiqalik infuziyasidan so‘ng, plazmadagi o‘rtacha maksimal konsentratsiyasi 2,7 mkg/ml ni tashkil etadi; yuborilgandan 12 soat o‘tgach, konsentratsiya 0,3 mkg/ml ga teng bo‘ladi.

Muvozanatli konsentratsiyaga to‘rtta doza yuborilgandan so‘ng erishiladi.

O‘rtacha eng yuqori va minimal muvozanat konsentratsiyalariga 7 kun davomida har 12 soatda 200 mg ofloksatsin vena ichiga yuborilganidan so‘ng erishiladi va mos ravishda 2,9 va 0,5 mkg/ml ni tashkil etadi.

Ofloksatsin organizmning ko‘plab suyuqliklari va to‘qimalariga, shu jumladan so‘lak, bronxial sekret, o‘t, ko‘z yoshi va orqa miya suyuqligi, yiring, o‘pka, prostata bezi, teriga keng tarqaladi. Ofloksatsin jigarda qisman (5%) metabolizmga uchraydi.

Plazma oqsillari bilan bog‘lanishi 20-25% ni tashkil etadi. Ofloksatsinning yarim chiqarilish davri 6-7 soatga teng. Ichga qabul qilingan preparatning 80% gacha qismi buyraklar orqali o‘zgarmagan holda chiqariladi, faol moddaning oz qismi axlat bilan ham chiqariladi.

Buyrak faoliyati buzilgan bemorlarda (kreatinin klirensi 50 ml va undan kam) ofloksatsinning yarim chiqarilish davri uzayadi.

Ko‘rsatmalar

qorin bo‘shlig‘i va o‘t yo‘llarining yuqumli-yallig‘lanish kasalliklari (bakterial enterit bundan mustasno);

buyrak (piyelonefrit);

siydik yo‘llari (sistit, uretrit);

kichik chanoq a’zolari (endometrit, salpingit, ooforit, servitsit, parametrit, prostatit);

jinsiy a’zolar (kolpit, orxit, epididimit);

so‘zak;

xlamidioz;

septitsemiya (faqat vena ichiga yuborish uchun);

meningit;

immun holati buzilgan bemorlarda (shu jumladan neytropeniyada) infeksiyalarning oldini olish.

Qo‘llash usuli va dozalari

Vena ichiga tomchilab. Dozalar infeksiyaning joylashuvi va kechish og‘irligiga, shuningdek, mikroorganizmlarning sezuvchanligiga, bemorning umumiy holatiga hamda jigar va buyrak funksiyasiga qarab individual tanlanadi.

Tomir ichiga tomchilab yuborish 200 mg bir martalik dozadan boshlanadi va 30-60 daqiqa davomida asta-sekin yuboriladi. Bemorning ahvoli yaxshilansa, o‘sha sutkalik dozada preparatni ichishga o‘tkaziladi. Siydik yo‘llari infeksiyalari - kuniga 1-2 marta 100 mg, buyrak va jinsiy a’zolar infeksiyalari - kuniga 2 marta 100 mg dan kuniga 2 marta 200 mg gacha;

Nafas yo‘llari, shuningdek LOR-a’zolari infeksiyalari, teri va yumshoq to‘qimalar infeksiyalari, suyaklar va bo‘g‘imlar infeksiyalari, qorin bo‘shlig‘i infeksiyalari, bakterial enterit, septik infeksiyalar - 200 mg dan kuniga 2 marta. Zarurat tug‘ilganda doza kuniga 2 marta 400 mg gacha oshiriladi. Immuniteti yaqqol pasaygan bemorlarda infeksiyalarning oldini olish uchun - kuniga 400-600 mg. Zarurat bo‘lganda v/i tomchilab - 200 mg 5% li glyukoza eritmasida.

Infuziya davomiyligi - 30 daqiqa. Faqat yangi tayyorlangan eritmalardan foydalanish lozim. Buyrak faoliyati buzilgan bemorlarda (kreatinin (KK) klirensi 50-20 ml/daqiqa bo‘lganda) bir martalik doza o‘rtacha dozaning 50% ini tashkil etishi va kuniga 2 marta buyurilishi kerak yoki to‘liq bir martalik doza kuniga 1 marta yuboriladi. KK 20 ml/min dan kam bo‘lganda bir martalik doza - 200 mg, keyin kunora kuniga 100 mg dan. Gemodializ va peritoneal dializda - har 24 soatda 100 mg dan. Jigar yetishmovchiligida maksimal sutkalik doza - 400 mg/sut.

Nojo‘ya ta’sirlari

Ovqat hazm qilish tizimi tomonidan:

ko‘ngil aynishi;

qusish;

ich ketishi;

meteorizm;

qorin og‘rig‘i;

"jigar" transaminazalari faolligini oshirish;

giperbilirubinemiya, xolestatik sariqlik;

psevdomembranoz enterokolit.

Asab tizimi tomonidan:

bosh og‘rig‘i;

bosh aylanishi;

harakatlarning ishonchsizligi;

tremor;

talvasalar;

oyoq-qo‘llarning uvishishi va paresteziyalari;

kuchli tush ko‘rish;

"dahshatli" tushlar, psixotik reaksiyalar, xavotirlanish, psixomotor qo‘zg‘alish, fobiyalar, depressiya, ongning chalkashishi, gallyutsinatsiyalar, kalla ichi bosimining oshishi.

Tayanch-harakat tizimi tomonidan: tendinit, mialgiya, artralgiya, tendosinovit, pay yorilishi.

Sezgi a’zolari tomonidan: rang sezishning buzilishi, diplopiya, ta’m bilish, hid bilish, eshitish va muvozanatning buzilishi.

Yurak-qon tomir tizimi tomonidan: taxikardiya, arterial bosimning pasayishi (v/i yuborilganda; arterial bosim keskin pasayganda yuborish to‘xtatiladi), vaskulit, kollaps.

Allergik reaksiyalar: teri toshmasi, teri qichishishi, eshakemi, allergik pnevmonit, allergik nefrit, eozinofiliya, isitma, Kvinke shishi, bronxospazm, Stivens-Jonson va Layell sindromi, fotosensibilizatsiya, multifom ekssudativ eritema, anafilaktik shok.

Teri qoplamlari tomonidan: nuqtasimon qon quyilishlar (petexiyalar), bullyoz gemorragik dermatit, tomirlar zararlanganligidan dalolat beruvchi po‘stloqli papulyoz toshmalar (vaskulit).

Qon yaratish a’zolari tomonidan: leykopeniya, agranulotsitoz, anemiya, trombotsitopeniya, pansitopeniya, gemolitik va aplastik anemiya.

Siydik ajratish tizimi tomonidan: o‘tkir interstitsial nefrit, buyrak faoliyatining buzilishi, giperkreatininemiya, mochevina miqdorining oshishi.

Boshqalar: disbakterioz, superinfeksiya, gipoglikemiya (qandli diabet bilan og‘rigan bemorlarda), vaginit.

Mahalliy reaksiyalar: og‘riq, yuborilgan joyda qizarish, tromboflebit (v/i yuborilganda).

Dozani oshirib yuborish

Belgilari: bosh aylanishi; ongning chalkashishi; tormozlanish; dezoriyentatsiya; uyquchanlik; qusish.

Davolash: oshqozonni yuvish; simptomatik terapiya.

Qarshi ko‘rsatmalar

yuqori sezuvchanlik;

glyukoza-6-fosfatdegidrogenaza yetishmovchiligi;

epilepsiya (shu jumladan anamnezda);

tutqanoq chegarasining pasayishi (shu jumladan bosh miya jarohati, insult yoki markaziy asab tizimidagi yallig‘lanish jarayonlaridan keyin);

18 yoshgacha (skeletning o‘sishi tugallanmaguncha);

homiladorlik, emizish davri.

Ehtiyotkorlik bilan:

bosh miya qon tomirlari aterosklerozi;

miyada qon aylanishining buzilishi (anamnezda);

surunkali buyrak yetishmovchiligi;

markaziy asab tizimining organik shikastlanishlari.

Maxsus shartlar

Pnevmokokklar keltirib chiqaradigan pnevmoniya uchun tanlov preparati emas.

O‘tkir tonzillitni davolashda ko‘rsatilmagan.

Quyosh nurlari, ultrabinafsha nurlar (simob-kvars lampalari, solyariylar) ta’sirida 2 oydan ortiq qo‘llash tavsiya etilmaydi.

Markaziy asab tizimi tomonidan nojo‘ya ta’sirlar, allergik reaksiyalar, psevdomembranoz kolit paydo bo‘lgan taqdirda preparatni bekor qilish zarur.

Kolonoskopik va/yoki gistologik tasdiqlangan psevdomembranoz kolitda vankomitsin va metronidazolni peroral buyurish ko‘rsatilgan.

Kamdan-kam uchraydigan tendinit, ayniqsa keksa bemorlarda, paylarning (asosan axill payi) uzilishiga olib kelishi mumkin.

Tendinit alomatlari paydo bo‘lgan taqdirda, darhol davolanishni to‘xtatish, axill payini immobilizatsiya qilish va ortoped bilan maslahatlashish lozim.

Davolash davrida avtotransportni boshqarishdan va diqqatning yuqori konsentratsiyasini va psixomotor reaksiyalarning tezligini talab qiladigan potentsial xavfli faoliyat turlari bilan shug‘ullanishdan tiyilish kerak, etanol iste’mol qilish mumkin emas.

Preparatni qo‘llashda ayollarda sut bezi saramasining rivojlanish xavfi yuqori bo‘lganligi sababli tamponlardan foydalanish tavsiya etilmaydi.

Davolash fonida miasteniya kechishining yomonlashuvi, moyil bemorlarda porfiriya xurujlarining ko‘payishi mumkin.

Sil kasalligini bakteriologik tashxislashda soxta manfiy natijalarga olib kelishi mumkin (Mycobacterium tuberculosis ajralib chiqishiga to‘sqinlik qiladi).

Bolalarda qo‘llanilishi

Bolalarda faqat hayot uchun xavf tug‘ilganda, taxmin qilingan foyda va nojo‘ya ta’sirlarning rivojlanish xavfini hisobga olgan holda, boshqa, kamroq zaharli preparatlarni qo‘llash imkoni bo‘lmaganda qo‘llaniladi.

Bu holatda o‘rtacha sutkalik doza - 7,5 mg/kg, maksimal - 15 mg/kg.

Jigar faoliyati buzilishlarida

Jigar faoliyati buzilgan bemorlarda plazmadagi ofloksatsin konsentratsiyasini nazorat qilish zarur. Og‘ir jigar yetishmovchiligida toksik ta’sirlar rivojlanish xavfi ortadi (dozani korreksiyalash talab etiladi).

Dorilarning o‘zaro ta’siri

Quyidagi infuzion eritmalar bilan mos keladi: natriy xloridning izotonik eritmasi, Ringer eritmasi, 5% li fruktoza eritmasi, 5% li dekstroza eritmasi.

Geparin bilan aralashtirilmasin (presipitatsiya xavfi).

Teofillinning klirensini 25% ga pasaytiradi (bir vaqtning o‘zida qo‘llanganda teofillin dozasini kamaytirish kerak).

Simetidin, furosemid, metotreksat va kanalchalar sekretsiyasini bloklovchi preparatlar plazmadagi ofloksatsin konsentratsiyasini oshiradi.

Plazmada glibenklamid konsentratsiyasini oshiradi.

K vitamini antagonistlari bilan bir vaqtda qabul qilinganda qon ivish tizimini nazorat qilish zarur.

Nosteroid yallig‘lanishga qarshi preparatlar, nitroimidazol hosilalari va metilksantinlar bilan buyurilganda neyrotoksik ta’sirlar rivojlanish xavfi ortadi.

Glyukokortikosteroidlar bilan bir vaqtda buyurilganda, ayniqsa keksalarda paylarning yorilish xavfi ortadi.

Siydikni ishqorlovchi preparatlar (karboangidraza ingibitorlari, sitratlar, natriy bikarbonat) bilan buyurilganda kristalluriya va nefrotoksik ta’sirlar xavfi ortadi.

Saqlash shartlari

B ro‘yxati. Yorug‘likdan himoyalangan quruq joyda 10-25 °S haroratda saqlanadi. Bolalar qo‘li yetmaydigan joyda saqlanadi.

Yaroqlilik muddati

Ishlab chiqarilgan sanadan boshlab 3 yil. Yaroqlilik muddati tugaganidan keyin ishlatilmasin.

Chiqarish shakli

100 ml dan preparat "flip off" turidagi qopqoqli obkatka ostiga rezina tiqin va alyuminiy qalpoqcha bilan berkitilgan rangsiz shisha flakonlarda (gidrolitik sinf I yoki P).

Har bir flakon qo‘llanmasi bilan birga karton qutiga joylangan.

Ishlab chiqaruvchi

Ultra Laboratories Pvt. Ltd, Hindiston.