Tserepro

Tarkib

1 ml eritma tarkibiga quyidagilar kiradi:

Ta’sir etuvchi modda: xolin alfosserat (glitserilfosforilxolin gidrat) 100% moddaga hisoblaganda - 250,0 mg.

Yordamchi modda: inyeksiya uchun suv 1 ml gacha.

Tavsif

Shaffof rangsiz suyuqlik yoki biroz rangli suyuqlik.

Chiqarish shakli

Vena va mushak orasiga yuborish uchun eritma, 250 mg/ml.

Farmakoterapevtik guruh

Nootrop vosita. Xolin alfosserat. ATX kodi: N07AX02.

Farmakologik xususiyatlari

Farmakodinamika

Serepro® preparati - xolin alfosserat bo‘lib, asosan markaziy asab tizimiga ta’sir qiluvchi markaziy ta’sirga ega xolinomimetik hisoblanadi. Preparat tarkibiga bosh miyadagi birikmadan ajralib chiqadigan xolinning 40,5% i kiradi; xolin atsetilxolin (asab qo‘zg‘alishining asosiy mediatorlaridan biri) biosintezida ishtirok etadi. Alfosserat fosfolipidlarning o‘tmishdoshi bo‘lgan glitserofosfatgacha biotransformatsiyalanadi.

Atsetilxolin nerv impulsining uzatilishiga ijobiy ta’sir ko‘rsatadi, glitserofosfat esa fosfatidilxolin (membrana fosfolipidi) sintezida ishtirok etadi, natijada membranalarning elastikligi va retseptorlar funksiyasi yaxshilanadi.

Serepro® preparati metabolik jarayonlarni kuchaytiradi va bosh miyaning retikulyar formatsiyasi tuzilmalarini faollashtiradi.

Neyron membranalari fosfolipid tarkibining o‘zgarishi va xolinergik faollikning pasayishi kabi involyutsion psixoorganik sindrom omillariga profilaktik va tuzatuvchi ta’sir ko‘rsatadi.

Farmakodinamik tadqiqotlar shuni ko‘rsatdiki, xolin alfosserat sinaptik, shu jumladan nerv impulsining xolinergik uzatilishi (neyrotransmissiya), neyron membranasining plastikligi va retseptorlar funksiyasiga ta’sir qiladi.

Farmakokinetika

Ichga qabul qilinganda so‘rilishi - 88%; gematoensefalik to‘siqdan oson o‘tadi, asosan miyada (miyadagi konsentratsiyasi qondagi darajasidan 45% gacha), o‘pka va jigarda to‘planadi. 85% qismi o‘pka orqali karbonat angidrid ko‘rinishida, qolgan qismi (15%) buyrak va ichak orqali chiqariladi.

Reproduktiv siklga ta’sir qilmaydi, teratogen va mutagen ta’sirga ega emas.

Ko‘rsatmalar

Bosh miya qon aylanishining ishemik (o‘tkir va tiklanish davri) va gemorragik (tiklanish davri) turdagi buzilishlari.

Bosh miyadagi involyutsion va degenerativ jarayonlar fonidagi psixoorganik sindrom.

Keksalarda xotira buzilishi, ongning chalkashligi, dezoriyentatsiya, motivatsiya va tashabbuskorlikning pasayishi, diqqat konsentratsiyasining pasayishi bilan tavsiflangan serebrovaskulyar yetishmovchilik oqibatlari yoki birlamchi va ikkilamchi kognitiv buzilishlar.

Qarilik davrida xulq-atvor va affektiv sohaning buzilishi: emotsional labillik, yuqori ta’sirchanlik, qiziqishning pasayishi; qarilik psevdomelanxoliyasi.

Ko‘p infarktli demensiya

Qarshi ko‘rsatmalar

Preparat komponentlariga yuqori sezuvchanlik

Homiladorlik

Emizish davri

18 yoshgacha bo‘lgan bolalar (ma’lumotlar yo‘qligi sababli)

Qo‘llash usuli va dozalari

Vena ichiga (tomchi) yoki mushak orasiga (sekin) kuniga 1000 mg dozada.

Vena ichiga yuborilganda bir ampula (4 ml) ichidagisi 0,9% li 50 ml natriy xlorid eritmasida suyultiriladi, infuziya tezligi daqiqasiga 60-80 tomchi.

Davolash davomiyligi odatda 10 kunni tashkil etadi. Zarurat tug‘ilganda, kasallikning klinik ko‘rinishi va kechish xususiyatlari, yoshi hamda preparatni ko‘tara olish darajasiga qarab, shifokor ko‘rsatmasi bilan davolashni davom ettirish mumkin.

Bemorning ahvoli barqarorlashgandan so‘ng, preparatni og‘iz orqali qabul qilinadigan dori shakllari bilan davolashni davom ettirish mumkin.

Dozalar davolovchi shifokorning ixtiyoriga ko‘ra oshirilishi mumkin.

Nojo‘ya ta’sirlari

Ovqat hazm qilish tizimi tomonidan buzilishlar: ko‘ngil aynishi (bu, asosan, ikkilamchi dopaminergik faollashuvning oqibati hisoblanadi), qorinda og‘riq.

Asab tizimi tomonidan buzilishlar: qisqa muddatli es-hushning chalkashligi (bu holda preparat dozasini kamaytirish kerak).

Preparat uzoq vaqt qo‘llanganda ham yaxshi o‘zlashtiriladi.

Dozani oshirib yuborish

Belgilari: ko‘ngil aynishi.

Dozaga bog‘liq nojo‘ya ta’sirlarning kuchayishi mumkin.

Davolash: simptomatik terapiya. Dializning samaradorligi aniqlanmagan.

O‘zaro aloqa

Preparatning boshqa dori vositalari bilan klinik jihatdan ahamiyatli o‘zaro ta’siri aniqlanmagan.

Maxsus ko‘rsatmalar

Ko‘ngil aynishi dopaminergik faollashuvning natijasi bo‘lishi mumkin.

18 yoshgacha bo‘lgan bolalarda samaradorligi va xavfsizligi aniqlanmagan.

Homiladorlik va laktatsiya

Serepro® preparatini homiladorlik va emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Davolash davrida transport vositalarini boshqarishda va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishda ehtiyot bo‘lish zarur.

Qadoq

4 ml dan 5 ml sig‘imli gidrolitik sinfdagi neytral shisha ampulalarga.

3 ta, 5 ta yoki 10 ta ampula qog‘oz to‘siqli yoki qog‘oz vkladishli karton qutiga joylashtiriladi.

3 yoki 5 ta ampula polivinilxlorid plyonkasi va alyuminiy bosma folga, loklangan yoki folgasiz konturli yacheykali o‘ramga joylashtiriladi.

1 yoki 2 kontur yacheykali o‘ramlar karton pachkaga joylashtiriladi.

Har bir pachkaga qo‘llash bo‘yicha yo‘riqnoma va ampulalarni ochish uchun pichoq yoki ampula skarifikatori qo‘yiladi. Kesik yoki singan halqali ampulalardan foydalanilganda ampula skarifikatori yoki ampulani ochish uchun pichoq qo‘yilmaydi.

Ampulalarga qo‘shimcha ravishda rangli halqa ko‘rinishidagi rangli markirovka tushirilishi mumkin.

Saqlash shartlari

Harorat 25 °S dan yuqori bo‘lmaganda. Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

VEROFARM AJ Rossiya.

Ishlab chiqaruvchi

VEROFARM MCHJ Rossiya.