Ultrazidim

Tarkib

1 ta flakonda quyidagilar mavjud:

faol moddalar: seftazidim pentagidrat - 1,0 g, natriy karbonat - 118 mg.

Tavsif

Oq yoki och krem rangli kristall kukun.

Dori shakli

Inyeksion eritma tayyorlash uchun steril kukun.

Farmakoterapevtik guruh

Antibiotik (yun. sefalosporinlar). ATX kodi: J01DD02.

Farmakologik xususiyatlari

Seftazidim preparati III avlod sefalosporinlar guruhiga mansub antibakterial preparat bo‘lib, keng spektrga ega va bakteritsid ta’sirga ega, mikroorganizmlar hujayra devorining sintezini buzadi, ko‘pchilik beta-lektamazalar ta’siriga chidamli.

Preparat grammanfiy mikroorganizmlarga nisbatan faol: Haemophillus influenzae, Neisseria gonorrhoeae va boshqa Neisseria spp. va Enterobacteriaceae oilasining ko‘pchilik vakillari (Citrobacter spp., Enterobacter spp., Escherichia coli, Klebsiella pneumoniae va boshqa Klebsiella spp., Morganella morganii va boshqa Morganella spp., Proteus mirabilis (shu jumladan indol musbat), Proteus vulgaris va boshqa Proteus spp., Providensia rettgeri va boshqa Providensia spp. va Serratia spp.), Acinetobacter spp., Haemophillus parainfluenzae (shu jumladan ampitsillinga chidamli shtammlar), Pasteurella multicida, Salmonella spp., Shigella spp. va Yersinia entorocolitica.

Seftazidim preparati III avlod sefalosporinlari orasida Pseudomonas aeruginosa va kasalxona ichi infeksiyasiga nisbatan eng yuqori faollikka ega.

Preparat grammusbat bakteriyalarga nisbatan faol: Micrococcus spp., Streptococcus aureus, Streptococcus mitis, Streptococcus pnemoniae, A guruh Streptococcus pyogenes, Streptococcus viridans va boshqa Streptococcus spp. (Streptococcus faecalis bundan mustasno); metitsillinga sezgir shtammlar: Staphylococcus aureus, Staphylococcus epidermidis.

Seftazidim preparati anaerob bakteriyalarga nisbatan faol: Bacteroides spp., (ko‘pchilik Bacterioides fragilis shtammlari chidamli), Clostridium perfingens,Peptococcus spp., Peptostreptococcus spp. va Propinobacterium spp..

Preparat Camplobacter spp.;Chamydia spp.,Clostridium difficile, Entorococcus spp.,Listeria monocytogenes va boshqa Listeria spp., Staphyloccus aureua va Staphyloccus epidermidis metitsillinga chidamli shtammlariga nisbatan faol emas; Staphyloccus faecalis.

Preparat yuborilgandan so‘ng inson organizmida tez taqsimlanadi va ko‘pchilik to‘qimalar hamda suyuqliklarda, shu jumladan sinovial, perikardial va peritoneal suyuqliklarda, shuningdek, o‘t, balg‘am va siydikda terapevtik konsentratsiyaga erishadi. Suyaklar, miokard, o‘t pufagi, teri va yumshoq to‘qimalarda ham yuqumli kasalliklarni davolash uchun yetarli konsentratsiyada, ayniqsa preparatning diffuziyasini kuchaytiruvchi yallig‘lanish jarayonlarida taqsimlanadi. Shikastlanmagan gematoensefalik to‘siq orqali yomon o‘tadi, ammo dori vositasining orqa miya suyuqligida erishadigan terapevtik darajasi meningitni davolash uchun yetarli. Plazma oqsillari bilan qaytar bog‘lanadi (15% dan kam), shu bilan birga faqat erkin holda bakteritsid ta’sirga ega. Oqsil bilan bog‘lanish darajasi konsentratsiyaga bog‘liq emas. Maksimal konsentratsiya 0,5g yoki 1g mushak orasiga yuborilganda bir soatdan so‘ng mos ravishda 17 mkg/ml va 39 mkg/ml, vena ichiga yuborilganda mos ravishda 42 mkg/ml va 69 mkg/ml ga teng.

Mushak ichiga yuborilganda maksimal konsentratsiyaga erishish vaqti 1 soat, vena ichiga yuborilganda esa infuziya oxiriga to‘g‘ri keladi. Preparatning 4 mkg/ml ga teng bo‘lgan konsentratsiyasi 6-8 soat davomida saqlanadi. Qon plazmasidagi terapevtik konsentratsiyasi 8-12 soat davomida saqlanadi. Yarim chiqarilish davri buyrak funksiyasi me’yorda bo‘lganda 1,8 soat; buzilganda 2,2 soat.

Preparat jigarda metabolizmga uchramaydi, jigar funksiyasining buzilishi preparat farmakodinamikasi va farmakokinetikasida aks etmaydi. Bunday bemorlarda doza odatdagidek qoladi. Buyraklar orqali o‘zgarmagan holda 80-90% gacha (kiritilgan dozaning 70% birinchi 4 soatda chiqariladi) sutka davomida turli darajada koptokchalar filtratsiyasi va kanalchalar sekretsiyasi orqali chiqariladi. Buyrak faoliyati buzilganda dozani kamaytirish tavsiya etiladi.

Taqsimlanish hajmi 0,21-0,28 l/kg ni tashkil etadi. Preparat yumshoq to‘qimalarda, buyrakda, o‘pkada, suyak va bo‘g‘imlarda, seroz bo‘shliqlarda to‘planadi.

Ko‘rsatmalar

Preparatga sezgir mikroorganizmlar keltirib chiqargan quyidagi yuqumli kasalliklarni davolash uchun kattalar va bolalarga buyuriladi: og‘ir infeksiyalar: meningit, sepsis (septikemiya); og‘ir yiringli-septik holatlar, suyak va bo‘g‘im infeksiyalari: septik artrit, osteomiyelit, bakterial bursit; nafas yo‘llari infeksiyalari: o‘tkir va surunkali bronxit, infeksiyalangan bronxoektaziyalar, grammanfiy bakteriyalar keltirib chiqargan pnevmoniya, o‘pka abssessi, plevra empiyemasi.

Siydik yo‘llari infeksiyalari: o‘tkir va surunkali piyelonefrit, pielit, prostatit, sistit, uretrit (faqat bakterial), buyrak abssessi.

Teri va yumshoq to‘qimalarning infeksiyalari: mastit, yara infeksiyalari, teri yaralari, sellyulit, saramas, infeksiyalangan kuyishlar.

Oshqozon-ichak trakti, qorin bo‘shlig‘i va o‘t yo‘llari infeksiyalari: peritonit, enterokolit, qorin parda orti abssesslari, divertikulit, kichik chanoq a’zolarining yallig‘lanishi, xoletsistit, xolangit, o‘t pufagi empiyemasi.

Ayollar jinsiy a’zolarining infeksiyalari.

Quloq, tomoq, burun infeksiyalari, o‘rta otit, sinusit, mastoidit va boshqalar.

So‘zak (ayniqsa, penitsillin guruhidagi antibakterial preparatlarga yuqori sezuvchanlikda).

Qo‘llash usuli va dozalari

Seftazidim preparati faqat parenteral qo‘llaniladi. Preparatning dozasi kasallikning og‘irlik darajasi, infeksiyaning joylashuvi va qo‘zg‘atuvchining sezuvchanligi, yoshi va tana vazni, buyraklar funksiyasini hisobga olgan holda individual belgilanadi.

Kattalar va o‘smirlar uchun odatiy doza

Asoratlangan siydik yo‘llari infeksiyalarida mushak orasiga yoki vena ichiga 500 ml dan 1 g dan har 8-12 soatda;

Asoratlanmagan pnevmoniya va teri infeksiyalarida mushak orasiga yoki vena ichiga 500 mg dan 1 g dan har 8 soatda.

Mukovissidoz, Pseudomonas spp. qo‘zg‘atgan o‘pka infeksiyalarida 100 dan 150 mg/kg/sutkagacha, kuniga 3 marta yuborish soni (bunday bemorlarda 9 g/sutkagacha dozani qo‘llash asoratlar keltirib chiqarmadi).

Suyak va bo‘g‘im infeksiyalarida vena ichiga 2 g dan har 12 soatda.

O‘ta og‘ir yoki hayot uchun xavfli infeksiyalarda vena ichiga 2 g dan 8 soat davomida.

Gemodializ vaqtida preparatning yarim chiqarilish davri 3-5 soatni tashkil etadi.

Preparatning tegishli dozasini har bir dializ davridan keyin takrorlash kerak.

Peritoneal dializda Seftazidim preparatini dializ suyuqligiga 2 l dializ suyuqligiga 125 mg dan 250 mg gacha qo‘shish mumkin.

Bolalar uchun odatiy doza

1 oygacha bo‘lgan bolalarga vena ichiga sutkasiga 30 mg/kg infuziya (2 marta yuborish).

2 oylikdan 12 yoshgacha bo‘lgan bolalarga vena ichiga sutkasiga 30-50 mg/kg infuziya (3 marta yuborish).

Immuniteti pasaygan, mukovissidoz, meningit bilan og‘rigan bolalarga har 12 soatda 150 mg/kg/sut gacha doza buyuriladi.

Bolalar uchun maksimal sutkalik doza 6 g dan oshmasligi kerak.

Eritmalarni tayyorlash

Vena ichiga tomchilab yuborish uchun yuqorida tavsiflangan usul bilan olingan Seftazidim preparati eritmasi qo‘shimcha ravishda vena ichiga yuborish uchun mo‘ljallangan quyidagi erituvchilardan birida 50-100 ml miqdorda suyultiriladi:

0,9% li natriy xlorid eritmasi;

Ringer eritmasi;

5%,10% li glyukoza (dekstroza) eritmasi;

5% li glyukoza (dekstroza) eritmasi 0,9% li natriy xlorid eritmasi bilan;

5% li natriy bikarbonat eritmasi.

Faqat yangi tayyorlangan eritmadan foydalaning.

Nojo‘ya ta’sirlari

Asab tizimi tomonidan: bosh aylanishi, bosh og‘rig‘i, paresteziyalar, talvasalar, ensefalopatiya, tremor, neyromushak qo‘zg‘aluvchanligining oshishi (buyrak faoliyati buzilgan bemorlarda preparatni yuqori dozalarda qo‘llanganda kuzatiladi).

Oshqozon-ichak trakti, jigar tomonidan: ko‘ngil aynishi, qusish, diareya, qabziyat, qorin og‘rig‘i, jigar transaminazalari faolligining oshishi, psevdomembranoz kolit.

Qon yaratish tizimi tomonidan: leykopeniya, neytropeniya, trombotsitopeniya, limfotsitoz kuzatilishi mumkin.

Mahalliy reaksiyalar: v/i yuborilganda flebit yoki tromboflebit, v/i inyeksiya joyida og‘riq.

Preparatning biologik ta’siri bilan bog‘liq nojo‘ya ta’siri: kandidozli stomatit, kandidozli vaginit, kandidoz.

Laboratoriya ko‘rsatkichlari: eozinofiliya, gemolizsiz musbat Kumbs reaksiyasi, qon zardobidagi transaminazalar va kreatinin miqdorining vaqtinchalik oshishi.

Preparatning kimyoterapevtik ta’siri bilan bog‘liq ta’sirlar: superinfeksiya (kandidoz, shu jumladan qin shilliq qavati)

Boshqalar: allergik reaksiyalar, qichishish, isitma, bronxospazm, anafilaktik reaksiyalar, anginoz shish.

Qarshi ko‘rsatmalar

Sefalosporinlar va penitsillinlarga yuqori sezuvchanlik.

Homiladorlik va laktatsiya.

Dozani oshirib yuborish

Belgilari

Seftazidim preparatining noadekvat yuqori dozalarini yuborish bosh aylanishi, paresteziyalar, bosh og‘rig‘i, tutqanoq xurujlari, laboratoriya tahlillari natijalarining o‘zgarishiga olib kelishi mumkin.

Davolash

Spetsifik ziddizahar bo‘lmaganligi sababli, sefalosporin antibiotiklari dozasining oshib ketishini davolash simptomatik va qo‘llab-quvvatlovchi hisoblanadi. Konservativ terapiya samarasiz bo‘lgan og‘ir dozani oshirib yuborish holatlarida preparatning qondagi konsentratsiyasi gemodializ yordamida kamaytirilishi mumkin.

Ehtiyot choralari va qo‘llash xususiyatlari

Quyidagi kasalliklar yoki holatlar mavjud bo‘lganda, bemor uchun foyda va xavf nisbatini sinchiklab baholash zarur:

homiladorlik va laktatsiya davri;

homiladorlik va laktatsiya davri;

1 oygacha bo‘lgan chaqaloqlar;

anamnezda qon ketishi;

oshqozon-ichak trakti kasalliklari, ayniqsa nospetsifik yarali kolit.

Anamnezida penitsillinlarga allergiya qayd etilgan bemorlarda 3-7% bemorlarda sefalosporinlarga nisbatan yuqori sezuvchanlik qayd etilgan. Penitsillinga allergiyasi toshma ko‘rinishida namoyon bo‘lgan ko‘plab bemorlarda sefalosporinlar noxush oqibatlarsiz qo‘llanilgan bo‘lsa-da, Seftazidim preparatini tayinlashda ehtiyotkorlik bilan foydalanish tavsiya etiladi.

Barcha sefalosporinlar ichak florasini susaytirishi natijasida K vitamini sinteziga to‘sqinlik qilishi mumkin, bu esa K vitaminiga bog‘liq bo‘lgan qon ivish omillari darajasining pasayishiga olib kelishi va kamdan kam hollarda gipotrombinemiya va qon ketishiga olib kelishi mumkin. K vitaminini buyurish gipotrombinemiyani tezda bartaraf etadi. Og‘ir, keksa va zaiflashgan bemorlarda, jigar faoliyati buzilgan bemorlarda hamda to‘yib ovqatlanmaydigan kishilarda qon ketish xavfi eng yuqori bo‘ladi.

Ba’zi bemorlarda sefalosporinlarni qo‘llash paytida yoki undan keyin Clostridium difficile toksini keltirib chiqaradigan psevdomembranoz kolit rivojlanishi mumkin. Yengil holatlarda preparatni bekor qilish yetarli, og‘irroq holatlarda suv-tuz va oqsil muvozanatini tiklash tavsiya etiladi, agar sanab o‘tilgan choralar yordam bermasa, Metronidazol, batsitratsin, vankomitsin buyuriladi.

Boshqa dori vositalari bilan o‘zaro ta’siri

Beta-laktam antibiotiklarini (penitsillinlar yoki sefalosporinlar) aminoglikozid antibiotiklari bilan aralashtirish sezilarli darajada o‘zaro faolsizlanishga olib kelishi mumkin.

Ular bir vaqtning o‘zida buyurilganda, preparatlarni tananing turli qismlariga yuborish kerak. Seftazidim preparatining eritmasini bitta shprisda aralashtirish mumkin emas. Yoki ushbu antibiotiklarni vena ichiga yuborish uchun mo‘ljallangan biror-bir idishda (flakon, plastik paket yoki qopcha va boshqalar).

Vinkomitsin Seftazidim preparati bilan mos kelmaydi va konsentratsiyaga qarab cho‘kma hosil qilishi mumkin. Agar ushbu ikki preparatni bitta naycha orqali yuborish zarurati bo‘lsa, u holda ularni yuborish oralig‘ida vena ichiga yuborish uchun mo‘ljallangan tizimning (yoki moslamaning) o‘zini yuvish talab etiladi.

Sefalosporin antibiotiklari nefrotoksik preparatlar, masalan, qovuzloqli diuretiklar (furosemid) bilan bir vaqtda buyurilganda, ayniqsa buyrak faoliyati buzilgan bemorlarda nefrotoksiklikning kuchayishi xavfi mavjud.

Chiqarish shakli

20 ml sig‘imli tiniq rangsiz shishadan yasalgan, rezina tiqinlar bilan berkitilgan, plastmassa qopqoqli alyuminiy qalpoqchalar bilan o‘ralgan shisha flakonlarda 1 g dan preparat. Flakonlar tibbiy qo‘llash bo‘yicha yo‘riqnomalar mavjud bo‘lgan karton qutilarga bittadan qadoqlangan.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan keyin preparatni ishlatmang.

Ta’til shartlari

Retsept bo‘yicha.

Ishlab chiqaruvchi

ULTRA LABORATORIES PVT LTD.

102-B & 102-B (P-1). Farmatsevtika EIZ,

KIADB Industrial Estate. Hassan-Dist.573201.

Karnataka, Hindiston.