Ventakort

Tarkib

Preparatning 1 dozasi quyidagilarni o‘z ichiga oladi:

Faol moddasi: salbutamol sulfat (100% moddaga qayta hisoblaganda) 0,1208 mg (0,1 mg salbutamolga ekvivalent).

Yordamchi moddalar: oleil spirti 0,0625 mg, etanol (rektifikatsiyalangan etil spirti) 2,02 mg, propellent R 134a (1,1,1,2-tetraftoretan, HFA 134a) 56,91 mg. Preparat tarkibida xlorftoruglerodli propellentlar mavjud emas.

1 ballon preparat quyidagilarni o‘z ichiga oladi:

Faol moddasi: salbutamol sulfat (100% moddaga qayta hisoblaganda) 0,029 g (0,024 g salbutamolga ekvivalent).

Yordamchi moddalar: oleil spirti 0,015 g, etanol (rektifikatsiyalangan etil spirti) 0,485 g, propellent R 134a (1,1,1,2-tetraftoretan, HFA 134a) 13,659 g (12,00 ml gacha). Preparat tarkibida xlorftoruglerodli propellentlar mavjud emas.

Tavsif

Preparat oq yoki deyarli oq suspenziyadan iborat bo‘lib, u himoya qalpoqli nasadka-ingalyator bilan ta’minlangan dozalovchi klapanli alyuminiy ballonda bosim ostida turadi; preparat ballondan chiqayotganda aerozol oqimi ko‘rinishida purkaladi.

Farmakoterapevtik guruh

Bronxlarni kengaytiruvchi vosita - beta2adrenomimetik selektiv. ATX kodi: R03AC02.

Dori shakli

Ingalyatsiya uchun aerozol dozalangan.

Farmakologik xususiyatlari

Salbutamol β2-adrenoretseptorlarning selektiv agonistidir. Terapevtik dozalarda u bronxlar silliq mushaklarining β2-adrenoretseptorlariga ta’sir qilib, miokardning β1-retseptorlariga kam ta’sir ko‘rsatadi. Bronxlar spazmini oldini olib yoki bartaraf etib, nafas yo‘llaridagi qarshilikni kamaytirib, yaqqol bronxlarni kengaytiruvchi ta’sir ko‘rsatadi. O‘pkaning tiriklik sig‘imini oshiradi.

Tavsiya etilgan terapevtik dozalarda yurak-qon tomir tizimiga salbiy ta’sir ko‘rsatmaydi, qon bosimini ko‘tarmaydi. Bu guruh dori vositalariga nisbatan kamroq darajada ijobiy xrono- va inotrop ta’sir ko‘rsatadi. Koronar arteriyalarning kengayishiga sabab bo‘ladi. Bir qator metabolik ta’sirlarga ega: plazmadagi kaliy konsentratsiyasini pasaytiradi, glikogenoliz va insulin sekretsiyasiga ta’sir ko‘rsatadi, giperglikemik (ayniqsa bronxial astma bilan og‘rigan bemorlarda) va lipolitik ta’sir ko‘rsatib, atsidoz rivojlanish xavfini oshiradi.

Ingalyatsion shakllarni qo‘llagandan so‘ng ta’sir tez rivojlanadi, ta’sirning boshlanishi - 5 daqiqadan keyin, maksimal - 30-90 daqiqadan keyin (maksimal ta’sirning 75% 5 daqiqa ichida erishiladi), davomiyligi - 4-6 soat.

Farmakokinetika

Ingalyatsion yuborilgandan so‘ng, salbutamolning 10-20% dozasi pastki nafas yo‘llariga yetib boradi. Dozaning qolgan qismi ingalyatorda qoladi yoki og‘iz-halqum shilliq pardasiga o‘tirib qoladi va keyin yutiladi. Nafas yo‘llari shilliq pardasiga cho‘kkan fraksiya o‘pka to‘qimalariga va qonga so‘riladi, lekin o‘pkada metabolizmga uchramaydi.

Salbutamolning plazma oqsillari bilan bog‘lanish darajasi 10% atrofida.

Salbutamol jigarda metabolizmga uchraydi va asosan siydik bilan o‘zgarmagan holda va fenol sulfat shaklida chiqariladi. Ingalyatsion dozaning yutilgan qismi oshqozon-ichak traktidan so‘riladi va jigar orqali "birinchi o‘tish"da faol metabolizmga uchrab, fenol sulfatga aylanadi. O‘zgarmagan salbutamol va kon’yugat asosan siydik bilan chiqariladi.

Salbutamolning yarim chiqarilish davri 4-6 soat. Buyraklar orqali qisman o‘zgarmagan holda va qisman faol bo‘lmagan metabolit 4’-O-sulfat (fenol sulfat) ko‘rinishida chiqariladi. Uncha ko‘p bo‘lmagan qismi o‘t bilan (4%), axlat bilan chiqariladi. Salbutamol dozasining katta qismi 72 soat ichida chiqariladi.

Qo‘llanilishi

Bronxial astma:

bronxial astma xurujlarini, shu jumladan og‘ir kechuvchi bronxial astma xurujlarini bartaraf etish;

allergen ta’siri bilan bog‘liq yoki jismoniy zo‘riqish natijasida kelib chiqadigan bronxospazm xurujlarining oldini olish;

bronxial astmani uzoq muddatli qo‘llab-quvvatlovchi terapiyasida komponentlardan biri sifatida qo‘llash.

Nafas yo‘llarining qaytar obstruksiyasi bilan kechuvchi surunkali obstruktiv o‘pka kasalligi (SOO‘K), surunkali bronxit.

Qo‘llash usuli va dozalari

Salbutamol 100 mkg/doza dozalangan ingalyatsiya uchun aerozol faqat ingalyatsion yuborish uchun mo‘ljallangan.

Preparat dozasini yoki qo‘llash chastotasini oshirish masalasini faqat shifokor hal qilishi mumkin.

Preparatni kuniga 4 martadan ko‘p qo‘llash tavsiya etilmaydi. Preparatning maksimal dozalarini tez-tez qo‘llash yoki dozani to‘satdan ko‘paytirishga bo‘lgan ehtiyoj kasallik kechishining yomonlashganidan dalolat beradi.

Kattalar (shu jumladan keksa yoshdagi bemorlar). Kompleks terapiya tarkibida bronxial astma va O‘SOKda uzoq muddatli qo‘llab-quvvatlovchi terapiya: tavsiya etilgan doza 200 mkg gacha (2 ingalyatsiya) kuniga 4 marta.

Bronxospazm xurujini to‘xtatish: tavsiya etilgan doza 100-200 mkg (1-2 ingalyatsiya).

Allergen ta’siri bilan bog‘liq yoki jismoniy zo‘riqish tufayli kelib chiqqan bronxospazm xurujlarining oldini olish: tavsiya etilgan doza qo‘zg‘atuvchi omil ta’siridan 10-15 daqiqa oldin 200 mkg (2 ingalyatsiya) ni tashkil etadi.

Bolalar. Kompleks terapiya tarkibida bronxial astma va O‘SOKda uzoq muddatli qo‘llab-quvvatlovchi terapiya: tavsiya etilgan doza 200 mkg gacha.

Bronxospazm xurujini to‘xtatish: tavsiya etilgan doza 100-200 mkg (1-2 ingalyatsiya).

Allergen ta’siri bilan bog‘liq yoki jismoniy zo‘riqish tufayli kelib chiqqan bronxospazm xurujlarining oldini olish: tavsiya etilgan doza qo‘zg‘atuvchi omil ta’siridan 10-15 daqiqa oldin 100-200 mkg (1-2 ingalyatsiya) ni tashkil etadi.

Preparatni qo‘llash qoidalari:

Birinchi qo‘llash uchun tayyorgarlik:

Preparatni birinchi marta qo‘llashdan oldin ingalyator nasadkasining himoya qalpoqchasini yechish lozim. Keyin ballonni vertikal harakatlar bilan qattiq silkitish, ballonni nasadka-ingalyator bilan pastga ag‘darish va klapan to‘g‘ri ishlayotganiga ishonch hosil qilish uchun havoga ikki marta purkash kerak. Preparatni qo‘llashda bir necha kun tanaffus qilinganda, ballonni yaxshilab chayqatgandan so‘ng havoga bir marta purkash kerak.

Qo‘llanilishi:

Nasadka-ingalyatordan himoya qalpoqchasini yechish. Nasadka-ingalyatorning ichki va tashqi yuzalari tozaligiga ishonch hosil qilish.

Ballonni vertikal harakatlar bilan qattiq silkitish.

Ballonni nasadka-ingalyator bilan pastga qaratib ag‘darish, ballonni bosh barmoq va o‘rta hamda ko‘rsatkich barmoqlar orasida vertikal holatda shunday ushlash kerakki, bosh barmoq nasadka-ingalyator ostida tursin.

Iloji boricha chuqur nafas chiqaring, keyin nasadka-ingalyatorni og‘izga, tishlar orasiga joylashtiring va uni tishlamasdan lablar bilan qamrab oling.

Og‘iz orqali nafas olishni boshlab, dori dozasini chiqarish uchun ballonning yuqori qismini bosing, shu bilan birga sekin va chuqur nafas olishni davom ettiring.

Nafasni ushlab turish, nasadka-ingalyatorni og‘izdan chiqarish va barmoqni ballonning yuqori qismidan olish. Nafasni iloji boricha ushlab turishni davom ettirish.

Agar zarur bo‘lsa, keyingi ingalyatsiyani amalga oshirish. Buning uchun ballonni vertikal holatda ushlab, taxminan 30 soniya kutish kerak. Shundan so‘ng, 2-6-bandlarda keltirilgan ko‘rsatmalarga muvofiq ingalyatsiyani amalga oshirish.

Nasadka-ingalyatorni himoya qopqog‘i bilan yoping.

Muhim:

4, 5 va 6-bandlarga muvofiq harakatlarni shoshilmasdan bajarish. Muhimi, bevosita dozani berishdan oldin nafas olishni iloji boricha sekinroq boshlash kerak. Dastlabki bir necha marta preparatni oyna oldidagi mashg‘ulotdan so‘ng qo‘llash lozim. Agar og‘izning ikki yonida "bulutcha" paydo bo‘lsa, u holda yana 2-punktdan boshlash kerak.

Tozalash:

Nasadka-ingalyatorni haftada kamida bir marta tozalash lozim.

Nasadka-ingalyatordan himoya qalpoqchasini yechish, nasadka-ingalyatorni esa ballondan yechish.

Nasadka-ingalyator va himoya qalpoqchasini iliq oqar suvda yaxshilab yuving.

Nasadka-ingalyator va himoya qalpoqchasini ichki va tashqi tomondan yaxshilab quritish.

Nasadka-ingalyatorni ballon va klapan shtogiga kiydirib, nasadka-ingalyatorning bo‘sh teshigini himoya qalpog‘i bilan yoping.

Ballonni suvga solmang!

Nojo‘ya ta’sirlari

Nojo‘ya ta’sirlar chastotasiga ko‘ra quyidagi toifalarga bo‘linishi mumkin: juda tez-tez uchraydigan (≥ 1/10), tez-tez uchraydigan (≥ 1/100 va < 1/10), kam uchraydigan (≥ 1/1000 va < 1/100), kam uchraydigan (≥ 1/10000 va < 1/1000), juda kam uchraydigan (< 1/10000).

Immun tizimi tomonidan: kamdan kam hollarda - dermatit, juda kam hollarda - yuqori sezuvchanlik reaksiyalari, shu jumladan angionevrotik shish, teri toshmalari.

Almashinuv jarayonlari tomonidan: kamdan kam hollarda - gipokaliyemiya.

Asab tizimi tomonidan: ko‘pincha - titroq, bosh og‘rig‘i, bezovtalik; kamdan-kam hollarda - bosh aylanishi, uyquchanlik, charchoq; juda kam hollarda - giperaktivlik.

Yurak-qon tomir tizimi tomonidan: ko‘pincha - taxikardiya, yurak urishini his qilish; kamdan kam hollarda - teri giperemiyasi bilan periferik tomirlarning kengayishi, ko‘krak qafasidagi noqulaylik yoki og‘riq; juda kam hollarda - aritmiya, shu jumladan bo‘lmachalar fibrillyatsiyasi, supraventrikulyar taxikardiya, ekstrasistoliya, qon bosimining pasayishi va kollaps.

Nafas olish tizimi tomonidan: kamdan-kam hollarda - yo‘tal, nafas yo‘llarining ta’sirlanishi; juda kam hollarda - bronxospazm (paradoksal yoki preparatga yuqori sezuvchanlik tufayli).

Oshqozon-ichak trakti tomonidan: kamdan-kam hollarda - og‘iz bo‘shlig‘i va halqum shilliq qavatining quruqligi yoki ta’sirlanishi, ta’m sezgilarining o‘zgarishi, ko‘ngil aynishi, qusish.

Suyak-mushak tizimi tomonidan: kamdan-kam hollarda - mushaklarning tortishishi.

Qarshi ko‘rsatmalar

Preparatning har qanday komponentiga yuqori sezuvchanlik.

2 yoshgacha bo‘lgan bolalar yoshi.

Ehtiyotkorlik bilan

Taxiaritmiya, miokardit, yurak nuqsonlari, aortal stenoz, yurak ishemik kasalligi, og‘ir surunkali yurak yetishmovchiligi, arterial gipertenziya, tireotoksikoz, feoxromotsitoma, dekompensatsiyalangan qandli diabet, glaukoma, epileptik tutqanoqlar, buyrak yoki jigar yetishmovchiligi, noselektiv β-adrenoblokatorlarni bir vaqtda qabul qilish, homiladorlik va laktatsiya davrida ehtiyotkorlik bilan qo‘llash lozim.

Dorilarning o‘zaro ta’siri

Salbutamol va propranolol kabi β-adrenoretseptorlarning noselektiv blokatorlarini bir vaqtda qo‘llash tavsiya etilmaydi.

Salbutamol monoaminooksidaza ingibitorlari (IMAO) qabul qilayotgan bemorlarga qarshi ko‘rsatma emas.

Markaziy nerv sistemasi stimulyatorlarining ta’sirini kuchaytiradi.

Teofillin va boshqa ksantinlar bir vaqtda qo‘llanganda taxiaritmiyalarning rivojlanish ehtimolini oshiradi; ingalyatsion anesteziya uchun vositalar, levodop - og‘ir qorincha aritmiyalari.

M-xolinoblokatorlar (shu jumladan ingalyatsion) bilan bir vaqtda qo‘llash ko‘z ichki bosimining oshishiga olib kelishi mumkin.

Diuretiklar va glyukokortikosteroidlar salbutamolning gipokaliemik ta’sirini kuchaytiradi.

Maxsus ko‘rsatmalar

Bemorlarga Salbutamol preparatini to‘g‘ri qo‘llash bo‘yicha yo‘riqnoma berish lozim. Preparatni to‘g‘ri qo‘llash va ko‘rsatmalarni aniq bajarish salbutamolning bronxlarga tushishini ta’minlash uchun zarurdir. Davolashning boshida preparatni tibbiyot xodimi nazorati ostida va ko‘zgu oldidagi mashg‘ulotdan so‘ng qo‘llash lozim.

Boshqa ingalyatsion preparatlarni qo‘llashda bo‘lgani kabi, ballon sovutilganda terapevtik ta’siri kamayishi mumkin. Shuning uchun preparatni qo‘llashdan oldin ballon xona haroratigacha isitilishi kerak (ballonni qo‘l bilan bir necha daqiqa davomida isitish kerak, boshqa usullarni qo‘llash mumkin emas!).

Ballonlar ichidagi moddalar bosim ostida bo‘ladi, shuning uchun ballonlarni hatto bo‘sh bo‘lganda ham qizdirish, sindirish, teshish yoki yoqish mumkin emas.

Ingalyatsiyadan so‘ng og‘izda noxush sezgilar va tomoq qichishishi paydo bo‘lsa, og‘iz suv bilan chayiladi.

Bronxodilatatorlar beqaror yoki og‘ir kechuvchi bronxial astma terapiyasining yagona yoki asosiy tarkibiy qismi bo‘lmasligi kerak.

Agar preparatning odatdagi dozasi ta’siri kamroq samarali yoki kamroq davom etadigan bo‘lsa (preparatning ta’siri kamida 3 soat davom etishi kerak), bemor shifokorga murojaat qilishi lozim. Salbutamol dozasini yoki qabul qilish chastotasini oshirishni faqat shifokor nazorati ostida amalga oshirish lozim. Keyingi dozalarni qabul qilish oralig‘ini qisqartirish faqat istisno hollarda mumkin va qat’iy asoslangan bo‘lishi kerak. Bronxial astmani davolash uchun qisqa ta’sir davomiyligiga ega bo‘lgan β2-adrenoretseptorlarning ingalyatsion agonistlarini qo‘llashga bo‘lgan ehtiyojning ortishi kasallikning zo‘rayishidan dalolat beradi. Bunday hollarda bemorning davolash rejasini qayta ko‘rib chiqish lozim. Bronxial astma xurujida salbutamolning yuqori dozalarini qabul qilish "rikoshet" sindromini keltirib chiqarishi mumkin (har bir keyingi xuruj kuchliroq bo‘ladi). Og‘ir bo‘g‘ilish xurujida ingalyatsiyalar orasidagi tanaffus 20 daqiqadan kam bo‘lmasligi kerak.

Asoratlar xavfi davolashning sezilarli davomiyligida ham, preparatni keskin to‘xtatishda ham ortadi. Salbutamolni uzoq muddat qo‘llash bazis terapiya uchun yallig‘lanishga qarshi preparatlardan foydalanish bilan birga olib borilishi kerak.

Bronxial astmaning to‘satdan va zo‘rayib borishi bemor hayotiga xavf tug‘dirishi mumkin, shuning uchun bunday hollarda glyukokortikosteroidlarni buyurish yoki dozasini oshirish masalasini zudlik bilan hal qilish kerak. Bunday bemorlarda nafas chiqarishning eng yuqori tezligini har kuni kuzatib borish tavsiya etiladi.

Salbutamolni tireotoksikoz bilan og‘rigan bemorlarda ehtiyotkorlik bilan qo‘llash lozim.

Β2-adrenoretseptorlar agonistlari bilan davolash, ayniqsa ularni parenteral yo‘l bilan yuborish yoki nebulayzer yordamida qo‘llash gipokaliyemiyaga olib kelishi mumkin. Bronxial astmaning og‘ir xurujlarini davolashda ayniqsa ehtiyot bo‘lish tavsiya etiladi, chunki bu hollarda gipokaliyemiya ksantin hosilalari, glyukokortikosteroidlar, diuretiklarni bir vaqtda qo‘llash natijasida hamda gipoksiya oqibatida kuchayishi mumkin. Bunday hollarda qon zardobidagi kaliy miqdorini nazorat qilib turish kerak.

Avtomobil va/yoki boshqa mexanizmlarni boshqarish qobiliyatiga ta’siri. Salbutamol tutqanoq va bosh aylanishi kabi nojo‘ya ta’sirlarni keltirib chiqarishi mumkinligi sababli, birinchi marta qabul qilishda ehtiyotkorlik bilan harakat qilish yoki transport vositalarini boshqarish va boshqa potentsial xavfli faoliyat turlari bilan shug‘ullanishdan voz kechish tavsiya etiladi.

Homiladorlik va laktatsiyada qo‘llash

Homilador ayollarga salbutamolni faqat bemor uchun kutilayotgan foyda homila uchun potensial xavfdan yuqori bo‘lgandagina buyurish mumkin.

Salbutamolning ona sutiga tushish ehtimoli istisno emas, shuning uchun uni emizikli ayollarga buyurish tavsiya etilmaydi, bemorning o‘zi uchun kutilayotgan foyda bola uchun potensial xavfdan yuqori bo‘lgan hollar bundan mustasno. Ko‘krak sutida mavjud bo‘lgan salbutamolning yangi tug‘ilgan chaqaloqqa zararli ta’sir ko‘rsatishi haqida ma’lumotlar yo‘q.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Dozani oshirib yuborish belgilari: ko‘proq - gipokaliyemiya, arterial bosimning pasayishi, taxikardiya, mushaklar tremori, ko‘ngil aynishi, qusish; kamroq - qo‘zg‘alish, giperglikemiya, respirator alkaloz, gipoksemiya, bosh og‘rig‘i; kamdan-kam - gallyutsinatsiyalar, tutqanoqlar, taxiaritmiya, qorinchalar titrashi, periferik tomirlarning kengayishi.

Salbutamol dozasi oshirib yuborilganda kardioselektiv β-adrenoblokatorlar eng yaxshi antidot hisoblanadi. Biroq, β-adrenoretseptorlar blokatorlarini ehtiyotkorlik bilan qo‘llash kerak (bronxospazm rivojlanish xavfi).

Salbutamolning katta dozalarini qo‘llash gipokaliyemiyani keltirib chiqarishi mumkin, shuning uchun dozani oshirib yuborishga shubha qilinganda, qon zardobidagi kaliy miqdorini nazorat qilish kerak.

Chiqarish shakli

Ingalyatsiya uchun aerozol 100 mkg/doza dozalangan. 200 dozadan (12 ml dan) dozalovchi klapan bilan germetiklangan va himoya qalpoqli nasadka-ingalyator bilan ta’minlangan, ichki himoyasi bo‘lgan alyuminiy monoblokli ballonlarga joylashtiriladi. Har bir ballon nasadka-ingalyator va himoya qalpoqchasi hamda qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

25 °C dan yuqori bo‘lmagan haroratda. Muzlatmang.

Isitish tizimidan va to‘g‘ridan-to‘g‘ri quyosh nurlaridan uzoqda saqlansin.

Yiqilishdan, urilishdan saqlash.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

"Uorld Meditsin Iloch San. ve Tij. A.Sh.," Turkiya

(Bog‘jilar Elchisi, Gunechli, Evren mahallasi,

Jomiy Yolu Jad. No50 K. 1V Zamin 4-5-6, Istanbul)

World Medicine Ilaç San. ve Tic. A.Ş.," Turkey

(Bag‘cılar İlçesi, Güneşli, Evren Mahallesi,

Cami Yolu Cad. No:50 K. 1B Zemin 4-5-6, İstanbul).