Facebook Pixel Code

Deksametazon (Dexamethasone) KRKA tabletkalari 0,5 mg №10 (1 blister)

dagi narxlar
dan 19900 so'm gacha 25984 so'm
Retsept bo'yicha
90 ta dorixonalarda
Savollaringiz bormi? Farmikdan so'rang!
Savollaringiz bormi? Farmikdan so'rang!
Telegram chat-boti
Tavsifnomalar
Brend:
Savdo nomi:
Dozalash:

Deksametazon: 0.5 mg/tabletkalar

Hammasi ko‘rsatilsin

Uchun ko‘rsatma Deksametazon (Dexamethasone) KRKA tabletkalari 0,5 mg №10 (1 blister)

1 таблетка қуйидагиларни сақлайди:

фаол модда: 0,5 мг дексаметазон;

ёрдамчи моддалар: лактоза моногидрати, маккажўхори крахмали, повидон, магний стеарати, тальк, сувсиз коллоид кремний диоксиди.

Думалоқ, ясси, четлари қия ва бир томонида ўйиқчали, оқ ёки деярли оқ рангли таблеткалар.

Таблеткалар.

Глюкокортикостероид. АТХ коди: Н02АВ02.

Фармакодинамикаси

Синтетик глюкокортикостероид (ГКС) фторпреднизолоннинг метилланган ҳосиласи. Яллиғланишга қарши, аллергияга қарши, десенсибилизацияловчи, иммунодепрессив, шокка қарши ва антитоксик таъсир кўрсатади, бета-адренорецепторларнинг эндоген катехоламинларга сезувчанлигини оширади.

Специфик цитоплазматик рецепторлар (ГКС учун рецепторлар барча тўқималарда бор, айниқса улар жигарда кўп) билан оқсиллар ҳосил бўлишини индукцияловчи комплексларни ҳосил қилиб ўзаро таъсирлашади (шу жумладан хужайраларда ҳаётий муҳим жараёнларни бошқарувчи ферментлар).

Оқсил алмашинуви: плазмада глобулин миқдорини камайтиради, жигар ва буйракларда альбуминлар синтезини оширади (альбумин/глобулин коэффициентини ошиши билан); мушак тўқимасида оқсил синтезини пасайтиради ва катаболизмини кучайтиради.

Липид алмашинуви: юқори ёғ-кислоталари ва триглицеридларнинг синтезини оширади, ёғни қайта тақсимлайди (оёқ-қўлларнинг тери ости қаватидан мобилизация қилиниши ва ёғни асосан елка, юз, қорин соҳасида тўпланиши), гиперхолестеринемияни ривожланишига олиб келади.

Углеводлар алмашинуви: меъда-ичак йўлларидан углеводларни сўрилишини оширади; глюкозо-6-фосфатаза фаоллигини оширади (глюкозанинг жигардан қонга тушишини ошиши); фосфоэнолпируваткарбоксилаза фаоллигини ва аминотранфераза синтезини оширади (глюконеогенезани фаоллашиши); гипергликемияни ривожланишига ёрдам беради.

Сув-электролит алмашинуви: организмда Na+ ва сувни тутиб қолади, К+ чиқарилишини рағбатлантиради (минералокортикоид фаоллик), меъда-ичак йўлларидан Са2+ сўрилишини камайтиради, кальцийни суяклардан «ювилиб» чиқарилишини чақиради ва уни буйракдан чиқарилишини оширади, суяк тўқимасини минерализациясини камайтиради.

Яллиғланишга қарши самараси эозинофиллар ва гиалурон кислотасини ишлаб чиқарувчи семиз хужайралардан яллиғланиш медиаторларини ажралиб чиқарилишини сусайиши, капиллярларнинг ўтказувчанлигини камайиши; хужайра мембраналарининг (айниқса лизосомал) ва органеллалар мембраналарини турғунлашиши билан боғлиқ. Яллиғланиш жараёнининг барча босқичларига таъсир қилади: арахидон кислотаси даражасида простагландинлар (Pg) синтезини ингибиция қилади (липокортин фосфолипаза А2 ни сусайтиради, арахидон кислотасининг либерациясини бостиради ва яллиғланиш, аллергия ва бошқа жараёнларига ёрдам берувчи эндоперекислар, лейкотриенларнинг биосинтезини, «яллиғланишга қарши цитокинлар» (интерлейкин 1, ўсма некрозининг омили альфа ва бошқаларнинг) синтезини ингибиция қилади; хужайра мембранасининг турли шикастланиш омилларнинг таъсирига чидамлилигини оширади.

Иммунодепрессив самараси лимфоид тўқималар чақирган инволюция лимфоцитларининг пролиферациясини сусайиши (айниқса Т-лимфоцитларни), В-хужайраларнинг миграциясини сусайтирилиши ва Т- ва В-лимфоцитларнинг ўзаро таъсири, лимфоцитлар ва макрофаглардан цитокинларнинг (интерлейкин-1, 2; гамма-интерферон) ажралиб чиқишини тормозланиши ва антителаларнинг ҳосил бўлишини камайиши билан боғлиқ.

Аллергияга қарши самараси аллергия медиаторларининг синтезини ва секрециясини камайиши, сенсибилланган семиз хужайралардан ва базофиллардан гистамин ва бошқа биологик фаол моддаларнинг ажралиб чиқарилишини тормозланиши, айланиб юрувчи базофиллар сонини камайиши, лимфоид ва бириктирувчи тўқиманинг ривожланишини сусайтириши, Т- ва В-лимфоцитларни, семиз хужайралар миқдорини камайиши, аллергия медиаторларига эффектор хужайраларнинг сезувчанлигини камайиши, антителалар ҳосил бўлишини сусайиши, организмнинг иммун жавобини ўзгариши натижасида ривожланади.

Нафас йўлларининг обструктив касалликларида таъсири асосан яллиғланиш жараёнларини тормозланишини, шиллиқ қаватларнинг шишини олдини олиши ёки яққоллигини камайиши, бронхларнинг эпителийси шиллиқ ости қаватини эозинофил инфильтрациясини пасайиши ва бронхларнинг шиллиқ қаватида айланиб юрувчи иммун комплексларини тўпланиши, шунингдек шиллиқ қаватини эрозияланиши ва десквамациясини тормозланиши билан боғлиқ. Майда ва ўртача ўлчамли бронхларнинг бета-адренорецепторларини эндоген катехоламинларга ва экзоген симптомиметикларга сезувчанлигини оширади, шилимшиқнинг ёпишқоқлигини унинг ҳосил бўлишини камайиши ҳисобига пасайтиради.

Яллиғланиш жараёнини кечишини бириктирувчи тўқима реакцияларини тормозлайди ва чандиқ тўқимасининг ҳосил бўлиши эҳтимолини пасайтиради.

АКТТ синтези ва секрециясини ва иккиламчи эндоген ГКС синтезини сусайтиради.

Таъсирининг ўзига хослиги гипофиз фаолиятини сезиларли ингибиция қилиниши ва амалда тўлиқ минералокортикостероид фаоллигини бутунлай йўқлиги.

Суткада 1-1,5 мг дозалари буйрак усти безлари пўстлоғи фаолиятини сусайтиради; биологик ярим чиқарилиш даври 32-72 соат (гипоталамусгипофизбуйрак усти безларининг пўстлоқ моддаси тизимини сусайиши давомийлиги).

Глюкокортикостероид фаоллигини кучи бўйича 0,5 мг дексаметазон тахминан 3,5 мг преднизонга (ёки преднизолонга), 15 мг гидрокортизонга ёки 17,5 мг кортизонга тўғри келади.

Фармакокинетикаси

Ичга қабул қилинганидан кейин тез ва тўлиқ сўрилади. Қонда максимал концентрациясига 1-2 соатдан кейин эришилади. Қонда (60-70%) специфик оқсил-ташувчи - транскортин билан боғланади. Гистогематик тўсиқлар орқали (шу жумладан гематоэнцефалик ва йўлдош орқали) осон ўтади. Жигарда (асосан глюкурон ва олтингурурт кислотаси билан конъюгацияси орқали) нофаол метаболитларигача метаболизмга учрайди. Буйраклар орқали чиқарилади (оз миқдори сут безлари темир билан).

  • эндокрин касалликлари: буйрак усти безларининг ўткир етишмовчилиги, буйрак усти безлар пўстлоғининг бирламчи ва иккиламчи етишмовчилиги, буйрак усти безларининг туғма гиперплазияси, ўткир ости тиреоидит;
  • шок (куйиш, травматик, операцион, токсик) томирларни торайтирувчи воситалар, плазма ўрнини босувчи препаратлар ва бошқа симптоматик даволаш самарасиз бўлганида;
  • бош мия шиши (бош миянинг ўсмасида, бош мия жароҳатида, нейрохирургик аралашувларида, мияга қон қуйилганида, энцефалитда, менингитда, нурли шикастланишда);
  • астматик статус; оғир бронхоспазм (бронхиал астмани, сурункали обструктив бронхитни зўрайиши);
  • оғир аллергик реакциялар, анафилактик шок;
  • ревматик касалликлар;
  • бириктирувчи тўқиманинг тизимли касалликлари;
  • ўткир оғир дерматозлар;
  • хавфли касалликлар: катта пациентларда лейкоз ва лимфомани паллиатив даволаш; болалардаги ўткир лейкемия, хавфли ўсмалари бўлган пациентлардаги гиперкальциемия; перорал даволаш мумкин бўлмаганида;
  • қон касалликлари: катталардаги ўткир гемолитик анемиялар, агранулоцитоз, идиопатик тромбоцитопеник пурпура;
  • оғир инфекцион касалликлар (антибиотиклар билан бирга);
  • офтальмология амалиётида (субконъюнктивал, ретробульбар ёки парабульбар юборишлар): аллергик конъюнктивит, кератит, иридоциклит, блефарит, блефароконъюнктивит, склерит, эписклерит, кўз жароҳатидан ва оператив аралашувлардан кейинги яллиғланиш жараёни, симпатик офтальмия, шох парда кўчириб ўтказилганидан кейинги иммуносупрессив даволаш.

Дозалаш тартиби шахсий ва у кўрсатмаларга, беморнинг ҳолатига ва уни даволашга бўлган реакциясига боғлиқ. Препарат ичга овқатланиш вақтида ёки ундан кейин қабул қилинади. Сутка давомида глюкокортикостероидларни эрталабки соат 6 дан 8 гача орасида эндоген секрециясининг циркад ритмини ҳисобга олиб, қўллаш тавсия қилинади. Максимал суткалик доза 10-15 мг. Терапевтик самарага эришилганидан кейин дозани аста-секин (одатда 3 кунда 0,5 мг га) самарани бир маромда сақлаб турувчи дозага суткада 2-4,5 мг гача камайтирилади. Минимал самарали доза суткада 0,5-1 мг.

Болаларга Дексаметазон фақат мутлоқ кўрсатмалар бўйича суткада 0,08-0,3 мг ёки 2,510 мг/м2 дан 3-4 қабулда ёшига қараб буюрилади.

Дексаметазон билан даволашнинг давомийлиги патологик жараённинг характерига ва даволаш самарасига боғлиқ бўлиб, бир неча кундан бир неча ойлар ва ундан кўпни ташкил қилади. Даволашни аста-секин бекор қилиш керак. Препаратни узоқ муддат юқори дозаларда қўллаш дозани аста-секин, буйрак усти безлари пўстлоғининг ўткир етишмовчилигини ривожланишини бартараф қилиш мақсадида, пасайтиришни талаб қилади.

Дексаметазон одатда яхши ўзлаштирилади. У паст минералокортикоид фаолликка эга, яъни унинг сув-электролит алмашинувига таъсири катта эмас. Одатда Дексаметазоннинг кичик ва ўртача дозалари организмда натрий ва сувни тутилишини, калийни юқори чиқарилишини чақирмайди. Қуйидаги ножўя самаралари таърифланган:

Эндокрин тизими томонидан: глюкозага толерантликни пасайиши, стероид қандли диабет ёки яширин қандли диабетни кучайиши, буйрак усти бези фаолиятини сусайиши, Иценко-Кушинг синдроми (ойсимон юз, гипофизар тур семириш, гирсутизм, артериал босимни ошиши, дисменорея, аменорея, мушак кучсизлиги, стрийлар), болаларда жинсий ривожланишни кечикиши.

Овқат ҳазм қилиш тизими томонидан: кўнгил айниши, қусиш, панкреатит, меъда ва ўникки бармоқ ичакнинг стероид яраси, эрозив эзофагит, меъда-ичак йўлларидан қон кетиши ва перфорация, иштаҳани ошиши ёки камайиши, овқат ҳазм бўлишини бузилиши, метеоризм, ҳиқичоқ тутиши, кам ҳолларда «жигар» трансаминазалари ва ишқорий фосфатазанинг фаоллигини ошиши.

Юрак-қон томир тизими томонидан: аритмия, брадикардия (юрак тўхтаб қолгунича); юрак етишмовчилигини (мойиллиги бўлган пациентларда) ривожланиши ёки яққоллигини кучайиши, гиперкалиемияга хос ЭКГ даги ўзгаришлар, артериал босимни ошиши, гиперкоагуляция, тромбозлар. Ўткир ва ўткир ости миокард инфаркти бўлган беморларда некроз ўчоқларини тарқалиши, чандиқ тўқимасининг шаклланишини секинлашиши, бу юрак мушагини узилишига олиб келиши мумкин.

Нерв тизими томонидан: делирий, дезориентация, эйфория, галлюцинациялар, маниакал депрессив психоз, депрессия, параноя, бош мия ички босимини ошиши, асабийлик ёки безовталик, уйқусизлик, бош айланиши, вертиго, миячанинг сохта ўсмаси, бош оғриғи, тиришишлар.

Сезги аъзолари томонидан: кўришни бирдан йўқолиши (парентерал юборилганида бош, бўйин, бурун чиғаноқлари, бош териси соҳаларида, кўз томирларида препарат кристалларини тўпланиши мумкин), орқа субкапсуляр катаракта, кўриш нервининг шикастланишини мумкинлиги билан кўз ички босимини ошиши, кўзнинг иккиламчи бактериал, замбуруғли ёки вирусли инфекциялари, шох қаватининг трофик ўзгаришлари, экзофтальм.

Моддалар алмашинуви томонидан: кальцийни юқори чиқарилиши, гипокальциемия, тана вазнини ошиши, салбий азот мувозанати (оқсилларни юқори парчаланиши), кўп терлаш.

Минералокортикоид фаоллиги билан боғлиқ бўлган - суюқлик ва натрийни тутилиши (периферик шишлар), гипернатриемия, гипокалиемик синдром (гипокалиемия, аритмия, миалгия ёки мушакларнинг спазми, одатдаги бўлмаган ҳолсизлик ва толиқиш).

Таянч-ҳаракат аппарати томонидан: болаларда ўсиш ва суякларнинг шаклланиш жараёнларини секинлаши (эпифизар ўсиш соҳаларини муддатидан олдин ёпилиши), остеопороз (жуда кам суякларнинг патологик синишлари, елка ва сон суякларининг бошчасини асептик некрози), мушак пайларини узилиши, стероид миопатия, мушак массасини камайиши (атрофия).

Тери қопламалари ва шиллиқ қаватлари томонидан: жароҳатларнинг битишини секинлашиши, петехиялар, экхимикозлар, терини юпқалашиши, гипер- ёки гипопигментация, хуснбузар, стриялар, пиодермия ва кандидозларни ривожланишига мойиллик.

Аллергик реакциялар: тарқалган маҳаллий аллергик реакциялар (тери тошмаси, қичишиш, анафилактик шок).

Бошқалар: инфекцияни ривожланиши ёки зўрайиши (иммунодепрессантларни ва вакцинацияни бирга қўллаш бундай ножўя самараларни пайдо бўлишига ёрдам беради), лейкоцитоурия, «бекор қилиш» синдроми.

Ҳаётий кўрсатмалар бўйича қисқа муддатли қўллашлар учун якка қарши кўрсатма бўлиб, дексаметазонга ёки препаратнинг компонентларига юқори сезувчанлик ҳисобланади.

Болаларда ўсиш даврида ГКС ни фақат мутлоқ кўрсатмалар бўйича ва даволовчи шифокорнинг синчков назорати остида қўлланиши керак.

Препаратни қуйидаги касалликлар ва ҳолатларда эҳтиёткорлик билан буюриш керак:

  • меъда-ичак йўлларининг касалликлари меъда ва ўникки бармоқ ичакнинг яра касаллиги, эзофагит, гастрит, ўткир ёки латент пептик яра, яқинда яратилган ичак анастомози, перфорация ёки абсцессланиш хавфи билан бўлган носпецифик ярали колит, дивертикулит;
  • вирусли, замбуруғли ёки бактериал таъбиатли (ҳозирги вақтда ёки яқинда ўтказилган, шу жумладан яқинда бемор билан бўлган мулоқатда) паразитар ва инфекцион касалликлар оддий герпес, ўраб олувчи герпес (виремик фазаси), сувчечак, қизамиқ; амёбиаз, стронгилоидоз, тизимли микоз, фаол ва латент туберкулёз. оғир инфекцион касалликларда фақат специфик даволаш фонида қўллашга йўл қўйилади;
  • эмлашдан олдинги ва кейинги давр (эмлашдан 8 ҳафта олдин ва 2 ҳафта кейин), бцж билан эмлашдан кейинги лимфаденит. иммунтанқислик ҳолатлари (шу жумладан оитс ёки оитв билан инфекцияланиш);
  • юрак-қон томир тизимининг касалликлари, шу жумладан яқинда ўтказилган миокард инфаркти (ўткир ва ўткир ости миокард инфаркти бўлган беморларда некроз ўчоқларини тарқалиши, чандиқ тўқимасининг шаклланишини секинлашиши ва бунинг оқибатида юрак мушагини узилиши мумкин), оғир сурункали юрак етишмовчилиги, артериал гипертензия, гиперлипидемия;
  • эндокрин касалликлар - қандли диабет (шу жумладан углеводларга толерантликни бузилиши), тиреотоксикоз, гипотиреоз, иценко-кушинг касаллиги, семириш (iii-iv босқичи);
  • оғир сурункали буйрак ва/ёки жигар етишмовчилиги, нефроуролитиаз. гипоальбуминемия ва уни пайдо бўлишига мойиллиги бўлган ҳолатлар (жигар циррози, нефротик синдром);
  • тизимли остеопороз, миастения gravis, ўткир психоз, полимиелит (бульбар энцефалит шаклидан ташқари), очиқ ва ёпиқ бурчакли глаукома, ҳомиладорлик.
  • «жигар» микросомал ферментларининг индукторлари (фенобарбитал, рифампицин, фенитоин, теофиллин, эфедрин) унинг концентрациясини камайишига олиб келади;
  • диуретиклар (айниқса «тиазид» ва карбоангидраза ингибиторлари) ва амфотерицин В билан организмдан К+ чиқарилишини кучайишига ва юрак етишмовчилигини ривожланиш хавфини ошишига олиб келиши мумкин;
  • натрий сақловчи препаратлар билан шишларни ривожланиши ва артериал босимни ошишига;
  • юрак гликозидлари билан уларни ўзлаштираолиш ёмонлашади ва қоринчалар экстрасистолиясининг ривожланишини эҳтимоли ошади (чақирилган гипокалиемия туфайли);
  • билвосита антикоагулянтлар билан уларнинг таъсирини сусайтиради (камроқ кучайтиради), дозани тўғрилаш талаб қилинади;
  • антикоагулянтлар ва тромболитиклар билан меъда-ичак йўлларидаги яралардан қон кетишини ривожланиш хавфи ошади;
  • этанол ва ностероид яллиғланишга қарши препаратлар (НЯҚП) билан меъда-ичак йўлларида эрозив-ярали шикастланишларни пайдо бўлишини ва қон кетишини ривожланиш хавфи кучаяди (артритларни даволашда НЯҚП билан мажмуада терапевтик самараларини қўшилиши туфайли, глюкокортикостероидларнинг дозасини камайтириш мумкин);
  • парацетамол билан гепатотоксикликни ривожланиш хавфи ошади (жигар ферментларининг индукцияси ва парацетамолнинг заҳарли метаболитини ҳосил бўлиши);
  • ацетилсалицил кислотаси билан унинг чиқарилишини тезлаштиради ва қондаги концентрациясини камайтиради (дексаметазон бекор қилинганида салицилатларнинг қондаги даражаси кўпаяди ва ножўя кўринишларни ривожланиш хавфи ошади);
  • инсулин ва перорал гипогликемик препаратлар, гипотензив воситалар билан уларнинг самараси камаяди;
  • D витамини билан унинг ичакда Са2+ сўрилишига бўлган таъсири камаяди;
  • соматотроп гормонлар билан охиргисининг самарасини, празиквантел билан унинг концентрацияси камайтиради;
  • М-холиноблокаторлар (шу жумладан антигистамин препаратлар ва трициклик антидепрессантлар) ва нитратлар билан кўз ички босимини ошишига ёрдам беради;
  • изониазид ва мексилетин билан уларнинг метаболизмини оширади (айниқса «секин» ацетилаторларда), бу уларнинг плазмадаги концентрацияни камайишига олиб келади.

Карбоангидраза ингибиторлари ва «ҳалқали» диуретиклар остеопорозни ривожланиш хавфини ошириши мумкин.

Индометацин дексаметазоннинг альбумин боғидан суриб чиқариб, унинг ножўя самараларини ривожланиш хавфини оширади.

АКТГ дексаметазоннинг таъсирини кучайтиради.

Эргокальциферол ва паратгормон дексаметазон томонидан чақирувчи остеопатияни ривожланишига тўсқинлик қилади.

Циклоспорин ва кетоконазол дексаметазоннинг метаболизмини секинлаштириб, қатор ҳолларда унинг заҳарлилигини ошириши мумкин.

Андрогенларни ва стероид анаболик препаратларни дексаметазон билан бир вақтда буюриш, периферик шишларни ва гирсутизмни ривожланишига, хуснбузарларни пайдо бўлишига ёрдам беради.

Эстрогенлар ва перорал эстроген сақловчи контрацептивлар дексаметазоннинг клиренсини камайтиради, бу унинг таъсири яққоллигини кучайиши билан бирга кечиши мумкин.

Митотан ва буйрак усти безлари пўстлоғининг фаолиятини бошқа ингибиторлари дексаметазоннинг дозасини оширилиши кераклигини тақазо қилиниши мумкин.

Тирик вирусларга қарши вакциналар билан бир вақтда ва бошқа иммунизация турлари фонида вирусларни фаоллашиши хавфини ва инфекцияларни ривожланишини оширади.

Антипсихотик воситалар (нейролептиклар) ва азатиоприн дексаметазон буюрилганида катарактани ривожланиши хавфини оширади.

Антацидларни бир вақтда буюриш дексаметазонни сўрилишини пасайтиради.

Антитиреоид препаратлар билан бир вақтда қўлланганида дексаметазоннинг клиренси пасаяди, тиреоид гормонлар билан ошади.

Даволашни бошлашдан олдин (даволаш жараёнида ургентлик ҳолати туфайли иложи бўлмаганида) бемор қўллаш мумкин бўлмаган ҳолатларни аниқлаш учун текширилиши керак. Клиник текширишлар юрак-қон томир тизимини, ўпкани рентгенологик текширишлари, меъда ва ўникки бармоқ ичакни, сийдик-чиқариш тизимини, кўриш аъзоларини; қон формуласини, қон плазмасида глюкоза ва электролитларнинг миқдорини назорат қилишни ўз ичига олади.

Дексаметазон билан даволаш вақтида (айниқса узоқ вақт) окулистнинг кузатуви, артериал босим ва сув-электролит мувозанатининг ҳолатини, шунингдек периферик қон манзарасини ва қонда глюкоза даражасининг назорати керак.

Ножўя ҳолатларни камайтириш мақсадида организмга К+ тушишини (парҳез, калий препаратлари) ошириш керак. Овқат оқсиллар, витаминларга бой, ёғлар, углеводлар ва ош тузининг миқдори чекланган бўлиши керак.

Гипотиреоз ва жигар циррози бўлган беморларда препаратнинг таъсири кучаяди. Препарат мавжуд бўлган эмоционал беқарорликни ёки психотик бузилишларни кучайтириши мумкин. Анамнезида психозлар бўлганида Дексаметазон юқори дозаларда шифокорнинг назорати остида буюрилади.

Самарани бир маромда сақлаб турувчи даволаш вақтидаги стресс ҳолларида (масалан, жарроҳлик операцияларида, жароҳат ёки инфекцион касалликларда) препаратнинг дозасини глюкокортикостероидларга талабни ошиши сабабли тўғрилаш керак. Дексаметазон билан узоқ муддатли даволаш тугаганидан кейин, стресс ҳолатларда буйрак усти безлари пўстлоғининг нисбий етишмовчилигини ривожланиши мумкинлиги сабабли, беморларни бир йил давомида синчиклаб назорат қилиш керак.

Бирдан бекор қилишда, айниқса илгари юқори дозалар қўлланган ҳолларда, «бекор қилиш» синдроми (анорексия, кўнгил айнаши, тормозланиш, ёйилган мушак-скелет оғриқлари, умумий ҳолсизлик) ривожланиши, шунингдек Дексаметазонни буюришга сабаб бўлган касаллик зўрайиши мумкин.

Дексаметазон билан даволаш вақтида, унинг самарасини камайиши (иммун жавобни) сабабли вакцинацияни ўтказиш керак эмас.

Интеркуррент инфекцияларда, септик ҳолатларда ва туберкулезда Дексаметазонни буюриш билан бир вақтда бактерицид таъсирли антибиотиклар билан даволашни ўтказиш керак.

Болаларда Дексаметазон билан узоқ муддат даволаниш вақтида ўсиш ва ривожланиш динамикасини синчиклаб кузатиш керак. Даволаниш даврида қизамиқли ёки сувчечакли беморлар билан муомалада бўлган болаларга, профилактик специфик иммуноглобулинлар буюрилади.

Қандли диабети бўлган беморларда глюкозанинг қондаги миқдорини назорат қилиш ва зарурати бўлганида даволашни тўғрилаш керак.

Суяк-бўғим тизимини рентгенологик назорати кўрсатилган (умуртқа поғонаси, бармоқларнинг суратлари).

Буйрак ва сийдик-чиқариш йўлларининг инфекцион касалликлари бўлган беморларда Дексаметазон лейкоцитоурияни чақириши мумкин, бу ташхисий аҳамиятга эга бўлиши мумкин.

Дексаметазон 11 ва 17-оксикетокортикостероидларнинг метаболитлари миқдорини оширади.

Муддатидан олдин туғилган чақалоқлар: Мавжуд бўлган маълумотлар сурункали ўпка касаллиги бўлган чала туғилган чақалоқларда кунига икки марта 0,25 мг/кг бошланғич дозада даволаш бошланганидан кейин (<96 соат) неврологик ривожланишни узоқ муддатли бузилишлари каби ножўя таъсирлар ривожланишидан далолат беради.

Ҳомиладорлик ва эмизиш даврида қўлланилиши

Ҳомиладорлик вақтида (айниқса биринчи уч ойлигида) препаратни фақат кутилаётган даволаш самараси ҳомила учун бўлган потенциал хавфдан устун бўлганида қўлланиши мумкин. Ҳомиладорлик даврида узоқ муддат қўлланганида ҳомиланинг ўсишини бузилиши мумкинлигини истисно қилиб бўлмайди. Ҳомиладорликнинг охирида қўллаш ҳолида ҳомилада буйрак усти безлари пўстлоғининг атрофиясини пайдо бўлиш хавфи мавжуд, у янги туғилган чақалоқда ўринбосар даволаш ўтказишни талаб қилиши мумкин.

Агарда эмизиш вақтида препарат билан даволашни ўтказишнинг зарурати бўлса, эмизишни тўхтатиш керак.

Кортикостероидларни ҳомиладор ҳайвонларга юборганда ҳомилани бузилишини чақириши мумкин, шунингдек танглай, ҳомилани она қорнида ўсишини кечикиши ва бош мияни ривожланиши ва ўсишини секинлашиши. Кортикостероидлар одамда қуён лаб, бўри танглай каби туғма нуқсонларни тарқалишини ошишига олиб келади

Ҳайвонларда ўтказилган текширувларда каламушларда, сичқонларда, оғмахонларда, қуёнларда, ит ва приматларда бўри танглай кузатилган, от ва қўйларда эса бўлмаган. Айрим ҳолатларда бу тарқалишлар марказий нерв тизимини ва юрак бузилишлари билан йиғилган. Приматларда бош миядаги симптомлар нурланишдан кейин аниқланган. Бундан ташқари, бачадон ичи ўсиши кечиккан. Ҳамма ушбу симптомлар юқори дозаларда аниқланган.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Юқорида келтирилган ножўя ҳолатлар кучайиши мумкин. Дексаметазоннинг дозасини дарҳол камайтириш керак. Даволаш симптоматик.

10 таблеткадан блистерда ёки қуйи зичликдаги полиэтиленли пластик қопқоқли тўқ шиша флаконда. 1 блистер ёки флакондан қўллаш бўйича йўриқномаси билан бирга картон қутида.

Намликдан ва ёруғликдан ҳимояланган жойда, 25 °С дан юқори бўлмаган ҳароратда.

5 йил.

Рецепт бўйича.

КРКА, д.д., Ново место, Шмарьешка цеста 6, 8501 Ново место, Словения

Tavsifnomalar
Brend:
Savdo nomi:
Dozalash:

Deksametazon: 0.5 mg/tabletkalar

Chiqarish shakli:
Tabletkalar
Paketdagi miqdor:
10
Og'irligi:
0,5 mg
Qo'llash tartibi:
Og`izga
Dam olish shartlari:
Retsept bo'yicha
Kelib chiqishi:
Kimyoviy
Birlamchi qadoqlash:
blister
ATХ guruhi:
Belgisi:
Import
Ishlab chiqaruvchi:
Kelib chiqqan mamlakati:
Sloveniya

Ko`p so`raladigan savollar

Deksametazon (Dexamethasone) KRKA tabletkalari 0,5 mg №10 (1 blister) narxi har bir paket uchun dan boshlanadi.

Deksametazon (Dexamethasone) KRKA tabletkalari 0,5 mg №10 (1 blister) ni ishlab chiqaruvchi mamlakat Sloveniya.

Deksametazon (Dexamethasone) KRKA tabletkalari 0,5 mg №10 (1 blister) ning asosiy faol moddasi Deksametazon hisoblanadi.

Deksametazon (Dexamethasone) KRKA tabletkalari 0,5 mg №10 (1 blister) ishlab chiqaruvchisi krka hisoblanadi.