Neyrokson (Neuroxon) og'iz eritmasi 100 mg/ml, 45 ml (flakon)

Tarkib

1 ml eritma tarkibiga quyidagilar kiradi:

faol modda: natriy sitikolin qayta hisoblanganda, sitikolinga - 100 mg;

yordamchi moddalar: metil paragidroksibenzoat (E218), propil paragidroksibenzoat (E 216), kaliy sorbat, glitserin, sorbit (E420), glitserinformal, natriy sitrat, natriy saxarin, limon kislotasi, monogidrat, tozalangan suv.

Tavsif

Rangsiz yoki sariq tusli, o‘ziga xos hidli rangsiz suyuqlik. Opalessensiyaga ruxsat etiladi.

Dori shakli

Ichish uchun eritma.

Farmakoterapevtik guruh

Boshqa psixostimullovchi va nootrop vositalar. ATS kodi: N06BX06.

Farmakologik xususiyatlari

Farmakodinamika

Sitikolin neyronlar membranasida strukturaviy fosfolipidlar biosintezini rag‘batlantiradi, bu membrana funksiyalarini, jumladan, ion almashinuv nasoslari va neyroretseptorlar faoliyatini yaxshilashga yordam beradi. Sitikolin membranaga barqarorlashtiruvchi ta’sir ko‘rsatishi tufayli shishga qarshi xususiyatga ega, shu tufayli miya shishini kamaytiradi. Sitikolin ba’zi fosfolipazalar faoliyatini susaytiradi, erkin radikallarning qoldiq ajralishiga to‘sqinlik qiladi, membrana tizimlarining shikastlanishining oldini oladi va himoya antioksidant tizimining saqlanishini ta’minlaydi.

Sitikolin apoptoz mexanizmlariga ta’sir qilib, shikastlangan to‘qima hajmini kamaytiradi, hujayralar o‘limining oldini oladi, shuningdek, xolinergik uzatishni yaxshilaydi. Sitikolin miyaning o‘choqli insultlarida ham profilaktik neyroprotektor ta’sir ko‘rsatadi.

Sitikolin miya qon aylanishining o‘tkir buzilishlarida bemorlarning tez funksional reabilitatsiyasiga yordam beradi, miya to‘qimalarining ishemik shikastlanishini kamaytiradi, bu rentgenologik tadqiqotlar natijalari bilan tasdiqlanadi.

Bosh miya jarohatlarida sitikolin tiklanish davrining davomiyligini qisqartiradi va jarohatdan keyingi sindromning intensivligini kamaytiradi.

Sitikolin miya faoliyati darajasining oshishiga yordam beradi, amneziya darajasini kamaytiradi, miya ishemiyasida kuzatiladigan kognitiv, sensitiv va motor buzilishlarda holatni yaxshilaydi.

Farmakokinetika

Sitikolin og‘iz orqali, mushak orasiga va venaga yuborilganda yaxshi so‘riladi. Preparat yuborilgandan so‘ng, qon plazmasida xolinlar miqdori sezilarli darajada oshishi kuzatiladi. Preparat ichilganda deyarli to‘liq so‘riladi. Tadqiqotlar shuni ko‘rsatdiki, peroral va parenteral yuborish yo‘llarida biosinguvchanligi deyarli bir xil.

Preparat ichak va jigarda xolin va sitidin hosil qilib metabolizmga uchraydi. Sitikolin yuborilgandan so‘ng miya to‘qimalari tomonidan o‘zlashtiriladi, bunda xolinlar fosfolipidlarga, sitidin sitidin nukleotidlari va nuklein kislotalariga ta’sir qiladi. Sitikolin miya to‘qimalariga tez yetib boradi va hujayra membranalari, sitoplazma, sitoplazma va mitoxondriyalarga faol kirib, fosfolipidlar faoliyatini faollashtiradi.

Yuborilgan dozaning faqat ozgina miqdori siydik va najas bilan chiqariladi (3% dan kam). Kiritilgan dozaning taxminan 12% qismi nafas yo‘llari orqali chiqariladi. Preparatning siydik va nafas yo‘llari orqali chiqarilishi ikki fazaga ega: birinchi faza - tez chiqarish (siydik bilan - dastlabki 36 soat davomida, nafas yo‘llari orqali - dastlabki 15 soat davomida), ikkinchi faza - sekin chiqarish. Preparat dozasining asosiy qismi metabolizm jarayoniga qo‘shiladi.

Qo‘llanilishi

miya qon aylanishi buzilishlarining o‘tkir bosqichi va miya qon aylanishi buzilishlarining asoratlari va oqibatlarini davolash;

bosh miya jarohati va uning oqibatlari;

degenerativ va qon tomir genezli serebral patologiya tufayli kelib chiqqan kognitiv, sezuvchanlik, harakat va nevrologik buzilishlar.

Qo‘llash usuli va dozalari

Ichkariga. Kattalar uchun tavsiya etilgan doza kuniga 500 mg (5 ml) dan 2000 mg (20 ml) gacha bo‘lib, 2-3 marta qabul qilinadi. Ovqatlanishdan qat’i nazar qabul qilinadi. Oldindan ozgina suv bilan aralashtirilgan preparat dozalovchi shpris yordamida qabul qilinadi. Dozalovchi shprisni har gal ishlatgandan keyin suv bilan yuvib turish kerak.

Preparatning dozalari va davolash muddatlari miya shikastlanishining og‘irligiga bog‘liq bo‘lib, shifokor tomonidan individual belgilanadi.

Keksa yoshdagi bemorlar dozani korreksiyalashni talab qilmaydilar.

Salbiy ta’sirlar

Nojo‘ya ta’sirlar juda kam uchraydi (<1/10000), shu jumladan yakka holatlar ham uchraydi.

Ruhiy buzilishlar: gallyutsinatsiyalar.

Asab tizimi tomonidan: kuchli bosh og‘rig‘i, bosh aylanishi.

Yurak-qon tomir tizimi tomonidan: arterial gipertenziya, arterial gipotenziya, taxikardiya.

Nafas tizimi tomonidan: dispnoe.

Ovqat hazm qilish yo‘llari tomonidan: ko‘ngil aynishi, qusish, ich ketishi.

Umumiy buzilishlar: titroq, shish, allergik reaksiyalar, shu jumladan: toshma, purpura, qichishish, angionevrotik shish, anafilaktik shok.

Qarshi ko‘rsatmalar

preparat komponentlariga yuqori sezuvchanlik;

parasimpatik asab tizimining yuqori tonusi.

Dorilarning o‘zaro ta’siri

Sitikolin levodopaning ta’sirini kuchaytiradi. Tarkibida meklofenoksat bo‘lgan dori vositalari bilan bir vaqtda buyurish mumkin emas. Nomuvofiqlik noma’lum.

Maxsus ko‘rsatmalar

Fruktozaga tolerantlikning irsiy buzilishi bo‘lgan bemorlar ichish uchun mo‘ljallangan Neyrokson eritmasini tarkibida sorbit mavjudligi sababli qabul qilmasligi kerak. Reparat tarkibidagi metilparagidroksibenzoat va propilparagidroksibenzoat allergik reaksiyalarni (odatda sekinlashgan turdagi) keltirib chiqarishi mumkin.

Homiladorlik yoki emizish davrida qo‘llash

Homilador ayollarda Neyroksonni qo‘llashga oid ma’lumotlar yetarli emas. Sitikolinning ona sutiga ekskretsiyasi va uning homilaga ta’siri haqidagi ma’lumotlar ma’lum emas. Shuning uchun homiladorlik yoki emizish davrida preparat faqat ona uchun kutilayotgan foyda homila uchun potensial xavfdan yuqori bo‘lgandagina buyuriladi.

Bolalar

Neyroksonni bolalarda qo‘llashga oid ma’lumotlar yetarli emas. Preparat juda zarur bo‘lganda, qo‘llashdan kutilayotgan foyda potensial xavfdan yuqori bo‘lganda qo‘llaniladi.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Ayrim hollarda markaziy asab tizimi tomonidan ba’zi nojo‘ya reaksiyalar avtotransport va vositalarni boshqarish hamda murakkab mexanizmlar bilan ishlash qobiliyatiga ta’sir qilishi mumkin.

Bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish. Dozani oshirib yuborish holatlari qayd etilmagan.

Chiqarish shakli

45 ml dan flakonda; 1 flakon dozator bilan birga qutida.

Saqlash shartlari

Asl qadoqda 30 °C dan yuqori bo‘lmagan haroratda saqlang! Muzlatmaslik va sovutmaslik. Saqlash jarayonida yengil opalessensiya paydo bo‘lishi mumkin, bu preparat xona haroratida (≈ 20 °C) saqlanganda yo‘qoladi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Galichfarm" OAJ.

Ukraina, 79024, Lvov sh., Oprishkovskaya ko‘chasi, 6/8.