Nistatin (Nystatinum) Biosintez plyonka bilan qoplangan planshetlar 500000 dona №20 (2 blister х 10 tabletka)

Tarkib

Bir tabletka quyidagilarni o‘z ichiga oladi:

Faol modda:

Nistatin - 55,5 mg (250000 TB) - 111 mg (500000 TB)

Yadrodagi yordamchi moddalar:

laktoza monogidrat (sut shakari) - 28,8 mg - 57,60 mg

magniy gidroksikarbonat (magniy asosli karbonat)

- 12 mg - 24 mg

gipromelloza (oksipropilmetilsellyuloza) -1,2 mg -2,4 mg

kalsiy stearat - 1,2 mg - 2,4 mg

kartoshka kraxmali - 21,3 mg - 42,6 mg

Qobiqning yordamchi moddalari:

laktoza monogidrat (sut shakari) - 0,885 mg - 1,77 mg

gipromelloza (oksipropilmetilsellyuloza) - 3,143 mg - 6,286 mg

titan dioksidi - 0,265 mg - 0,53 mg

polisorbat 80 (tvin 80) - 0,315 mg - 0,63 mg

magniy gidrosilikat (talk) - 0,265 mg - 0,53 mg

vanilin - 0,12 mg - 0,24 mg

sariq xinolin bo‘yog‘i, Ye 104 - 0,0035 mg - 0,007 mg

tropeolin O bo‘yog‘i - 0,0035 mg - 0,007 mg

Tavsif

Plyonkali qobiq bilan qoplangan, yashilroq tusli och sariq rangli, yengil vanilin hidiga ega tabletkalar.

Chiqarish shakli

Plyonkali qobiq bilan qoplangan tabletkalar, 250 000 TB va 500 000 TB.

Farmakoterapevtik guruh

Zamburug‘larga qarshi antibiotik. Nistatin. ATX kodi: A07AA02.

Farmakologik xususiyatlari

Farmakodinamika

Nistatin - 19-mikozaminilstatinolid Streptomyces noursei aktinomitseti tomonidan ishlab chiqariladigan polien guruhi antibiotiklariga kiradi.

Nistatin achitqisimon zamburug‘lar Candida ga fungostatik ta’sir ko‘rsatadi. Preparat me’da-ichak yo‘llaridan yomon so‘riladi. Ichilgan preparatning asosiy qismi axlat bilan ajraladi. Nistatin kumulyativ xususiyatga ega emas.

Ko‘rsatmalar

Teri va ichki a’zolar shilliq qavatlarining kandidozi.

Antibakterial vositalar bilan uzoq muddat davolanganda, ayniqsa ozib-to‘zib ketgan va zaiflashgan bemorlarda (profilaktika maqsadida) kandidoz rivojlanishining oldini olish.

Qarshi ko‘rsatmalar

Yuqori sezuvchanlik.

Jigar faoliyatining buzilishi, pankreatit.

Oshqozon va o‘n ikki barmoqli ichak yara kasalligi.

3 yoshgacha bo‘lgan bolalar yoshi.

Homiladorlik.

Laktozani ko‘tara olmaslik, laktaza yetishmovchiligi, glyukoza-galaktoza malabsorbsiyasi.

Ehtiyotkorlik bilan

Preparatni buyrak kasalliklarida, leykopeniyada (qonda leykotsitlar miqdori kamayganda) ehtiyotkorlik bilan qo‘llash lozim.

Homiladorlik va laktatsiya

Nistatinni homiladorlikda qo‘llash mumkin emas.

Ko‘krak suti bilan Nistatin ajralishi haqida ma’lumotlar yo‘q, shuning uchun laktatsiya davrida Nistatinni qo‘llash zarur bo‘lganda, ko‘krak suti bilan emizishni to‘xtatish masalasini hal qilish kerak.

Qo‘llash usuli va dozalari

Ichki a’zolar kandidozini davolash uchun nistatin ovqat qabul qilishdan qat’i nazar ichiladi.

Kattalarga 111 mg (500 000 TB) 3-4 mahal yoki 55,5 mg (250 000 TB) 6-8 mahal buyuriladi. Tarqalgan kandidozda sutkalik doza 6 000 000 TB gacha oshirilishi mumkin.

3 yoshdan 13 yoshgacha bo‘lgan bolalarga 55,5 mg (250 000 TB) dan kuniga 3-4 marta, 13 yosh va undan kattalarga - 55,5 mg - 111 mg (250 000 TB - 500 000 TB) dan kuniga 3-4 marta. Davolash kursi davomiyligi - 10-14 kun. Zarur bo‘lsa, bir haftadan so‘ng kurs takrorlanishi mumkin.

Nojo‘ya ta’sirlari

Nistatin ichilganda ko‘ngil aynishi, qusish, qaltirash, ich ketishi, teri qichishi mumkin. Bunday hollarda doza kamaytiriladi yoki preparat bekor qilinadi.

Dozani oshirib yuborish

Hozirgi vaqtda Nistatin preparatining dozasini oshirib yuborish holatlari haqida xabar berilmagan.

O‘zaro aloqa

Amfoteritsin B bilan o‘zaro rezistentlik kuzatiladi.

Nistatin klotrimazol bilan bir vaqtda qo‘llanganda, uning faolligi pasayadi.

Transport vositalari va mexanizmlarini boshqarish qobiliyatiga ta’siri

Preparat haydovchilar va texnika bilan ishlaydigan odamlarga salbiy ta’sir ko‘rsatishi mumkinligi haqida ma’lumotlar yo‘q.

Qadoq

To‘q rangli shisha bankada yoki polietilen yoki polipropilendan tayyorlangan polimer bankada 10, 20, 30, 50 yoki 100 tadan tabletka.

Polivinilxlorid plyonkasi va alyuminiy bosma loklangan folga yoki polietilen qoplamali qog‘ozdan tayyorlangan konturli katakli o‘ramda 10 tadan tabletka.

1 banka yoki 1, 2, 3, 5, 10 ta konturli yacheykali o‘ramlar qo‘llash bo‘yicha yo‘riqnoma bilan birga karton qutiga joylangan.

Saqlash shartlari

Harorati 25 °C dan yuqori bo‘lmagan, quruq, yorug‘likdan himoyalangan joyda saqlang.

Yaroqlilik muddati

2 yil. Qadoqda ko‘rsatilgan yaroqlilik muddati tugagandan so‘ng qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

BIOSINTEZ OAJ Rossiya.

Ishlab chiqaruvchi

BIOSINTEZ OAJ Rossiya.