Kaltsiy D3 Nik Forte Tomonidan

Tarkib

1 ta tabletka tarkibida quyidagilar mavjud:

faol moddalar: kalsiy karbonat - 1 250 mg (500 mg kalsiyga teng), xolekalsiferol (D3 vitamini) - 10 mkg (400 XB D3 vitaminiga teng);

yordamchi moddalar: laktoza, shakar, sukraloza, izomalt, apelsin aromatizatori, yalpiz aromatizatori, limon aromatizatori, magniy stearati, titan dioksidi, makkajo‘xori kraxmali.

Tavsif

Yumaloq, ikki tomonlama qabariq, g‘adir-budur g‘ovakli sirtli, oq rangli, xol-xol, apelsin yoki limon yoki yalpiz ta’mli chaynaladigan tabletkalar.

Dori shakli

Limon yoki apelsin yoki yalpiz ta’mli chaynaladigan tabletkalar.

Farmakoterapevtik guruh

Metabolik jarayonlarni korreksiyalash uchun vosita. ATX kodi: A12AX.

Farmakologik xususiyatlari

Farmakodinamika

Kalsiy va fosfor almashinuvini boshqaruvchi kombinatsiyalangan preparat. U rezorbsiyani (so‘rilishni) pasaytiradi va suyak to‘qimasining zichligini oshiradi, organizmda kalsiy va D3 vitamini yetishmasligini to‘ldiradi, bu esa tishlarning minerallashuvi uchun zarurdir.

Kalsiy nerv o‘tkazuvchanligini, mushak qisqarishlarini boshqarishda ishtirok etadi va qon ivish tizimining tarkibiy qismi hisoblanadi.

Kalsiyni yetarli darajada iste’mol qilish, ayniqsa, o‘sish, homiladorlik va laktatsiya davrida juda muhimdir.

D3 vitamini (xolekalsiferol) kalsiyning ichakda so‘rilishini oshiradi.

Kalsiy va D3 vitaminini qo‘llash paratireoid gormon (PTG) ishlab chiqarilishining ko‘payishiga to‘sqinlik qiladi, bu esa suyak rezorbsiyasining (suyaklardan kalsiyning yuvilishi) kuchayishini rag‘batlantiradi.

Farmakokinetika

Kalsiy

So‘rish

Odatda oshqozon-ichak yo‘llarida so‘riladigan kalsiy miqdori qabul qilingan dozaning taxminan 30% ini tashkil etadi.

Taqsimlanish va metabolizm

Organizmdagi kalsiyning 99% i suyaklar va tishlarning qattiq tuzilishida to‘plangan. Qolgan 1% hujayra ichidagi va tashqarisidagi suyuqliklarda bo‘ladi. Qondagi umumiy kalsiyning taxminan 50% fiziologik faol ionlashgan shaklda bo‘ladi, shundan taxminan 10% sitrat, fosfat yoki boshqa anionlar bilan kompleksda, qolgan 40% oqsillar, birinchi navbatda, albumin bilan bog‘langan.

Chiqarish

Kalsiy ichak, buyrak va ter bezlari orqali chiqariladi. Buyrak orqali chiqarilishi kalsiyning koptokchalar filtratsiyasi va kanalchalar reabsorbsiyasiga bog‘liq.

D3 vitamini

So‘rish

D3 vitamini ingichka ichakda oson so‘riladi (qabul qilingan dozaning taxminan 80%).

Taqsimlanish va metabolizm

Xolekalsiferol va uning metabolitlari qonda maxsus globulin bilan bog‘langan holda aylanib yuradi. Xolekalsiferol jigarda 25-gidroksixolekalsiferolgacha gidroksillanish yo‘li bilan o‘zgaradi. So‘ngra buyrakda 1,25-gidroksixolekalsiferolning faol shakliga aylanadi. 1,25-gidroksixolekalsiferol kalsiy so‘rilishini oshirish uchun mas’ul metabolit hisoblanadi.

Metabolizmga uchramagan D3 vitamini yog‘ va muskul to‘qimasida to‘planadi.

Chiqarish

D3 vitamini ichak va buyraklar orqali chiqariladi.

Ko‘rsatmalar

Keksalarda kalsiy va D vitamini tanqisligining oldini olish va davolash.

Kalsiy va D vitamini yetishmovchiligi xavfi bo‘lgan bemorlarda osteoporozni davolashda qo‘shimcha terapiya sifatida kalsiy va D vitaminini qabul qilish.

Qo‘llash usuli va dozalari

Kattalar va qariyalar: 1 tabletkadan kuniga 2 mahal.

Bolalar: Kalsiy D3 Nika Forte bolalarda qo‘llash uchun mo‘ljallanmagan.

Tabletkani chaynash va so‘rish mumkin, ovqat bilan birga qabul qilish maqsadga muvofiq.

Bemorlarning alohida guruhlari

Jigar faoliyati buzilgan bemorlar

Dozani tuzatish talab etilmaydi.

Buyrak faoliyati buzilgan bemorlar

Og‘ir buyrak yetishmovchiligida Kalsiy D3 Nik Forte preparatini qo‘llash mumkin emas.

Davolash davomiyligi

Kalsiy va/yoki D3 vitamini tanqisligining oldini olish va davolash uchun qo‘llanilganda, davolash kursining o‘rtacha davomiyligi kamida 4-6 haftani tashkil etadi. Yil davomida takroriy kurslar soni individual ravishda belgilanadi.

Osteoporoz va uning asoratlari (suyak sinishi) ning spetsifik terapiyasiga qo‘shimcha va profilaktikasi uchun qo‘llanilganda, davolash davomiyligi shifokor tomonidan individual belgilanadi.

Nojo‘ya ta’sirlari

Har qanday dori vositasi kabi, Kalsiy D3 Nika Forte ham nojo‘ya ta’sirlarni keltirib chiqarishi mumkin, ammo ular hammada ham namoyon bo‘lavermaydi.

Preparatning nojo‘ya ta’sirlari chastotasi quyidagicha baholanadi: juda tez-tez: > 1/10 5; tez-tez: > 1/100, < 1/10; kamdan-kam: > 1/1000, < 1/100; kamdan-kam: > 1/10 000, < 1/1000; juda kamdan-kam: < 1/10 000; chastotasi noma’lum (mavjud ma’lumotlar bo‘yicha hisoblab bo‘lmaydi).

Ayrim hollarda quyidagi nojo‘ya ta’sirlar kuzatilishi mumkin:

Moddalar almashinuvi va ovqatlanish tomonidan: kamdan-kam hollarda - giperkalsiemiya va giperkalsiuriya; juda kam hollarda - sut-ishqor sindromi (Bernett sindromi), odatda faqat dozani oshirib yuborishda kuzatiladi ("Dozani oshirib yuborish" bo‘limiga qarang).

Oshqozon-ichak trakti tomonidan: kamdan-kam hollarda - qabziyat, meteorizm, ko‘ngil aynishi, qorin og‘rig‘i, diareya, dispepsiya.

Teri va teri osti kletchatkasi tomonidan: juda kamdan-kam hollarda - qichishish, toshma, eshakemi.

Immun tizimi tomonidan: chastotasi noma’lum - angionevrotik shish yoki hiqildoq shishi kabi yuqori sezuvchanlik reaksiyalari.

Qarshi ko‘rsatmalar

kalsiy, D3 vitamini va preparatning boshqa tarkibiy qismlariga yuqori sezuvchanlik (shu jumladan laktozani ko‘tara olmaslik, laktaza yetishmovchiligi, glyukozagalaktoza malabsorbsiyasi);

og‘ir buyrak yetishmovchiligi;

giperkalsiyemiya (qonda kalsiy konsentratsiyasining oshishi) va giperkalsiuriya (siydikda kalsiy miqdorining oshishi);

siydik-tosh kasalligi (kalsiy toshlari hosil bo‘lishi);

dekalsinatsiyalanuvchi o‘smalar (miyeloma, suyak metastazlari, sarkoidoz);

osteoporoz (immobilizatsiya tufayli);

o‘pka sili (faol shakli);

3 yoshgacha bo‘lgan bolalar yoshi (ushbu dori shakli uchun);

gipervitaminoz D.

Ehtiyotkorlik bilan: homiladorlik, emizish davri, buyrak yetishmovchiligi.

Dozani oshirib yuborish

Dozani oshirib yuborish giperkalsiyemiya va D gipervitaminoziga olib kelishi mumkin.

Dozani oshirib yuborish (giperkalsiyemiya) belgilari: anoreksiya, chanqoqlik, poliuriya, mushaklar kuchsizligi, ko‘ngil aynishi, qusish, qabziyat, qorin og‘rig‘i, tez charchash, suyaklarda og‘riq, ruhiy buzilishlar, polidipsiya, nefrokalsinoz, buyrak-tosh kasalligi va og‘ir hollarda yurak aritmiyalari. Uzoq vaqt davomida ortiqcha dozalarda (2500 mg dan ortiq kalsiy) qo‘llanilganda buyraklarning shikastlanishi, yumshoq to‘qimalarning kalsinozi kuzatiladi. Sut-ishqor sindromi (Bernett sindromi) bemorlarda og‘iz orqali ko‘p miqdorda kalsiy va so‘riladigan ishqor qabul qilinganda yuzaga kelishi mumkin.

Dozani oshirib yuborish belgilari aniqlangan taqdirda, kalsiy va D2 vitamini, shuningdek, tiazidli diuretiklar va yurak glikozidlarini qabul qilishni to‘xtatish hamda shifokorga murojaat qilish zarur.

Davolash: oshqozonni yuvish, yo‘qotilgan suyuqlik o‘rnini to‘ldirish, qovuzloqli diuretiklar (masalan, furosemid), glyukokortikosteroidlar, kalsitonin, bisfosfonatlar qo‘llash. Qon plazmasidagi elektrolitlar miqdorini, buyrak faoliyatini va diurezni nazorat qilish kerak. Og‘ir hollarda markaziy venoz bosimni (MVB) o‘lchash va elektrokardiogrammani (EKG) nazorat qilish zarur.

Ehtiyot choralari va qo‘llash xususiyatlari

Uzoq muddatli davolashda qon zardobidagi kalsiy va kreatinin miqdorini nazorat qilish lozim. Yurak glikozidlari va diuretiklar bilan bir vaqtda davolangan keksa bemorlarda ("Dorilarning o‘zaro ta’siri" bo‘limiga qarang) va buyrakda tosh hosil bo‘lishiga moyilligi yuqori bo‘lgan bemorlarda kuzatish ayniqsa muhimdir.

Dozani oshirib yubormaslik uchun D vitamini va kalsiyning boshqa manbalardan qo‘shimcha qabul qilinishini hisobga olish zarur.

Osteoporoz bilan immobillangan bemorlarda giperkalsiyemiya rivojlanish xavfi tufayli kalsiy va D3 vitamini ehtiyotkorlik bilan qo‘llanilishi kerak.

Tetratsiklin yoki xinolon guruhidagi antibiotiklar bilan bir vaqtda qo‘llash odatda tavsiya etilmaydi yoki ehtiyotkorlik bilan amalga oshirilishi kerak ("Dorilarning o‘zaro ta’siri" bo‘limiga qarang).

Jigar faoliyati buzilishlarida qo‘llash

Ma’lumotlar yo‘q.

Buyrak faoliyati buzilishlarida qo‘llash

Giperkalsiyemiya yoki buyrak faoliyati buzilishi belgilari kuzatilgan hollarda dozani kamaytirish yoki davolashni to‘xtatish lozim.

Preparatni nefrolitiazda qo‘llash mumkin emas.

D3 vitaminini buyrak yetishmovchiligi bo‘lgan bemorlarda ehtiyotkorlik bilan qabul qilish lozim. Bu holda qon zardobidagi kalsiy va fosfatlar miqdorini nazorat qilish kerak. Shuningdek, yumshoq to‘qimalar kalsinozi xavfini ham hisobga olish zarur.

Bolalar

Preparat tabletka dori shaklida 3 yoshgacha bo‘lgan bolalarda qo‘llanilmaydi.

Homiladorlik va laktatsiya davri

Kalsiy D3 Nik Forte homiladorlikda organizmda kalsiy va D3 vitamini tanqisligini to‘ldirish uchun qo‘llaniladi. Homiladorlikda umumiy sutkalik qabul 1500 mg kalsiy va 600 XB vitamin D3 dan oshmasligi kerak. Homiladorlik davrida dozani oshirib yuborish fonida giperkalsiyemiya rivojlanayotgan homilaga salbiy ta’sir ko‘rsatishi mumkin.

Kalsiy D3 Nik Forte laktatsiya davrida qo‘llaniladi.

Kalsiy D3 Nik Forte ko‘krak sutiga o‘tishi mumkin, shuning uchun ona va bolada boshqa manbalardan kalsiy va D vitamini tushishini hisobga olish kerak.

Dori vositasining transport vositalari va potensial xavfli mexanizmlarni boshqarish qobiliyatiga ta’siri

Preparatning ta’siri haqida ma’lumotlar yo‘q.

Boshqa dori vositalari bilan o‘zaro ta’siri va boshqa turdagi o‘zaro ta’sirlar

Giperkalsiyemiya yurak glikozidlarini kalsiy va vitamin D3 preparatlari bilan bir vaqtda qo‘llanganda ularning toksik ta’sirini kuchaytirishi mumkin. EKG va qon zardobidagi kalsiy miqdorini nazorat qilish zarur.

Kalsiy preparatlari tetratsiklinlarning oshqozon-ichak traktidan so‘rilishini kamaytirishi mumkin. Shuning uchun tetratsiklin qatori preparatlarini Kalsiy D3 Nik Forte qabul qilishdan kamida 2 soat oldin yoki 4-6 soat o‘tgach qabul qilish kerak.

Bisfosfonat preparatlari so‘rilishining pasayishini oldini olish uchun ularni Kalsiy D3 Nik Forte qabul qilishdan kamida bir soat oldin qabul qilish tavsiya etiladi.

Glyukokortikosteroidlar kalsiyning so‘rilishini kamaytiradi, shuning uchun glyukokortikosteroidlar bilan davolash Kalsiy D3 dozasini oshirishni talab qilishi mumkin.

Tiazid qatoridagi diuretiklar bir vaqtning o‘zida qo‘llanganda giperkalsiyemiya xavfi ortadi, chunki ular kalsiyning kanalcha reabsorbsiyasini oshiradi. Tiazidli diuretiklar bir vaqtda qo‘llanganda, qon zardobidagi kalsiy miqdorini muntazam nazorat qilib borish lozim.

Kalsiy levotiroksin samaradorligini pasaytirib, uning so‘rilishini kamaytiradi. Levotiroksin va Kalsiy D3 Nik Forte qabul qilish oralig‘i kamida 4 soatni tashkil etishi kerak.

Xinolon guruhi antibiotiklarining so‘rilishi kalsiy preparatlari bilan bir vaqtda qo‘llanganda kamayadi. Shuning uchun xinolon guruhi antibiotiklarini Kalsiy D3 Nik Forte qabul qilishdan 2 soat oldin yoki 6 soat keyin qabul qilish kerak.

Kalsiy tuzlari temir, rux va stronsiy ranelatining so‘rilishini kamaytirishi mumkin. Shuning uchun temir, rux yoki stronsiy ranelat preparatlarini Kalsiy D3 Nik Forte qabul qilishdan kamida ikki soat oldin yoki ikki soat o‘tgach qabul qilish kerak.

Orlistat bilan davolash yog‘da eriydigan vitaminlarning (masalan, D3 vitamini) so‘rilishini potentsial ravishda buzishi mumkin.

Chiqarish shakli

Kontur-yacheykali o‘ramda 10 tadan tabletka. Tibbiy qo‘llash bo‘yicha yo‘riqnomaga ega bo‘lgan 3, 5, 6, 7, 9, 10 yoki 12 ta konturli yacheykali o‘ramlar karton qutiga joylangan. Shuningdek, yuqori zichlikdagi polietilen flakonlarda burab yopiladigan qopqoqli 30, 50, 60, 90, 100, 120 ta tabletka. 1 flakon davlat va rus tillarida tibbiy qo‘llash bo‘yicha yo‘riqnoma bilan birga karton qutiga solinadi.

Saqlash shartlari

Harorati 25 °C dan yuqori bo‘lmagan, quruq, yorug‘likdan himoyalangan joyda saqlang. Bolalar qo‘li yetmaydigan joyda saqlang.

Saqlash muddati

3 yil.

Yaroqlilik muddati tugagandan so‘ng qo‘llanilmasin.

Ta’til shartlari

Retseptsiz.

Ishlab chiqaruvchi

"NIKA PHARM" MCHJ, O‘zbekiston Respublikasi.