Loratadin 10

1 таблетка қуйидагиларни сақлайди:

фаол модда: лоратадин - 10 мг;

ёрдамчи моддалар: лактоза моногидрати, картошка крахмали, микрокристалл целлюлоза, стеарин кислотаси.

Оқ ёки деярли оқ рангли, яссицилиндр шаклли фаска ва рискали таблеткалар.

Таблеткалар 10 мг.

Аллергияга қарши восита. АТХ коди: R06AX13.

Фармакодинамикаси

Аллергияга қарши, қичишишга қарши ва антиэкссудатив таъсир кўрсатади. Семиз ҳужайралардан гистамин ва С4 лейкотриенни ажралиб чиқишини ингибиция қилади. Н1-гистамин рецепторларини танлаб блоклайди ва гистаминни силлиқ мушакларга ва қон томирларга бўлган таъсирини бартараф этади, капиллярлар ўтказувчанлигини камайтиради, экссудацияни тормозлайди, қичишишни ва эритемани камайтиради. Аллергик реакцияларни ривожланишини олдини олади ва кечишини енгиллаштиради. Аллергияга қарши самара Лоратадин қабул қилингандан кейин 30 минутдан сўнг ривожланади, 8-12 соатдан кейин максимал даражага эришади ва 24 соат давом этади. Дори воситаси марказий нерв тизимига таъсир қилмайди. Кўпчилик одамларда Лоратадин тавсия қилинган дозаларда клиник аҳамиятли седатив ва антихолинергик хусусиятларга эга эмас.

Фармакокинетикаси

Препарат меъда-ичак йўлларидан тез ва тўлиқ сўрилади. Максимал концентрациясига эришиш вақти ТСmах 1,3-2,5 соат; овқатни қабул қилиш уни 1 соатга секинлаштиради. Кекса одамларда Сmах 50% га ошади, жигарни алкоголли шикастланишида касалликни оғирлигини ошиши билан ошади. Овқат билан бирга қабул қилинганда дори воситасини сўрилиши 40% га, ошади, унинг фаол метаболитини сўрилиши эса - 15% га ошади.

Плазма оқсиллари билан боғланиши - 97%.

Жигарда цитохром Р450 CYP3A4 ва кам даражада CYP2D6 изоферментлари иштирокида метаболизмга учрайди ва фаол метаболит - дезкарбоксиэтоксилоратадин (дезлоратадин) ҳосил бўлади.

Лоратадин ва унинг метаболитини плазмада Css га препарат юборилганда 5 чи суткага бориб эришилади. Гематологик тўсиқ орқали ўтмайди. Лоратадиннинг ярим чиқарилиш даври (Т1/2) - 3-20 соатни (ўртача 8,4 соатни), фаол метаболитининг Т1/2 - 8,8-92 соатни (ўртача 28 соатни), кекса ёшдаги пациентларда эса мувофиқ равишда 6,7-37 соатни (ўртача 18,2 соат) ва 11-38 соатни (ўртача 17,5 соат) ни ташкил этади. Жигарнинг алкоголли шикастланишида Т1/2 касалликнинг оғирлиги ошгани сайин ошади. Буйрак ва сафро орқали чиқарилади.

Сурункали буйрак етишмовчилиги бўлган пациентларда ва гемодиализ ўтказилганида лоратадиннинг фармакокинетикаси деярли ўзгармайди.

Аллергик ринитларни ва сурункали идиопатик эшакемини симптоматик даволаш учун қўлланади.

Ичга буюрилади. Катталар ва 6 ёш ва ундан катта болаларга - 10 мг (1 таблетка) дан суткада 1 марта буюрилади. 6 ёшдан 12 ёшгача бўлган болаларга: тана вазни 30 кг дан кам бўлганида - 5 мг (1/2 таблетка) дан суткада 1 марта, 30 кг дан ортиқ бўлганида 10 мг дан суткада 1 марта буюрилади. 3 ёшдан 6 ёшгача бўлган болаларга лоратадинни сироп кўринишида буюриш тавсия қилинади.

Жигар ва/ёки буйрак фаолиятини бузилишларида (креатиниин клиренси <30 мл/мин): 10 мг (1 таблетка) дан кунора буюрилади. Катталар ва тана вазни 30 кг дан ортиқ бўлган болалар учун: 10 мг дан кунора тавсия қилинган бошланғич дозада тавсия қилинади.

Кекса пациентлар: препаратни қўллашдан олдин буйрак фаолиятини функционал ҳолатини баҳолаш ва буйрак ишини ёмонлашувида дозани тузатиш керак.

Лоратадин одатда яхши ўзлаштирилади. Ножўя самаралар индивидуал сезувчанликка боғлиқ, давомий бўлмаган характерга эга ва препарат бекор қилингандан кейин тўлиқ йўқолади.

Нерв тизими томонидан: толиқиш, хавотирлик, қўзғалувчанлик (болаларда), бош айланиши, бош оғриғи, уйқучанлик, уйқусизлик, блефароспазм, дисфония, гиперкинезиялар, парестезиялар, тремор, амнезия, депрессия.

Тери ва тери ости клетчаткаси томонидан: тошма, алопеция.

Сийдик-жинсий ва сийдик чиқариш тизими томонидан: сийдик рангини ўзгариши, сийишга оғриқли қистовлар, дисменорея, меноррагия, вагинит.

Моддалар алмашинуви томонидан: тана вазнини ортиши, терлаш, чанқаш.

Таянч-ҳаракат аппарати томонидан: болдир мушакларини тиришиши, артралгия, миалгия.

Овқат-ҳазм қилиш тизими томонидан: кўнгил айниши, қусиш, оғизни қуриши, таъмни ўзгариши, анорексия, қабзият ёки диарея, диспепсия, гастрит, метеоризм, иштаҳани ошиши, стоматит.

Нафас тизими томонидан: йўтал, бронхоспазм, буруннинг шиллиқ қаватини қуриши, синусит.

Сезги аъзолари томонидан: кўришни бузилиши, конъюнктивит, кўз ва қулоқларда оғриқ.

Юрак-қон томир тизими томонидан: юрак уришини ҳис қилиш, тахикардия.

Аллергик реакциялар: ангионевротик шиш, эшакеми, қичишиш, фотосенсибилизация.

Дори воситасига юқори сезувчанлик, ҳомиладорлик; эмизиш; 6 ёшгача бўлган болаларда қўллаш мумкин эмас.

Кетоназол, эритромицин ва циметидин билан бир вақтда қўлланганда лоратадиннинг плазмадаги концентрациясини ошиши аниқланади, бироқ ҳеч қандай клиник кўринишларсиз, жумладан электрокардиографик кўринишлар аниқланмаган. Лоратадин этанолнинг таъсирига таъсир қилмайди.

Ҳомиладорлик ва лактация

Лоратадинни ҳомиладорлик даврида қўллаш хавфсизлиги аниқланмаган, шунинг учун ушбу дори воситасини ҳомиладорлик даврида қўллаш тавсия қилинмайди. Лоратадин кўкрак сути билан чиқарилади, шунинг учун эмизиш даврида қўллаш тавсия қилинмайди.

Автотранспортни ҳайдаш ва механизмларини бошқариш қобилиятига таъсири

Клиник тадқиқотларда лоратадинни автотранспорни бошқаришда ёки бошқа механизмлар билан ишлашда пациентнинг реакция тезлигига таъсири аниқланмаган. Аммо жуда кам ҳолларда уйқучанлик бўлиши мумкин, шунинг учун автотранспортни бошқаришда ёки механизмлар билан ишлаш вақтида дори воситасини қўллаш тавсия қилинмайди.

Жигар ва буйрак фаолиятни бузилишлари бўлган пациентларда қўлланиши

Жигар ва/ёки буйрак фаолиятини оғир бузилишлари (креатинин клиренси минутига 30 мл дан кам) бўлган пациентларда лоратадинни кичик дозада: кунига 5 мг дан ёки 10 мг дан кунора қўллаш тавсия қилинади.

Кекса ёшдаги пациентларда уйқучанликни пайдо бўлиш хавфи мавжуд. Уларда кўпинча буйрак фаолиятини пасайиши кузатилади, шунинг учун препаратни қўллашни бошлашдан аввал буйракнинг функционал фаолиятини баҳолаш, буйрак фаолияти ёмонлашган ҳолларда дозага тузатиш киритиш керак (“Қўллаш усули ва дозалари“ бўлимига қаранг).

Дори воситаси лактоза сақлайди. Шунинг учун уни галактозани ўзлаштиролмаслик, лактаза етишмовчилиги ёки глюкозо-галактозани кам сўрилиши каби кам учрайдиган наслий ҳолатлари бўлган пациентларда қўллаш мумкин эмас.

Лоратадинни қабул қилишни хато натижаларни бартараф қилиш учун терини диагностик аллергологик синамаларини ўтказишдан 48 соат олдин тўхтатиш керак. Ўрганиб қолишни чақирмайди.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Симптомлари: катта пациентларда дори воситасини тавсия қилинган терапевтик 10 мг дозадан анча юқори 40-180 мг дозаларда қабул қилинганида бош оғриғи, уйқучанлик ва тахикардия аниқланган. Тана вазни 30 кг дан кам бўлган болалар 10 мг дан юқори дозаларда қабул қилганларида экстрапирамид белгилар ва юрак уришини тезлашиши аниқланган.

Даволаш: қусишни чақириш, меъдани ювиш, фаоллаштирилган кўмирни буюриш, симптоматик ва тутиб турувчи даволаш ўтказилади. Лоратадин организмдан гемодиализда чиқарилмайди.

10 таблеткадан контур уяли ўрамда №10х1, №10х3.

Ёруғликдан ва намдан ҳимояланган жойда, +25 °С дан юқори бўлмаган ҳароратда сақлансин.

3 йил.

MEDIPHARCO PHARMACEUTICAL JOINT STOCK COMPANY, Вьетнам.