Ampitsillin

Tarkib

1 ta tabletka tarkibida quyidagilar mavjud:

ta’sir etuvchi moddalar: ampitsillin trigidrat - 0,25 g va 0,5 g;

yordamchi moddalar: kartoshka kraxmali, kalsiy stearati yoki magniy stearati, talk.

Tavsif

Oq yoki sarg‘ish-oq rangli, o‘ziga xos hidli tabletkalar.

Dori shakli

Tabletkalar.

Farmakoterapevtik guruh

Antibiotik (penitsillinlar guruhi). ATX kodi: J01CA01.

Farmakologik xususiyatlari

Ampitsillin - yarim sintetik penitsillinlar guruhidan keng ta’sir doirasiga ega antibiotik. Bakteritsid ta’sir ko‘rsatib, mikroorganizmlar hujayra devori sintezini susaytiradi.

Penitsillinaza ta’sirida parchalanadi. Kislotaga chidamli.

Preparatga quyidagi penitsillinaza ishlab chiqarmaydigan Streptococci A, B, C, F, G, Str. pneumoniae mikroorganizmlari doimiy sezgir; L. monocytogenes, Corynebacterium diphtheriae, Erysipelothrix rhusiopathiae, Eikenelia, N. meningitidis, Bordetella pertussis, Clostridium spp., Propionibacterium acnes, Peptostreptococcus spp., Actinomyces srr, Leptospira spp., Treponema; doimiy sezgir bo‘lmagan Enterococcus faecalis, E. Coli, Proteus mirabilis, Salmonella spp., Vibrio cholerae, H. Influenzae, N. gonorrhoeae, Fusobacterium spp., Prevotella.

Preparatga Staphylococcus spp., V. catarrhalis, Klebsiella spp., Enterobacter spp., C. diversus, S. freundii, Proteus vulgaris, Providenciaettgeri, Morganella, Y. enterocolitica, Pseudomonas spp., Acinetabacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionellapneumophila, Mycobacterium spp., Bacteroides spp., Mycoplasma spp., Chlamydia spp.

Farmakokinetika

Preparat me’daning kislotali muhitida parchalanmaydi, ichilganda qonga yaxshi so‘riladi. Plazmadagi eng yuqori konsentratsiyaga qabul qilingandan taxminan 1,5-2 soat o‘tgach erishiladi.

Organizm to‘qimalari va suyuqliklariga o‘tadi, plevra, peritoneal va sinovial suyuqliklarda, o‘tda terapevtik konsentratsiyalarda aniqlanadi. Preparat yo‘ldosh to‘sig‘i orqali o‘tadi, ona sutiga ajraladi.

Yarim chiqarilish davri taxminan 1 soat, anuriyada 12-20 soatgacha uzayadi. Asosiy qismi organizmdan buyraklar orqali chiqariladi, bunda siydikda juda yuqori konsentratsiyali antibiotik hosil bo‘ladi.

Preparat qayta yuborilganda kumulyatsiyalanmaydi, bu esa uni katta dozalarda va uzoq vaqt qo‘llash imkonini beradi.

Ko‘rsatmalar

Bakterial infeksiyalar - bronxit, pnevmoniya, dizenteriya, salmonellyoz, uzoq vaqt davomida salmonellalar tashuvchilik, xoletsistit, ko‘kyo‘tal, piyelonefrit, uretrit, endokardit, koma va yumshoq to‘qimalar infeksiyalari, ginekologik infeksiyalar, quloq, tomoq, burun infeksiyalari, odontogen infeksiyalar, meningit, sepsis va preparatga sezgir mikroorganizmlar keltirib chiqaradigan boshqa infeksiyalar.

Qo‘llash usuli va dozalari

O‘rtacha og‘ir kechuvchi infeksiyalarda kattalar uchun sutkalik doza 2-3 g, og‘ir infeksiyalarda - 10 g, meningitda - 14 g ni tashkil etadi.

Bolalarga preparat 50-100 mg/kg sutkalik dozada buyuriladi.

1 yoshgacha bo‘lgan bolalar uchun bu 0,25 - 0,75 g/sutkani, 1 yoshdan 6 yoshgacha - 0,75 - 1,5 g/sutkani, 6 yoshdan 15 yoshgacha - 1,5 - 2 g/sutkani tashkil etadi.

Sutkalik doza 2-4 qabulga, meningitda 6-8 qabulga bo‘linadi.

Gonokokkli uretrit bundan mustasno bo‘lib, bunda 3,5 g bir marta ichishga buyuriladi.

Preparat ovqatdan 0,5-1 soat oldin ichiladi.

Davolash kursining davomiyligi odatda 5-10 kunni, o‘tkir piyelonefritda 2-3 haftani, surunkali piyelonefritda 6 oydan ortiqni tashkil etadi.

Nojo‘ya ta’sirlari

Allergik reaksiyalar (eshakem, eritema, Kvinke shishi, rinit, konyunktivit; kamdan-kam hollarda - isitma, bo‘g‘imlarda og‘riq, eozinofiliya; juda kam hollarda - anafilaktik shok).

Markaziy asab tizimiga toksik ta’sir (buyrak yetishmovchiligi bo‘lgan bemorlarda yuqori dozalarda qo‘llanganda), dispeptik hodisalar (ich ketishi, ko‘ngil aynishi, qusish), kandidoz, ichak disbakteriozi kuzatilishi mumkin.

Qarshi ko‘rsatmalar

penitsillin qatoridagi antibiotiklarga nisbatan mutlaq yuqori sezuvchanlik;

jigar faoliyatining og‘ir buzilishlari;

miasteniya;

1 yoshgacha bo‘lgan bolalar;

preparatga sezgir bo‘lmagan shtammlar, ayniqsa psevdomonadalar va stafilokokklar keltirib chiqaradigan yuqumli kasalliklar;

Sefalosporinlarga nisbatan yuqori sezuvchanlik, anamnezda allergiya, bronxial astma, tumov yoki eshakemi, infeksion mononukleozda ikkilamchi infeksiyalar, limfoleykoz, laktatsiya davri, homiladorlik.

Dozani oshirib yuborish

Kuzatilmagan.

Ehtiyot choralari va qo‘llash xususiyatlari

Allergik reaksiyalar yuzaga kelgan taqdirda, preparatni qabul qilishni to‘xtatish va desensibilizatsiyalovchi terapiyani o‘tkazish lozim.

Preparat sepsis bilan og‘rigan bemorlarda qo‘llanilganda bakterioliz reaksiyasi (Yarish-Gerksgeymer reaksiyasi) yuzaga kelishi mumkin.

Kuchsizlangan bemorlarda uzoq vaqt davolanganda preparatga chidamli mikroorganizmlar (xamirturushsimon zamburug‘lar, grammanfiy mikroorganizmlar) keltirib chiqargan superinfeksiya rivojlanishi mumkin. Bu bemorlarga preparat bilan davolashda B guruhi vitaminlari va C vitaminini buyurish, zarur bo‘lsa nistatin yoki levorin berish maqsadga muvofiqdir.

Bronxial astma, pichan isitmasi va boshqa allergik kasalliklarda, zarur hollarda, preparat desensibilizatsiyalovchi vositalar bilan bir vaqtda qo‘llanadi.

Buyrak, jigar faoliyati va qon tarkibini muntazam nazorat qilib borish zarur. Buyrak yetishmovchiligi bo‘lgan bemorlarga preparatni buyurishda ehtiyotkorlikka rioya qilish kerak.

Preparatni bolalar ola olmaydigan joyda saqlash va yaroqlilik muddati o‘tgach ishlatmaslik lozim.

Homiladorlik va laktatsiya davrida qo‘llanilishi

Preparat homilador va emizikli ayollarga ehtiyotkorlik bilan buyuriladi.

Preparatning transport vositalarini yoki potensial xavfli mexanizmlarni boshqarish qobiliyatiga ta’siri

Avtomobilni boshqarish yoki mexanizmlar bilan ishlash qobiliyatiga ta’siri to‘g‘risida ma’lumotlar kelib tushmagan. Shunga qaramay, ayrim bemorlarda, asosan, davolashning boshida uyquchanlik va bosh aylanishi paydo bo‘lishi mumkin. Bunday holatlar yuzaga kelganda, bemor avtomobilni boshqarishda va murakkab mexanizmlar bilan ishlashda alohida ehtiyot choralariga rioya qilishi kerak.

Boshqa dori vositalari bilan o‘zaro ta’siri

Bakteriostatik antibiotiklar (tetratsiklin, xloramfenikol, eritromitsin va boshqalar) bilan bir vaqtda yuborilganda o‘zaro antagonizm yuzaga keladi.

Aminoglikozidli antibiotiklar bilan birga qo‘llanganda mikroblarga qarshi samaradorlikda sinergizm kuzatiladi.

Probenesid bilan birga buyurish preparatning siydik bilan chiqarilishini pasaytiradi va uning qon zardobidagi miqdorini oshiradi, allopurinol bilan birga esa preparat metabolizmini sekinlashtiradi va teri toshmasi paydo bo‘lishi ehtimolini oshiradi.

Preparat kamdan-kam hollarda peroral kontratseptivlarning ta’sirini susaytiradi.

Chiqarilish shakli

Tabletkalar 250 mg, 500 mg, N50 (5x10), N100 (10x10) (kontur uyali o‘ramlarda).

Saqlash sharoiti

Yorug‘likdan himoyalangan joyda, 25 °C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Dentafill Plyus» MChJ, O‘zbekiston.