Kotprim

Tarkib

Har 5 ml suspenziya tarkibida quyidagilar mavjud:

Faol moddasi: sulfametoksazol 200 mg, trimetoprim 40 mg.

Yordamchi moddalar: saxaroza, metilparaben natriy, propilparaben natriy, E.D.T.A. natriy, karboksimetilsellyuloza natriy, kolloid silikon dioksidi, natriy benzoat, tvin 80, sariq Sanset bo‘yog‘i, apelsin ta’m to‘ldiruvchisi, tozalangan suv.

Tavsif

Suspenziya oq rangda.

Chiqarish shakli

Suspenziya. Preparat 50 ml dan alyuminiy qopqog‘i zich burab yopiladigan to‘q rangli shisha idishda, birinchi ochishni nazorat qilgan holda.

O‘lchov qopqoqli 1 ta flakon tibbiy qo‘llash bo‘yicha yo‘riqnoma bilan birga karton qutiga joylashtiriladi.

Farmakoterapevtik guruh

Antibakterial sintetik vositalar. Sulfanilamidlar.

Farmakologik xususiyatlari

Kotprim kombinatsiyalangan bakteritsid vositadir. Uning tarkibiga ikkita faol modda kiradi, ular sinergik ta’sir ko‘rsatib, mikroorganizmlarda digidrofolat kislotasi biosinteziga yordam beruvchi fermentlarni bloklaydi. Ushbu mexanizm tufayli bakteritsid ta’sirga preparatning alohida komponentlari faqat bakteriostatik ta’sir ko‘rsatadigan konsentratsiyalarda erishiladi. Bundan tashqari, kotprim ko‘pincha uning tarkibiy qismlaridan biriga chidamli qo‘zg‘atuvchilarga nisbatan samarali bo‘ladi. KOTPRIMning antibakterial ta’siri grammusbat va grammanfiy patogen mikroorganizmlarning keng doirasini qamrab oladi (MPK < 80 mg/l) Kokklar: Branhamella catarrhalis. Grammanfiy mikroorganizmlar: Haemophilus influenzae (β-laktamaza hosil qiluvchi va β-laktamaza hosil qilmaydigan shtammlar), Haemophilus parainfluenzae, E.coli, Citrobacter freundii, boshqa turdagi Citrobacter, Klebsiella pneumoniae, Klebsiella oxytoca, boshqa turdagi Klebsiella, Enterobacter cloaceae, Enterobacter aerogenes, Hafnia alvei, Serratia marcescens, Serratis liquefaciens, boshqa turdagi Serratia, Proteus mirabilis, Proteus vulgaris, Morganella morganii, Shigella spp., Yersinia entercolitica, boshqa turdagi Yersinia, Vibrio cholerae.

Edwardsiella tarda, Alcaligenes faecalis, Pseudomonas cepacia, Burkholderia (Pseudomonas) pseudomallei.

Klinik tajriba shuni ko‘rsatadiki, Brucella spp., Listeria monocytogenes, Nocardia asteroids, Pneumocystis carinii, Cyclospora cayetanensis ham sezgir bo‘lishi mumkin.

Farmakokinetika

So‘rish

Peroral qabul qilingandan so‘ng trimetoprim (TMP) va sulfametoksazol (SMZ) oshqozon-ichak traktining yuqori qismida tez va deyarli to‘liq so‘riladi. Bir marta 160 mg TMP va 800 mg SMZ qabul qilingandan so‘ng, plazmada TMPning maksimal konsentratsiyasi 1,5-3 mkg/l, SMZ esa 40-80 mkg/l ni tashkil etadi. Har 12 soatda ko‘p marta qabul qilinganda, minimal muvozanat konsentratsiyalari 2-3 kundan so‘ng TMP uchun 1,3-2,8 mkg/ml va SMZ uchun 32-63 mkg/ml oralig‘ida barqarorlashadi.

Taqsimlash

TMPning taqsimlanish hajmi taxminan 130 l, SMZ - taxminan 20 l ni tashkil etadi. 45% TMP va 66% SMZ plazma oqsillari bilan bog‘lanadi. TMP prostata bezining yallig‘lanmagan to‘qimasiga, urug‘ suyuqligiga, qin sekretsiyasiga, so‘lakka, o‘pkaning shikastlanmagan va yallig‘langan to‘qimasiga hamda o‘t suyuqligiga SYO‘ga qaraganda birmuncha yaxshi o‘tadi, orqa miya suyuqligiga va ko‘z ichi suyuqligiga esa preparatning ikkala komponenti bir xil o‘tadi. Ko‘p miqdordagi TMP va birmuncha kam miqdordagi SMZ qon oqimidan interstitsial suyuqlikka o‘tadi, bunda ularning konsentratsiyasi ko‘pchilik sezgir mikroorganizmlar uchun minimal bostiruvchi konsentratsiyadan (MKK) yuqori bo‘ladi. TMP va SMZ yo‘ldosh to‘sig‘i orqali o‘tadi. Odatda, homilada TMP konsentratsiyasi onasidagiga yaqin, homilada SMZ konsentratsiyasi esa onasidagiga qaraganda pastroq bo‘ladi. Ikkala modda ham ko‘krak suti bilan ajraladi. Ko‘krak sutidagi konsentratsiya ona plazmasidagi konsentratsiyaga yaqin (KMP) yoki undan past (KMS).

Metabolizm

Taxminan TMP dozasining 50-70% va SMZ dozasining 10-30% o‘zgarmagan holda chiqariladi. TMPning asosiy metabolitlari 1- va 3-oksidlar hamda 3’- va 4’-gidroksihosilalar hisoblanadi. Ba’zi metabolitlar antimikrob faollikka ega. SMZ jigarda asosan N4-atsetillash va kamroq darajada glyukuron kislotasi bilan konyugatsiya orqali metabolizmga uchraydi.

Chiqarish

Yarim chiqarilish davri TMP uchun o‘rtacha 10 soat va SMZ uchun 11 soatni tashkil etadi. Ikkala modda, shuningdek, ularning metabolitlari deyarli faqat buyraklar orqali, koptokchalar filtratsiyasi va kanalchalar sekretsiyasi orqali chiqariladi, shu sababli ikkala faol moddaning konsentratsiyasi siydikda qonga qaraganda ancha yuqori bo‘ladi. Faol moddalarning oz qismi axlat bilan chiqariladi.

Qo‘llanilishi

kattalar va bolalarda surunkali bronxitning kuchayishi, Pneumocystis carinii keltirib chiqargan pnevmoniyani (birlamchi va ikkilamchi) davolash va oldini olish;

uretrit, sistit;

qorin tifi va paratif, shigellyoz, diareya, vabo;

brutsellyoz, osteomiyelit, nokardioz, aktinomikoz, toksoplazmoz;

o‘rta otit

Qo‘llash usuli va dozalari

Standart dozalash:

Kotprimni ovqatdan keyin, yetarli miqdorda suyuqlik bilan qabul qilgan ma’qul. Minimal doza - 10 ml, maksimal - bir marta qabul qilish uchun 30 ml.

Davolash davomiyligi

O‘tkir infeksiyalarda Kotprimni kamida 5 kun qabul qilish kerak. Agar davolanishning 7 kunidan keyin klinik yaxshilanish kuzatilmasa, davolanishni tuzatish uchun bemorning ahvolini qayta baholash lozim.

6 oylikdan 5 yoshgacha bo‘lgan bolalarga - kuniga ikki marta 5 ml sirop, 6 yoshdan 12 yoshgacha - kuniga ikki marta 10 ml sirop beriladi. Ushbu dozalash tartibi taxminan tana vaznining har bir kilogrammiga 6 mg TMP va 30 mg SMZ sutkalik dozasiga to‘g‘ri keladi. Og‘ir infeksiyalarda bolalar uchun dozani 50% ga oshirish mumkin.

Dozaning yuqori chegarasi quyidagi jadval bo‘yicha aniqlanadi:

Pneumocystis carinii qo‘zg‘atgan pnevmoniyaning oldini olish uchun 1 m2 yuzaga mo‘ljallangan sutkalik dozani haftada 3 kun ketma-ket teng ikkiga bo‘lib qabul qilish tavsiya etiladi. Umumiy sutkalik doza 40 ml Kotprim siropidan oshmasligi kerak.

Nojo‘ya ta’sirlari

ko‘ngil aynishi, qusish;

qichishish, toshma (kuchsiz ifodalangan va preparat to‘xtatilgandan keyin tezda yo‘qoladi);

stomatit, glossit;

ich ketishi;

leykopeniya, neytropeniya va trombotsitopeniya (ko‘pincha kuchsiz ifodalangan yoki simptomsiz kechib, dori to‘xtatilgandan so‘ng yo‘qoladi);

agranulotsitoz, megaloblastik, gemolitik yoki aplastik anemiya, metgemoglobinemiya, pansitopeniya.

Qarshi ko‘rsatmalar

jigar parenximasining og‘ir shikastlanishi;

anamnezda preparatning tarkibiy qismlariga yuqori sezuvchanlik;

folat kislotasi yetishmasligidan kelib chiqadigan megaloblastik kamqonlik;

dofetilid bilan bir vaqtda qabul qilish;

homiladorlik va emizish;

6 oygacha bo‘lgan bolalar yoshi.

Dorilarning o‘zaro ta’siri

Dofelitid qon plazmasidagi dofelitid konsentratsiyasi bilan bevosita bog‘liq bo‘lgan torsades de рointes ni o‘z ichiga olgan QT intervalining uzayishi bilan qorincha aritmiyalariga sabab bo‘lishi mumkin.

Ba’zi diuretiklar (asosan, tiazidlar) bir vaqtda qabul qilinganda, ayniqsa keksa va qari yoshdagi bemorlarda trombotsitopeniya rivojlanish xavfi ortadi.

Kotprim varfarinning antikoagulyant ta’sirini va fenitoinning talvasaga qarshi faolligini kuchaytiradi. Bunda fenitoinning toksik ta’sirini kuzatib borish muhimdir.

Buyrak ko‘chirib o‘tkazilgandan so‘ng Kotprim va siklosporin qabul qilayotgan bemorlarda kreatinin darajasining oshishi bilan namoyon bo‘ladigan buyrak funksiyasining qaytar yomonlashuvi kuzatilishi mumkin.

Maxsus ko‘rsatmalar

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: ko‘ngil aynishi, qusish, diareya, bosh og‘rig‘i, bosh aylanishi, aqliy va ko‘rish qobiliyatining buzilishi, og‘ir holatlarda - kristalluriya, gematuriya va anuriya.

Davolash: simptomatik, preparatning keyingi so‘rilishini oldini olish (faollashtirilgan ko‘mir qabul qilish va boshqalar), kuchaytirilgan diurez yo‘li bilan buyrak ekskretsiyasini kuchaytirish, gemodializ (peritoneal dializ samara bermaydi).

Qon formulasi va elektrolitlar miqdorini nazorat qilish kerak. Qon manzarasida yaqqol patologik o‘zgarishlar bo‘lganda yoki sariqlikda o‘ziga xos davo buyuriladi. Gematotoksik ta’sirni yo‘qotish uchun kalsiy folinatni 3-6 mg m/o dozada 5-7 kun davomida buyurish mumkin.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlang.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

Kotek Xeltker PHT. LTD

N.X-74, Kishonpur, Rurkiya, Hindiston.