Larfiks

Tarkib

1 ta tabletka tarkibida:

Faol modda: lornoksikam - 4 mg yoki 8 mg.

Yordamchi moddalar: laktoza monogidrati, mikrokristall sellyuloza, povidon, natriy krosskarmelloza, magniy stearati, Opadry white 03F58750*.

*Opadry white 03F58750: talk, polietilen glikol, gidroksipropilmetilsellyuloza, titan dioksidi (E 171).

Tavsif

4 mg li tabletkalar: ovalsimon, cho‘zinchoq, oqdan sarg‘ish ranggacha bo‘lgan tabletkalar, qobiq bilan qoplangan, ikki tomoni silliq.

8 mg li tabletkalar: ovalsimon, cho‘zinchoq, oqdan sarg‘ish ranggacha bo‘lgan, qobiq bilan qoplangan, bir tomoniga "L8" bosilgan, ikkinchi tomoni silliq tabletkalar.

Dori shakli

Qobiq bilan qoplangan tabletkalar.

Farmakoterapevtik guruh

Nosteroid yallig‘lanishga va revmatizmga qarshi vosita. ATX kodi: M01AC05.

Farmakologik xususiyatlari

Lornoksikam - yallig‘lanishga qarshi nosteroid dori vositasi bo‘lib, og‘riq qoldiruvchi va yallig‘lanishga qarshi xususiyatlarga ega, oksikamlar sinfiga kiradi. Lornoksikamning ta’sir mexanizmi qisman prostaglandinlar sintezini ingibirlashga asoslangan (siklooksigenazani ingibirlash). Siklooksigenazaning ingibirlanishi leykotrienlar hosil bo‘lishining ko‘payishiga olib kelmaydi. Lornoksikamlar narkotik analgetiklardan farqli o‘laroq, nafas olishni susaytirmaydi, doriga qaramlikka olib kelmaydi.

Farmakokinetika

Lornoksikam oshqozon-ichak traktidan tez va deyarli to‘liq so‘riladi. Plazmada maksimal konsentratsiyaga (Smax) preparat qabul qilingandan 1-2 soat o‘tgach erishiladi. Mutlaq biosinguvchanligi 90-100%. O‘rtacha yarim chiqarilish davri 3-4 soatni tashkil etadi. Ovqat bilan bir vaqtda qabul qilinganda Smax taxminan 30% ga pasayadi, Tmax esa 1,5 soatdan 2,3 soatgacha oshadi. Plazma oqsillari bilan bog‘lanish 99% ni tashkil etadi. Taxminan 2/3 qismi jigar orqali va 1/3 qismi buyraklar orqali nofaol birikma ko‘rinishida chiqariladi.Keksa yoshdagi bemorlarda (65 yoshdan katta) lornoksikam klirensi 30-40% ga kamayishi mumkin.

Qo‘llanilishi

O‘rtacha yoki sezilarli darajadagi og‘riq sindromini davolash.

Yallig‘lanishli va degenerativ revmatik kasalliklarda og‘riq va yallig‘lanishni simptomatik davolash.

Qo‘llash usuli va dozalari

O‘rtacha yoki sezilarli darajada ifodalangan og‘riq sindromida kuniga 8-16 mg doza 2-3 qabulga bo‘lib tavsiya etiladi.

Yallig‘lanish va degenerativ revmatik kasalliklarda boshlang‘ich doza 12 mg bo‘lib, 2-3 mahal ichish tavsiya etiladi.

Maksimal sutkalik doza sutkasiga 16 mg dan oshmasligi kerak.

Larfiks® tabletkalari ovqatdan oldin suv bilan ichiladi.

Terapiyaning sutkalik dozasi va davomiyligi kasallikning xarakteri va kechishiga qarab individual ravishda belgilanadi.

Keksa yoshdagi (65 yoshdan oshgan) bemorlarda oshqozon-ichak trakti tomonidan nojo‘ya ta’sirlar yuzaga kelishi ehtimoli tufayli Larfiks® preparatini ehtiyotkorlik bilan qo‘llash lozim. Maksimal sutkalik doza sutkasiga 16 mg dan oshmasligi kerak.

Buyrak yetishmovchiligining o‘rtacha va og‘ir darajasi, jigar yetishmovchiligining og‘ir darajasi bo‘lgan bemorlar uchun tavsiya etilgan sutkalik doza 12 mg bo‘lib, u 2-3 qabulga bo‘linadi.

Qarshi ko‘rsatmalar

lornoksikamga yoki preparat komponentlariga yuqori sezuvchanlik;

trombotsitopeniya;

boshqa nosteroid yallig‘lanishga qarshi dorilarga, shu jumladan atsetilsalitsil kislotasiga yuqori sezuvchanlik (bronxial astma, rinit, angionevrotik shish yoki eshakemiga o‘xshash alomatlar);

yurak yetishmovchiligining og‘ir shakli;

oshqozon-ichakdan qon ketishi, miya qon tomirlaridan qon ketishi yoki boshqa gematologik buzilishlar;

anamnezda oldingi nosteroid yallig‘lanishga qarshi dorilarni qabul qilish bilan bog‘liq oshqozon-ichak qon ketishi yoki perforatsiyalar;

faol peptik yara yoki anamnezda peptik yara/qon ketishining qaytalanishi (ikkita yoki undan ortiq isbotlangan yara yoki qon ketish epizodi);

jigar yetishmovchiligining og‘ir shakli;

buyrak yetishmovchiligining og‘ir shakli (zardob kreatinin darajasi >700 mkmol/l);

homiladorlik va laktatsiya davri;

18 yoshgacha bo‘lgan bolalar.

Nojo‘ya ta’sirlari

Taxminan 20% bemorlarda nojo‘ya ta’sirlar paydo bo‘lishi mumkin. Nojo‘ya ta’sirlar quyidagi toifalarga bo‘linadi: juda tez-tez (> 1/10), tez-tez (> 1/100, < 1/10), ba’zan (> 1/1000, < 1/100), kamdan-kam (> 1/10000, < 1/1000), juda kam (1/10000).

Qon va limfa tizimidagi buzilishlar. Kam hollarda: anemiya, trombotsitopeniya, eozinofiliya, leykopeniya, koagulyatsiyaning buzilishi, pansitopeniya; juda kam hollarda: ekximoz, og‘ir gematologik buzilishlar, neytropeniya, agranulotsitoz, gipoplastik va gemolitik anemiyalar.

Immun tizimi tomonidan buzilishlar. Kamdan-kam hollarda: yuqori sezuvchanlik reaksiyalari, isitma, qaltirash, anafilaktoid reaksiyalar.

Endokrin tizim tomonidan buzilishlar. Kam hollarda: giponatriyemiya.

Ruhiy buzilishlar.Ba’zan: uyqusizlik, depressiya; kamdan-kam hollarda: bezovtalik, ongning buzilishi, yuqori qo‘zg‘aluvchanlik, diqqatning o‘zgarishi, kognitiv buzilishlar.

Asab tizimidagi buzilishlar. Ko‘pincha: yengil qisqa muddatli og‘riq, bosh aylanishi; kamdan-kam hollarda: uyquchanlik, paresteziyalar, disgevziya, tremor, migren, giperkineziya, gipesteziya; juda kam hollarda: tizimli qizil yuguruk va biriktiruvchi to‘qimaning aralash kasalliklari bilan og‘rigan bemorlarda aseptik meningit.

Ko‘rish a’zolari tomonidan buzilishlar. Ba’zan: konyunktivit; kamdan-kam hollarda: ko‘rishning buzilishi, ranglarni idrok etishning buzilishi, ko‘rish maydonlarining nuqsonlari, skotoma, ambliopiya, diplopiya, iridotsiklit.

Eshitish a’zolari va quloq labirintining buzilishi. Ba’zan: bosh aylanishi, quloq shang‘illashi.

Yurak-qon tomir tizimi tomonidan buzilishlar. Ba’zan: yurak urishining buzilishi, taxikardiya, shishlar, suyuqlik ushlanib qolishi, yurak yetishmovchiligi, yuzning qizarishi.

Kamdan-kam hollarda: arterial gipertenziya, qon quyilishlari, vaskulit, gematomalar.

Nafas olish tizimi, ko‘krak qafasi a’zolari va ko‘ks oralig‘i tomonidan buzilishlar.

Ba’zan: rinitlar; kamdan-kam: faringitlar, dispnoe, yo‘tal, bronxospazm.

Ovqat hazm qilish yo‘li tomonidan buzilishlar. Ko‘pincha: ko‘ngil aynishi, qorin og‘rig‘i, dispepsiya, diareya, qusish; ba’zan: ishtahaning yo‘qolishi, tana vaznining o‘zgarishi, qabziyat, meteorizm, kekirish, og‘iz qurishi, gastritlar, me’da va o‘n ikki barmoqli ichak yaralari, milklardan qon ketishi, stomatit; kamdan-kam hollarda: melena, qon aralash qusish, ezofagit, gastroezofageal reflyuks, disfagiya, aftoz stomatit, glossit, peptik yaralar teshilishi, gemorroy.

Gepatobiliar tizim tomonidan buzilishlar. Ba’zan: jigar fermentlari (ALT, AST) darajasining oshishi; juda kam hollarda: toksik gepatit, jigar yetishmovchiligi, sariqlik, xolestaz.

Teri va teri osti kletchatkasi tomonidan buzilishlar. Ba’zan: qichishish, terlash, toshmalar, eshakemi va angionevrotik shish, alopetsiya; kamdan-kam hollarda: dermatitlar, ekzema, makulopapulyoz toshma, purpura; juda kam hollarda: shish va bullyoz reaksiyalar, tirnoq o‘zgarishlari, psoriaz, ko‘p shaklli eritema, Stivens-Jonson sindromi, toksik epidermal nekroliz.

Suyak-mushak tizimi va biriktiruvchi to‘qima tomonidan buzilishlar.

Ba’zan: artralgiya; kamdan-kam hollarda: suyak va beldagi og‘riqlar, mushak spazmlari, mushaklar kuchsizligi, mialgiya, sinovit.

Buyrak va siydik ajratish tizimidagi buzilishlar. Kamdan-kam hollarda: nekturiya, siydik ajralishining buzilishi, qonda azot, mochevina va kreatinin miqdorining oshishi; juda kam hollarda: o‘tkir buyrak yetishmovchiligi, nefritlar, nefrotik sindrom va papillyar nekroz.

Boshqa dori vositalari bilan o‘zaro ta’siri

Simetidin: qon plazmasida lornoksikam konsentratsiyasining oshishi.

Antikoagulyantlar: YAQNDV antikoagulyantlar ta’sirini oshirishi mumkin.

Fenprokomon: fenprokomon bilan davolash samaradorligi pasayadi.

Geparin: Nosteroid yallig‘lanishga qarshi dorilar orqa miya yoki epidural anesteziya paytida bir vaqtda qo‘llanganda orqa miya/epidural gematoma xavfini oshiradi.

AAF ingibitorlari: AAF ingibitorlarining ta’sirini kamaytirishi mumkin.

Diuretiklar: diuretik va gipotenziv ta’sirni susaytirish.

Beta-adrenoretseptorlar blokatorlari: gipotenziv ta’sirni pasaytirish.

Angiotenzin II retseptorlari blokatorlari: gipotenziv ta’sirni kamaytirish.

Digoksin: Digoksin buyrak klirensining pasayishi.

Kortikosteroidlar va boshqa nosteroid yallig‘lanishga qarshi dorilar: oshqozon-ichak yaralari va qon ketishining yuqori xavfi.

Xinolon guruhi preparatlari: epileptik hodisalar paydo bo‘lish xavfi ortadi.

Antitrombotsitar preparatlar va serotoninni qayta ushlab qolish ingibitorlari: oshqozon-ichakdan qon ketish xavfi ortadi.

Metotreksat: metotreksat zaharliligining oshishi.

Litiy preparatlari: YAQNDV litiy klirensini pasaytirishi mumkin.

Siklosporin: siklosporinning nefrotoksikligi oshishi mumkin.

Sulfonilmochevina hosilalari: gipoglikemik ta’siri kuchayishi mumkin.

Takrolimus: nefrotoksiklik xavfini oshiradi.

Pemetreksed: YAQNDV pemetreksedning buyrak klirensini pasaytirishi mumkin, natijada buyrak va oshqozon-ichak toksikligi ortadi.

Maxsus ko‘rsatmalar

Buyrak yetishmovchiligi (so‘r. kreatinin 150-300 mkmol/l) va o‘rtacha buyrak yetishmovchiligi (so‘r. kreatinin 300-700 mkmol/l) bo‘lgan bemorlarga preparatni ehtiyotkorlik bilan buyurish lozim. Buyrak faoliyati yomonlashgan taqdirda, preparat bilan davolashni to‘xtatish kerak.

Jarrohlik aralashuvlaridan so‘ng, qon ivishining buzilishi, yurak yoki jigar yetishmovchiligi, nazorat qilib bo‘lmaydigan gipertenziya, yurak ishemik kasalligi, serebrovaskulyar buzilishlar, yurak-qon tomir kasalliklari xavfi yuqori bo‘lgan, anamnezida bronxial astma bo‘lgan bemorlarga Larfiks®ni ehtiyotkorlik bilan buyurish lozim.

Irsiy o‘zlashtira olmaslik yoki glyukoza-galaktoza so‘rilishi buzilgan bemorlarga, shuningdek suvchechak bilan og‘rigan bemorlarga preparatni qo‘llash mumkin emas.

Homiladorlikni rejalashtirayotgan ayollarga qo‘llash tavsiya etilmaydi.

Bolalar

Preparatning samaradorligi va xavfsizligiga oid klinik ma’lumotlar yetarli emasligi sababli, bolalar (18 yoshgacha) uchun qo‘llash mumkin emas.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Homiladorlik yoki emizish davrida qo‘llash

Preparatni homiladorlikning III trimestrida qo‘llash mumkin emas. Homiladorlikning I-II trimestrlarida Larfiks® preparatini qo‘llash va laktatsiya davrida uning ona sutiga ekskretsiyasi bo‘yicha klinik ma’lumotlar yo‘q, shuning uchun preparat homiladorlik yoki emizish davrida qo‘llanilmaydi.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Preparatni qabul qilgandan so‘ng bosh aylanishi va/yoki uyquchanlik paydo bo‘lgan taqdirda, avtotransportni boshqarmaslik yoki boshqa mexanizmlar bilan ishlamaslik kerak.

Dozani oshirib yuborish

Larfiks® preparatining dozasi oshirib yuborilganda quyidagi alomatlar kuzatilishi mumkin: ko‘ngil aynishi, qusish, serebral alomatlar (bosh aylanishi, ko‘rish qobiliyatining buzilishi), komaga aylanadigan ataksiya va talvasalar, jigar va buyrak funksiyasida o‘zgarishlar, qon ivishining buzilishi.

Doza oshirib yuborilganda preparatni qabul qilishni to‘xtatish kerak. Dializga berilmaydi. Maxsus antidot yo‘q. Odatdagi shoshilinch choralarni ko‘rish zarur: oshqozonni yuvish, faollashtirilgan ko‘mir qo‘llash. Davolash simptomatik.

Chiqarish shakli

Blisterda 10 tadan tabletka. Karton o‘ramda 3 yoki 10 tadan blister.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

KUSUM XELTXKER PVT. LTD.

Joylashgan joyi.

SP 289 (A), RIIKO Indl. Areya, Chopanki, Bxivadi (Raj), Hindiston.