Oflo

Tarkib

1 ml eritma tarkibiga quyidagilar kiradi:

Faol modda:

Ofloksatsin 2,0 mg.

va yordamchi moddalar: natriy xlorid, dinatriy edetat, inyeksiya uchun suv.

Tavsif

Och sariqdan jigarrang-sariq ranggacha bo‘lgan shaffof eritma.

Chiqarish shakli

Infuziya uchun eritma 2 mg/ml.

Farmakoterapevtik guruh

Mikroblarga qarshi vosita — ftorxinolon. Ofloksatsin. ATX kodi: J01MA01.

Farmakologik xususiyatlari

Farmakodinamika

Ftorxinolonlar guruhiga mansub keng ta’sir doirasiga ega bo‘lgan mikroblarga qarshi vosita bakterial ferment DNK-gidrazaga ta’sir qiladi, bu ferment bakteriya DNKsining o‘ta spirallashishini va shu tariqa bakteriya DNKsining barqarorligini ta’minlaydi (DNK zanjirlarining beqarorlashuvi ularning nobud bo‘lishiga olib keladi). Bakteritsid ta’sir ko‘rsatadi.

Beta-laktamaza ishlab chiqaruvchi mikroorganizmlar va tez o‘suvchi atipik mikobakteriyalarga nisbatan faol. Sezgir: Staphylococcus aureus,

Staphylococcus epidermidis, Neisseria gonorrhoeae, Neisseria meningitidis, Escherichia coli, Citrobacter, Klebsiella spp. (jumladan Klebsiella pneumonia), Enterobacter spp., Hafnia, Proteus spp. (shu jumladan Proteus mirabilis, Proteus vulgaris - indol musbat va indol manfiy), Salmonella spp., Shigella spp. (jumladan, Shigella sonnei), Yersinia enterocolitica, Campylobacter jejuni, Aeromonas hydrophila, Plesiomonas aeruginosa, Vibrio cholerae, Vibrio parahaemolyticus, Haemophilus influenzae, Chlamydia spp., Legionella spp., Serratia spp., Providencia spp., Haemophilus ducreyi, Bordetella parapertussis, Bordetella pertussis, Moraxella catarrhalis, Propionibacterium acne, Brucella spp.

Preparatga nisbatan turli sezuvchanlikka ega: Enterococcus faecalis, Streptococcus pyogenes, pneumoniae va viridans, Serratia marcescens, Pseudomonas aeruginosa, Acinetobacter, Mycoplasma hominis, Mycoplasma pneumoniae, Mycobacterium tuberculosis, Mycobacterium fortuitum, Ureaplasma urealyticum, Clostridium perfringens, Corynebacterium spp., Helicobacter pylori, Listeria monocytogenes, Gardnerella vaginalis.

Ko‘p hollarda sezuvchan emas: Nocardia asteroides, anaerob bakteriyalar (masalan, Bacteroides spp., Peptococcus spp., Peptostreptococcus spp., Eubacter spp., Fusobacterium spp., Clostridium difficile). Treponema pallidum ga ta’sir qilmaydi.

Farmakokinetika

200 mg ofloksatsinning vena ichiga bir martalik 60 daqiqalik infuziyasidan so‘ng, plazmadagi o‘rtacha maksimal konsentratsiyasi 2,7 mkg/ml ni tashkil etadi; yuborilgandan 12 soat o‘tgach, konsentratsiya 0,3 mkg/ml ga teng bo‘ladi. Muvozanatli konsentratsiyaga yuqori dozalar kiritilgandan so‘ng erishiladi.

O‘rtacha eng yuqori va minimal muvozanatli konsentratsiyalarga 7 kun davomida har 12 soatda 200 mg ofloksatsinni vena ichiga kiritgandan so‘ng erishiladi va mos ravishda 2,9 va 0,5 mkg/ml ni tashkil etadi.

Ofloksatsin organizmning ko‘plab suyuqliklari va to‘qimalariga, shu jumladan so‘lak, bronxial sekret, o‘t, ko‘z yoshi va orqa miya suyuqligi, yiring, o‘pka, prostata bezi, teriga keng kirib boradi. Ofloksatsin jigarda qisman (5%) metabolizmga uchraydi. Plazma oqsillari bilan bog‘lanishi 20-25% ni tashkil qiladi. Ofloksatsinning yarim chiqarilish davri 6-7 soatga teng. Ichilgan preparatning 80% gacha qismi buyraklar orqali o‘zgarmagan holda chiqariladi, faol moddaning oz qismi axlat bilan ham chiqariladi. Gemodializda preparatning 10-30%i chiqarib tashlanadi.

Buyrak faoliyati buzilgan bemorlarda (kreatinin klirensi 50 ml va undan kam) ofloksatsinning yarim chiqarilish davri uzayadi.

Ko‘rsatmalar

Nafas yo‘llari (bronxit, pnevmoniya), LOP-a’zolar (sinusit, faringit, o‘rta otit, laringit), teri, yumshoq to‘qimalar, suyaklar, bo‘g‘imlar infeksiyalari, qorin bo‘shlig‘i va o‘t yo‘llarining infeksion yallig‘lanish kasalliklari (bakterial enteritdan tashqari), buyraklar (piyelonefrit), siydik yo‘llari (sistit, uretrit), kichik chanoq a’zolari (endometrit, salpingit, ooforit, servitsit, parametrit, prostatit), jinsiy a’zolar (kolpit, orxit, epididimit), so‘zak, xlamidioz; septitsemiya, meningit; immun holati buzilgan bemorlarda (shu jumladan neytropeniyada) infeksiyalarning oldini olish.

Qarshi ko‘rsatmalar

Ofloksatsin va boshqa ftorxinolon hosilalariga yuqori sezuvchanlik yoki chidamsizlik;

glyukoza-6-fosfatdegidrogenaza yetishmovchiligi;

epilepsiya (shu jumladan anamnezda);

tutqanoq bo‘sag‘asi pasaygan markaziy asab tizimining shikastlanishi (bosh miya jarohati, insult, bosh miyaning yallig‘lanish kasalliklaridan keyin).

homiladorlik, laktatsiya;

bolalik va o‘smirlik davri (18 yoshgacha), skeletning o‘sishi yakunlanmaguncha.

Ehtiyotkorlik bilan

Bosh miya qon tomirlari aterosklerozi, bosh miya qon aylanishining buzilishi (anamnezida), markaziy asab tizimining organik zararlanishi, surunkali buyrak yetishmovchiligi bo‘lgan bemorlarga preparatni buyurishda ehtiyot bo‘lish kerak.

Qo‘llash usuli va dozalari

Vena ichiga tomchilab. Dozalar infeksiyaning lokalizatsiyasi va kechish og‘irligiga, shuningdek, mikroorganizmlarning sezuvchanligiga, bemorning umumiy holatiga hamda jigar va buyrak funksiyasiga qarab individual tanlanadi.

Vena ichiga tomchilab yuborish 200 mg bir martalik dozadan boshlanadi, u 30-60 daqiqa davomida sekin yuboriladi. Bemorning ahvoli yaxshilansa, preparat o‘sha sutkalik dozada ichishga o‘tkaziladi.

Siydik yo‘llari infeksiyalari - kuniga 1-2 marta 100 mg dan, buyrak va jinsiy a’zolar infeksiyalari - kuniga 2 marta 100 mg dan kuniga 2 marta 200 mg gacha, nafas yo‘llari infeksiyalari, shuningdek, LOR a’zolari, teri va yumshoq to‘qimalar infeksiyalari, suyak va bo‘g‘im infeksiyalari, qorin bo‘shlig‘i infeksiyalari, septik infeksiyalar - kuniga 2 marta 200 mg dan. Zarurat tug‘ilganda doza kuniga 2 mahal 400 mg gacha oshiriladi.

Immuniteti sezilarli darajada pasaygan bemorlarda infeksiyalarning oldini olish uchun - kuniga 400-600 mg.

Zarurat bo‘lganda v/i tomchilab - 200 mg 5% li glyukoza eritmasida. Infuziya davomiyligi - 30 daqiqa. Faqat yangi tayyorlangan eritmalardan foydalanish kerak.

Buyrak faoliyati buzilgan bemorlarda (kreatinin (KK) klirensi 50 - 20 ml/min bo‘lganda) bir martalik doza o‘rtacha dozaning 50% ini tashkil etishi kerak, buyurish soni kuniga 2 marta yoki to‘liq bir martalik doza kuniga 1 marta yuboriladi. KK 20 ml/min dan kam bo‘lganda bir martalik doza - 200 mg, keyin kunora kuniga 100 mg dan.

Gemodializ va peritoneal dializda - har 24 soatda 100 mg dan. Jigar yetishmovchiligida maksimal sutkalik doza - 400 mg/sut.

Nojo‘ya ta’sirlari

Markaziy asab tizimi tomonidan: bosh og‘rig‘i, talvasalar, oyoq-qo‘llarning uvishishi va paresteziyalari, bosh aylanishi, depressiya, kuchli tushlar, "dahshatli" tushlar, psixomotor qo‘zg‘alish, harakatlarning ishonchsizligi, tremor; psixotik reaksiyalar, xavotirlanish, fobiyalar, ongning chalkashligi, gallyutsinatsiyalar, kalla ichi bosimining oshishi;

Sezgi a’zolari tomonidan: ranglarni idrok etishning buzilishi, diplopiya, ta’m bilish, hid bilish, eshitish va muvozanatning buzilishi;

Ovqat hazm qilish tizimi tomonidan: gastralgiya, anoreksiya, ko‘ngil aynishi, qusish, diareya, meteorizm, qorin og‘rig‘i, "jigar" transaminazalari faolligining oshishi, giperbilirubinemiya, xolestatik sariqlik, psevdomembranoz enterokolit;

Tayanch-harakat tizimi tomonidan: tendinit, mialgiya, artralgiya, tendosinovit, pay yorilishi;

Yurak-qon tomir tizimi tomonidan: taxikardiya, arterial bosimning pasayishi (v/i yuborilganda; arterial bosim keskin pasayganda yuborish to‘xtatiladi), vaskulit, kollaps;

Siydik ajratish tizimi tomonidan: o‘tkir interstitsial nefrit, buyrak faoliyatining buzilishi, giperkreatininemiya, mochevina miqdorining oshishi;

Qon yaratish a’zolari tomonidan: leykopeniya, agranulotsitoz, anemiya, trombotsitopeniya, pansitopeniya, gemolitik va aplastik anemiya;

Teri qoplamlari tomonidan: nuqtali qon quyilishlar (petexiyalar), bullyoz gemorragik dermatit, tomirlar zararlanganligidan dalolat beruvchi qobiqli papulyoz toshmalar (vaskulit);

Allergik reaksiyalar: teri toshmasi, teri qichishishi, eshakemi, allergik pnevmonit, allergik nefrit, eozinofiliya, isitma, Kvinke shishi, bronxospazm; ko‘p shaklli ekssudativ eritema (shu jumladan Stivens-Jonson sindromi) va toksik epidermal nekroliz (Layell sindromi), fotosensibilizatsiya, anafilaktik shok;

Boshqalar: disbakterioz, superinfeksiya, vaginit, gipoglikemiya (qandli diabet bilan og‘rigan bemorlarda);

Mahalliy reaksiyalar: og‘riq, yuborilgan joyda giperemiya, tromboflebit (v/i yuborilganda).

Dozani oshirib yuborish

Belgilari: bosh aylanishi, es-hushning chalkashishi, tormozlanish, mo‘ljalni yo‘qotib qo‘yish, uyquchanlik, qusish.

Davolash: oshqozonni yuvish, simptomatik terapiya.

O‘zaro aloqa

Quyidagi infuzion eritmalar bilan mos keladi: natriy xloridning izotonik eritmasi, Ringer eritmasi, 5% li fruktoza eritmasi, 5% li dekstroza eritmasi.

Geparin bilan aralashtirilmasin (presipitatsiya xavfi).

Teofillinning klirensini 25% ga pasaytiradi (bir vaqtning o‘zida qo‘llanganda teofillin dozasini kamaytirish kerak).

Simetidin, furosemid, metotreksat va kanalchalar sekretsiyasini bloklovchi preparatlar plazmadagi ofloksatsin konsentratsiyasini oshiradi.

Plazmada glibenklamid konsentratsiyasini oshiradi.

K vitamini antagonistlari bilan bir vaqtda qabul qilinganda qon ivish tizimini nazorat qilish zarur.

Nosteroid yallig‘lanishga qarshi preparatlar, nitroimidazol hosilalari va metilksantinlar bilan buyurilganda neyrotoksik ta’sirlar rivojlanish xavfi ortadi.

Glyukokortikosteroidlar bilan bir vaqtda buyurilganda, ayniqsa keksa odamlarda paylarning yorilish xavfi ortadi.

Siydikni ishqorlovchi preparatlar (karboangidraza ingibitorlari, sitratlar, natriy bikarbonat) bilan buyurilganda kristalluriya va nefrotoksik ta’sirlar xavfi ortadi.

Maxsus ko‘rsatmalar

Pnevmokokklar keltirib chiqaradigan pnevmoniya uchun tanlov preparati emas. O‘tkir tonzillitni davolashda ko‘rsatilmagan.

2 oydan ortiq qo‘llash tavsiya etilmaydi, quyosh nurlari, ultrabinafsha nurlar (simob-kvars lampalari, solyariylar) ta’siriga duchor bo‘lmaslik kerak.

Markaziy asab tizimi tomonidan nojo‘ya ta’sirlar, allergik reaksiyalar, psevdomembranoz kolit paydo bo‘lgan taqdirda preparatni bekor qilish zarur. Kolonoskopik va/yoki gistologik tasdiqlangan psevdomembranoz kolitda vankomitsin va metronidazolni peroral buyurish ko‘rsatilgan.

Kamdan-kam uchraydigan tendinit, ayniqsa keksa bemorlarda paylarning (asosan axill payining) uzilishiga olib kelishi mumkin. Tendinit belgilari paydo bo‘lgan taqdirda, darhol davolanishni to‘xtatish, axill payini immobilizatsiya qilish va ortoped bilan maslahatlashish lozim.

Davolash davrida etanol iste’mol qilish mumkin emas.

Preparat qo‘llanilayotganda, ayollar uchun sut bezlari rivojlanish xavfi yuqori bo‘lganligi sababli gigiyenik tamponlardan foydalanish tavsiya etilmaydi.

Davolash fonida miasteniya kechishining yomonlashuvi, moyil bemorlarda porfiriya xurujlarining ko‘payishi mumkin.

Sil kasalligini bakteriologik tashxislashda soxta manfiy natijalarga olib kelishi mumkin (Mycobacterium tuberculosis ajralib chiqishiga to‘sqinlik qiladi).

Jigar yoki buyrak faoliyati buzilgan bemorlarda plazmadagi ofloksatsin konsentratsiyasini nazorat qilish zarur. Og‘ir buyrak va jigar yetishmovchiligida toksik ta’sirlar rivojlanish xavfi ortadi (dozani korreksiyalash talab etiladi).

Bolalarda faqat hayot uchun xavf tug‘ilganda, taxmin qilingan foyda va nojo‘ya ta’sirlarning rivojlanish xavfini hisobga olgan holda, boshqa, kamroq zaharli dori vositalarini qo‘llash imkoni bo‘lmaganda qo‘llaniladi. Bunda o‘rtacha sutkalik doza - 7,5 mg/kg, maksimal doza - 15 mg/kg.

Homiladorlik va laktatsiya

Qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Davolash davrida avtomobil haydashdan va yuqori diqqat va psixomotor reaksiyalar tezligini talab qiladigan potentsial xavfli faoliyat turlari bilan shug‘ullanishdan tiyilish lozim.

Qadoq

100 ml dan oq rangli himoya plastik qopqoqli va flakon tubida tutqich-halqali plastik flakonga. 1 flakon sellofan o‘ramda qo‘llash bo‘yicha yo‘riqnoma bilan birga karton qutiga joylashtiriladi

Saqlash shartlari

25 °C dan yuqori bo‘lmagan haroratda, yorug‘lik tushmaydigan joyda saqlanadi. Muzlatmang. Bolalar qo‘li yetmaydigan joyda saqlang.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

YUNIK FARMASYUTIKAL LABORATORIZ Hindiston.

Ishlab chiqaruvchi

UNIQUE PHARMACEUTICAL LABORATORIES Hindiston.