Pentoksifillin

Tarkib

1 ml eritma tarkibiga quyidagilar kiradi:

faol modda: pentoksifillin - 20 mg;

yordamchi moddalar: natriy xlorid 7,0 mg, inyeksiya uchun suv 1 ml gacha.

Tavsif

Rangsiz yoki biroz sarg‘ish, tiniq suyuqlik.

Dori shakli

Infuziya uchun eritma tayyorlash uchun konsentrat.

Farmakoterapevtik guruh

Periferik qon aylanishi buzilishlarini davolash uchun vosita. ATX kodi: C04AD03.

Farmakologik xususiyatlari

Farmakodinamika

Pentoksifillin ksantin hosilasidir. Qonning mikrotsirkulyatsiyasi va reologik xususiyatlarini yaxshilaydi. Ta’sir mexanizmi fosfodiesterazaning susayishi va trombotsitlarda siklik 3,5 adenozinmonofosfat (3,5-AMF) va eritrotsitlarda adenozintrifosfat (ATF) miqdorining oshishi bilan bir vaqtda energetik potensialning to‘yinishi bilan bog‘liq bo‘lib, bu o‘z navbatida vazodilatatsiyaga, umumiy periferik tomir qarshiligining pasayishiga, yurak qisqarishlari chastotasining sezilarli o‘zgarishisiz qonning sistolik va daqiqalik hajmining oshishiga olib keladi. Koronar arteriyalarni kengaytiradi, miokardga kislorod yetkazib berishni ko‘paytiradi (kuchsiz antianginal ta’sir), o‘pka tomirlari qonning oksigenatsiyasini yaxshilaydi. Nafas mushaklari (qovurg‘alararo mushaklar va diafragma) tonusini oshiradi.

Vena ichiga yuborilganda kollateral qon aylanishining kuchayishiga, kesim birligidan oqib o‘tayotgan qon hajmining ko‘payishiga olib keladi. Bosh miyada ATF miqdorining oshishiga olib keladi, markaziy asab tizimining bioelektrik faoliyatiga ijobiy ta’sir ko‘rsatadi.

Qonning yopishqoqligini pasaytiradi, trombotsitlar dezagregatsiyasini chaqiradi, eritrotsitlar elastikligini oshiradi (eritrotsitlarning patologik o‘zgargan deformatsiyalanishiga ta’sir qilishi hisobiga). Qon aylanishi buzilgan joylarda mikrotsirkulyatsiyani yaxshilaydi.

Periferik arteriyalarning okklyuzion shikastlanishida ("o‘zgaruvchan" oqsoqlanish) yurish masofasining uzayishiga, boldir mushaklarining tungi tortishishi va tinch holatda og‘riqning yo‘qolishiga olib keladi.

Farmakokinetika

Preparat yuborilgandan so‘ng jigarda tez metabolizmga uchraydi. Metabolizm jarayonida ikkita asosiy metabolit hosil bo‘ladi: 1- (5-gidroksigeksil) -3,7-dimetilksantin (1-metabolit) va 1- (3-karboksipropil) -3,7-dimetilksantin (V-metabolit), ular pentoksifillinga o‘xshash faollikka ega. Infuziyadan 1,5-2 soat o‘tgach, qon plazmasida 1 va V metabolitlar konsentratsiyasi mos ravishda dastlabki modda konsentratsiyasidan 5 va 8 baravar yuqori bo‘ladi. 8-soatga kelib, pentoksifillin va uning metabolitlarining qondagi konsentratsiyasi sezilarli darajada pasayadi (dastlabkidan 10% gacha).

Yarim chiqarilish davri 30 minutdan 1,5 soatgacha. Asosan buyraklar orqali (94%) metabolitlar (asosan V metabolit) ko‘rinishida chiqariladi, ichak orqali (4%) birinchi 4 soat ichida dozaning 90% gacha chiqariladi. 2% preparat o‘zgarmagan holda chiqariladi.

Pentoksifillin va uning metabolitlari qon plazmasi oqsillari bilan bog‘lanmaydi. Ko‘krak suti bilan ajraladi.

Buyrak faoliyatining og‘ir buzilishlarida metabolitlarning chiqarilishi sekinlashadi.

Jigar funksiyasi buzilganda yarim chiqarilish davrining uzayishi va biosinguvchanligi oshishi qayd etiladi.

Ko‘rsatmalar

aterosklerotik ensefalopatiya, ishemik serebral insult;

dissirkulyator ensefalopatiya, ateroskleroz, qandli diabet (shu jumladan diabetik diangiopatiya), yallig‘lanish tufayli kelib chiqadigan periferik qon aylanishining buzilishi;

venalarning shikastlanishi yoki mikrotsirkulyatsiyaning buzilishi bilan bog‘liq to‘qimalardagi trofik buzilishlar (tromboflebitdan keyingi sindrom, trofik yaralar, gangrena, sovuq urishi);

obliteratsiyalovchi endarteriit, angioneyropatiya (Reyno kasalligi), ko‘z qon aylanishining buzilishi (ko‘z to‘r pardasi va qon tomir pardasida o‘tkir, o‘tkir osti, surunkali qon aylanish yetishmovchiligi);

eshitish qobiliyatining pasayishi bilan kechuvchi tomir genezli ichki quloq funksiyasining buzilishi.

Qo‘llash usullari va dozalari

Vena ichiga, tomchilab 1,5-3 soat davomida.

100 mg (1 ampula 5 ml) 250-500 ml 0,9% li natriy xlorid yoki 5% li dekstroza (glyukoza) eritmasida eritiladi. Yaxshi o‘zlashtirilsa, dozani sutkasiga 100 mg ga oshirish mumkin. Maksimal sutkalik doza 300 mg.

Arteriya ichiga

Dastlab 100 mg preparat 20-50 ml 0,9% natriy xlorid eritmasida, keyingi kunlarda 200-300 mg dan 30-50 ml erituvchida eritiladi. 100 mg tezlikda (5 ml 2% li preparat eritmasi) 10 daqiqa davomida yuboriladi. Bosh miya tomirlarining yaqqol aterosklerozida uyqu arteriyasiga yuborish mumkin emas.

Surunkali buyrak yetishmovchiligi bo‘lgan bemorlarga (kreatinin klirensi ml/daqiqa) odatdagi dozaning 50-70 foizi yuboriladi.

Keksa yoshdagi bemorlar

Keksa yoshdagi bemorlar uchun dozani o‘zgartirishga hojat yo‘q.

Parenteral davolash kursining davomiyligi davolovchi shifokor tomonidan belgilanadi. Bemorning ahvoli yaxshilangandan so‘ng, preparatni tabletka shaklida qo‘llash orqali davolashni davom ettirish tavsiya etildi.

Nojo‘ya ta’sirlari

Organizmning alohida tizimlari bo‘yicha nojo‘ya ta’sirlarning paydo bo‘lish chastotasi:

Yurak-qon tomir tizimi tomonidan: kamdan-kam hollarda taxikardiya; tez-tez emas - periferik shish, yuzning qizarishi va issiqlik hissi, juda kam hollarda ko‘krak qafasidagi noodatiy og‘riq, arterial gipotenziya, stenokardiyaning kuchayishi, arterial gipertenziya, hansirash, aritmiya, yurak urishi.

Qon va limfa tizimi tomonidan: yagona trombotsitopeniya va trombotsitopenik purpura, leykopeniya, pansitopeniya (o‘limga olib kelishi mumkin), protrombin vaqtining uzayishi, gipofibrinogenemiya, anemiya, aplastik anemiya, qon ketishlar (masalan, teri, shilliq qavatlar, oshqozon, ichak, burun tomirlaridan).

Asab tizimi tomonidan: kamdan-kam hollarda bosh og‘rig‘i, bosh aylanishi, aseptik meningit (katta dozalarda qo‘llanganda); ayrim hollarda qo‘llar titrashi, uyqusizlik, qo‘zg‘alish, bezovtalik, qo‘rquv hissi, hushni yo‘qotish, uyqu buzilishi, gallyutsinatsiyalar, ko‘z oldi qorong‘ilashishi, qo‘l-oyoqlarning uvishishi, gipergidroz, talvasalar.

Sezgi a’zolari tomonidan: ko‘rishning buzilishi, skotoma, ko‘zdan yosh oqishi, konyunktivitlar, quloq og‘rig‘i, migren, to‘r pardaga qon quyilishi, to‘r pardaning ko‘chishi.

Oshqozon-ichak trakti tomonidan ko‘pincha oshqozon-ichak buzilishlari, oshqozonda bosim hissi, uning to‘lishi, diareya; ko‘pincha ko‘ngil aynishi, qusish (shu jumladan bir necha marta), meteorizm, epigastral og‘riqlar, anoreksiya, ichak atoniyasi, qabziyat, tomoq qurishi, chanqash kuzatiladi.

Metabolizm tomonidan: juda kam hollarda gipoglikemiya, gipokaliyemiya.

Immun tizimi tomonidan: allergik reaksiyalar (shokkacha bo‘lgan anafilaktik / anafilaktoid reaksiyalar, angionevrotik shish, bronxospazm, terining qizarishi, qichishish, toshma, eshakyemi), toksik epidermal nekroliz (Layell sindromi), Stivens-Jonson sindromi.

Gepatobiliar tizim tomonidan: juda kam hollarda jigar ichi xolestaz, jigar fermentlari faolligining oshishi, xoletsistitning kuchayishi, xolestatik gepatit.

Teri va teri osti kletchatkasi tomonidan: juda kamdan-kam hollarda ko‘p terlash, yuz terisi va ko‘krak qafasining yuqori qismi giperemiyasi, shishlar, makulopapulyoz toshmalar, tirnoqlarning yuqori darajada mo‘rtligi.

Yuborilgan joydagi o‘zgarishlar: yuborilgan joyda og‘riq, giperemiya, shish, toshma.

Boshqalar: ta’m bilishning buzilishi, so‘lak ajralishining kuchayishi, holsizlik, tomoq/bo‘yin og‘rig‘i, laringit, burun bitishi, tana vaznining ortishi/kamayishi, titroq, issiqlik hissi, isitma, gipertermik sindrom. Laboratoriya ko‘rsatkichlari: jigar transaminazalari (ALT, AST, LDG) va ishqoriy fosfataza faolligining oshishi.

Aksariyat nojo‘ya ta’sirlar doza bilan bog‘liq. Ularni minimallashtirish yoki dozani kamaytirish orqali oldini olish mumkin.

Agar og‘ir nojo‘ya ta’sirlar bo‘lsa, davolashni to‘xtatish kerak.

Qarshi ko‘rsatmalar

pentoksifillinga yoki preparatning boshqa tarkibiy qismlariga yoki teofillin, kofein, xolin teofillin, aminofillin yoki teobromin kabi metilksantin guruhining boshqa preparatlariga yuqori sezuvchanlik; ko‘p miqdorda qon ketishi (qon ketishining kuchayishi xavfi);

ko‘z to‘r pardasiga qon quyilishi, agar pentoksifillin bilan davolash paytida ko‘z to‘r pardasiga qon quyilishi kuzatilsa, dori vositasini qo‘llashni darhol to‘xtatish lozim;

gemorragik diatez;

o‘tkir miokard infarkti;

jigar yoki buyrak yetishmovchiligi;

oshqozon va/yoki ichak yaralari;

porfiriya;

homiladorlik va laktatsiya davri;

bolalik davri

Dozani oshirib yuborish

Belgilari: holsizlik, bosh aylanishi, qon bosimining pasayishi/ko‘tarilishi, hushdan ketish holati, taxikardiya, uyquchanlik yoki qo‘zg‘alish, hushdan ketish, gipertermiya, arefleksiya, tonik-klonik talvasalar, oshqozon-ichakdan qon ketish belgilari qusish (qahva quyqasi rangidagi qusish massalari), isitma, issiqlik hissi.

Davolash: Doza oshib ketishining birinchi belgilari (terlash, ko‘ngil aynishi, sianoz) paydo bo‘lganda preparatni qo‘llash darhol to‘xtatiladi. Boshning va gavdaning yuqori qismining pastroq holatini ta’minlash, nafas yo‘llarining erkin o‘tishini nazorat qilish kerak. Simptomatik terapiya o‘tkaziladi, AB va nafas funksiyasini ushlab turishga alohida e’tibor qaratish lozim. Talvasa xurujlarini to‘xtatish uchun diazepam yuboriladi.

Ehtiyot choralari va qo‘llash xususiyatlari

Homiladorlik va laktatsiya davri

Pentoksifillinni homiladorlik yoki emizish davrida qo‘llash mumkin emas.

Preparatni bolalarda qo‘llash tajribasi yo‘q.

Anafilaktik/anafilaktoid reaksiya rivojlanishining birinchi belgilarida preparat bilan davolashni to‘xtatish va shifokor yordamiga murojaat qilish lozim.

Preparatni surunkali yurak yetishmovchiligi bo‘lgan bemorlarga qo‘llanganda, avval qon aylanishining kompensatsiya bosqichiga erishish lozim.

Diabet bilan og‘rigan va insulin yoki peroral antidiabetik vositalar bilan davolanayotgan bemorlarda preparatning yuqori dozalari qo‘llanilganda, ushbu preparatlarning qondagi qand miqdoriga ta’siri kuchayishi mumkin, bunday hollarda insulin yoki peroral antidiabetik vositalar dozasini kamaytirish va bemorni ayniqsa diqqat bilan kuzatish kerak.

Tizimli qizil bo‘richa (TQB) yoki biriktiruvchi to‘qimaning boshqa kasalliklari bilan og‘rigan bemorlarga Pentoksifillinni faqat mumkin bo‘lgan xavf va foydalarni batafsil tahlil qilgandan so‘ng buyurish mumkin. Pentoksifillin bilan davolash paytida aplastik anemiya rivojlanish xavfi mavjudligi sababli, umumiy qon tahlilini muntazam nazorat qilish zarur.

Buyrak yetishmovchiligi (kreatinin klirensi 30 ml/daqiqadan kam) yoki og‘ir jigar disfunksiyasi bo‘lgan bemorlarda Pentoksifillinning chiqarilishi sekinlashishi mumkin. Tegishli monitoring zarur.

Keksa yoshdagi bemorlarda faol moddaning biosinguvchanligi oshishi va chiqarilish tezligi pasayishi sababli o‘rtacha terapevtik dozani kamaytirish zarurati tug‘ilishi mumkin.

Chekish preparatning terapevtik samaradorligini pasaytirishi mumkin.

Ayniqsa, quyidagilar uchun diqqat bilan kuzatish zarur:

og‘ir yurak aritmiyalari bilan og‘rigan bemorlar;

miokard infarkti bilan og‘rigan bemorlar;

arterial gipotenziyasi bo‘lgan bemorlar;

serebral va koronar tomirlarning yaqqol aterosklerozi bilan og‘rigan bemorlarda, ayniqsa arterial gipertenziya va yurak ritmi buzilishlari hamroh bo‘lganda. Ushbu bemorlarda preparatni qabul qilishda stenokardiya, aritmiya va arterial gipertenziya xurujlari kuzatilishi mumkin; buyrak yetishmovchiligi bo‘lgan bemorlar (kreatinin klirensi (KK) 30 ml/daqiqadan past);

og‘ir jigar yetishmovchiligi bo‘lgan bemorlar;

masalan, antikoagulyantlar bilan davolash yoki qon ivishining buzilishi tufayli qon ketishiga moyilligi yuqori bo‘lgan bemorlar. Qon ketishi haqida "Qarshi ko‘rsatmalar" bo‘limiga qarang;

anamnezida oshqozon va o‘n ikki barmoqli ichak yarasi bo‘lgan bemorlar,

yaqinda jarrohlik yo‘li bilan davolangan bemorlar (qon ketish xavfi yuqori, shu sababli gemoglobin va gematokrit darajasini muntazam nazorat qilish talab etiladi);

qon bosimining pasayishi yuqori xavf tug‘diradigan bemorlar (masalan, og‘ir yurak ishemik kasalligi yoki miyaga qon yetkazib beruvchi tomirlar stenozi bo‘lgan bemorlar);

bir vaqtning o‘zida Angiotren-Neo preparati va K antivitaminlari (kumarinlar) bilan davolanayotgan bemorlar;

bir vaqtning o‘zida Angiotren-Neo preparati va diabetga qarshi vositalar bilan davolanayotgan bemorlar.

Dori vositasining transport vositasini yoki potensial xavfli mexanizmlarni boshqarish qobiliyatiga ta’siri

Markaziy asab tizimi tomonidan nojo‘ya ta’sirlar yuzaga kelishi ehtimolini ham hisobga olish kerak.

Preparatni "Qo‘llash usuli va dozalari" bo‘limida ko‘rsatilgan eritmalardan tashqari, bir idishda boshqa dori vositalari bilan aralashtirmaslik kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Boshqa dori vositalari bilan o‘zaro ta’siri

Pentoksifillin va antigipertenziv preparatlarni (xususan, angiotenzin aylantiruvchi ferment ingibitorlarini) bir vaqtda qo‘llash ularning ta’sirini kuchaytiradi, shuning uchun gipotenziv preparatlar dozasini tegishli ravishda o‘zgartirish talab etiladi.

Antikoagulyantlar, qon ivishini kamaytiruvchi preparatlar.

Pentoksifillin va qon ivishini kamaytiruvchi dorilarni bir vaqtda qabul qilish qon ketish ehtimolini oshiradi, shuning uchun protrombin vaqtini tez-tez nazorat qilib turish kerak. Pentoksifillin dozasi tayinlanganda yoki o‘zgartirilganda, bu bemorlarda antikoagulyant faollikni nazorat qilish tavsiya etiladi.

Simetidin. Simetidin bir vaqtning o‘zida yuborilganda, qon zardobida pentoksifillin konsentratsiyasi sezilarli darajada oshadi. Pentoksifillin dozasini oshirib yuborish belgilarining kuchayishini diqqat bilan kuzatib borish kerak.

N-retseptorlarning boshqa antagonistlari (famotidin, ranitidin va nizatidin) pentoksifillin metabolizmiga sezilarli darajada kam ta’sir ko‘rsatadi.

Teofillin. Pentoksifillin va teofillinni bir vaqtda yuborish qon zardobida teofillin konsentratsiyasining oshishiga olib kelishi mumkin. Shuning uchun teofillinning qon zardobidagi konsentratsiyasini kuzatib borish, zarur bo‘lsa, uning dozasini kamaytirish kerak.

Ketorolak, meloksikam. Pentoksifillin va ketorolakni bir vaqtda qo‘llash protrombin vaqtining uzayishiga olib kelishi va qon ketish xavfini oshirishi mumkin. Pentoksifillin va meloksikam bir vaqtda qo‘llanganda ham qon ketish xavfi ortishi mumkin. Shuning uchun bu preparatlar bilan bir vaqtda davolash tavsiya etilmaydi.

Siprofloksatsin. Siprofloksatsin jigarda pentoksifillin metabolizmini tormozlaydi, shuning uchun pentoksifillin va siprofloksatsinni bir vaqtda qo‘llash qon zardobida pentoksifillin konsentratsiyasining oshishiga olib kelishi mumkin. Pentoksifillin va siprofloksatsin bilan bir vaqtda davolash zarur bo‘lganda, pentoksifillin dozasini ikki baravar kamaytirish tavsiya etiladi.

Insulin va peroral antidiabetik preparatlar. Pentoksifillinning katta v/i dozalari insulin va peroral diabetga qarshi preparatlarning gipoglikemik ta’sirini kuchaytirishi mumkin, shuning uchun insulin yoki gipoglikemik preparatning dozalarini mos ravishda o‘zgartirish lozim. Nitratlar. Pentoksifillin nitratlar ta’sirini kuchaytiradi.

Eritromitsin. Pentoksifillin va eritromitsinning o‘zaro ta’siri haqida ma’lumotlar yo‘q. Biroq, pentoksifillin va eritromitsinni birgalikda qo‘llashda teofillinning plazmadagi darajasi oshishi va toksik reaksiyalar namoyon bo‘lishi qayd etiladi.

Chiqarish shakli

5 ml dan ampulalarda.

5, 10, 20, 40 ta ampula qo‘llash bo‘yicha yo‘riqnoma bilan birga quticha shaklidagi karton qalamdonlarga qadoqlanadi.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlash lozim.

Yaroqlilik muddati

2 yil.

Yaroqlilik muddati tugaganidan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

"RADIKS" MCHJ

O‘zbekiston Respublikasi, 100054, Toshkent shahri, Lutfiy ko‘chasi, 50. Tel.: (+99871) 273-92-31; Tel.: (+99871) 273-80-58, faks: (+99871) 273-80-58.