Proneyro

Tarkib

Har bir paketda quyidagilar mavjud:

ta’sir etuvchi modda: fenibut - 500 mg;

yordamchi moddalar: aspartam (E 951), mannit (E 421), "Limon" ta’m beruvchi qo‘shimchasi (maltodekstrin, gummiarabik (E 414), xushbo‘y mahsulotlar, xushbo‘y moddalar, tabiiy xushbo‘y moddalar).

Dori shakli

Ichish uchun eritma tayyorlash uchun kukun.

Farmakoterapevtik guruh

Boshqa psixostimulyatorlar va nootrop vositalar.

Farmakologik xususiyatlari

Farmakodinamika

Neyrofen dori vositasining ta’sir etuvchi moddasi (γ-amino-β-fenilmoy kislota gidroxloridi) ni γ-aminomoy kislota (GAMK) hosilasi yoki β-feniletilaminning hosilasi deb qarash mumkin. Neyrofen nootrop faollikka ega, GAMK hosilasi sifatida esa anksiolitik (trankvilizator) ta’sirga ega. Xolino- va adrenoretseptorlarga ta’sir qilmaydi. Talvasaga qarshi faollikka ega emas. Dori vositasi nistagmning yashirin davrini uzaytiradi va uning davomiyligi hamda ifodalanganligini qisqartiradi.

Farmakokinetika

Dori vositasi ichga qabul qilingandan so‘ng yaxshi so‘riladi va organizmning barcha to‘qimalariga o‘tadi, gematoensefalik to‘siq orqali o‘tadi. Bosh miya to‘qimalariga dori vositasining yuborilgan dozasining 0,1% ga yaqini o‘tadi, bunda yosh va keksa yoshdagi shaxslarda sezilarli darajada ko‘proq bo‘ladi.

Dozaning 80-95% i jigarda farmakologik faol bo‘lmagan metabolitlargacha metabolizmga uchraydi. 5% ga yaqini o‘zgarmagan holda buyraklar orqali chiqariladi. Qayta yuborilganda kumulyatsiya kuzatilmaydi.

Ko‘rsatmalar

Asab qo‘zg‘aluvchanligi oshganida (nevrasteniya) va uyqu buzilganda qo‘llaniladi. Bolalarda - duduqlanish, tiklarni davolash uchun.

Qo‘llash usuli va dozalari

Paket ichidagini yarim stakan iliq suvda eritib, ovqatdan keyin ichiladi. Tayyorlangan eritmani saqlash mumkin emas, uni tayyorlangandan so‘ng darhol qabul qilish kerak.

Davolash kursining davomiyligi kasallik, dori vositasini ko‘tara olish va erishilgan samarani hisobga olgan holda shifokor tomonidan belgilanadi.

Yuqori asabiy qo‘zg‘aluvchanlik (nevrasteniya) va uyqu buzilishlarida

Kuniga 1-3 mahal 500 mg dan.

Maksimal bir martalik doza - 750 mg, 60 yoshdan oshgan bemorlarga - 500 mg. Davolash kursi - 2-3 hafta. Zarurat tug‘ilganda kursni 4-6 haftagacha uzaytirish mumkin.

Bolalar va o‘smirlarda qo‘llanilishi (duduqlanish, tiklarni davolash uchun)

14 yoshdan oshgan bolalarga kattalar uchun dozalar buyuriladi - kuniga 1-3 marta 500 mg dan. 14 yoshgacha bo‘lgan bolalarga dori vositasi ushbu dozada qo‘llanilmaydi (doza birligida faol modda miqdori yuqori).

Jigar faoliyati buzilgan bemorlar

Jigar faoliyati buzilgan bemorlarda dori vositasining yuqori dozalari gepatotoksik ta’sir ko‘rsatishi mumkin. Ushbu guruhdagi bemorlarga jigar faoliyati nazorati ostida dori vositasining kamroq dozalari buyuriladi.

Buyrak faoliyati buzilgan bemorlar

O‘tkir buyrak yetishmovchiligi bo‘lgan bemorlarda dori vositasini qo‘llash mumkin emas.

Jigar va/yoki buyrak faoliyati buzilgan bemorlarda uzoq muddat qo‘llanilganda, buyrak va jigar faoliyati ko‘rsatkichlarini nazorat qilish zarur.

Agar dori vositasini qabul qilish o‘tkazib yuborilgan bo‘lsa, dori vositasini eslashingiz bilanoq qabul qilishingiz kerak, ammo keyingi qabul vaqti yaqinlashganda dori vositasini qabul qilishni o‘tkazib yuborish zarur. Hech qachon ikki marta doza qabul qilmang.

Nojo‘ya reaksiyalar

Nojo‘ya ta’sirlarni baholash sodir bo‘lish chastotasi haqidagi quyidagi ma’lumotlarga asoslanadi: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kamdan-kam (≥1/10 000 dan <1/1000 gacha), juda kamdan-kam (<1/10 000), chastotasi noma’lum (mavjud ma’lumotlar asosida baholash mumkin emas).

Asab tizimi tomonidan buzilishlar: noma’lum - uyquchanlik (davolash boshida), ta’sirchanlikning kuchayishi, qo‘zg‘alish, xavotir, bosh og‘rig‘i, bosh aylanishi (fenibut kuniga 2000 mg (4 paket) dan ortiq dozalarda qabul qilinganda, doza kamaytirilganda nojo‘ya ta’sirning ifodalanishi kamayadi).

Oshqozon-ichak trakti tomonidan buzilishlar: noma’lum - ko‘ngil aynishi (davolash boshida).

Teri va teri osti to‘qimalari tomonidan buzilishlar: kamdan-kam hollarda - allergik reaksiyalar (teri toshmasi, qichishish).

Jigar va o‘t yo‘llari tomonidan buzilishlar: noma’lum - gepatotoksiklik (uzoq vaqt davomida yuqori dozalarda qo‘llanilganda).

Dori vositasini qabul qilgandan so‘ng bolalarda hissiy beqarorlik va uyqu buzilishlarining rivojlanish holatlari haqida xabarlar olingan.

Dori vositasiga nisbatan tolerantlik (o‘rganib qolish) holatlari haqida ma’lumotlar mavjud.

Nojo‘ya ta’sirlar, shu jumladan qo‘llash bo‘yicha yo‘riqnomada ko‘rsatilmagan nojo‘ya ta’sirlar paydo bo‘lgan taqdirda, shifokorga murojaat qilish zarur.

Dozani oshirib yuborish

Dozani oshirib yuborish holatlari haqida ma’lumotlar mavjud emas.

Doza oshirib yuborilganda quyidagi alomatlar rivojlanishi mumkin: uyquchanlik, ko‘ngil aynishi, qusish, bosh aylanishi. Yuqori dozalar uzoq vaqt qo‘llanganda eozinofiliya, arterial gipotenziya, buyrak faoliyatining buzilishi, jigarning yog‘li distrofiyasi rivojlanishi mumkin (7 g dan ortiq qabul qilinganda).

Davolash: oshqozonni yuvish, simptomatik davolash. Maxsus antidot bo‘lmaydi.

Qarshi ko‘rsatmalar

Dori vositasining ta’sir etuvchi moddasi yoki yordamchi komponentlariga yuqori sezuvchanlik.

O‘tkir buyrak yetishmovchiligi.

Fenilketonuriya, dori vositasi tarkibida aspartam mavjudligi sababli.

Homiladorlik va emizish davri.

Ehtiyot choralari

Oshqozon-ichak traktining eroziv-yarali kasalliklari bilan og‘rigan bemorlarda dori vositasining qitiqlovchi ta’siri tufayli ehtiyotkorlik talab etiladi. Bu bemorlarga dori vositasining kamroq dozasi buyuriladi.

Uzoq muddat qo‘llanganda periferik qon ko‘rsatkichlari va jigar funksiyasini nazorat qilish zarur.

Agar dori vositasini qabul qilish vaqtida kasallik alomatlari saqlanib qolsa yoki ahvol yomonlashsa, shifokorga murojaat qilish lozim.

Dori vositasi tarkibida fenilalanin manbai bo‘lgan aspartam mavjud bo‘lib, u fenilketonuriya bilan og‘rigan bemorlarga qo‘llash mumkin emas.

Paketning butunligi buzilganda qo‘llanilmasin.

Homiladorlik va emizish davri

Homiladorlik va emizish davrida qo‘llash mumkin emas, chunki ushbu davrlarda dori vositasini qo‘llash xavfsizligi bo‘yicha adekvat va yaxshi nazorat qilinadigan klinik tadqiqotlar mavjud emas.

Transportni boshqarish va mexanizmlar bilan ishlash qobiliyatiga ta’siri

Markaziy asab tizimi tomonidan yuzaga kelishi mumkin bo‘lgan buzilishlar (uyquchanlik, bosh aylanishi) tufayli dori vositasini qabul qilish vaqtida transport vositalarini boshqarish yoki mexanizmlarga xizmat ko‘rsatish mumkin emas.

Boshqa dori vositalari bilan o‘zaro ta’siri

Dori vositasini boshqa psixotrop vositalar bilan kombinatsiyalash shifokor bilan oldindan maslahatlashishni va davolash jarayonida shifokor nazoratini talab qiladi.

Dori vositasini karbamazepin, okskarbazepin yoki monoaminooksidaza ingibitorlari bilan bir vaqtda buyurish tavsiya etilmaydi.

Chiqarish shakli

Ichish uchun eritma tayyorlash uchun kukun.

Saqlash shartlari

Namlik va yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil. Qadoqda ko‘rsatilgan yaroqlilik muddati tugagandan keyin ishlatilmasin.

Ishlab chiqaruvchi

Lekfarm, MCHJ, Belarus.