Vazopro

Tarkib

1 ml eritma tarkibiga quyidagilar kiradi:

Faol moddasi: meldoniya (metonat) 100 mg.

Yordamchi modda: inyeksiya uchun suv.

Tavsif

Tiniq, rangsiz suyuqlik.

Farmakoterapevtik guruh

Metabolik jarayonlarni korreksiyalash vositalari. ATX kodi: C01EB.

Farmakologik xususiyatlari

Vazopro - γ-butirobetainning strukturaviy analogi bo‘lib, u karnitinning o‘tmishdoshi hisoblanadi. Preparat γ-butirobetaingidroksilaza faolligini susaytirib, karnitin biosintezini va uzun zanjirli yog‘ kislotalarining hujayra membranalari orqali o‘tishini pasaytirib, hujayralarda oksidlanmagan yog‘ kislotalari - atsilkarnitin A hosilalarining faollashgan shakllarining to‘planishini oldini oladi va shu bilan ularning salbiy ta’sirini oldini oladi.

Vazopro hujayralarda kislorod yetkazib berish va undan foydalanish jarayonlarining muvozanatini tiklaydi; ATF transportining buzilishining oldini oladi, shu bilan bir vaqtda glikolizni faollashtiradi, bu esa qo‘shimcha kislorod ishlatmasdan amalga oshiriladi.

Karnitin konsentratsiyasining kamayishi natijasida tomir kengaytiruvchi xususiyatlarga ega bo‘lgan γ-butirobetain kuchli sintezlanadi.

Vazoproning ta’sir mexanizmi uning keng ko‘lamli farmakologik ta’sirini belgilaydi. U mehnat qobiliyatini oshiradi, ruhiy va jismoniy zo‘riqish alomatlarini kamaytiradi.

Preparat yaqqol kardioprotektor ta’sir ko‘rsatadi. Yurak yetishmovchiligida u miokardning qisqarish qobiliyatini yaxshilaydi, jismoniy yuklamalarga chidamlilikni oshiradi. II va III funksional sinfdagi stabil stenokardiyada bemorlarning jismoniy mehnat qobiliyatini oshiradi va stenokardiya xurujlari chastotasini kamaytiradi.

Miya qon aylanishining o‘tkir va surunkali ishemik buzilishlarida Vazopro ishemiya o‘chog‘ida qon aylanishini yaxshilaydi, miya qon aylanishining ishemik soha foydasiga qayta taqsimlanishiga ta’sir qiladi.

Vazopro markaziy asab tizimiga tonusni oshiruvchi ta’sir ko‘rsatadi, u vegetativ asab tizimining funksional buzilishlarini, shu jumladan surunkali alkogolizm bilan og‘rigan bemorlarda abstinensiya sindromini bartaraf etadi. Preparat, shuningdek, to‘r pardaning distrofik o‘zgargan tomirlariga va hujayraviy immunitetga ijobiy ta’sir ko‘rsatadi.

Farmakokinetika

Biologik o‘zlashtirilishi 100% ni tashkil etadi. Qon plazmasidagi maksimal konsentratsiyaga yuborilgandan so‘ng darhol erishiladi. Yarim chiqarilish davri 3-6 soat.

Qo‘llanilishi

Kompleks terapiya tarkibida yurak ishemik kasalligi (stenokardiya, miokard infarkti, surunkali yurak yetishmovchiligi) va disgormonal kardiomiopatiya; miya qon bilan ta’minlanishining o‘tkir va surunkali buzilishlari (miya insultlari va miya qon aylanishining surunkali yetishmovchiligi); turli etiologiyali gemoftalm va to‘r pardaga qon quyilishlar, to‘r pardaning markaziy venasi va uning tarmoqlari trombozi, turli etiologiyali retinopatiyalar (diabetik, gipertoniya); mehnat qobiliyatining pasayishi, jismoniy zo‘riqishlar; surunkali alkogolizmdagi abstinent sindrom (alkogolizmning maxsus terapiyasi bilan birgalikda).

Qo‘llash usuli va dozalari

Preparat kattalarga vena ichiga va parabulbar yo‘l bilan quyidagi dozalarda yuboriladi.

Yurak-qon tomir kasalliklari.

Kompleks terapiya tarkibida - kuniga 0,5-1 g (5-10 ml eritma), bir vaqtning o‘zida butun dozani yoki uni 2 marta yuborishga bo‘lib. Davolash kursi 4-6 hafta.

Bosh miyada qon aylanishining buzilishi.

O‘tkir bosqich - 0,5 g (5 ml eritma) kuniga 1 marta vena ichiga 10 kun davomida, keyinchalik og‘iz orqali qabul qilishga o‘tiladi. Davolashning umumiy kursi 4-6 hafta.

Surunkali buzilishlar - peroral dori shaklini oladi.

Takroriy kurslarni (odatda yiliga 2-3 marta) shifokor maslahatidan so‘ng o‘tkazish mumkin.

To‘r pardaning qon tomir patologiyasi va distrofik kasalliklari.

Inyeksiya uchun 0,5 ml eritma 10 kun davomida parabulbar yuboriladi.

Aqliy va jismoniy yuklamalar.

0,5 g dan (5 ml) vena ichiga sutkada 1 marta. Davolash kursi - 10-14 kun. Zarur bo‘lsa, davolash 2-3 haftadan keyin takrorlanadi.

Surunkali alkogolizm.

Vena ichiga 0,5 g dan sutkada 2 marta. Davolash kursi - 7-10 kun.

Qarshi ko‘rsatmalar

Preparat komponentlariga yuqori sezuvchanlik. Kalla ichi bosimining oshishi (vena qon oqimi buzilganda, kalla ichi o‘smalarida). Markaziy asab tizimining (MAT) organik shikastlanishlari. Bolalik yoshi. Homiladorlik va emizish davri.

Nojo‘ya ta’sirlari

Yurak-qon tomir tizimi tomonidan: kamdan-kam hollarda - taxikardiya, aritmiya, arterial bosimning o‘zgarishi.

Qon yaratish tizimi tomonidan: eozinofiliya.

Markaziy asab tizimi tomonidan: kamdan-kam hollarda - bosh og‘rig‘i, bosh aylanishi, psixomotor buzilishlar, paresteziyalar, tremor, qo‘zg‘alish.

Oshqozon-ichak trakti tomonidan: kamdan-kam hollarda - diareya, ko‘ngil aynishi, qusish, qorinda og‘riq, dispeptik holatlar, og‘izda metall ta’mi, og‘iz qurishi yoki gipersalivatsiya.

Allergik reaksiyalar: kamdan-kam hollarda - terining qizarishi va qichishi, eshakem, toshma, angionevrotik shish; juda kam hollarda - anafilaktik shok.

Nafas tizimi tomonidan: hansirash, quruq yo‘tal.

Yuborilgan joydagi umumiy buzilishlar va reaksiyalar: giperemiya, yuborilgan joyda og‘riq.

Boshqalar: titroq, ko‘krak og‘rig‘i, holsizlik, gipertermiya, ko‘p terlash.

Dorilarning o‘zaro ta’siri

Preparatni antianginal vositalar, antikoagulyantlar va antiagregantlar, antiaritmik vositalar, yurak glikozidlari, diuretiklar, bronxolitiklar va boshqa preparatlar bilan kombinatsiyalash mumkin. Vazopro nitroglitserin, nifedipin, β-adrenoblokatorlar, antigipertenziv vositalar va periferik vazodilatatorlar ta’sirini kuchaytirishi mumkin.

Nomuvofiqlik

Noma’lum. Vazopro eritmasini bir shprisda boshqa preparatlar bilan aralashtirmaslik kerak.

Maxsus ko‘rsatmalar

Preparat jigar va buyrakning surunkali kasalliklarida ehtiyotkorlik bilan qo‘llanadi.

Stimullovchi ta’sir rivojlanishi mumkinligi sababli, Vazoproni kunning birinchi yarmida qo‘llash tavsiya etiladi.

Vazopro o‘tkir koronar sindromda birinchi qator dori vositasi emas.

Avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilish qobiliyati

Vazoproning reaksiya tezligiga salbiy ta’siri haqida ma’lumotlar yo‘q.

Homiladorlik yoki laktatsiya davrida qo‘llash

Vazoproning homiladorlik davrida qo‘llanilish xavfsizligi isbotlanmagan, shuning uchun preparatni homilador ayollarga buyurmaslik kerak.

Vazopni davolash davrida emizishni to‘xtatish kerak.

Bolalar

Bolalarda qo‘llash tajribasi yo‘q.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Vazoproning dozasini oshirib yuborish holatlari haqida ma’lumotlar yo‘q. Preparat kam zaharli.

Qon bosimi pasayishi, bosh og‘rig‘i, bosh aylanishi, taxikardiya, umumiy holsizlik kuzatilishi mumkin.

Davolash simptomatik.

Og‘ir dozani oshirib yuborish hollarida jigar va buyraklar funksiyasini nazorat qilish zarur.

Chiqarish shakli

Ampulada 5 ml dan. Blisterda 5 ta ampula. 2 tadan blister, qo‘llash bo‘yicha yo‘riqnoma bilan birga, qutiga solingan holda.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Muzlatmang.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

"Farmak" OAJ, "Lekxim-Xarkov" AJ.

Ariza beruvchining manzili

Ukraina, 04080, Kiyev sh., Frunze ko‘chasi, 63.

Ishlab chiqaruvchining manzili

"Farmak" OAJ: Ukraina, 04080, Kiyev shahri, Frunze ko‘chasi, 63.

"Lexim-Xarkov" AJ: Ukraina, 61115, Xarkov shahri, 17-partiya syezdi ko‘chasi, 36.

Arizachi

"Farmak" OAJ.