Geparin

1 g surtma tarkibida:

Ta’sir etuvchi moddalar: geparin natriy - 100 XB (geparin natriy faolligi 120 XB/mg bo‘lganda 0,833 mg), benzokain (anestezin) - 40,0 mg, benzilnikotinat - 0,8 mg.

Yordamchi moddalar: glitserol - 150 mg, vazelin - 60 mg, stearin kislotasi (stearin kislotasi 50) - 50 mg, shaftoli moyi - 50 mg, emulgator No 1 - 50 mg, metilparagidroksibenzoat - 1,5 mg, propilparagidroksibenzoat - 0,5 mg, suv - 1 g gacha.

Malham.

Geparin, kombinatsiyalar.ATX kodi: B01AB01.

Geparin - bevosita ta’sir qiluvchi antikoagulyant. Fibrin hosil bo‘lishini sekinlashtiradi, fiziologik antikoagulyant bo‘lib, antitrombin III ning faollashgan ivish omillari Ixa, Xa, XIa, XIIa ni ingibirlash qobiliyatini, katta konsentratsiyalarda esa trombin faolligini ham kuchaytiradi. Ayniqsa, ichki va tashqi koagulyatsiya tizimida ishtirok etuvchi faollashtirilgan X omilini ingibirlash qobiliyati juda muhimdir (bu ta’sir fibrinogendan fibrin hosil bo‘lishiga yordam beradigan trombin faolligini bostirish uchun talab qilinadigan geparinning ancha kichik dozalari fonida namoyon bo‘ladi, bu esa vena trombozining oldini olish uchun geparinning kichik dozalarini va davolash uchun katta dozalarini teri ostiga tayinlash imkoniyatini asoslaydi).

Geparin trombni eritish qobiliyatiga ega emas (fibrinolitik emas), lekin tromb hajmini kichraytirib, uning kattalashishini to‘xtatishi mumkin va bu holda trombning bir qismi tabiiy fibrinolitik fermentlar ta’sirida eriydi.

Geparin surtmasi yallig‘lanishga qarshi, trombozga qarshi, mahalliy og‘riqsizlantiruvchi va antikoagulyant ta’sirga ega.

Surtmadan asta-sekin ajralib chiqadigan geparin yallig‘lanish jarayonini kamaytiradi va antitrombotik ta’sir ko‘rsatadi, mavjud tromblarning so‘rilishiga yordam beradi va yangi tromblar hosil bo‘lishiga to‘sqinlik qiladi.

Benzilnikotinat yuzaki tomirlarni kengaytirib, geparinning yaxshi so‘rilishiga yordam beradi.

Mahalliy anestetik benzokain og‘riq sezgisini kamaytiradi.

• oyoq-qo‘llarning tromboflebitlari (asosan yuzaki);

• gemorroidal venalar trombozi;

• jarohatdan keyingi gematomalar;

• v/i inyeksiyalardan keyingi flebitlar.

TashqI qısm

Surtma jarohatlangan sohaga yupqa qavat qilib (diametri 3-5 sm bo‘lgan joyga 0,5-1 g (2-4 sm surtma) hisobida) surtiladi va ehtiyotkorlik bilan teriga surtiladi.

Surtma kuniga 2-3 marta har kuni yallig‘lanish belgilari yo‘qolguncha, o‘rtacha 3 kundan 7 kungacha qo‘llaniladi. Uzoqroq davolash kursini o‘tkazish imkoniyati shifokor tomonidan belgilanadi.

Tashqi gemorroidal tugunlar trombozida rektal tamponlar qo‘llaniladi, surtma bez yoki polotno qistirmaga surtiladi, u bevosita tromblangan tugunlarga qo‘yiladi va fiksatsiya qilinadi. Surtma shimdirilgan tampon orqa teshikka kiritiladi.

Malhamni har kuni, belgilar yo‘qolguncha, o‘rtacha 3-14 kun davomida qo‘llash kerak.

Mahalliy qizarish, teri qichishishi.

Malhamni ochiq yiringli yaralarga surtish mumkin emas.

Homiladorlik va laktatsiya davrida preparatni qo‘llash

Homiladorlikda faqat qat’iy ko‘rsatmalar bo‘yicha qo‘llash mumkin. Emizish davrida qo‘llash mumkin, chunki geparinning ona sutiga o‘tishi haqida ma’lumotlar yo‘q.

Yuqori konsentratsiyani talab qiladigan transport vositalari va mexanizmlarni boshqarish qobiliyatiga ta’siri

Ta’sir qilmaydi.

Surtma nosteroid yallig‘lanishga qarshi preparatlar (NYAQV), tetratsiklinlar, N1-gistamin retseptorlari blokatorlari bilan bir vaqtda mahalliy buyurilmaydi.

Surtma 20 g, 25 g, 30 g (tubalar).

Yorug‘likdan himoyalangan quruq joyda, 25 °C gacha bo‘lgan haroratda saqlanadi.

2 yil.

Yaroqlilik muddati tugaganidan keyin ishlatilmasin.

Retseptsiz.

Dentafill Plyus, MCHJ. O‘zbekiston.