Geparin

Tarkib

1 g uchun tarkib: ta’sir etuvchi moddalar: geparin natriy - 100 XB, benzokain (anestezin) - 40,0 mg, benzilnikotinat - 0,8 mg; yordamchi moddalar: glitserol, emulgator No 1, vazelin, stearin kislotasi, kungaboqar moyi, metilparagidroksibenzoat, propilparagidroksibenzoat, tozalangan suv.

Tavsif

Sarg‘ish tusli oq rangli surtma.

Chiqarish shakli

Sirtga qo‘llash uchun surtma.

Farmakoterapevtik guruh

Mahalliy qo‘llash uchun to‘g‘ridan-to‘g‘ri ta’sir etuvchi antikoagulyant vosita + boshqa preparatlar. Geparin boshqa preparatlar bilan kombinatsiyada. ATX kodi: C05BA53.

Farmakologik xususiyatlari

Farmakodinamika

Geparin bevosita ta’sir qiluvchi antikoagulyant bo‘lib, o‘rta molekulyar geparinlar guruhiga kiradi. Sirtga qo‘llanganda mahalliy antikoagulyant, ekssudatsiyaga qarshi, yallig‘lanishga qarshi o‘rtacha ta’sir ko‘rsatadi. Trombin hosil bo‘lishini bloklaydi. Geparin yallig‘lanish jarayonini kamaytiradi va antikoagulyant ta’sir ko‘rsatadi, bilvosita mikrotsirkulyatsiyani yaxshilaydi, bu gematomalar va tromblarning so‘rilish jarayoniga va to‘qimalarning shishishini kamaytirishga yordam beradi.

Benzokain - yuzaki anesteziya uchun mahalliy anestetik. Hujayra membranasining natriy ionlari uchun o‘tkazuvchanligini kamaytirib, nerv impulslarining o‘tishini bloklaydi. Sezuvchi nerv oxirlarida og‘riq impulslarining paydo bo‘lishiga va ularning nerv tolalari bo‘ylab o‘tishiga to‘sqinlik qiladi. Benzilnikotinat yuzaki tomirlarni kengaytirib, geparinning so‘rilishiga yordam beradi.

Farmakokinetika

Geparin. Kam so‘riladi. Plazma oqsillari bilan bog‘lanish - 95% gacha, taqsimlanish hajmi - 0,06 l/kg. Yo‘ldosh orqali va ona sutiga o‘tmaydi. Endotelial hujayralar va mononuklear-makrofagal tizim hujayralari tomonidan jadal qamrab olinadi, jigar va taloqda to‘planadi. Jigarda N-desulfamidaza va keyinchalik geparin metabolizmiga qo‘shiladigan trombotsitlar geparinazasi tomonidan metabolizmga uchraydi. Desulfatlangan molekulalar buyrak endoglikozidazasi ta’sirida past molekulyar bo‘laklarga aylanadi. Yarim chiqarilish davri 1-6 soat (o‘rtacha 1,5 soat); semizlikda, jigar va/yoki buyrak yetishmovchiligida ortadi; o‘pka arteriyasi tromboemboliyasi, infeksiyalar, xavfli o‘smalarda kamayadi.

Buyraklar orqali, asosan faol bo‘lmagan metabolitlar ko‘rinishida chiqariladi va faqat yuqori dozalar yuborilgandagina nomsiz holda (50% gacha) chiqarilishi mumkin. Gemodializ orqali chiqarilmaydi.

Benzokain sirtga qo‘llanganda deyarli so‘rilmaydi. Plazma va jigar xolinesterazalari bilan paraaminobenzoy kislota metabolitlarigacha gidrolizlanadi va siydik bilan chiqariladi.

Benzilnikotinat. Farmakokinetikasi o‘rganilmagan.

Ko‘rsatmalar

Yuzaki venalar tromboflebitini davolash, inyeksiyadan keyingi va infuziyadan keyingi flebit.

Qarshi ko‘rsatmalar

Preparat komponentlariga yuqori sezuvchanlik, yarali-nekrotik jarayonlar, teri butunligining travmatik buzilishi, 18 yoshgacha bo‘lgan bolalar.

Agar sizda sanab o‘tilgan kasalliklardan biri bo‘lsa, preparatni qo‘llashdan oldin shifokor bilan maslahatlashish zarur.

Ehtiyotkorlik bilan

Qon ketishiga moyillikning ortishi, trombotsitopeniya.

Qo‘llash usuli va dozalari

Tashqarida. Surtma jarohatlangan sohaga yupqa qilib surtiladi. Preparatning maksimal dozasi diametri 5 sm bo‘lgan joyga 1 g (4 sm surtma) hisoblanadi. Surtma yallig‘lanish belgilari yo‘qolguncha har kuni kuniga 2-3 marta, o‘rtacha 3 kundan 7 kungacha qo‘llaniladi. Uzoqroq davolash kursini o‘tkazish imkoniyati shifokor tomonidan belgilanadi.

Oyoq-qo‘llar tromboflebitlari, takroriy vena ichiga inyeksiyalardan keyingi flebitlar. Surtma jarohatlangan sohaga yupqa qavat qilib surtiladi (diametri 3-5 sm bo‘lgan joyga 0,5-1 g (2-4 sm surtma) hisobida) va surtma teriga ehtiyotkorlik bilan surtiladi. Surtma kuniga 2-3 marta har kuni yallig‘lanish belgilari yo‘qolguncha, o‘rtacha 3 kundan 7 kungacha qo‘llaniladi. Uzoqroq davolash kursini o‘tkazish imkoniyati shifokor tomonidan belgilanadi.

Agar 7 kunlik davolanish davomida ahvol yaxshilanmasa yoki alomatlar og‘irlashsa yoki yangi alomatlar paydo bo‘lsa, shifokor bilan maslahatlashish kerak.

Preparatni faqat ko‘rsatmalarga, qo‘llash usuliga va yo‘riqnomada ko‘rsatilgan dozalarda qo‘llang.

Nojo‘ya ta’sirlari

Teri giperemiyasi, allergik reaksiyalar, kontakt sezuvchanlik.

Preparat tarkibida metil- va propilparagidroksibenzoat mavjudligi sababli sekinlashgan turdagi allergik reaksiyalarni (masalan, kontaktli dermatit) yoki (kamroq hollarda) zudlik bilan yuzaga keladigan turdagi reaksiyalarni (eshakemi, bronxospazm) keltirib chiqarishi mumkin.

Preparatni qo‘llashda noxush reaksiyalar yuzaga kelsa, shifokorga murojaat qilish zarur.

Dozani oshirib yuborish

Hozirgi vaqtgacha Geparin surtmasidan foydalanganda dozani oshirib yuborish hodisalari tavsiflanmagan. Katta yuzalarga uzoq vaqt qo‘llanganda teri qizarishi, allergik reaksiyalar, kontakt sezuvchanligi kuzatilishi mumkin.

Davolash: preparatni bekor qilish. Zarurat bo‘lganda geparinning antagonisti - protamin sulfat (1% li eritma) qo‘llaniladi.

Preparatning dozasi oshirib yuborilgan taqdirda, darhol shifokorga murojaat qilish lozim.

O‘zaro aloqa

Nosteroid yallig‘lanishga qarshi vositalar, tetratsiklinlar, N1-gistamin retseptorlari blokatorlari bilan bir vaqtda sirtga buyurilmaydi. Sporina alkaloidlari, tiroksin, tetratsiklin, N1-gistamin retseptorlari blokatorlari va nikotin geparinning ta’sirini kamaytiradi.

Narkotik bo‘lmagan analgetiklar, xolinesteraza ingibitorlari bilan bir vaqtda qo‘llanganda benzokainning ta’siri kuchayadi. Benzokain bilan bir vaqtda qo‘llanganda sulfanilamidlarning antibakterial faolligi kamayadi.

Agar siz yuqorida sanab o‘tilgan yoki boshqa dori vositalarini (shu jumladan retseptsiz) qo‘llasangiz, preparatni qo‘llashdan oldin shifokor bilan maslahatlashing.

Maxsus ko‘rsatmalar

Ochiq yaralarga, shilliq pardalarga, yiringli jarayonlar mavjud bo‘lganda surtmaslik kerak. Ta’sirlanish rivojlanishi mumkinligi sababli preparatning ko‘zga tushishidan saqlanish lozim. Agar malham tasodifan ko‘zga tushib qolsa, uni darhol oqar suv bilan yuvish kerak.

Geparin malhamini uzoq vaqt davomida keng maydonlarda qo‘llash va bir vaqtning o‘zida qon ivish tizimiga va/yoki qon yaratilishiga ta’sir qiluvchi peroral dori vositalarini qabul qilishda qon ivish vaqti va protrombin vaqtini nazorat qilish lozim. Surtmani chuqur venoz trombozda qo‘llash tavsiya etilmaydi.

Preparatni mustaqil qo‘llashda maksimal muddat va tavsiya etilgan dozalardan oshib ketmaslik kerak. Agar kasallik belgilari kamaymasa yoki og‘irlashsa, shifokorga murojaat qilish kerak.

Homiladorlik va laktatsiya

Homiladorlik davrida va emizish davrida qo‘llash faqat ona uchun potensial foyda homila va bola uchun potensial xavfdan yuqori bo‘lgan taqdirdagina mumkin.

Geparin natriy yo‘ldosh orqali va ko‘krak sutiga o‘tmaydi.

Transport vositalari va mexanizmlarini boshqarish qobiliyatiga ta’siri

Ma’lumotlar yo‘q.

Qadoq

Alyuminiy tubalarga 25 g dan surtma.

Har bir tuba yo‘riqnoma bilan birga karton qutiga solinadi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan keyin qo‘llanilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

BELMEDPREPARATLAR Belarus Respublikasi

Ishlab chiqaruvchi

BELMEDPREPARATLAR Belarus Respublikasi