Indometatsin

Tarkib

Bir tuba quyidagilarni o‘z ichiga oladi: ta’sir etuvchi modda: indometatsin - 4,0 g;

yordamchi moddalar: dimetilsulfoksid, mochevina, makrogol (400-tur), makrogol (1500-tur), propilenglikol, levomentol, metilparagidroksibenzoat E 218, propilparagidroksibenzoat E 216, tozalangan suv.

Tavsif

Och sariqdan to‘q sariq ranggacha bo‘lgan, mentolning o‘ziga xos hidiga ega bo‘lgan bir xil maz.

Chiqarish shakli

Sirtga qo‘llash uchun surtma 100 mg/g.

Farmakoterapevtik guruh

Nosteroid yallig‘lanishga qarshi dori (NYAQD). Indometatsin. ATX kodi: M02AA23.

Farmakologik xususiyatlari

Farmakodinamika

Yallig‘lanishga qarshi prostaglandinlar sintezini boshqaruvchi siklooksigenaza-1 (SOG-1), siklooksigenaza-2 (SOG-2) ni noselektiv ingibirlashi bilan bog‘liq yallig‘lanishga qarshi, analgetik, shishga qarshi ta’sir ko‘rsatadi. Og‘riqni yo‘qotadi, shish, eritema, ertalabki qotib qolish va bo‘g‘im shishishini kamaytiradi, harakat hajmini oshirishga yordam beradi.

Farmakokinetika

Teri orqali so‘riladi, ko‘p marta qo‘llanilganda uning ostidagi to‘qimalarda, mushaklarda, bo‘g‘imlarda, sinovial suyuqlikda to‘planadi. Sirtga qo‘llanganda indometatsinning klinik jihatdan ahamiyatsiz miqdori tizimli qon oqimiga tushishi mumkin, u yerdan buyraklar orqali metabolitlar ko‘rinishida va oz miqdorda o‘zgarmagan holda, shuningdek, qisman oshqozon-ichak trakti orqali chiqariladi.

Ko‘rsatmalar

- Umurtqa pog‘onasining yallig‘lanish va degenerativ kasalliklarida (radikulit, osteoartroz, lyumbago, ishias) bel og‘rig‘i.

- Osteoartrozda bo‘g‘imlardagi og‘riqlar (qo‘l barmoqlari, tizza bo‘g‘imlari va boshqalar).

- Mushaklardagi og‘riqlar (cho‘zilish, zo‘riqish, lat yeyish, jarohatlar oqibatida).

- Yumshoq to‘qimalar va bo‘g‘imlarning jarohatlar natijasida hamda revmatik kasalliklarda (tendovagnit, bursit, periartikulyar to‘qimalarning zararlanishi, bilak-kaft sindromi) yallig‘lanishi va shishishi.

- Tayanch-harakat apparatining yallig‘lanish kasalliklari. Simptomatik davolash, foydalanish paytida og‘riq va yallig‘lanishni kamaytirish uchun mo‘ljallangan bo‘lib, kasallikning rivojlanishiga ta’sir qilmaydi.

Qarshi ko‘rsatmalar

Indometatsinga, boshqa nosteroid yallig‘lanishga qarshi dori vositalariga (NYAQDV) yoki dori vositasining boshqa tarkibiy qismlariga (jumladan, dimeksidga) yuqori sezuvchanlik; bronxial astmaning to‘liq yoki to‘liq bo‘lmagan kombinatsiyasi, burun va burun yondosh bo‘shliqlarining qaytalanuvchi polipozi va atsetilsalitsil kislotasi yoki boshqa NYAQDVlarni ko‘tara olmaslik (jumladan, anamnezda); preparat qo‘llanilishi kutilayotgan joyda teri butunligining buzilishi; homiladorlikning III trimestri va emizish davri; 6 yoshgacha bo‘lgan bolalar.

Ehtiyotkorlik bilan

Boshqa YAQNDV bilan bir vaqtda qo‘llash, jigar porfiriyasi (zo‘rayishi), oshqozon-ichak trakti a’zolarining zo‘rayish bosqichidagi eroziv-yarali kasalliklari (shu jumladan oshqozon va 12 barmoqli ichak yara kasalligi, yarali kolit, Kron kasalligi), jigar va buyraklar faoliyatining og‘ir buzilishlari (KK 30 ml/daqiqadan kam), qon ivishining buzilishi (shu jumladan gemofiliya, qon ketish vaqtining uzayishi, qon ketishga moyillik, gemorragik diatez); SYUYE, keksa yosh, aorta-koronar shuntlash o‘tkazilgandan keyingi holat, tasdiqlangan giperkaliyemiya, 6 yoshdan 12 yoshgacha bo‘lgan bolalar, homiladorlikning I-II trimestri.

Qo‘llash usuli va dozalari

Tashqarida. Kasal bo‘g‘imlarga yoki tananing biror joyiga yupqa qilib surtiladi, kattalar va 12 yoshdan boshlab bolalarga 2-3 sm (1-1,5 g) dan kuniga 3-4 mahal yengil harakatlar bilan teriga surtiladi, 6 yoshdan 12 yoshgacha bo‘lgan bolalarga 2-2,5 sm dan kuniga 2-3 mahal ishlatiladi.

Kattalar uchun surtmaning umumiy miqdori kuniga 15 sm dan oshmasligi kerak, bolalar uchun kunlik doza (6-12 yosh) 7,5 sm dan oshmasligi kerak.

Davolashning davomiyligi 7-10 kundan oshmasligi kerak.

Okklyuzion bog‘lamlardan foydalanish tavsiya etilmaydi.

Nojo‘ya ta’sirlari

Ba’zan terining qichishi va qizarishi, achishishi, toshma toshishi, po‘st tashlashi, terining qurishi kuzatilishi mumkin. Kamdan kam hollarda mahalliy shish va vezikulyoz toshmalar, ayrim hollarda esa angionevrotik shish va hansirash rivojlanadi. Teri yuzasining katta maydonida qo‘llanilganda tizimli reaksiyalar, asosan oshqozon-ichak buzilishlari (ishtahaning yo‘qolishi, ko‘ngil aynishi, qusish, ich ketishi, qorinda og‘riq, qon ketishi va yaralar) yuzaga kelishi mumkin. Ayrim hollarda psoriazning kuchayishi kuzatiladi.

Dimetilsulfoksid teriga qitiqlovchi ta’sir ko‘rsatishi mumkin.

Lanolin mahalliy teri reaksiyalarini (masalan, kontakt dermatit) keltirib chiqarishi mumkin.

Dozani oshirib yuborish

Dori vositasini tashqi qo‘llashda uning faol tarkibiy qismlarining juda past tizimli so‘rilishi dozani oshirib yuborishni deyarli imkonsiz qiladi.

Dozani oshirib yuborish hodisalari (asosan oshqozon-ichak yo‘li tomonidan) faqat teri yuzasining katta maydonida uzoq vaqt qo‘llanganda istisno qilinmaydi. Preparat ichga tushganda og‘iz bo‘shlig‘i shilliq qavatining achishishi, so‘lak ajralishi, ko‘ngil aynishi, qusish kuzatiladi, bu holda og‘iz bo‘shlig‘i va oshqozonni yuvish, faollashtirilgan ko‘mir qabul qilish, zarur bo‘lsa simptomatik davolash o‘tkazish zarur.

O‘zaro aloqa

Indometatsinning ta’siri uning glyukokortikosteroidlar va pirazolon hosilalari bilan kombinatsiyasida kuchayadi. Preparatni glyukokortikosteroidlar bilan bir vaqtda qo‘llash ularning ulserogen ta’sirining kuchayishiga olib keladi.

Fotosensibilizatsiyani chaqiruvchi dorilarning ta’sirini kuchaytirishi mumkin.

Maxsus ko‘rsatmalar

Surtmani faqat terining shikastlanmagan sohalariga surtish, ko‘zga va shilliq qavatlarga tushishidan saqlanish kerak.

Ko‘zlarga, shilliq pardalarga yoki ochiq yaralarga tushganda mahalliy ta’sirlanish - ko‘zdan yosh oqishi, qizarish, achishish, og‘riq kuzatiladi (davolash - shikoyatlarning kamayishi yoki yo‘qolishiga qadar zararlangan sohani oqar suv yoki 0,9% natriy xlorid eritmasi bilan ko‘p yuvish). Toshma toshganda davolashni to‘xtatish kerak. Uzoq davom etgan terapiyada (10 kundan ortiq) shifokor maslahati, shuningdek, qon manzarasini nazorat qilish (leykotsitlar va trombotsitlar sonini aniqlash) zarur. Okklyuzion bog‘lamlar ko‘rinishida qo‘llanilmaydi.

Transport vositalari va mexanizmlarini boshqarish qobiliyatiga ta’siri

Transport vositalarini boshqarish yoki mexanizmlar bilan ishlash qobiliyatiga ta’siri aniqlanmagan.

Qadoq

40 g alyuminiy tubalarga.

Karton qutiga tibbiyotda qo‘llash bo‘yicha yo‘riqnoma bilan birga bitta tuba soling.

Saqlash shartlari

25 °C dan yuqori bo‘lmagan haroratda. Bolalar qo‘li yetmaydigan joyda saqlang.

Yaroqlilik muddati

2 yil. Yaroqlilik muddati tugagandan so‘ng dori vositasidan foydalanmang.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

BORISOV TIBBIYOT VOSITALARI ZAVODI OAJ Belarus

Ishlab chiqaruvchi

BORISOV TIBBIYOT VOSITALARI ZAVODI OAJ Belarus