Aerolet

Tarkib

100 ml sirop tarkibida quyidagilar mavjud:

faol modda: chirmovuq barglari ekstrakti 0,7 g;

yordamchi moddalar: kaliy sorbati, suvsiz limon kislotasi, sorbitol, ksantan yelimi, "Gilos" xushbo‘ylantirgichi, sariq sanset, tozalangan suv.

Tavsif

Och jigarrang rangli, gilos hidiga ega qiyom.

Dori shakli

Sirop.

Farmakoterapevtik guruh

Balg‘am ko‘chiruvchi vositalar. ATX kodi: R05CA.

Farmakologik xususiyatlari

Farmakodinamika

Aerolet - o‘simliklardan olingan balg‘am ko‘chiruvchi preparat bo‘lib, saponinlar mavjudligi tufayli balg‘am ko‘chiruvchi, mukolitik va spazmolitik ta’sirga ega. Balg‘amning yopishqoqligini pasaytiradi va ajralishiga yordam beradi.

Farmakokinetika

Farmakokinetik ma’lumotlarni taqdim etish imkonsiz.

Qo‘llanilishi

Yo‘tal va yopishqoq, qiyin ajraladigan sekretsiya hosil bo‘lishi bilan kechuvchi nafas yo‘llarining o‘tkir va surunkali yallig‘lanish kasalliklarini simptomatik davolash, masalan, o‘tkir va surunkali bronxit, ayniqsa obstruksiya sindromi bilan.

Qo‘llash usuli va dozalari

Aerolet qiyomi ovqatdan keyin ichiladi. Qo‘llashdan oldin qiyomni chayqatish kerak. Kattalar va o‘smirlarga preparatni suyultirilmagan holda, emizikli va yosh bolalarga esa oz miqdordagi suvda suyultirib berish tavsiya etiladi.

Agar shifokor boshqa dozani tayinlamagan bo‘lsa, Aeroletni quyidagicha qabul qilish kerak:

1 yoshgacha bo‘lgan bolalar - kuniga 1 marta 2,5 ml sirop;

1 yoshdan 4 yoshgacha bo‘lgan bolalar - kuniga 3 mahal 2,5 ml sirop;

4 yoshdan 10 yoshgacha bo‘lgan bolalar - kuniga 4 mahal 2,5 ml sirop;

kattalar va 10 yoshdan oshgan bolalar - kuniga 3 mahal 5 ml sirop.

Preparatni qo‘llash davomiyligi kasallikning og‘irligiga bog‘liq, lekin 7 kundan kam bo‘lmasligi kerak. Kasallik belgilari yo‘qolganidan so‘ng, preparat bilan davolashni 2-3 kun davomida davom ettirish tavsiya etiladi. Agar ahvol yaxshilanmasa va/yoki qabul qilish muddati 2 haftadan oshmasa, shifokorga murojaat qilish zarur.

Qiyomni dozalash uchun 2,5 ml, 3 ml, 5 ml, 7,5 ml, 10 ml, 15 ml ga darajalangan o‘lchov stakani ishlatiladi.

Nojo‘ya ta’sirlari

Juda kam hollarda allergik reaksiyalar (toshma, eshakemi, Kvinke shishi); oshqozon-ichak buzilishlari (ko‘ngil aynishi, qusish, ich ketishi) kuzatilishi mumkin.

Qarshi ko‘rsatmalar

Preparatning biror komponentiga yuqori sezuvchanlik.

Dorilarning o‘zaro ta’siri

Preparatni yo‘talga qarshi qo‘llaniladigan kodein va dekstrometorfan kabi dori vositalari bilan bir vaqtda qo‘llash mumkin emas, chunki bu suyultirilgan balg‘am ajralishini qiyinlashtiradi.

Maxsus ko‘rsatmalar

Saqlash jarayonida qiyomning biroz loyqalanishi va ta’mining biroz o‘zgarishi mumkin, bu esa preparatning terapevtik ta’siriga ta’sir qilmaydi.

Fruktozani tug‘ma ko‘tara olmaydigan bemorlar uchun xavf mavjud. Bunday holda Aerolet preparatini faqat shifokor nazorati ostida qo‘llash mumkin.

Homiladorlik va laktatsiyada qo‘llash

Aerolet preparatini homiladorlik va laktatsiya davrida qo‘llash tavsiya etilmaydi, chunki ushbu davrda preparatni qo‘llash xavfsizligi haqida ma’lumotlar yo‘q.

Pediatriyada qo‘llanishi

Preparat pediatriya amaliyotida ishlatiladi.

Avtotransport va mexanizmlarni boshqarish qobiliyatiga ta’siri

Aerolet avtotransportni boshqarish va psixomotor reaksiyalarning yuqori tezligini talab qiladigan ishlarni bajarish qobiliyatiga ta’sir qilmaydi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Belgilangan kunlik dozadan sezilarli darajada yuqori (3 martadan ortiq) dozani qabul qilish ko‘ngil aynishi, qusish va ich ketishiga olib kelishi mumkin. Bunda bemor shifokorga murojaat qilishi kerak.

Chiqarish shakli

Ichish uchun qiyom 100 ml dan vintli himoya qopqoqli sariq shisha flakonda.

1 flakon, qo‘llash bo‘yicha yo‘riqnoma va o‘lchov stakani bilan birga, karton qutida.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

2 yil.

Dorixonalardan berish shartlari

Retseptsiz beriladi.

Ishlab chiqaruvchi

Savdo belgisi va ro‘yxatdan o‘tkazish guvohnomasining egasi kompaniya hisoblanadi

"Uorld Meditsin Iloch San. ve Tij. A.Sh.," Turkiya

("World Medicine İlaç San. ve Tic. A.Ş.," Turkey).

Ishlab chiqarilgan

"Farmag Ambalaj Sanayi ve Tijaret A.Sh.," Turkiya

(Avjilar Elchisi, Baglarichi Jaddesi No14, Kat: 2, Istanbul)

"Farmamag Ambalaj Sanayi ve Ticaret A.Ş.," Turkey

(Avcılar İlçesi, Bag‘lariçi Caddesi No:14, Kat: 2, İstanbul).

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"Evro Farm Biznes" MCHJ, UZ

O‘zbekiston Respublikasi, Toshkent shahri, Yakkasaroy tumani, Yakkasaroy ko‘chasi, 1-uy

Telefon: 212-18-41,212-20-58.