Aminalon

Dori preparatining tarkibi

Bitta tabletka tarkibida

faol modda - gamma-aminomoy kislotasi 250 mg,

yordamchi moddalar: povidon, magniy stearat, saxaroza, 85G18490 kodli II seriyali opadray (shu jumladan qisman gidrolizlangan polivinil spirti, talk, makrogol 3350 (polietilenglikol 3350), letsitin (soya)), "Oliy" navli nonvoylik bug‘doy uni, magniy karbonat asosiy, yengil, titan dioksidi (E171), sariq asalari mumi, qattiq parafin, tozalangan kungaboqar yog‘i.

Tashqi ko‘rinish, hid, ta’m tavsifi

Qobiq bilan qoplangan, oq yoki deyarli oq rangli, ikki tomonlama qabariq tabletkalar. Ko‘ndalang kesimda ikkita qatlam va ular orasidagi sezilarli chegara ko‘rinadi. Ichki qavati oq rangda bo‘lib, marmar xollari bor, tashqi qavati oq yoki deyarli oq rangda.

Dori shakli, dozasi

Qobiq bilan qoplangan tabletkalar 250 mg

Farmakoterapevtik guruh

Nerv sistemasi. Psixoanaleptiklar. Diqqat yetishmasligi va giperaktivlikda qo‘llaniladigan psixostimulyatorlar (ADHD-Attention deficit hyperactivity disorder) va nootrop vositalar. Boshqa psixostimullovchi va nootrop vositalar.

ATX kodi N06VX

Qo‘llanilishi

- bosh miya qon aylanishining buzilishi va bosh miya jarohatlaridan keyingi holatlar

- psixoorganik sindrom

- aterosklerotik, gipertoniya va alkogol ensefalopatiyasi

- kompleks terapiya tarkibida bolalarda bosh miya falaji va tug‘ruq jarohatining oqibatlari

- bolalarda aqliy rivojlanishdan orqada qolish

- kinetozlar (dengiz va havo kasalligi).

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- ta’sir etuvchi moddaga yoki yordamchi moddalarning istalganiga yuqori sezuvchanlik;

- o‘tkir buyrak yetishmovchiligi;

- homiladorlik (I trimestr), laktatsiya davri;

- 6 yoshgacha bo‘lgan bolalar.

Qo‘llashda zarur ehtiyot choralari

Dori preparati tarkibida saxaroza mavjud bo‘lib, ushbu preparatni fruktozani irsiy ko‘tara olmaslik, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarda qabul qilish mumkin emas.

Boshqa dori vositalari bilan o‘zaro ta’siri

Benzodiazepin hosilalari, talvasaga qarshi va sedativ-gipnotik vositalar bir vaqtda qo‘llanganda MNTga susaytiruvchi ta’sirni kuchaytirishi mumkin.

Gipotenziv preparatlar bilan bir vaqtda qo‘llanganda ularning ta’sirini kuchaytiradi.

Vinpotsetin, nimodipin, nitsergolin bilan birgalikda qo‘llanganda, gipotenziya fonida miya gipoperfuziyasi rivojlanishi munosabati bilan gipotenziya rivojlanishi va miya qon aylanishi buzilishlarining kuchayishi mumkin.

Maxsus ogohlantirishlar

Davolashning birinchi kunlarida labil qon bosimi bo‘lgan bemorlarda qon bosimi sezilarli darajada o‘zgarishi mumkinligi sababli aminalonni qo‘llashda alohida ehtiyotkorlik bilan yondashish lozim.

Homiladorlik va laktatsiya

Homiladorlik va laktatsiya davrida aminalonni qo‘llashning xavfsizligi va samaradorligi aniqlanmagan.

Preparatning avtotransport yoki potensial xavfli mexanizmlarni boshqarish qobiliyatiga ta’sir etish xususiyatlari.

Aminalonni qo‘llash vaqtida avtotransport yoki potensial xavfli mexanizmlarni boshqarishda ehtiyot bo‘lish kerak.

Qo‘llash bo‘yicha tavsiyalar

Dozalash tartibi

Kattalarga – sutkalik doza 3-3.75 g/sut (12-15 tabletka).

4-6 yoshli bolalarga – sutkalik doza 2.0-3.0 g/sut (8-12 tabletka).

7 yoshdan katta bolalar va o‘smirlarga - sutkalik doza 3 g/sut (12 tabletka).

Sutkalik doza 3 qabulga bo‘linadi.

Davolash kursi kamida 2-3 hafta (optimal 2-4 oy). Zarurat tug‘ilganda kurslar yiliga 1-2 marta takrorlanadi.

Kinetozlarni davolashda kattalarga 0,5 g dan (2 tabletka), bolalarga 0,25 g dan (1 tabletka) kuniga 3 mahal 3-4 sutka davomida, safar oldidan buyuriladi.

Yuborish usuli va yo‘li

Ovqatdan oldin ichiladi.

Doza oshirib yuborilganda ko‘riladigan choralar

Belgilari: ko‘ngil aynishi, qusish, oshqozonda og‘riq, tana haroratining ko‘tarilishi, bosh og‘rig‘i, uyquchanlik va bradikardiya.

Yordam choralari preparatni bekor qilish, oshqozonni faollashtirilgan ko‘mir bilan yuvish, o‘rab oluvchi vositalar (diosmektit, kraxmal shillig‘i) tayinlash, yuzaga kelgan buzilishlarni bartaraf etishga qaratilgan qo‘llab-quvvatlovchi va simptomatik terapiyani o‘z ichiga oladi.

Dori vositasini qo‘llash usulini tushuntirish uchun tibbiyot xodimiga murojaat qilish bo‘yicha tavsiyalar

Bu preparatni har doim shifokoringiz ko‘rsatmasiga muvofiq qo‘llang.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Noma’lum

- ko‘ngil aynishi, qusish, dispeptik holatlar;

- tana haroratining ko‘tarilishi, issiqlik hissi;

- uyqusizlik

- qon bosimining o‘zgaruvchanligi.

Chiqarilish shakli va qadoqlash

Plyonkali konturli katakli o‘ramga 10 ta tabletka

polivinilxlorid yoki plastifikatsiyalanmagan PVXdan tayyorlangan plyonkalar va alyuminiy folga yoki alyuminiy bosma loklangan folga yoki MK l-F markali kombinatsiyalangan material asosidagi egiluvchan qadoqlar.

5 ta konturli yacheykali o‘ram qozoq va rus tillaridagi tibbiy qo‘llash bo‘yicha yo‘riqnoma bilan birga xrom-erzas karton yoki GC-2, GC-1 markali sellyuloza karton paketga joylashtiriladi.

Guruhli qadoqlash va transport idishi.

Guruhli qadoqlash va transport idishi.

Saqlash muddati

3 yil.

Yaroqlilik muddati tugagandan so‘ng qo‘llanilmasin!

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Dorixonalardan berish shartlari

Retsept bo‘yicha.

Ishlab chiqaruvchi tafsilotlari

"Borisovskiy zavod meditsinskix preparatov" ochiq aksiyadorlik jamiyati ("BZMP" OAJ), Belarus Respublikasi, Minsk viloyati, Borisov shahri, Chapayev ko‘chasi, 64, tel/faks +375 (177) 734043.

Elektron pochta: [email protected]

Ro‘yxatdan o‘tkazish guvohnomasi egasi

"Borisovskiy zavod meditsinskix preparatov" ochiq aksiyadorlik jamiyati ("BZMP" OAJ), Belarus Respublikasi