vishillaydigan tabletkalar dori shakli uchun: natriy gidrokarbonat 826,40 mg, limon kislotasi 950,40 mg, sorbitol 700,00 mg, povidon 25,00 mg, natriy saxarinat 30,00 mg, natriy karbonat 93,00 mg, makrogol 70,00 mg, natriy laurilsulfat 0,20 mg, laym xushbo‘ylantirgichi ("Laym" xushbo‘y mevali qo‘shimchasi) 95,00 mg;

malina ta’mli vijillaydigan tabletkalar dori shakli uchun: natriy gidrokarbonat 692,40 mg, limon kislotasi 1100,60 mg, sorbitol 589,00 mg, povidon 25,00 mg, natriy saxarinat 15,00 mg, aspartam 32,00 mg, natriy karbonat 93,00 mg, makrogol 70,00 mg, natriy laurilsulfat 0,20 mg, natriy riboflavin-5-fosfat 1,00 mg, malina aromatizatori ("Malina" xushbo‘y meva qo‘shimchasi) 49,00 mg, ta’m korrektori 2,80 mg, qizil lavlagi sharbati kukuni 120,00 mg;

greypfrut ta’mli vijillaydigan tabletkalar dori shakli uchun: natriy gidrokarbonat 527,10 mg, limon kislotasi 1300,60 mg, sorbitol 589,00 mg, povidon 25,00 mg, aspartam 55,00 mg, natriy karbonat 93,00 mg, makrogol 70,00 mg, natriy laurilsulfat 0,20 mg, riboflavin-5-fosfat natriy 0,80 mg, limon xushbo‘ylantirgichi ("Limon" xushbo‘y mevali qo‘shimchasi) 14,00 mg, greypfrut xushbo‘ylantirgichi ("Greyppfrut" xushbo‘y mevali qo‘shimchasi) 112,50 mg, ta’m korrektori 2,80 mg.

Tavsif

vishillaydigan tabletkalar

Tabletkalar yumaloq, yassi, chetlari bir tomondan ajratuvchi chiziq bilan qiyshaygan, oq yoki deyarli oq rangli, sezilar-sezilmas marmarsimon, meva hidiga ega.

malina ta’mli vijillaydigan tabletkalar

Tabletkalar yumaloq, yassi, bir tomoni qiyshiq va ajratuvchi chiziqli, pushti, pushti-binafsha yoki binafsha rangli, ochroq va to‘qroq xol-xollari bor, o‘ziga xos meva hidiga ega.

greypfrut ta’mli vijillaydigan tabletkalar

Tabletkalar yumaloq, yassi, bir tomoni qiyshiq va ajratuvchi chiziqli, oq, deyarli oq yoki kremsimon-oq rangli, bilinar-bilinmas marmarsimon, o‘ziga xos sitrus hidli.

Farmakoterapevtik guruh

O‘RK va "shamollash" belgilarini bartaraf etish uchun vosita (analgetik bo‘lmagan vosita + vitamin + N1-gistamin retseptorlari blokatori). ATX kodi: N02BE51.

Farmakologik xususiyatlari

Kombinatsiyalangan preparat.

Paratsetamol og‘riq qoldiruvchi va isitma tushiruvchi ta’sirga ega; bosh va boshqa turdagi og‘riqlarni bartaraf etadi, isitmani tushiradi.

Askorbin kislota (vitamin C) oksidlanish-qaytarilish jarayonlarini, uglevod almashinuvini boshqarishda ishtirok etadi, organizmning qarshiligini oshiradi.

Xlorfenamin - N1-gistamin retseptorlari blokatori, allergiyaga qarshi ta’sirga ega, burun orqali nafas olishni yengillashtiradi, burun bitishi, aksirish, ko‘z yoshlanishi, qichishish va ko‘z qizarishini kamaytiradi.

Qo‘llanilishi

Yuqori harorat, titroq, bosh og‘rig‘i, bo‘g‘im va mushaklardagi og‘riqlar, burun bitishi hamda tomoq va burun bo‘shliqlaridagi og‘riqlar bilan kechadigan yuqumli-yallig‘lanish kasalliklari (O‘RVI, gripp).

Qo‘llash usullari va dozalari

Ichkariga. Kattalar va 15 yoshdan oshgan bolalarga 1 tabletkadan sutkada 2-3 marta. Tabletkani bir stakan (200 ml) iliq suvda (50-60 °C) to‘liq eritish va hosil bo‘lgan eritmani darhol ichish kerak. Preparatni ovqatlanish oralig‘ida qabul qilgan ma’qul. Maksimal sutkalik doza - 3 tabletka. Preparatni qabul qilishlar orasidagi interval 4 soatdan kam bo‘lmasligi kerak.

Jigar yoki buyrak faoliyati buzilgan bemorlarda va keksa yoshdagi bemorlarda preparatni qabul qilish oralig‘i 8 soatdan kam bo‘lmasligi kerak.

Og‘riq qoldiruvchi vosita sifatida buyurilganda shifokor bilan maslahatlashmasdan qabul qilish muddati 5 kundan, isitma tushiruvchi vosita sifatida esa 3 kundan oshmasligi kerak.

Nojo‘ya ta’sirlari

Preparat tavsiya etilgan dozalarda yaxshi o‘zlashtiriladi. Ayrim hollarda quyidagilar uchraydi:

MNT tomonidan: bosh og‘rig‘i, charchoq hissi.

Oshqozon-ichak trakti tomonidan: ko‘ngil aynishi, epigastral sohada og‘riq.

Endokrin tizim tomonidan: gipoglikemiya (komaning rivojlanishiga qadar).

Qon yaratish a’zolari tomonidan: kamqonlik, gemolitik kamqonlik (ayniqsa glyukoza-6-fosfatdegidrogenaza yetishmovchiligi bo‘lgan bemorlarda); juda kam hollarda - trombotsitopeniya; allergik reaksiyalar: teri toshmasi, qichishish, eshakemi, Kvinke shishi.

boshqalar: gipervitaminoz, moddalar almashinuvining buzilishi, issiqlik hissi, og‘iz qurishi, akkomodatsiya parezi, siydik tutilishi, uyquchanlik.

Preparatning barcha nojo‘ya ta’sirlari haqida shifokorga xabar berish kerak.

Qarshi ko‘rsatmalar

Paratsetamol, askorbin kislotasi, xlorfenamin yoki preparatning boshqa har qanday komponentiga yuqori sezuvchanlik.

Oshqozon-ichak traktining eroziv-yarali shikastlanishlari (zo‘rayish fazasida).

Yaqqol buyrak va/yoki jigar yetishmovchiligi.

Alkogolizm.

Yopiq burchakli glaukoma

Fenilketonuriya.

Prostata bezi giperplaziyasi.

Bolalik davri (15 yoshgacha).

Homiladorlik va laktatsiya davri.

Ehtiyotkorlik bilan - buyrak va/yoki jigar yetishmovchiligi, glyukoza-6-fosfatdegidrogenaza yetishmovchiligi, tug‘ma giperbilirubinemiyalar (Jilber, Dubin-Jonson va Rotor sindromlari), virusli gepatit, alkogolli gepatit, keksa yosh.

Dorilarning o‘zaro ta’siri

Qonda benzilpenitsillin va tetratsiklinlar konsentratsiyasini oshiradi.

Temir preparatlarining ichakda so‘rilishini yaxshilaydi (uch valentli temirni ikki valentli temirga aylantiradi); deferoksamin bilan bir vaqtda qo‘llanganda temirning chiqarilishini oshirishi mumkin.

Qisqa ta’sir qiluvchi salitsilatlar va sulfanilamidlar bilan davolashda kristalluriya rivojlanish xavfini oshiradi, buyraklar tomonidan kislotalarning chiqarilishini sekinlashtiradi, ishqoriy reaksiyaga ega bo‘lgan DV (shu jumladan alkaloidlar) chiqarilishini oshiradi, qondagi peroral kontratseptivlar konsentratsiyasini pasaytiradi. Etanolning umumiy klirensini oshiradi.

Etanol antigistamin preparatlarning sedativ ta’sirini kuchaytiradi.

Antidepressantlar, parkinsonizmga qarshi vositalar, antipsixotik vositalar (fenotiazin hosilalari) - nojo‘ya ta’sirlar rivojlanish xavfini oshiradi (siydik tutilishi, og‘iz qurishi, qabziyat). Glyukokortikosteroidlar - glaukoma rivojlanish xavfini oshiradi.

Bir vaqtda qo‘llanganda izoprenalinning xronotrop ta’sirini kamaytiradi.

Antikoagulyant preparatlarning ta’sirini oshirishi yoki kamaytirishi mumkin.

Antipsixotik preparatlar (neyroleptiklar) - fenotiazin hosilalarining terapevtik ta’sirini, amfetaminning kanalchalar orqali qayta so‘rilishini va tritsiklik antidepressantlarni kamaytiradi.

Jigarda mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini ko‘paytiradi, bu esa ozgina dozani oshirib yuborishda og‘ir intoksikatsiyalar rivojlanishi ehtimolini keltirib chiqaradi. Etanol o‘tkir pankreatit rivojlanishiga yordam beradi.

Mikrosomal oksidlanish ingibitorlari (jumladan, simetidin) gepatotoksik ta’sir xavfini kamaytiradi. Preparat va diflunisalning bir vaqtda qabul qilinishi paratsetamolning qon plazmasidagi konsentratsiyasini 50% ga oshiradi, gepatotoksikligi oshadi. Barbituratlarni bir vaqtda qabul qilish paratsetamolning samaradorligini pasaytiradi, askorbin kislotasining siydik bilan chiqarilishini oshiradi.

Paratsetamol urikozurik preparatlarning samaradorligini pasaytiradi.

Uyqu dorilarining ta’sirini kuchaytiradi.

Maxsus ko‘rsatmalar

Metoklopramid, domperidon yoki kolistiramin qabul qilganda ham shifokor bilan maslahatlashish kerak.

Tavsiya etilganidan ancha yuqori dozalarda uzoq muddat qo‘llanganda jigar va buyrak faoliyatining buzilish ehtimoli ortadi, periferik qon manzarasini nazorat qilish zarur.

Paratsetamol va askorbin kislotasi laboratoriya tekshiruvlari ko‘rsatkichlarini (qon plazmasidagi glyukoza va siydik kislotasi miqdorini miqdoriy aniqlash, bilirubin, "jigar" transaminazalari faolligi, LDG) buzishi mumkin.

Jigarning toksik shikastlanishini oldini olish uchun paratsetamolni alkogolli ichimliklar qabul qilish bilan birga qo‘llash, shuningdek, alkogolni surunkali iste’mol qilishga moyil bo‘lgan shaxslarga berish mumkin emas. Alkogolli gepatoz bilan og‘rigan bemorlarda jigar shikastlanishi xavfi ortadi.

Tez proliferatsiyalanuvchi va intensiv metastaz beruvchi o‘smalari bo‘lgan bemorlarga askorbin kislotasini buyurish jarayonning kechishini og‘irlashtirishi mumkin. Organizmda temir miqdori yuqori bo‘lgan bemorlarda askorbin kislotasini minimal dozalarda qo‘llash lozim.

Dozani oshirib yuborish

Preparatning dozasini oshirib yuborish alomatlari uning tarkibidagi moddalarga bog‘liq. Paratsetamolning o‘tkir dozasini oshirib yuborishning klinik ko‘rinishi uni qabul qilgandan keyin 6-14 soat ichida rivojlanadi. Dozaning surunkali oshirib yuborilishi belgilari dozaning oshirib yuborilishidan 2-4 kun o‘tgach namoyon bo‘ladi.

Paratsetamol bilan o‘tkir zaharlanish belgilari: diareya, ishtahaning pasayishi, ko‘ngil aynishi va qusish, qorin bo‘shlig‘ida noqulaylik va/yoki qorin og‘rig‘i, terlashning kuchayishi.

Xlorfenamin bilan zaharlanish belgilari: bosh aylanishi, qo‘zg‘alish, uyquning buzilishi, depressiya, talvasalar.

Davolash: simptomatik.

Chiqarish shakli

Vishillaydigan tabletkalar

Plastik qalamdonda 10 tadan tabletka; Al/Al tasmasida 6 tadan tabletka.

Karton qutida 5 tadan, qo‘llanmasi bilan birga.

1 tadan qalamdon karton qutida yoki qo‘llash bo‘yicha yo‘riqnoma bilan birga osib qo‘yish moslamasi bo‘lgan quti-xatjildda.

Malina ta’mli, greypfrut ta’mli vishillaydigan tabletkalar

Plastik qalamdonda 10 tadan tabletka;

1 tadan qalamdon karton qutida yoki qo‘llash bo‘yicha yo‘riqnoma bilan birga osib qo‘yish moslamasi bo‘lgan quti-xatjildda.

Saqlash shartlari

10-30 °C haroratda.