Az Korni

Tarkib

Har 5 ml tarkibida quyidagilar mavjud:

faol moddalar: levokarnitin - 1000,0 mg;

yordamchi moddalar: xlorid kislota, inyeksiya uchun suv.

Dori shakli

Inyeksiya uchun eritma 1000,0 mg /5 ml.

Farmakoterapevtik guruh

Oshqozon-ichak trakti kasalliklari va moddalar almashinuvi buzilishlarini davolash uchun boshqa preparatlar.

Farmakologik ta’siri

Metabolik jarayonlarni korreksiyalash uchun preparat.

Levokarnitin - B guruhi vitaminlariga yaqin bo‘lgan tabiiy modda.

Moddalar almashinuvi jarayonlarida yog‘ kislotalarini hujayra membranalari orqali sitoplazmadan mitoxondriyaga tashuvchi sifatida ishtirok etadi, bu yerda bu kislotalar β-oksidlanish jarayoniga uchrab, ko‘p miqdorda metabolik energiya (ATF shaklida) hosil qiladi.

Preparat oqsil va yog‘ almashinuvini me’yorlashtiradi, qonning ishqoriy zaxirasini tiklaydi, ketokislotalar hosil bo‘lishini va anaerob glikolizni susaytiradi, laktatsidoz darajasini kamaytiradi, shuningdek, harakat faolligini oshiradi va jismoniy yuklamalarga chidamlilikni oshiradi, shu bilan birga glikogenning tejamli sarflanishiga va uning jigardagi zaxirasining ko‘payishiga yordam beradi.

L-karnitin - B guruhi vitaminlariga yaqin bo‘lgan tabiiy modda. U moddalar almashinuvi jarayonlarida yog‘ kislotalarini hujayra membranalari orqali sitoplazmadan mitoxondriyalarga tashuvchi sifatida ishtirok etadi, bu yerda bu kislotalar ko‘p miqdorda metabolik energiya (ATF shaklida) hosil qilish bilan beta-oksidlanish jarayoniga uchraydi.

Az Korni - oqsil va yog‘ almashinuvini me’yorlashtiradi, qonning ishqoriy zaxirasini tiklaydi, ketokislotalar hosil bo‘lishini va anaerob glikolizni susaytiradi, laktatatsidoz darajasini pasaytiradi, shuningdek, harakat faolligini oshiradi va jismoniy yuklamalarga chidamlilikni oshiradi, shu bilan birga glikogenning tejamli sarflanishiga va uning jigardagi zaxiralarining ko‘payishiga yordam beradi.

Az Korni - anabolik ta’sir ko‘rsatadi, gipertireozda yuqori asosiy almashinuvni normallashtiradi, tiroksinning qisman antagonisti bo‘lib, oshqozon shirasi sekretsiyasini rag‘batlantiradi, oqsil va uglevod molekulalarining parchalanishini sekinlashtiradi. Ortiqcha tana vaznini kamaytiradi va mushaklardagi yog‘ miqdorini kamaytiradi. Neyrotrofik ta’sir ko‘rsatadi, apoptoz rivojlanishini tormozlaydi, zararlangan sohani chegaralaydi va nerv to‘qimasining tuzilishini tiklaydi.

Farmakokinetika

Parenteral yuborilganda barcha to‘qimalarga yaxshi o‘tadi, yuqori konsentratsiyalar skelet mushaklari va miokardda hosil bo‘ladi, terapevtik konsentratsiyalar 9 soatgacha saqlanadi.

Buyraklar orqali asosan atsil efirlar ko‘rinishida (24-soat davomida 80% dan ortiq) chiqariladi, erkin karnitin esa qayta so‘riladi.

Ko‘rsatmalar

kattalar, bolalar, shu jumladan yangi tug‘ilgan chaqaloqlarda karnitinning birlamchi yoki ikkilamchi yetishmasligi;

buyrak yetishmovchiligining germinal bosqichi bo‘lgan gemodializli bemorlarda karnitinning ikkilamchi tanqisligi (chunki bunda odatda buyraklarda qayta so‘riladigan erkin karnitin organizmdan chiqib ketadi va sog‘lom buyraklar tomonidan ajratiladigan asil efirlari to‘planadi);

to‘liq parenteral oziqlantirishda bo‘lgan chala tug‘ilgan chaqaloqlarda karnitin yetishmovchiligi. Oziq moddalarni venaga yuborish ularning dastlab ichak devori va jigar orqali o‘tishini istisno qiladi. Natijada qon plazmasida ortiqcha lipidlar paydo bo‘ladi, bu esa barcha biokimyoviy reaksiyalarning tezligini pasaytiradi (xususan, metioninning metil guruhlari utilizatsiyasi buziladi);

karnitin sarfi keskin oshgan bemorlarda (masalan, gipoksiya, difteriya, valproat kislotasi preparatlarini qabul qilish va hokazo) organizmda karnitin yetishmovchiligi;

 bolalarda tana vaznining sekin ortishi va o‘sishning kechikishi;

YUIK fonida miokard metabolizmining buzilishi (barqaror stenokardiya, infarktdan keyingi o‘tkir kardioskleroz);

miya qon aylanishining o‘tkir va surunkali buzilishi (insult, turli genezli ensefalopatiya);

kardiomiopatiyalarda (miokardda yog‘ kislotalarining energiya manbai sifatida utilizatsiyasi juda jadal kechadi, shuning uchun karnitinga alohida ehtiyoj mavjud. Uni kiritgandan so‘ng qisqarish kuchining oshishi, mushaklarning keyingi degeneratsiyasining oldini olish, EKGning me’yorlashuvi qayd etiladi);

skelet mushaklarining zaifligi va/yoki miopatiya;

chala tug‘ilgan chaqaloqlarda distress-sindrom;

organik atsidemiya

Bu patologiya organik kislotalar normal almashinuvining tug‘ma yoki genetik buzilishlari oqibatidir. Bunday bemorlarda KoA ning asil metabolitlari, masalan, propionil-KoA hujayralarda to‘planib, karnitinning asil efirlariga aylanadi va u bilan birga hujayralardan chiqarilib, uning hujayra ichidagi tanqisligiga olib keladi. Jigarda propion kislotasi qoldig‘i oksidlanishli fosforlanishni susaytirib, uning faoliyatini buzadi; anabolik vositalarni qo‘llash ko‘rsatilgan kasalliklar (kompleks davolashda)

Qo‘llash usuli va dozalari

Vena ichiga, sekin (2-3 daqiqa) yoki infuziya yo‘li bilan yuboriladi.

12 yoshgacha bo‘lgan bolalar: Karnitinning birlamchi yoki ikkilamchi tanqisligi. O‘tkir dekompensatsiya holatida kuniga 50 dan 100 mg/kg gacha 3-4 marta buyuriladi. Buyrak yetishmovchiligining terminal bosqichida bo‘lgan gemodializli bemorlarda karnitinning ikkilamchi tanqisligi: 10 dan 20 mg gacha bo‘lgan doza har bir gemodializ muolajasi yakunida (haftada uchta gemodializ muolajasi o‘tkazilganda) yuboriladi.

Vena ichiga yuborish davomiyligi uch oydan oshmasligi kerak.

Odatda takroriy davolash kursi buyuriladi. Kattalar va 12 yoshdan oshgan bolalar: Odatda sutkalik doza 1 g dan 3 g gacha 3-4 mahal buyuriladi. Davolash kuniga 1 g dan boshlanadi. Shifokor bemorni tekshirgandan so‘ng, bemorning holatiga qarab, dozani kuniga 3 g gacha oshirish mumkin. Birlamchi yoki ikkilamchi karnitin yetishmovchiligi. O‘tkir dekompensatsiya holatida kuniga 50 dan 100 mg/kg gacha 3-4 marta buyuriladi.

Zarurat tug‘ilganda yuqoriroq dozalar berilishi mumkin. Buyrak yetishmovchiligining terminal bosqichidagi gemodializli bemorlarda karnitinning ikkilamchi tanqisligi: 20 mg/kg/kun hisobidagi doza har bir gemodializ muolajasi yakunida (haftada uchta gemodializ muolajasi o‘tkazilganda) kiritiladi. Vena ichiga davolashning davomiyligi uch oydan va mushaklardagi L-karnitin miqdorining normal darajasini tiklash uchun zarur bo‘lgan davrdan oshmasligi kerak. Davolashning takroriy kursi zarurati bemorning holatini nazorat qilishda muntazam davriylik bilan amalga oshiriladigan qon plazmasidagi L -karnitin miqdori bilan belgilanadi.

Nojo‘ya ta’sirlari

urologik bemorlarda yengil miastenik buzilishlar;

to‘sh osti sohasidagi og‘riqlar;

preparatni vena ichiga tez yuborganda (80 tomchi/daqiqa va undan ortiq) vena bo‘ylab og‘riq paydo bo‘lishi mumkin, bu esa yuborish tezligini pasaytirganda o‘tib ketadi.

Dozani oshirib yuborish

L-karnitinning dozasi oshirib yuborilganda toksikligi haqida ma’lumotlar yo‘q.

Preparatning o‘zlashtirilishi qabul qilishning birinchi haftasi davomida va qabul qilinayotgan dozaning har bir oshishidan keyin nazorat qilinadi.

Belgilari: preparatning yuqori dozalari ich ketishini keltirib chiqaradi.

Davolash: Preparat qabul qilish dozasini kamaytirish va o‘rinbosar terapiya.

Qarshi ko‘rsatmalar

Preparat komponentlariga yuqori sezuvchanlik.

Maxsus shartlar

Adekvat dozani aniqlash uchun qon plazmasi va siydikdagi erkin va atsil L -karnitin darajasini o‘lchash orqali terapiyani nazorat qilish tavsiya etiladi.

Plazmadagi karnitin konsentratsiyasi 35 dan 60 mkmol/l gacha. Plazmada atsil va erkin L -karnitinning nisbati 0,35 dan kam.

L -karnitin inson organizmi uchun tabiiy eritma bo‘lgani uchun o‘rganib qolishga olib kelmaydi. Insulin yoki gipoglikemik peroral davo olayotgan diabetik bemorlarga L-karnitin yuborish ularda gipoglikemiya chaqirishi mumkin. Bunday bemorlarda gipoglikemik davolashni tartibga solish uchun plazmadagi glyukoza darajasi doimiy ravishda nazorat qilinishi kerak.

Transport vositasini yoki potensial xavfli mexanizmlarni boshqarish qobiliyatiga ta’sir qilmaydi.

Bolalarda qo‘llanilishi

Preparat bolalarga ko‘rsatmalarga ko‘ra va yoshni hisobga olgan holda buyuriladi.

Homiladorlik va emizish davrida

Homiladorlik yoki emizish davrida faqat o‘ta zarurat tug‘ilganda, agar ona uchun foyda homila yoki bola uchun potensial xavfdan yuqori bo‘lsa, buyuriladi.

Dorilarning o‘zaro ta’siri

Preparatni qabul qilishdan oldin shifokorga boshqa preparatlarni qabul qilish haqida ma’lumot berish kerak.

Glyukokortikoidlar ko‘plab to‘qimalarda (jigardan tashqari) karnitin miqdorini oshiradi.

Xolinning haddan tashqari dozasi karnitin sintezi va faolligini tormozlaydi.

Karnitinni turli anabolik vositalar; antioksidant va/yoki antigipoksant faollikka ega preparatlar bilan birga qo‘llash mumkin.

Saqlash shartlari

25 °C dan yuqori bo‘lmagan haroratda, yorug‘likdan himoyalangan joyda saqlang.

Bolalar qo‘li yetmaydigan joyda saqlang!

Yaroqlilik muddati

Ishlab chiqarilgan sanadan boshlab 3 yil.

Preparat qadog‘ida ko‘rsatilgan saqlash muddati tugagandan so‘ng qo‘llanilmasin.

Chiqarish shakli

5 ml preparatdan 5 ml eritma qahrabo rangli shisha ampulalarda, sinish belgisi bilan.

5 ta ampula termoplastik konturli yacheykali o‘ramga joylashtiriladi.

1 ta konturli o‘ram davlat va rus tillarida tibbiy qo‘llash bo‘yicha yo‘riqnoma bilan birga karton qutiga joylashtiriladi.

Ishlab chiqaruvchi

Coral Laboratories Ltd, Hindiston.