Vitamin B6 (piridoksin)

Tarkib

Ta’sir etuvchi moddasi: Pyridoxine.

Dori shakli

Inyeksiya uchun 5% li eritma 1 ml N5 (1x5), N10 (2x5), N10 (1x10) (ampulalar).

Farmakoterapevtik guruh

Vitaminlar.

Farmakologik xususiyatlari

Piridoksin moddalar almashinuvida katta rol o‘ynaydi. U markaziy va periferik asab tizimining normal ishlashi uchun zarur. Organizmga tushganda fosforlanib, piridoksal-5-fosfatga aylanadi va aminokislotalarning dekarboksillanishi hamda qayta aminlanishini amalga oshiruvchi fermentlar tarkibiga kiradi. Triptofan, metionin, sistein, glutamin va boshqa aminokislotalar, shuningdek, gistamin, sianokobalamin (vitamin B12) va folat kislotasi almashinuvida faol ishtirok etadi, GAMK, glitsin, serotonin hosil bo‘lishi uchun zarur. Yog‘ almashinuvi jarayonlarida ishtirok etadi. Aterosklerozda lipid almashinuvini yaxshilaydi.

Ko‘rsatmalar

B6-gipovitaminozda, homiladorlar toksikozida, sideroblast kamqonlikda, leykopeniyada, MNT kasalliklarida (parkinsonizm, kichik xoreya, Littl kasalligi, radikulitlar, nevritlar, nevralgiyalar, Mener kasalligi, involyutsion yoshdagi depressiya), dengiz va havo kasalliklarida, aterosklerozda, qandli diabetda, seboreyasimon va seboreyasiz dermatitlarda, psoriazda, ekssudativ diatezlarda, izonikotin kislotasi gidrazid hosilalarini qo‘llashda nevritlar va boshqa asoratlarning oldini olish uchun qo‘llaniladi.

Qo‘llash usuli

Parenteral teri ostiga (p/k), mushak orasiga (m/i) va vena ichiga (v/i) kattalarga sutkasiga 0,05-0,1 g (1-2 ml 5% li eritma) dan (1-2 qabulda), bolalarga 0,02 g (0,4 ml 5% li eritma) dan yuboriladi, davolash kursi kattalar uchun 1 oy, bolalar uchun 2 hafta. Sideroblast kamqonlikni davolash uchun 0,1 g dan (2 ml 5% li eritma) haftasiga 2 marta m/o buyuriladi. Folat kislotasi, sianokobalamin, riboflavinni bir vaqtda qabul qilish maqsadga muvofiqdir. Involyutsion yoshdagi depressiyalarda kuniga 0,2 g dan (4 ml 5% li eritma) m/o yuboriladi. Parkinsonizmda kuniga 0,1 g dan (2 ml 5% li eritma) m/o buyuriladi va har kuni dozani 0,05 g dan 0,3-0,4 g gacha, sutkada 1 marta oshirib boriladi. Davolash qisqa kurslar (12-15 kun) bilan olib boriladi.

Nojo‘ya ta’sirlari

Allergik reaksiyalar (teri toshmalari ko‘rinishida), oshqozon shirasi kislotaliligining oshishi.

Qarshi ko‘rsatmalar

Preparatga yuqori sezuvchanlik.

Dorilarning o‘zaro ta’siri

Izoniazid, sefalosporinlar, penitsillinlar, levodopa bilan bir vaqtda qo‘llanganda preparatning samaradorligi pasayadi. Preparatni bir shprisda sianokobalamin (V12 vitamini) va tiamin (V1 vitamini) bilan aralashtirmaslik kerak.

Maxsus ko‘rsatmalar

Preparatni me’da va o‘n ikki barmoqli ichak yara kasalligi (me’da shirasining kislotaliligi oshishi ehtimoli tufayli), jigarning og‘ir shikastlanishi va yurakning ishemik kasalligi bo‘lgan bemorlarga ehtiyotkorlik bilan buyurish lozim. Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Chiqarish shakli

Inyeksiya uchun 5% li eritmasi 5 ml dan ampulalarda.

Saqlash shartlari

Yorug‘likdan himoyalangan joyda, 25 oC dan yuqori bo‘lmagan haroratda.

Yaroqlilik muddati

3 yil.

Ta’til shartlari

Retsept bo‘yicha.

Ishlab chiqaruvchi

Radiks, NPP, O‘zb